رواية فوضى المشاعر
الجزء الخامس
اتهمونا بقلة الوفا…وحكو حكي ما بينحكى
قالولنا انت خلقتو الجفا …وبعدتو كتير عن الهوا
والحب اللي القلب فيه انكوى ..كان خيال… وماض انطوى
لا تحط الحق علي ..وتقلي اتطلعي على اللي احنا فيه
لا تبررلي كزبك ..وتجي تحكي انا ضعت بسببك
وقف محلك واسكت …لو كنت انذل نساء الارض
مش من حقك تخوني ..او تفكر تكسرني وتمحيني
من لما صرت ع اسمك ..صرت انا اللي بملكك
فلا تبرر الخيال ..وتخليه حق يقال
لانو اول عن اخر ..انت خاين…. والخاين مالو امان
احداث كثيرة صارت بالقصة ناس ماتت و ناس اتغيرت حياتها و ناس مصيرها مجهول ….
بس الكل حاسب و اتحاسب بس اصعب حساب انك انت تكون الجلاد على نفسك …..
هالغرفة يلي كان فيها مجوعة أشخاص ما ضل فيها الا عماد و حلا بعد اختفاء رامي
قبل ما نعرف شو راح يصير فيهم راح نروح لعند رامي
بلش يفتح عيونو شوي شوي وعم يطلع عالمكان اللي صحي فيه حاول يحرك ايدو بس ما قدر
كان في سلاسل بايديه بتمنعه انه يتحرك وقدامه فيه شاشات كتيرة مغطية الحيطة البيضا وكلها معتمة وسودا
حاول يفك حالو وقت سمع صوت جاي من الشاشات وصورة صبية مبتسمة طالعة خلتو ينسى شو بصير معو ويرجع بذاكرته لوقت اخذ هالصورة لحبيبته
رامي :اشتقتلك يا دبة ليه اتأخرتي …. و بعدين شو كل هالجمال
ريهام : استنى علي اشوي وانا كمان اشتقتلك
رامي : قبل اي شي استني اصورلك
طلع على الشاشة فيديو لريهام
(بتذكر هاي الصورة وقت ما كنت اتحبني وما كنت شايف غيري بالدنيا ….عمري ما شكيت بحبك الي بس شو يلي صار …. اكيد راح تستغرب هاد الشريط انا اليوم قررت اترك البيت واطلب الطلاق)
رجعت الشاشة صارت سودا…..بس ما في دقائق وطلع كمان فيديو
(هاد ثاني فيديو ….بتذكر يوم زواجنا شوف كيف كانوا يلمعو عيونك كانت كلها حب لك عيونك كانوا مرايتي للحياة…..الكل حوالينا مبسوط و فرحان معانا لو كانوا يعرفو انو بيوم الجرح راح يزورنا كانو بكيو قبل الفرحة )
خلص هالفيديو بغصة بقلب رامي يلي اتذكر جمال ريهام وقت العرس وكيف كانت فرحانة فيه ….كيف اول ما شافته و شافها ضمو بعض انو خلص صارو لبعض وما في شي بفرقهم نسيو العالم…نسيو العرس و عايشو بعالمهم يلي كله حب و فرح و تخطيط كيف حياتهم راح تكون احلى حياة أساسها الحب و التفاهم و الثقة ….
لحظة لحظة …. ارجع اشتغل فيديو ثالث
(انا بعرف بشو فكرت بعد هالفيديو كيف خطتتنا لحياتنا و على شو اسسناها بس شو صار بالأساس ….
ما بنكر حياتي معك كانت احلى شي بحياتي و خصوصي وقت ما اخسرنا ريماس و انا اخسرت فكرة كون ام هاد الشي يلي انت بتعرفه)
هالمرة اتسكرت الشاشة لمدة ساعة و رامي عم يفكر شو قصدها ريهام شو يلي انا ما بعرفه
لأول مرة رامي بشوف ياسر
رامي : مين انت
ياسر: انا يلي حطيتك بهاد المكان
رامي : ياسر
ياسر: اي
رامي : بتعرف شو بالاول كنت بتمني اشوفك لحتى اقتلك بس هلأ ما عاد بدي شي الا شوف ريهام
ياسر : انا جاي كملك باقي الحقيقة يلي خبتها ريهام عنك
رامي : شو هي
ياسر : الحادث يلي صار معاكم و ماتت فيه بنتك ريماس
وقتها الدكاترة خبروك انو ريهام خلص ما عاد تقدر اتجيب اولاد
رامي : صح هالحكي و هالشي بعرفه
ياسر : بس يلي ما بتعرفه
لهون بكفيكم بعدين بتعرفو شو صار و شو مصير رامي ضل معانا شخصين و هما اساس هالقصة عماد و حلا
يا ترى عماد راح يتعاقب على خيانته لحلا و لسى كمان شو قصته ما ياسر
ما ضل كثير لتنكشف كل الغاز هل قصة