رواية ظلمني ابي

جميع الحقوق محفوظة للكاتب محمد مالك

الحلقة ( 1 )
قصة حقيقية احداثها مدينة طرابلس عين زارة بتحديد في عام 2013

السلام عليكم

أسمي مروة مواليد94
طبعااا قصتي حقيقية ويعلم بيا ربي مطلوب من قصتي مش تعاطفكم وشفقتكم ليا لا بس مش تعرفو ان حياتكم حلوة جنب هلبا نااس وتقولو الحمد الله لان مرو عليا ناس ع قد ما عندهم وربي رازقهم الا ويقولو شن ه الحياة السودة النودة الي عايشينها
حبيت نوصل قصتي عن طريق الكاتب محمد مالك
بارك الله فيه تعب معااي واجد وسمعها حرف حرف
وحيوصلها لكم بطريقته المميزة في سرد الاحداث طبعا احداث القصة سنة 2013 يعني متتلخبطوش بين 2013 وسنة 2018
.
.
.
.
.
.
.

اسمي مروة مواليد 1994
عمري 19 سنة
طبعاا زي ما عااارفين كلكم الثورة في ?2011 في نااس استفادو وفي نااس هبطووو فيها وادمروو ?
اني بابا مواليد 1968 صغير مش كبير هلباا كاان يخدم معا معمر قبل الثورة وكانت الحالة المادية كويسة هلباا مرتاحين يعني بابا كان معقد من زمان
يدير في مشاكل لي ماما ع خاطر اللبس والمكياج حتا لو بسيط يقلب الحوش نكد وميصيرش من الطلعة وماما تكلمت تبي سيارة لي روحها بابا سكر راسه ومقايل لا وقالها تكلميني عليها نطلقك ونرفعك حوش اماليك
عندي خوي عمره 3 سنين مواليد 2010
مهم بدت الثورة وصارت بابا هرب بينا لي مصر قعدنا غادي سنة بزبط في 2012 رجعنا
لكن رجعنا لقينا حوشنا محروق
وفلوسه في المصرف مجمدات معرفتش لتوا كيف تجمدو ومن جمدهم وعلاش والقيمة الي مقدرش يطلعها هيا 250 الف دينار ليبي لتوا قاعدات في مصرف الجمهورية
مهم حوشنا محروق ومفيش وين نقعدو قعدنا حوش عمامي جو اسبوعين وبابا كنت نحبها قبل كا ينقلب 180 درجة عن بابا الاول تقول امشي راجل وجي راجل
قعدنا غاادي ودبر بابا بفلوس عنده حوش في منطقة عين زارة شهر 9 / 2012/ يوم 23 اسؤاء حووش عشت فيه في حياتي كلهاا في السدرة بالتحديد ومنقدر نحدد اكثر لا بعدين لو حد من الجيران يقراء ح يعرفني
المهم سكنا فيه
وشرينا دبش جديد (حوايج) وحاجات للحوش وقعدناا وجوناا لووز الووز لحد سنة الي كرهت فيها حياتي وشفت الي ما يشوفه حد

ماما نحبست هلبا وحوش اماليها معااش يرفع فيهاا هلبا تمام تقعد بي شهرين ثلاثة شهور متاطلعش
عندها اخت وحدة وامها ميتة بوها بس عاايش
ماما يوم مشت للمحلات معاا اختها وبتحديد محل ذهب فيه ولد حرام ضحك عليها بكلمتين وعطاها رقمه
ومالقتش ولد الحرام الا في فترة الي بابا فيها جوه زي الزفت لانه تقريبا خسر كل الي عنده تقريبا من فلوس واملاك من حد كان فلوس وفوق الريح طول وصل لي الحديدة وجماعتها هربوو اغلبهم من البلاد
مهم ماما بدت تكلم في الولد
ماما مواليد 1973 مش كبيرة ومش صغيرة و بيضاء هلبا وعيونها عسليات وشعرها قهوي وفيها نمش بسيط يعني قنينة مهم تكلم في الولد ضحك عليها ويقولها نسفرك ونشريلك سيارة وندهور بيك واني نحبك وجميع انواع المغريات وبعتلها خاتم ذهب
هاده الخاتم هوا سبب البلاء الي طحت فيه الله يسامحك ان شاء الله يا امي
مهم قعدو علي علاقة جو 3 شهور ماما تكلم فيه في الفترة هادي بابا تعرف ع جماعة بتاع حبوب ومخدارت وجوو زايد بابا بدي يشرب
ايه ايه يشرب
يروح ساعة 3 ولا 4 في الليل ?
قد ما تكلمنا معاه مفيش فايدة بدل ما ينقص زااد اكثر واكثر
يوم راقدة في شهر 4 بالتحديد 2013
نسمع في عياط ماما وخوي الصغير محمد يبكي
نضت نجري نشوف شن في
لقيت بابا طايح في ماما جلد بي السبتا (الحزام) وماما تعيط
اني قعدت نعيط يا بابا اوقف ونجيد فيه ونبكي ???
لقيت روحي حتا اني يضرب فيا ايه يضرب فيا جلد جلد ومحمد مسكين يبكي ?????
وبوي يقولها من جابلك الخاتم من ويجلد ع قد ما جبدت ما فيش فايدة وامي تقوله اختي جابتهولي
وهوا يقولها كذاابة ويضر ويضرب لان ماما معاش سكتت اني خفت عليها نجري جبت مياه وسكر نشرب فيها بابا طلع وقال والله ما طالقك لان نعرفه يا كلبه ?
وطلع نسمع فيه يتكلم في التلفون
اني الفترة هادي كنت علي ابواب امتحانات شهادة ثانوية قسم علمي وطموحي كان طب بشري
ع المهم خش بابا
قالي اطلعي برا
اني بابا بالله عليك خلاص بالله عليك
بابا اطلعي برا قتلك اني وجي جبدني من شعري واني نعيط ???
حرام عليك علاش وسكر الباب
وبدي يضرب فيها ويضرب فيها وماما تعيط
جااني محمد يبكي ويقولي خيرهم يا مروة
موقفي في الوقت هاده لا يحسد عليه
اني ع قد ما خبطت ع الباب مافيش فايدة ملقيتش حل الا نتصل بي جدي بو امي
عندي بيلة مدايرهولي بابا مش نتواصلو معاهم في المدرسة ومعا صحباتي ع اساس وحتا مامت تلفونها بيلة
اتصلت بجدي وقتله رد بالك ع روحك ونبكي لما نكلمه فيه لانه جاته جلطة قبل وهوا عنده سكر وراجل كبير عمره في الثمانين
ملقيتش حل ثاني غيره الله غالب كنت غبية
دخلت محمد دار وقتله اقعد اهني وقفت قدام باب الدار ونسمع في ماما تقوله والله ما درت حاجة هوا ضحك عليا هوا والله بوي يقولها اني نعرف شن نديرلك فتح الباب لقاني واقفة ضربني كف ما عمري في حياتي ?حناخد زيه طحت في الارض وراسي صدع من قوته خش المطبخ اخدي موس اني نبكي وقاعدة تحت ثاثير الكف نشوف فيه شد ماما من شعرها وجبدها جيهته وذبحها ايه ذبحها ???? ( اقسم بالله نحكي في القصة للكاتب محمد مالك ونبكي حاليا )

