رواية ظلمني ابي

الحلقة ( 3 )
قصة حقيقية
قصة واقعية
احداثها طرابلس عين زارة 2013

في تعليقيني رديت عليهم في نهاية الحلقة

ونشوف ونلقا بابا واقف يشوفلي وراء الولد بي مسافة
سكرت الباب وخشيت نجري ونسمع في صوت عياطات في الشارع وتقربيع شوية
وخش ويعيط مرروة يا مرووووة لما نذبحك
..
.
.
اني خلااص قلبي طااح خووف غريب هربت داري وخديت تركينا وقعدت نبكي ونرعش
خش عليا في الدار زي الثور
شفت لقيت حاجبة وعينه منفوخ ضحكت لا ارديا
صحا لي امك ضربته راجل
شدني من شعري
ويعيط طلع الموضوع وراثة
وضربني بي ايديه ضرب اقسم بالله خلاص نحس في روحي بنموت واني نعيط
وهوا يجلد اني نعيط وهوا يجلد
محمد مسكين يتفرج خائف ويبكي
ارخاني مشي
خفت قريب متت قلت شكله بيدبحني ونبكي اااه ياربي اااه علاش بس علاش
الحمد الله علي كل حال
خش عليا
شد صبعي الخنصر وقعد يجبد فيه لن كسره في هادي اني من الالم اغمي عليا معاااش نندري ع شئ بوك يكسرلك صبعك ااخخ ياربي ااخ
نسمع في الباب بيتقربع براا
شكله الولد سمع عياطي شئ
ودوشة في شاارع
نضت ثاني يوم
ساعة 9 الصبح
لقيت صبعي زي المخدة منفوخ وازرق ودم جااف عليه
نبكي ونرعش ناايضة شفت ايمين يساااري محمد مهناااش ??
ايدي معااش قدرت نحركهاا
جيت بنفتح الباب ع قد ما جبددت شئ مسكره حسبي الله ونعم الوكيل فيه
نبي نوصل لي عمامي معنديش تلفون
حافظة رقم عمي بشير
وجدي كبير نتصل بيه مسكين شن بيدير
يموت راعش
لازم نهرب والله ما قعدتله ونتألم بشكل غريب علي صبعي اااه والله حرام فيه كلمة بابا حراااام
جيت للروشن ع امل الولد نلقاه نكلمه يوصل لي عمي
مفيش حد في جنان
قعدت مقعمزة واني نستني في الروشن قريب ثلاثة ساعات الحوش هدوء وااضح ان محمد وبابا مهنااش
طلع ولد من بابا لحوش
واني انادي من الروشن
هي انتا هي انتا
شبحلي وخش
اني تعالي وين مااشي تعالي وينن
قعدت نبكي شن هالحظ مشكلة جعانة ونبي نخش الحمام( حشاكم )
شوية هكي وطلع الولد الي جي قدام الباب
بالله عليك نعطيك رقم اتصل بيه قوله مروة قتلك تعال بسرعة تعال
هوا ناقصني مشاكل اني
اني بالله عليك تربح بالله عليك
ونشوفله واضح انه مضروب من بابا ضرب علي وجهه
هوا استني نجيب تلفوني
خش شوية وطلع
هي قولي
عطيته الرقم واتصل وعمي بشير بيجي
اخخخ ياربي اخخ الحمد الله
طبعا اهل بابا جدي وجدتي ماتو الله يرحمهم
عند بابا 4 خوات ولاد بشير ومصطفي واحمد وابراهيم
بابا اسمه احمد طبعا ??
وعنده اخت وحدة عايشة في بريطانيا
وامي عندها اخت بس
الي هيا خالتي كنت عندهاا
جدتي ام امي ميتة جاابت 9 صغاار وماتوو كلهم معاشوش الا امي وخالتي وامي مسكينة مااتت
مش قااعد الا جدي وخالتي
خالتي خاافت وجدي ع ابسط حاجة حيموت اني نعرفه
معنديش حلل الا عمامي امل الاخير والوحيد
يعني لو مدرولي شئ نبداء مقطوعة من شجرة رسمي
لا حولة ولا قوة الا بالله عليا العظيم

مشكلة يخاافو من بابا كلهم بعد ما سمعو انه ذبح مرته حتا عمامي يقولي مقوا قلبه ???

