رواية عشقت جبروته
الحلقة السابعة
بس بردو اللي انتي بتقولوا دا غلط وماينفعش واكيد باباك مش هيقبل يخسر شريكه ولا صاحب عمره علشان يرضينا بص انا مش بحب السرعات طول عمرى حياتي هادية لابعد الحدود وعمري مادخلت ولا حاولت ادخل في مشاكل ولا صراعات يوم ما افكر ادخل في صراعات ادخلها بالشكل والطريقة دي صعب سيبني ارجوك امشي انا مش قادرة افكر
وفجاءة وليد اتحول ولقيته بيرمي كوبايه القهوة في الارض ويزعق بصوت عالي انتي عايزا ايه فاكرة اني هتحايل عليكي لا انسي انا وليد برده عن اذنك
وقام مشي وسابني بشكل مستفز ومحرج جدا ادام الناس طبعا معرفتيش اعمل حاجة غير اني اعيط اتصلت بمروة
الو ايوه يا مروة الحقيني انا هموت من الغيظ ومش طايقة نفسي تعالي نقعد في اي حته نتكلم بدال ما اطق ولا يجرالي حاجة انا هعدى عليكى دلوقتى تكوني جاهزة بس بالله عليكي علشان مش عايزا اطق من الانتظار كمان
لا يابنتي هقوم البس حالا اهو واستناكي تحت كمان يلا منتظراكي بس سوقي بالراحة مش ناقصين ماشي خلي بالك من نفسك علشان خاطري
ماشي هحاول يلا سلام
طبعا انا سايقة ومش شايفة ادامي مش عارفة انا صح ولا غلط ازاي اول واحد افكر احبه يطلع خاطب وكمان وراه مغامرات والمصيبة الاكبر غروره وتسلطه وجبروته اللي كل شوية اشوف لامحه منه انا ليه بعمل في نفس كدا وايه اخرة دا هي دي الحياة اللى منت نفسي اعيشها ايه ياشيماء اللى بيحصل معاكي دا بكيت كتير لدرجه مش قادرة اشوف ادامي وانا سايقة
وفجاءة ولقيت نفسي بغيب عن الوعي وانا سايقة ومدريتش بحاجة خالص وقتها وبعد مرور ساعات لقيت نفسي بفوق في مستشفي وببص لقيت حواليا اصحابي واخواتي وماما وبابا ايه دا اللي جابني هنا وازي انا وصلت للمستشفي مين جابني وايه اللي جرالي فهموني مروة بتقولي مفيش انا فضلت مستناكي وشوية ولقيت المستشفي بتتصل بيا علشان انتي اخر رقم كلمتيه كنت انا كلموني وجيت جري وقالولي انك وصلت فاقدة الوعي والعربيه لبست في الرصيف والناس حاولت تفوقك وانتي مافيش اتصلوا بالاسعاف وجابوكي هنا وانا عملت الواجب واتصلت بالكل ههههههه انتي عاملة ايه طمنيني عليكي
ولقيت ماما عماله تبوص في ايدي وتقولي سلامتك يانور عيني وهيام كانت بتعيط علشاني واحمد قاعد مضايق ايه ياجماعة اول مرة احس اني غالية اوى كدا
المهم انا طلبت منهم اني اروح البيت بس في شقتنا في شقة قديمة كانت بتاعتنا ومروة تيجي تبات معايا محتاجه اقعد في هدوء من فضلكم وطبعا بعد اعتراض كتير وافقوا ووصلونا الشقه وكانت طبعا مش نضيفة وطلعنا ام وعاطف البوابة تنضفها وبصراحة ساعتين بالظبط والشقة بقيت زي الفل وقعدنا انا ومروة وفضلت احيكي اللي حصل واعيط انا كده غلط يابنتي المفروض كنت اقوله ايه وازاى يعاملني كده واحنا لسه في الاول حتى مش هاين عليه يقولي حبيتك