رواية ظلمني ابي
قصة حقيقية
قصة واقعية
احداثها طرابلس عين زارة 2013درت قهوة حولت الوشااح لكن سكرت راسي مبيتش نلبس قصيرر وخشيت …..اول ما خشيت شوفت للضيف شن بنقولكم طيف بنوصفه ابشع خلق الله وعيونه احمر من الطماطم ومداير لحية واصلة لي بطنه
و اول ما خشيت بابا يبحث فيا ويفنص فهمته ع لبسي لاني مسمعتش كلامه
عطيت قهوة وجااية بنطلع
بابا وين ماشية تعالي جااي تعالي
ساكتة وخااائف مقلتش حتا حرف رجعت مكاني وقعمزت
بابا شن رايك
ويقوله لا بضاعة نظيفة شكلها
بابا خلاص تفاهمنا يعني
ويقوله اي متفاهمين ان شاء الله
تخيلوو تخيللو بالله عليكم بي يبيعني للراجل بالفلوس ???
بابا نوضي البسي كيف ما قتلك وتعالي
نضت وقلت في خاطري والله مصاير لي تبيه علاش نعري في نفسي ع خاطر واحد خاامر ملتحي ع اساس مداير لحيةةة
خشيت داري نفكر شن ندير نفكر شن ندير
شوفت للباب لقيت المفتاح قااعد خشيت نوضت محمد من نومه كان راقد بعد ما مشو عمامي
وخشيت بيه وخديت البانقة 7 لتر بتاع لمياه
وسكرت الدار بالمفتاح واني داخل
ممكن نص سااعة وبدي ينادي بابا مروة مروة
اني مبيتش ننرد عليه
شوية وخش دور عليا حي لباب الدار بيفتحه مبااش
بابا تعرفي كان ما تطلعيش لما نذبحك ذبح نقطعك ونشويك وناكلك اطلعي قتلك خيرلك تعرفي كان يمشي الراجل نقتلك اليوم نقتلك حمولة زايدة وبنتفكا منك
اني مبيتش نرد عليه
عرفته تكنطاااا خلاص طفح كيلي تحملت الي راجل ما يقدر يتحمله اقسم بالله يا بنات تشوفو في روحكم ضعااف ورجالة اقووة منكم بس والله صبرنا اقوة وتحملناا اقووة من مليوون راجل
مهم شوية ومشي الراجل شوره
واني نهدرز معااا حمودي
جي يخبط في الباب زي المجنون برجليه وايديه واني قعدت راقدة ع الباب قلت صعب ينسكر هكي
خبط الباب قريب قلعه من جذوره دهش لكن ومقدرش يفتحه
ومحمد يقولي بابا بيضربناا علاش يضرب في الباب
استغفر الله العظيم واتوب اليه
مهم شويةة ونسمع فيه يتكلم في تلفونه
طبعا الوقت حوالي ساعة 10 ولا 11 في الليل وطلع سمعته طلع مبيتش نفتح الباب قلت بالك يكذب
صليت العشاء وقيام الليل ودعيت عليه جميع انواع الدعاء
مهم رقدت ونضت الصبح محمد يقولي نبي نخش الحمام ضروري فتحت الباب
وخاائفة نرررعش والله
وطلعت محمد درت دورة في الحوش عرفته مهناااش من امس في الليل مرجعش
ارتحت افف الحمد الله
اني طفح كيلي بنحاول نهرب لي واحد من عمامي لكن بنت في الشارع وصغير ومتعرفش الطرق كويس راح نتبهدل حطيت ولد جيران هدفي انه يسااعدني
قعمزت ع الروشن تستنا فيه يطلع شئ مبااش يطلع لليل وبابا مروحش
رقدت ثاني يوم نضت بابا مزال مروحش وقعدت ع الروشن شئ الولد مباااش يطلع
درت غداء ورجعت للروشن لقيته عيوني ولو قلوب قلوب من الفرحةةة
اني انتا انتا
هوا اي علينا توا
اني اسمع تربح
هوا تفضلي اي اوامر اختي
اني انتا قتلي هداكا اليوم ان بوك يضرب فيك
هوا قصدك يوم الي كليت فيه طريحة من بوك اني
اقسم بالله ضحكني طريقة كلامه كل ه الهم الي صايرلي وضحكت
اني ايه اليوم الي كليت فيه طريحة
هوا وشن تبي مني به ناكل طريحة ثانية منه ولا كيف
اني نبيك ترفعني حوش عمي بسس نبي نهرب منه تربح يا خوي تخليت اختك تتعذب تخيل
هوا معااك في الحوش بوك ولا لا
اني لالا مش في الحوش وليه يومين مجاش
هوا خايف نطلعك نلقاه قدامي حظي مضروب مااه
اني لالا عشرة دقائق بسس بالله عليك
هوا عندك خمسة دقائق بس
اني بارك الله فيك
تعرفو فلاش اسرع منه اني في الحظة هاادي خديت ساكو او حقيبة حطيت حوايج عفج ع بعضهم ولبست جلبية ووشاح وحطيا كم لعبة لي حمود وطلعت لقيته مولع السيارة ويستنا براا
باارك الله فيه في شباب في ليبيا اقسم بالله نعمةة وحرام يضيعوو اهتمو بصغااركم خلوهم قرة عينكم
