رواية ظلمني ابي

الحلقة ( 5 )
قصة حقيقية
قصة واقعية
احداثها مدينة طرابلس ليبيا عين زارة عاام 2013

.
.
.
.
.
.
مرت عمي تقوله خش دير دورة في الحوش لقيت صغاارك خودهم ملقيتهمش تطلع برا حوشي ومعااش نبي نشووفك
خش بابا وبدي يدور وقلبي اقسم بالله ينبض في نبض غريب دق دق دق دق بسرررعة خووووف رهيب
خش للدار
محمد: مروة
والتلفون الي جابهولي عمر مديراته هزاز وقعد يهز
خلاص قلبي علي شوية نفجر سرررعة رهيبة الموقف هااده مش حننساه طول عمري طوول عمري
وتخيلو محمد مقالش مروة الا لما بابا في الدار
اني اصصص
والحمد الله
الحمد الله
ربك طرشه وعماه
طلع بابا
ونسمع في عمي يقوله حوشي معااش تجيه ومن اليوم انتا معااش خويااا
طلعت وكااانت اصعب لحظات حيااتي
المهم نضت وعمي بشير اص قالي راه بوك مش طبيعي من زمان فيه خرطة واليوم وتو روحكم نطلعكم نعشيكم برا ونمشو طريق الشط شوية نشمو هواء
اني فرحت تخيلو اول طلعة ليا ممكن من 6 شهور
نكددد 6 شهوور اول طلعة ليااا
فرحتتت ودعيت ربي انه استجاب دعاااي
ورديت ع عمر وقتله بابا امشي ملقانيش
وفررح
مهم لبست ولبست حمود وطلعناا وخدينا بيتزاا
نذكر فيهاا وقعمزنا في طريق الشط وخدينا سبول مشوي ذرة وضحكناا وهدرزناا وغيرت جوووي وقلت الحمد الله يااربي
طول طريق نضحكوو روحناا
(طبعاا الناس الي سالت ع صبعي رطااب طلع مش كسر تعوج بس صبعي لتوا مش مسااوي بس نستعمل فيه ومش منفوخ يعني تعوج بس حسبي الله ونعم الوكيل فيه )
الحوش درسناا نزلت ونزلت
لا مش اهني الصدمة ???
لقيت بابا واقف فم الباب
وهجم علي عمي بشير وقعدو يضااربوو ومرت عمي تعيط وبناات عمي يعيطو واني نعيط والعائلة كلها تعيط شوية جو زوز نفااار خامرين شعاابيط حسبي الله ونعم الوكيل فيهم
معاا بابا ضربو عمي طريحة مسكين وجعني اخخخ
وشدني بابا من شعري وحطني ف كوفني السيارة
واني بنكي بعبرتي ليش فرحتي متكملش ليشش ياربي ليش ???
اني في الكوفن خلاص نفس معااش في ضيق صاارلي قريب متت طلعت تلفون اتصلت بعمر
رد عليا
قتله اني في كوفني السيارة سااعدني
قالي انتي وين
قتله منعرفش
قالي در بالك يلقا تلفون رد بالك اهم حاجة هوا وتوا نحولك 10 دينار رصيد ثانيات احتياط
اول ما توصلي قوليلي انتي وين
اني تمام وسكر
دسيت التلفون
ونبكي ونتنفس بصعوبة غريبة اااااخ يااااارب يااااارب يااااارب ياااارب يااااارب يااااارب يااارب سااااعدني
.
شوية وقفت السيااارة وفتح كوفني
اني حرااام عليك
هوا انزلي يا كلبة تهربي صاار اني نوريك
رفعني مكاان اول مرة نشوفه في حيااتي
كلهااا تراااب وفي وسط المكان حووش كبير
حوازة
دخلني وسكر عليا في دار
وكاانت معبيا رجالة
ودار ظلام ايدي منشوفش فيهاا حسبي الله ونعم الوكيل فيه
مهم
شوية وخش ومعااه فلاش ولعه وجاايب طوبو تقولوه bbr
علي ما اظن
اقسم بالله لما ضربني جلدة الاولي قلت خلااص اني اليوم حنموت
وبدي ضرب جلدة وراء جلدة الالم خلااص صعب يتحمله راجل كيف تتحمله مرااة كيففف بالله عليكم
بس ربي عطاني قوووة
ضربة وراء ضربة في الاخير خلاص معااش نحس بضربات الاخيررة بكل لحد ما ندريش ع روحي امتا رقدت واني تحت الضرب ونضت الصبح ضئ بسيط داخل الدار
نضت جسمي يسطر تسطير جسمي منفخ وازرق من جميع الاتجهاات
ودار خاامرة حااطني فييهااحسبي الله فيه
اول حاجة درتها دورت التلفون لقيته قااعد قلت الحمد الله فتحته لقيت فوق 30 مكالمة من عمر
اتصلت بيه ونبكي بي عبرتي عمر سااعدني بالله عليك ساعدني يا عمر
هوا وين اعطيني موصفاات
اني الدار الي فيها مفيهااش روشن بس
الي ركزت عليه اني في ارض كبيرةة كلهاا تراب وفي وسطهاا في حوش كبير يا عمر
عمر شن لونه
اني والله ما نعرف ونهرت بكى ???????
عمر اص يا حماره توا يسمعوك يجوك
اني تربح ساعدني تربح
عمر به بنطلع ندور بس موصفاتك في مليون حوش كيف موصفاتك لازم نبي موصفات احسن
اني توا كل شئ نعرفه نقولك تمام بااي توا
عمر رد بالك ع روحك
اني
نبكي ونفكر في محمد سعماا وينه وينه
مهم استنيت خش درت روحي رااقدة قلت مش ميضربنيش
هبب صب عليا مياه مصقعة زي الثلج اقسم بالله وقتي سنوني بدو يخبطو في بعض من الصقع
بابا شن قصدك تحسابيها ساهلة تهربي مني صايعة
زي امك بزبط غير قعدت نعاني فيكم كرامتي ضيعتوهاا
اني خلاص هب نغااز ونفجر
معااش قدرت نتحمل
يا مريض يا مختل امشي مرض يرفعك انتا اب انتا شخص حشرةة حيووان بكل ما تعنيه الكلمة انتا
واني نسب فيه
وهوا مستك يشوفلي بس مقالش حررف
طلع شوية وجي
خش ومعاه الضيف الحرايمي الي يبيني نطلعله بالبس القصير
خش هوا ويااه اني خفت يديرولي حااجةة ??
بابا هاده راجلك غدوا بنقرو الفاتحة وبتقلبي وجهك علي الاقل نتفكا من حمولة زايدة علياا
هوا الضيف ضحك سنونه صففرر ضفرر صفرر بمعني الكلمة استغفر الله العظيم لا منظر لا شكل استغفر الله يااارب
سنونه من كثر ما هما صفرر اععع منظر مقزز
قالي من غدوا انتي حلالي وام عيالي
اني امشي مرض تحلمم بيه يا خاامر
وقعدت نبكي اااع يااارب عونك يااارب سااعدني
جي الليل عطشت قريب نموت وجعانه وجسمي يووجع
نضت بالسيف قعدت نطق ع الباب بالسيف نتحرك وجسمي خلااص
تعرفو الي مصبرني محمد مسكين حتا لو ننتحر مثلا من بيه المسكين غير بيتعذب معااه زي عذابي طفل صغيرر لا حولة ولا قوة الا بالله

وطبعاا للناس الي سالت وقالت امك كيف جابت زوز صغاار بس مابين 94 لحد 2010 ولا بوك متجوز ماما حملت 9 مرات غيري وكلهم ماتو في بطنهاا قبل ما ينجابو الا اني ومحمد بس حظنا زفت ماه متنا واستريحنا

شوية نفتح الباب وطلع الضيف بو سنون صفر
استغفرالله وخلاص
وشبحلي قالي شن تبي مرتي
اني ف خاطري مرتك في عينك يا مختل حظي مضروب واحد وراء الثاني
اني عطشانة وجعانة
قالي غير اسمعي اسمعي انتي تعرفي ماشاء الله عليك قنينة وصغير وبيضاء وحلوة اعطيني الي نبيه نعطيك لي تبيه وانتي فهمك كفاية
مش حنضربك ومش حنديرلك شئ غير الي بيني وبينك فقط واهو نقولك من توا بديري العوج معااي وتعيطي وجوو زايد راه بندير فيك احرف ما داره بوك ولا عندي حل اخري نديرلك كيف مدار بوك لي امك نذبحك ذبح يا بنت الناس
اني حسبي الله ونعم الوكيل فيك طاايحا في ناااس مريضة من واحد لثاني
جابلي مياه بسس مبااش يجيب مااكلة حسبي الله ونعم الوكيل فيه
مهم جي الصبح وطبعا قبلها في الليل خش ضربني باابا حسبي ونعم الوكيل فيه حتا هوا
ومشوو اتصل بيا عمر قتله معرف شئ غير اني في وداي الربيع سمعت واحد متكلم عليها
عمر قالي بنقلبه بندور عليك في وادي الربيع
مهم
في المغرب جت بنت مصرية خشتلي
ولا تضرب فيا تيروات برجلها
تقولي نوضي يلاا نوضي
اني مفهمتش شئ طلعتني وحق ربي خفت منهم
دخلوني دار ولا واخديلي قفطاان اصفر علي لون سنونه
حاولت نقااوم اني منلبساش
ضربتني البنت كفوف ع وجهي لن صدع رااسي حسبي الله ونعم الوكيل فيهاا
طبعاا مش ( ع خاطر مصرية معناها نقصد حاجة علي اهل مصر بس هاادي مصرية مدارتش خير فيا )
ومعاها بنات من مغرب
لبسوني قفطان ولا مكيجوني وكل شئ
وطلعت
لقيت بابا برا
وهاده المريض مزين السيارة بالورد يااارب علاااش هكي بس
واني نبكي والمكياج كله نزل علي وجهي من دمووع ?
خاائفة نخسر روحي خاائفة
بابا اهو تفكيت منك وتفكيتي مني
اني انشاء الله نحضر جنازتك ياارب
بابا جااي بيضربني
شده سنونه صفر قاله خلاص اصلا معااش بتشوفها وطول الطريق اني نبكي وهوا فاتح اغاني بصوت عالي ويشرب
طبعاا مداير لحية لي بطنه ع اساس شيخ
وصلت الحوش بتاعه بو سنون صفر هاده
خششني
….
.
.
يتبع