اذبحها قدام عيواني تخيل موقفك تشوف امك تنذبح قدام عيونك تخيلوه بس تخيلوه
امي الي رباتك تندبح من بوك وقدام عيونك
اني قعدت نرعش معا بعضي خفت يدبحني حتا اني مشيت نجري سكرت بابا داري وحضنت محمد ونتصل بي عمي
ونقوله الحقنا يا عمي الحقنا ونبكي بي عبرتي
وعمي نخلع مسكين
بعد شوية سمعت بابا الحوش نفتح وتسكر عرفته طلع
مشيت دار بنشوف امي واني نرعش ونخض معا بعضي ملقيتهااش لقيت الدم بس دمهاا بس
دمها علي طول الممر بتاع الحوش موجود جي
جدي بعدها بشوية
وقتله الي صار طااح في الارض من الي سمعه
وجي عمي رفع جدي لانه ارتفعله السكر للعيادة ومشينا معاهم
واني نبكي طول الطريق وجدي يبكي
مهم حطونا في حوش خالتي
اخت امي الله يرحمهاا
حكيتلهاا واني طول اليوم نبكي ونرعش حتا النوم ما رقدتش زي الناس واني نفكر في الي شوفته شوفت بوي يذبح امي اخخخ يا قلبي اخخخ
واعرة هلباا واعرة مجرد تفكير فيها جسمك يرعش وقلبك ينبض متاكدة قلبكم معصوور وانتو تقرو بس مش لبال شفتوها بعينكم
سمعت ان بابا نحبس بقضية شرف وحكمه كان 4 شهور بس
ودرنا عزي لي امي وكانت اسؤاء ايام حياتي

حكم تافه لدولة تافها 4 شهور بس قالو لا شرف ماما مدار شئ يا ناس اخطا تلفون
مهم
بعد اربعة شهور اصعب اربعة شهور عشتهم في حياتي
سمعت بيه طلع
وخفت هلبا لو يجي وياخدني والي خفت منه صار جي خدانا وقد ما قلت لي خالتي قتلي بوك مريض تبيه يقتلني
الله غالب روحت اني وخوي الصغير محمد شن ذنبه طفل عمره 3 سنين بالله
روحنا معااه الحوش ولما خشيت قلبي عصرني فجاة ونهرت بكاء واذكرت كل شئ
بابا سكري فمك وخشي والتلفون هاتيه معاش في ومن اليوم معاش في قراية الحوش بس طيبي وضمي ووكلي خوك وكبريه بتقول حرف نكسرلك راسك
وطلع مش نفس بابا الاولي
مداير لحية طويلة ع اساس شيخ ليبيا كاثرة منهم الا قليل الكويسين فيهم
خشيت ضميت ووكلت محمد وطول اليوم نصلي وندعي عليه شفته طلع الجنان طلعت واره من غير ما يحس نسمع فيه يقول لازم نلقوه اسمه (عبد العزيز احمد بي ) هاده اسمه الله لا يرحمه كان دمارنا
ع العموم
خفت هلبا وفي نفس الوقت قلت ان شاء الله يقتله بابا وينحبس هلبا بعدين لا قضية شرف لا شئ وطلع الموضوع هيدكا في الاخير
خشيت وسكرت بابا الدار
وغطيت محمد ورقدت جنبه
بعد شوية نسمع في شباب خشو المربوعة
وبابا يقولهم جبت حشيش ويضحكو بصوت عالي
ونسمع في واحد ايقوله عرفته وين اني
مفهمتش شئ خفت قريب متت جيت بنسكر باب الدار بي مفتاح ملقيتش مفتاح الدار بابا محوله الله لا تربحه خفت مقدرتش نرقد
قعدت نايضة ونمسح ع راس محمد ونقوله وهوا راقد
متخافش مداما اني معاك يا حبيبي خلاص منخليشي يديرلك شئ
واني مقعمزة ممكن ساعة 3 ولا 4 قبل صلاة الفجر باب الدار نفتح
في الحظة هاادي اني متت خووف متت خووف
….

يتبع
للكاتب / (محمد مالك )
رايكم