رواية عشقت جبروته

الحلقه الخامسه

روحنا البيت وشوية واسراء جات تطمن على احمد قعدنا معاها شوية

وبعد مرور اسبوعين بصراحه اسراء عملت حاجات كتير علشان احمد كانت بتساعدوا في الحركة وانه يتعافى بسرعه مكانيتش بتسيبه بصراحه احيانا كنت بغير وكان بيكون نفسي انا كمان القي حد يحبني ويهتم بيا المهم وليد كان كتير بيجي على بالي وبشوف ادامي كتير شغل تفكيري مع اني عرفت انه مرتبط المهم روحنا النادي وهناك قابلت عزة كنا متفقين نتغدا سوا بعد الشغل وفجاءة ولقينا وليد جاي ومعاها واحده يقعدوا في الترابيذه اللي جنبنا ولقيت عزة بتنادي على عبير وهنا اتصدمت وارتبكت وحسيت نفسي روحي راحت  مني

عبير تعالي ازيك يابنتي فينك مش بشوف ليكي بقالي فترة وهات يابوس واحضان وانا واقفه مبلمه مش مستوعبه اللي بيحصل عبير ناديت على وليد اعرفكم على وليد خطيبي اهلا وسهلا ياوليد اخبارك ايه سلم على عزة وقالها تمام وانتي

وانا واقفه مش بتحركة ولا بنطق المهم قالتها خطيبك دا اتخانق معانا من فترة هههههههه ايه دا بجد امتي وفين اوعي تقولي في القسم عنده

لا ياستي كنا خارجين من محل ملابس وشايلين الشنط زى مانتي عارفه الحوسة اللي بنكون فيها واتصدم في شيمو وهنا بدايه الحناقة ههههه

وليد مش خناقة ولا حاجة حصل خير وطبعا انا مش بنطق ومش عارفه ابلع ريقي وكل اللي عليا اشرب في المايه اللي ادامي وبس وكان باين عليا اوي وهو كمان منزلش عينه من عليا المهم قعدوا بتاع 10 دقايق واستاذنوا علشان منتظرين ناس

سلمنا ومشيوا ولقيت عزة بتقولى يابنتي انتي هبله كان مالك عامله كدا ليه كان فاضل ثواني وتعترفي انك مغرمة بي مش كدا فضحتينا امسكي نفسك شوية عبير كان ممكن تاخد بالها على فكرة من اسلوبك وارتباكك دا الحمدلله ان الموضوع عدا على خير

خدي هنا ياست عزه انتي تعرفي عبير دي منين اول مرة تجيبلي سيرتها هو انتي بقا ليكي اصحاب غيرنا ولا ايه لا يابنتي مش صاحبتي دي قريبه بابا من بعيد تبقا بنت عمت بابا وصلتنا بيهم مش اوي بنتقابل في المناسبات  وكدا بس اعرفها كويس وهي هنا عضوة في النادي معانا بس عايشة في الدور حبتين يلا المهم يلا نتغدا انا جوعت اوي

المهم تخيلي خطيبها مش لايق عليها تحسيهم مش لايقين على بعض وكمان مش منسجمين

اها انا اللي اعرفه انهم اتخطبوا مش عن حب مصالح بين ابوها وابو وليد لانهم شركاء في مشروع كبير بعد ما ابوه تطلع معاش شارك ابو عبير لانهم صحاب العمر وحابوا يوثقوا الشراكة دي بجواز عبير لوليد بس شكلها جواز فاشلة من اولها

الواد منزلش عينه من عليكي طول الوقت مع انه واد مغرور في نقسه بس شكله معجب ولا ايه

بطلي ياعزة بلا معجبه بلا زفت هعمل ايه باعجابه انا هو واحد خاطب وله حياته وانا مليش دعوة بي

موبايل شيماء رن وكان جوز  هشام جووز هيام اختي خير مش متعود يتصل بيا طيب يابنتي ردي وخلصينا

الو ايوه يا هشام خير في حاجة حصلت ولا ايه طمني

ايوه يا شيماء تعالي بسرعه اختك حامل تعبت شوية ووديتها للدكتور وعملوا تحاليل وكدا وتطلعت حامل ودلوقتى مركبين محاليل علشان كانت مش واكله ودايخه بجد الف مبروك يا هشام يعني خلاص هكون خاله ايوه بقا هههه طيب طيب جايه حالا سلام وسلملي عليها لغايه ما اجيلها

عزة هيام اختي حامل وهي دلوقتى في المستشفي انا رايحهلها ماتيجي معايا

طبعا جايه معاكي يلا بينا

error: