رواية طفلة حطمت كبريائي بقلم/ بيبو/كاملة

رواية طفلة حطمت كبريائي الفصل الواحد واربعون

صار يقبلها بحرارة حتى فقدت وعيها
ف الصباح
يستيقظ ادم ويصدم حين يجدها ع تلك الحالة
ويحاول افاقتها رؤى يارؤى ردى عليا 
ع السفرة
تجلس نور وملك وسهير ومديحة وندى
ويتفاجؤ بادم يحمل رؤى ع يدة وينطلق بها خارج القصر
نور: ادم مالها رؤى
سهير: يالهوى اية اللى عمل فيها كدة انت ضربتها يا ادم
ندى توشوش امها ؛ تسلميلى
مديحة : اصبرى عليا هما لسة شافوا حاجة
ملك: ادم استنى انا جاية معاك
ويتجهوا جميعا الا المستشفى برؤى
خارج الغرفة يجلس ادم ويضع راسة بين كفية
سهير: حرام عليك يبنى دى أمانة واحنا مصونهاش
نور ببكاء: لو كان زياد عايش مكنش حد قدر يعمل فيها كدة
ملك: اللة يرحمة سبها هنا لوحدها تتمرمط
ادم: انا مش عايز اسمع صوت حد فيكم
ليصمت الجميع
وبعد مرور نصف ساعة يخرج الطبيب من غرفة رؤى
ويتجة نحوة الجميع
سهير: طمنى بنتى كويسة
الطبيب: انا لازم اعمل محضر
ملك: محضر لية
الطبيب: ف كسر ف ايديها ورجليها ودة نتيجة ضرب اكتر من مرة ع نفس المكان سبب كسر للعضم
نور: اتضربت !!؟؟؟
ثم تنظر لادم
الطبيب: عن اذنكم
يدخل الجميع الغرفة لكى يطمئنوا عليها
سهير: حمداللة ع السلامة يابنتى واسفة انى معرفتش احميكى واحافظ عليكى
لم ترد عليها
نور: رؤى انتى كويسة
لم يأتيها رد هى الأخرى
ثم ينظروا لبعضهم باستغراب
نور: رؤى انتى سمعانى
ملك: طب لو سمعانا اعملى اى حاجة تثبت
سهير: مالك يابنتى متوجعيش قلبى اكتر من كدة
وبعد انتهاء جملتها مباشرة تدخل وتين وحمزة وميرفت الغرفة
ميرفت: اية ياحبيبتى اللى حصلك ومين اللى عمل فيكى كدة
وتين: رؤى حبيبتى قوليلى مين اللى عمل كدة وانا اشربلك من دمة
حمزة: ادم فين
سهير: مش عارفة كان واقف معانا مش عارفة راح فين
ملك: ممكن يكون ف الحسابات
نور: تعالى اقعد ارتاح ااتفضلى ياطنط اقعدى
ميرفت: اية اللى حصل يانور طمنينى
وتين: هى مبترودش لية
حمزة: عن اذنكم دقيقة وجاى
وتين: استنى هاجى معاك
حمزة: لا خليكى انا مش هتاخر
يدخل حمزة مكتب الطبيب ويسأل عن حالة رؤى ويحكى لة الطبيب ما حدث بها
حمزة: شكرا جدا
الطبيب: لا شكر ع واجب بس ياريت تاخدو بالكم منها
حمزة: حاضر عن اذنك
*****************
تنزل ندى من أعلى الدرج وهى ف قمة شياكتها
مديحة باستغراب::: انتى عايزة نعمل مشاكل مع ادم
ندى؛ هو ادم ف اية ولا ف اية
مديحة: هتتاخرى
ندى:. هحاول متاخرش
وتتركها وترحل
ادم ف نفسة : انا مش عارف اعمل ايه اواجهها ولا معرفهاش بس بجد تعبت جبت اخرى
ويفوق من شرودة ع صوت حمزة: مين اللى عمل ف رؤى كدة
ينظر لو ادم بعيون باهتة ولم يرد علية ويتركة ويرحل
يمسكة حمزة بقوة من يدة : استنى هنا انا بكلمك الدكتور مصمم يعمل محضر وهنقول ف أن انت اللى عملت فيها كدة فهمنى هى عملت أية
ادم : خانتنى فهمت عملت أية وحتى لو موتها دى مراتى انا وانا حر فيها
حمزة: لا مانتاش حر هى ليها اهل ولو انت مش عايزها طلقها احنا عايزينها
ويتركة ويتجة نحو غرفة رؤى
******************
تدخل ندى الشقة وتجد من ينتظرها
سليم: اتاخرتى لية
ندى: استنيت لما ادم يخرج
سليم: خرج راح فين
ندى : ف المستشفى مع الحلوة بتاعتة
سليم: لية هى حصلها حاجة
ندى: اة ضربها ومعرفش حصلها اية ووداها المستشفى
سليم بفضول: مستشفى اية
ندى: مستشفى (………)
المهم كنت عايزنى ف اية
سليم: انتى بقالك اد اية بتحطى لادم المخدرات ف القهوة