مهم صبعي خلاص الي كسره الم غريب ومش قادره نحركه بسيف شوية سمعت باب الحوش نفتح
سمعت صوت محمد قولت الحمد الله
ولا بابا يقوله هي حبيبي خش العب شوية ??
كيف صااار حبيبي حسبي الله ونعم الوكيل فيك
قلت خ ندير روحي راقدة بالك يفوتني
رجعت وين ما كنت راقدة
سمعت باب الدار نفتح والله ثم والله ثم والله نرعش بلا اردياة خلااااص بنموت نحس في روحي
وقاعدة مغمضة عيوني ع امل يفوتني لكن
جلدني جلدة بالطوبو قلت اعععع
بابا صاار حتا انتي كيف امك وبديت يضرب واني نعيط وااااك خلااص تعبت خلااص يااارب خود امأنتك وريحني خلاااااااااص خلاااااااص علاش هكي حظي بسسسسسس
بعد دهش حسبي والله ونعم الوكيل فيه طلع
وسكر عليا بالمفتاح
اني نبكي وندعي يااارب استجيب ليااا يااارب موته يااارب اقتله يااااارب ياااارب ياااارب يااااارب ياااارب
ممكن المغرب طق باب الحوش ونسمع صوت رجالة ويقولو حمودي تعالي جااي استحشتك
عرفتهم عمامي جوووو واخيرا واخيررررا
نسمع فيهم يتناقشووو زاادت حدة النقااش بينهم ووصل العيااط
ونسمع في عمي مصطفي وينهااا مروة
ويعيط عمي مصطفي مروة يا مروة
خفت نعيط يذبحني قعدت نخبط في الباب بي ايدي وخلاص
عمي بشير ومصطفي وابراهيم
قعدو يتحركو في الحوش نسمع فيهم
بابا يقولهم مش حترفعوهم ع جثثي
جو قدام باب دار وواحد منهم يفتح ف الباب مبااش ينفتح
اني عمي عمي عمي ونبكي
عمي ابراهيم اهوو صوتهاا
عمي مصطفي وين امه المفتااح
ابراهيم خلاص معااش تخافي خلاص
وفعلا فتحوو الباب وحضني عمي ابراهيم
وقلت الحمد الله ربي استجااب دعااء متااعي الحمد الله يااارب الحمد الله يااارب
لكن بابا حيوان وحش مريض نفسي بكل ما تعنيه الكلمة
خش شوية داره وطلع مسدس معااه ايه مسدس
بشير حي ايده لازم تتعاين التهب الكسر توصل بتر ايدك بعدين يا بنت
وشااف عمي مصطفي خطوط الي ع ظهري وخشلي محمد حضنته
ابراهيم هيا بنرفعها نعاينها ويا بشير روح بي محمد معااك
بابا تي غير شن ترفعوهاا وطلع المسدس
عمامي خاافو ايه خااافو واني انه يقتل وواحد فيهم
بابا هيااا اطلعو هياا كلكم وصغااري هما مليكمش علاقة بيهم بيجوني ضيووف مش نااقص
بشير شن يعني بتقتل خوتك توا خلاص
بابا قتلتي مرتي عاادي نقتل حتا خوي وصغااري
اطلعو علي الاقل الطيبة متاعكم خلوها لي صغاركم مش صغااري
واني نبكي بالله عليكم سااعدوني
اقسم بالله حسيت روحي دليلة عند النااااس نترجأ في كل حد لا حولة ولا قوة الا بالله وخلااص
عمي بشير اصص يا بنتي مش حنخليك توا بنمشو لكن توا نولولك تحملي شووية
اني عمي بالله عليك خودني معااك بالله عليك
عمي بشير قعد يبكي ايه قعد يبكي ???
عمي اول مرة نشوفه يبكي
طلعو عمامي وبوي معااش عندي علاقة بيكم معااش خوتي انتو من تواا
جااني بابا نحساابه بيضرني
بابا نوضي اغسلي وجهك والبسي زين وواسي روحك خيرلك في حد بيجي يخطبك اليوم اديري حااجة نقتلك ايه نقتلك ونبيك تتمكيجي وتلبسي قصير
نبيك تغريه يا ق***
تخيلو اب يقول لي بنته هكي ايغاار صاار ???? يااارب ساااعدني ياااارب ساااعدني
امري لله خشيت غسلت وجهي لكن مبيتش نمكيج
ولبست لبس طويل ووشااح مبيتش نسمع كلامه
سمعت حد جي راجل وواضح
وبابا يهدرز معااه
هياا شوية وتجيبنا قهوة اصبر شوية بس
وخش جااني لقاني لابسة وشااح وطويل

حي علي امك
بابا مش فالحين غير في تكلمو الاولاد
بابا نوضي حولي وشاااحك والبسي قصير خيرلك والله نكسرلك باقي صوابعك
اني والله حرام عليك الا دير فيه
بابا نوضي قتلك وضربني كف
عندك خمسة دقائق اديري قهوة وادخليهااا
اني ياااارب
درت قهوة حولت الوشااح لكن سكرت راسي مبيتش نلبس قصيرر وخشيت …..

يتبع