ركبت معااه وركبت محمد
هوا تعرفي وينه حوش عمك ولا
اني لا بس اعطيني تلفونك نعرف رقمه نتصل بيه
هوا هااك بسررعة
اني غير بعد ع الحوش راه يجيي بس
هوا ايه وبعد
وتخايلو
تخايلو
تخايلو
احني طالعين من الشارع هوا خااش
الحمد الله مركزش علي السيارة الي طالعة
اقسم بالله دعااء بتاعي استجاااب وسخرلي ربي كل شئ
الولد تعرفي كان زبطني ح يدير فيا جريمة لانه بوك شكله مختل
اني والله الا مختل ويبي القتل
خديت تلفونه واتصلت بعمي بشيرر اتصلت مرة الاولي مردش نتصل ونقول هياا عمي هيااا بالله رد
وفعلااا رد الحمد الله
معرفتش السبب بس سمعت صوته انهرت بكاء
عمي بنعطيك تلفون لي ولد بااهي اعطيه نعتة حوشك بنجيك
عمي صارتلك حاجة مروة خوك محمد كويس
اني لا مافيا شئ بس بابا كان حيقتلني هربت
عمي اعطي التلفون للولد
وعطيته وعطاه النعتة
وفي طريق
اني شن اسمك ممكن نعرف
عمر اسمي وانتي مروة ولا
اني ايه مروة
عمر عندك تلفون ؟
اني لالا
شووية هكي ودرس ع محل نقالات
اني لا شن بتشريلي نقال ولا شن
عمر لالا اني بناخد حاجة
اني اسمع متعبش روحك منبيش نقال
عمر وانتي شن دخلك ونزل
خدي تلفون بلو بيلة وشفرة مدار وعباله رصيد 10 دينار
وجابهولي
اني مش قتلك منبيش
عمر غير خودي وريحينا وسجلتلك رقمي فيه ودسيه متوريشي لي حد خليه للطوارئ بس تمام
اني والله مش عاارفة كيف نشكرك
وخدي شكلاتة لي محمد
مهم
وصلني وعمي قد ما دار للولد مش يخش ع جميله
مباش عمر يخش
وعمي حضني وقالي هاده حوشك ومش حنخليه يمسك
اني فرحت ولك الحمد يااارب ولك الحمد
خشيت وقعدت معا بنات عمي
وجو عمامي مصطفي وابراهيم
ودخلوني الصالون
وقالولي احكي بتفاصيل شن صاار وحكيتلهم كل شئ بالتفصيل الممل ونبكي بعبرتي واني نحكي عمامي قعدو يبكووو
عمي ابراهيم سامحينا يا بنتي مقدرناش نساعدوك بس اني عند وعدي مش حنخليك
المهم
غيرت جوي وضحكت شوية رغم الحزن الي مسيطر علياا عرفت معني الكابةة واااعرة هلباا لما تسيطر عليك
هدرزت معا البنات واضح انهم يعرفو وميبوش يجرحوني ورقدت ونوضت اتغدينااا وكل شئ
لحد جت العشية
واني قعدت نفكر في عمر
قلت يالك بابا عرفنا وضربه ولا قتله ولا دار حاجة للولد
اتصلت بيه
اتصلت جو ثلاثة مرات مفيش رد اقسم بالله خفت عليه قريب متت قلت هاده مشي ماات قتله المريض
وقعدت نبكي
لحد بعدها بشوية عاااود الاتصال الله واكبر ولك الحمد
رديت بكل فرحة
واول كلمة قلتها انتا كويس
عمر: ايه كويس كويس
عمر: شن في في حاجة صايرة ؟
اني لا بس خفت يكون بابا زبطك
عمر راه بوك من امس مطلعش لكن شفته طلع قبل ساعة راه
اني ان شاء الله سحيقة تسحقه
عمر ربي يهديك
واني نكلم في عمر رن الباب بتاع حوش عمي
عمي طلع بيفتح وسمعت صوته
صوت بابا
اني عمر يا عمر بابا جي يا عمر
عمر: كيف
اني جي بابا وقعدت نبكي
جتني حالة نفسية منه نخاااف منه نرعش رعيش معا بعضي لما نسمع صوته ولا نشوفه
جت مرت عمي نوضي خشي داخل بسرعةة نوضي
ودخلتني اني ومحمد تحت سرير
مرت عمي متطلعيش من اهني مهما صاار بااهي
اني بااهي وقعدت نبكي
محمد يتكلم
اني اسكت محمد اسكت بالله اااص حتا كلمة بااهي حبيبي ناخدلك شكولاتة بابا بيضربنا كان يسمعك
لما قتله بابا بيضربنا كان يسمعك هب الولد تقول معنداش الساان مسكين حتاا هواا خاائف منه عمره 3 سنين لا حول ولا قوة الا بالله
مهم
زااد العياط ودوشة
مرت عمي تقوله خش دير دورة في الحوش لقيت صغاارك خودهم ملقيتهمش تطلع برا حوشي ومعااش نبي نشووفك
خش بابا وبدي يدور وقلبي اقسم بالله ينبض في نبض غريب دق دق دق دق بسرررعة خووووف رهيب
خش للدار
محمد ……..
اني لاااااا…..
يتبع ^-^