رواية عشقت جبروته
الحلقة الثانية عشر
ماما انا مش هدافع عن نفسي بس فعلا اسراء ملهاش علاقة بالسفر دا اقتراحي انا ياماما انا نفسي اكون مستقبلي واكمل دراسات عليا برا مصر صدقيني الفرصة برا مصر احسن وافضل
وليه انا بخلف واربي واكبر علشان في الاخر تتغرب عني ليه ياا احمد كدا ليه
ماما ماقدريتش تمسك دموعها وقعدت على الكرسي وشوية صمت حلوين كلنا مترقبين رد فعلها بعد السكوت دا هيكون ايه ربنا يستر وفجاءة وماما قامت ودخلت اوضتها وبابا وراها وقفلوا الباب بدون اى نقاش خالص وبعد حوالي ساعتين ماما خرجت هى وبابا ولقينا ردها ماشي يا احمد اعمل اللي يريحك طبعا بعد نقاش طويل عريض اقتنعت ان المستقبل برا مصر
وشوية واحنا بنتعشي الفون ضرب وكانت هيام الو
ايوه ياهيمو اخبارك ايه ياحبيبتي والحمل عامل ايه الدكتورة محددتيش لسه ميعاد الولادة
شيماء الحقيني انا تعبانه اوي وواضح اني هولد طبيعي فين ماما ادهاني بسرعة
الو ايوه ياماما الحقيني انا تعبانه وعن مغص جامد وعمال يروح ويجي اعمل ايه
حضرى شنطة البيبي وروحي المستشفي وانا هكلم الدكتورة مني ونحصلك فورا المهم خلي هشام يسوق بالراحة خالص علشان غلط عليكي وماتتعبيش وحاولي تستريحي في الكنبة اللي ورا او تقعدى جنبوا وخلي يفردلك الكرسي
يلا قومي واحنا جاين وراكي ربنا معاكي يابنت ويقومك بالسلامة