رواية عشقت جبروته

الحلقة الثانية من عشقت جبروته

عزة صاحبتي مش مرتبطة كانت مرتبطة بشاب واكتشفت خيانته وسابته عزة خريجه حقوق وشغالة في احدى الشركات الاستثمارية جميلة وجذابة بس ملهاش حظ ودا راى امها علطول تقولها جميلة وملكيش حظ ودا علشان كل ما يجي عريس الموضوع مايكملش واتكرر الموضوع حتى لما فكرت ترتبط اللي ارتبطت بي خانها وحب بنت تانية سبحان الله مش كل حاجة عاوزينها بناخدها انا مؤمنه جدا ان كل شئ نصيب وان ربنا اكيد شايلها حاجة حلوة لكن هي مش حاسة بكدا يمكن كتير بتحاول تحسسنا انهي سعيدة ومبسوظة في حياتها ولكن ملامحها غير كدا ملامحها بتحكي مية قصة وقصة ملامحها تخفي وراء ضحكتها دموع وحزن واسى

يمني صاحبتى الراجل ايوا راجل بمعني الكلمة بنت بمليون راجل جدعة وصديقة مخلصة والكل بيحبها مفيش حد طلب منها خدمة غير لما تقف جنبه وتساعده يمنى تعيش حياة راقية جدا ابوها رجل اعمال كبير وهي طول الوقت مش بتحسس حد بدا مع ان لبسها وعربيتها غاليين جدا وبيقولوا هي عايشة ازاي بس هي شخصية مرحة وخدومة جدا بتحب تساعد اى حد حتى لو ماتعرفوش يمني مخطوبة للمهندس امجد  امجد شغال مع ابوها ودراعه اليمين يمني اتعرفت عليه وحبه بعض واتخطبوا من سنه والمفروض انهم بيجهزوا بيتهم علشان يتم العرس ربنا يتمملها بخير هي تستاهل كل شئ حلو وجميل

امجد شخص مهذب وبيحبها ويموت فيها وبيحاول يعمل اى حاجة علشان يرضيها ويخليها سعيدة وهي فرحانة وسعيدة بامجد جدا وخصوصا كمان ان ابوها فرحان بالزواجة دي علشان يضمن استمراريه امجد في الشغل

احمد اخويا الجميل عمره 24 سنه راجل بجد رغم انه اصغر مني بس بحسه سندي وصاحبي واخويا بيحبي اوى وانا كمان سره معايا وانا طول عمرى كاتم اسراره ودا يمكن السبب انه بيحبني علشان بسمعه واكلموا وانصحوا من غير لوم ولا عتاب بطريقة هادية ممكن افهموا انه غلط وبعرف ازاي اخلي ينتبه على نفسه وهو حاليا مرتبط بيحب بنوته اسمها اسراء كانت معاه في الجامعة وهما متفقين على الزواج بس هو منتظر يخلص اوراق الجيش لانه الولد الوحيد وعنده اعفاء من الجيش منتظر يخلص الورق علشان يسافر هو واسراء ويكونوا مستقبلهم برا ربنا يهنيهم

ودلوقتى حكيتلكم على معظم ابطال الرواية تعالوا نتعرف علي قصتي

في يوم كنت خارجة انا ويومني وعزة ومروة رايحين نتغدا برا ونعمل شوبنج كل واحدة فينا في دماغها تشتري حاجة معينه قولنا بعد الغدا نخرج نمشي ونشتري اللي احنا عاوزينه روحنا اكلنا في مطعم وبعد كدا روحنا نشتري لبس وانا خارجه من باب المحل والشنط في ايدي ومدوشه بيهم خبط في شاب خبطة جامدة وقفت اتسمرت ومعرفتيش اقوله اي حاجة غير آسفة من غير قصد وهو انزعج جدا وكان حاج معايا آوي لدرجة اني خوفت منه ودار بينا الحديث القصير دا

انا : أنا آسفة بجد مقصدش غصب عني

هو : مش تاخدي بالك في حد بيخرج بالطريقة دي ازي يعني مش شايفة ادامك زى العيل الصغير اللي اول مرة يجيب لبس جديد

انا: مانا بقولك آسفة عايز ايه تاني خلاص ياسيدي سحب آسفي يلا يابنات مش ناقصة الحكاية تقلب بغم

هو : غم ورفع حاجبة وبصلي بصة كلها حده

انا : طبعا مشيت علشان اقصر الشر ومايحصلش مشكله والموضوع يكبر المهم جيت اركب عربيتي لقيت عربية قافله عليا ومش هعرف اعدي المهم فضلت واقفة ابص حوالية على صاحب العربية علشان يجي يبعد شوية علشان اعدي وفضلت اعمل كلاكسات علشان يفهم ولقيت اخينا دا جاي بكل غرور وكبرياء ويفتح باب عربيتة لا وكمان يقولي ايه الصداع اللي انتي عامله دا كله ماخلصنا….