رواية عشقت جبروته

الحلقة الخامسة عشر

لا بيقولي انتي مين ولا بيقولي شيماء وليد رد عليا ولقيته عمال يتالم جامد والدكتورة اعطيته مهدئ علشان ينام وكمان يقدروا يفحصوا ويعملوا فحوصات علشان يطمنوا  على الذاكرة رجعتله ولا لآ

او حصل تقدم في الحالة ولا لسه وكل دا وانا واقفة ورايحة وجاية معاهم اتصلت بيمني تيجي تساعدني وتقعد هي بهيام وانا اقعد مع وليد لغايه ما اطمن عليه

ولقيت الدكتورة بتتصل بابو وليد وبتقولوا ان ابنه تعبان ومحتاجين منه يكون موجود

طبعا انا خوفت يجي ويلقيني هنا ولقيت الدكتورة بتقولى انتي تعرفي

قولتلها اه حبيبي من غير ما اشعر ولا افكر ولا حتى اذوق الكلام

هو حصله ايه يادكتورة

ابدا حصله حادث سير من شهور وكانت حالته بين الحياة والموت ولما اتعافي وحالته اتحسنت اكتشنفا ان ذاكرتة اختفت ومش فاكر اي حاجة وكل شوية يعمل مشاكل مع الممرضات ويتعصب عليهم ويكسر اي حاجة في الاوضة ومش عارفين نتصرف

ازاى غير لما نعطي مهدئ او منوم وينام ويريحنا

وانا بسمع الكلام ونازله عياط ازاى انا كنت غبية ازاى مسالتش عليه طول الفترة دى ازاى انا كدا غبية

المهم بعد حوالي ساعة لقيت ابوه جاي وحالته النفسية مش حلو خالص انا ماعرفتيش اقوم من مكاني لقني وانا بعيط نسيت الوقت والمكان

لقيته بيقولي انتي مين

حضرتك اللي مين

انا ابوه انتي مين بقا

انا كنت بـــ اصدي كنت انا عن اذنك

تعالي هنا انتي مين  جاويني ارجوك