رواية فوضى المشاعر
الجزء التاسع و الاخير
عيش حياتك مع شريكك لحظة بلحظة وبكل نفس اتزكر انه لولا الزمن ما كنتو هلا سوا.. ولولا القدر كان زمان اتفرقتوا …
فلا تحكي انو شريكي عنده نقص أو مليت أو مليون حجة ممكن اتطلع فيه…..
بيكفي غدر الزمن فلا تكون انت كمان غدار متل امواج البحر اللي بتسرق كل شي بقلب النهار
مرقت سنين على الحادث الآليم…. ولليوم ما حدا بيعرف باللي صار
وصل خبر للشرطة عن المكان وقت فتشو لاقو جثة وحدة بس وهي جثة عماد
بعد ما اندفن واندفنت معو الاسرار… ما ضل حدا بيتزكر شو اللي صار … وللأسف الانسان العاطل مصيرو النسيان
بعد هالمدة الطويلة وكل شخص قرر مصيرو اللي يمشي فيه
رامي بعد ما اهمل شغلو رجعلو وقرر يطوي هو وريهام كل الصفحات القديمة… وشوي شوي اللي انكسر اتصلح..
صح اوقات بيصحى مرعوب وبيطلع ازا هي جمبو او لا بس بعدها بيضمها بيرجع ينام بس وين النوم … سمع صوت بكا طفلة صغيرة خلتو يقوم وهو مبتسم
حكينا زمان( اللي بكون واثق من العدل الالهي وواثق بانو القدر رح ينصفو) فاكيد ما في شي رح يكون بعيد
صحيح عانى سنتين وهو بيتعالج بالسر بدون ما حدا يعرف بس بالنهاية وقت حملت ريهام …. نسي كل تعب السنين والايام
وحلا …. شو مسكينة يا حلا … رغم كل اللي واجهته والتعب والارهاق والانكسار اللي كان قدرت ترجع توقف على رجليها
بس ما قدرت تترك البلد وتبعد سيلا عن المكان
بوقت ولادتها ما نسيت بلحظة انه هي بنتها وتناست لكتير وقت مين هو ابوها … تركت كل شي وراها وكانت حياتها الها ولبنتها
ياسر …. اللي ظهر فجأة اختفى وما حدا قدر يندللو على اثر… وكانو ميت طلع لينصف اشخاص ورج للقبر… هيك كان وهيك رجع من النسيان وللنسيان
بس اوقات الزمن هو اللي بيحكم… بعد ما مرقت الايام
حلا كانت تلعب سيلا والسعادة عم تشع من عيونها وقت هبت نسمة صغيرة خلتها تلف وجهها لتشوف شخص واقف عند الشجرة ومبتسم للطفلة الصغيرة وبرائتها
مسكت بكم بلوزتها بنتها وكانت تشدها لحتى تشوفها وبوقتها بس ابتسمت واطلعت على البنت ومسكتها واشرتلها على نفس المكان
-هي عمو اللي ساعدنا …
بس البنت ما فهمت وما نطقت الا بكلمة وحدة
-با …. با
انحرمت من اب يمكن كان راح يكون السبب بانكسارها مرة بعد مرة..
وانحرمت من حنان يمكن اصلا كانت رح تفقدو بسبب الخيانة
طفلة يا ترى شو ذنبها تعيش وهي ما بتعرف شي بالحياة
شو ذنبها انها تسمع حكي الناس عن ابوها انه خاين
شو ذنبها انها تشوف بكل شخص بمرق من جمبها اب هي فقدتو
شو بنستفيد من الخيانة
بس المتعة …. تغيير وجوه … نثبت شي اصلا مزروع بعقلنا…. نثبت انه احنا منقدر نتجبر على غيرنا ما في اي فائدة الها
وازا بتفكر انه الكل رح يتأثر بغيابك فلازم تعرف
انو وجودك وغيابك واحد …. ما حدا … ولا حدا بسأل بالرماد
.. انتهت..