رواية عشقت جبروته

الحلقة العاشرة

نعم ياختى على اساس ايه بقا مقضياها انا ولا ايه لا عندى شغل والفترة دي الجرد السنوى ومقدرش اخد اجازات في البنك بيكون عندنا الجو مكهرب لوحده  يلا خليها المرة الجاية

بعد ماعزة خلصت المكالمه سكت شوية وسرحت في ازي حياتي اتحولت 180 ْ  وازي انا بقيت مش عايشة حياتي الهادية حياتي الاول كانت احل منظمة وهادية ومكنتيش شايلة هم حاجة ولا مضايقة من حاجة انا اللي عملت في نفسي كده

وانا اللي كنت فاكرة في نفسي ان مكنتيش عايشة دا انا كنت غبية بشكل رخم مالها حياتي اللي قبل كدا كنت عايشة حياتي بهدوء وسعادة ونظام فين انا دلوقتى من كل دا وحتي الشخص الوحيد اللي قلبه دقله طفش ومش عارفة عنه حاجة

يلا كفايه كدا انا خلاص هظبط نفسي وارجع حياتي اللي راحت مني الفترة اللي فاتت دي كلها شهور وانا في تخبط اهاااااااااااا انا تعبت اوي  الفترة دي وخلاص كررت اني ارجع شيماء الموظفة الشاطرة فكرت اني اعمل اكونت فيك على الفيس وادخل احكي مشكلتي في الجروب دا عملت الاكونت وطلبت الانضمام وساعه والادمن وافقت ولما دخلت لقيت ادامي البوست بتاع عبير ولقيتها اكونتها مقفول دخلت لقيت الاكونت مغلق

فعلا ياتري ايه اللي حصل وقفلت فونها ليه وقفلت الاكونت ليه يلا ماعلينا

وكتبت بوست في حكايتى اللى انتهت قبل ماتبداء وانا دموعي مغرقة وشي وحاسة اني مليش حق اني اعيش قصة حب ولا اتجوز اللي قلبي دقله ياربي على اللي انا في دا

وفضلت اعيط والوم نفسي واللي بيحصلي وبعدين ارتاحت وقومت اصلي ركعتين علشان اعصابي تهدي شوية

ورجعت وحذفت البوست اللي كنت رايحة انشروا في الجروب وشوية ولقيت احمد اخويا بيخبط عليا شيمو انتي نايمه ياحبيبتي , لا تعال يا ميدو انا صاحية ادخل

ودخل احمد ولقيته قاعد يحكي عن اسراء وعن حبه ليها وانه خلاص قرر هو وهي يسافرو بعد شهرين عقبال مايجهزوا الاوراق كلها هو خلص اهم ورق ورق الجيش علشان يقدر يسافر وقالي ان هيكتبوا الكتاب بعد شهرين من النهاردة وبعدها يسافروا علطول

طبعا احمد جيه في وقت غلط يحكي عن حبه ربنا يسعدهم لا محديش يقول اني حاقدة على اخويا والله ابدا خالص مفيش الكلام دا بس انا صعبان عليا نفسي اوي من حبي اللي مات قبل مايبداء

وطبعا ماكنش ينفع اظهر لاحمد اني مضايقه لاني مش مضايقة منه ولا انه هيتجوز ربنا يسعدوا ويفرحهم ببعض انا مضايقة اني مليش حظ اني احب واتحب