ندى: هى مرة واحدة
سليم : طب عايزك تزودى الجرعة
ندى: وافرض مات منى
سليم: متقلقيش هو بي هيبقى مش ف وعية شوية
ندى: وانا هستفاد اية
سليم وهو يمد لها يدة بملف : خدى دة
ندى وهو تاخذة منه : اية الورق دة
سليم: دة ملف مهم جدا وعايز امضة ادم وساعتها الخير هيعم ع الكل
ندى: ليا كام
سليم: 10٪
ندى: ميلزمنيش
سليم: امال عايزة كام
ندى: 35 ٪
سليم: 30٪ ودة اخر كلام عندى
ندى: لا شوف حد غيرى
سليم: سهلة اوى ع فكرة وزى ما جبت الورق من جوا مكتبة اقدر بكل سهولة امضية علية بس قولت انتى اولى
ندى: خلاص موافقة عايزة امتى
سليم: ف اقرب وقت
ندى: ماشى انا هلحق اروح بقى قبل مايجى
سليم وهو يتجة بها نحو الغرفة : لا لية بدرى تعالى اديكى عربون
********************
ف غرفة رؤى
يدخل الطبيب لكى يطمئن عليها
الطبيب: عاملة اية دلوقتى يارؤى
لم ترد علية ونظرها معلق ع باب الغرفة
تنظر وتين حيث تنظر رؤى
وتين: رؤى انتى بصة ع الباب لية
يقترب الدكتور من حمزة : ممكن تخلى جوزها يدخل
حمزة: بلاش عشان متنهارش
الطبيب: عايز اشوف رد فعلها
حمزة : حاضر
ويخرج من الغرفة ويخبر ادم بكلام الطبيب
يدخل حمزة وبضع لحظات ويدخل ادم
رؤى وهى تنظر له : زياااااااااااااد
ينظر الجميع لبعضهم باستغراب وتقترب منها وتين : فين زياد يا رؤى
رؤى وهى تشاور ع ادم : اهو كنت مستنياك من بدرى
الطبيب: زياد مين
رؤى : زياد جوزى
الطبيب بعدم فهم : مش اسمة ادم
حمزة : دكتور ممكن اتكلم مع حضرتك
الطبيب: اتفضل ف المكتب
يدخل كلا من الطبيب وحمزة المكتب
الطبيب: خير
يحكى له حمزة منذ لحظة موت زياد حتى الان
الطبيب: انا كدة فهمت هى جتلها صدمة عصبية ودة سببلها تعب نفسى واتعالجت ورجعتلها مرة تانية ودة أكبر غلط لان العقل والنفس لسة ماخدتش ع التعايش بشكل منتظم والتعامل مع الناس وخصوصا أهل جوزها
حمزة: طب والعمل
الطبيب: العمل انها تدخل مصحة نفسية وادم ميزورهاش خالص ولا تلمحة لأنها مبتشوفش زياد غير ف هو
حمزة: مش فاهم
الطبيب: بمعنى اصح هى كل ما تشوف ادم بتتخيلة زياد واكيد ف شبة بينهم عشان كدة هى بتشوفو جوزها اللى عقلها رافض أنة مات لحد اللحظة دى
حمزة: مفيش حل غير أنها تتحجز ف مصحة
الطبيب: متقلقش انا هتابع حالتها بنفسى
حمزة: هو تخصص حضرتك اية
الطبيب: دكتور مراد تخصص أمراض نفسية وعقلية
حمزة: تمام شكرا جدا يادكتور هتتنقل امتى المستشفى
مراد : انا هحطها هنا تحت الملاحظة يومين واول ما حالتها الجسدية تتحسن شوية هننقلها ع طول
يخرج حمزة من مكتب مراد وهو عقلة شارد اهى فعلا وصلت لهذه المرحلة
يدخل غرفتها وهو ينظر لها بحزن ع حالتها
وتين: مالك ياحمزة
حمزة: مفيش يلا نروح عشان رؤى ترتاح
وتين: انت هبات معاها
ميرفت: لا روحى انتى انا هقعد معاها
حمزة: مفيش حد اصلا يقعد معاها
سهير: الدكتور قالك اية يبنى
ينظر لرؤى النائمة أمامة ع فراش المرض : هتدخل مصحة نفسية
تشهق نور وملك
ميرفت: بنتى انا تدخل مصحة نفسية
حمزة : دة احسن ليها ياماما
ملك: هو الدكتور قالك اية بالظبط
نور: طب دة كلة بسبب لية
حمزة وهو ينظر لادم باسمئزاز: اسألى اخوكى
ميرفت ببكاء: كدة برضوا يا ادم دى بنتى اللى قولتلى هشيلها ف عينى
ليتذكر يوم فرحة ع رؤى
ميرفت : خد بالك منها يبنى
ادم: ف عينى
رؤى : قصدك هتطلع عينى
ليضحك ادم : كويس انك عارفة
ويفوق من شرودة ع صوت وتين
وتين: منك للة يا ادم ثم توجة كلامها لنور: عرفتى لية دلوقتى كنت بقولك بخاف ع اختى من اخوكى
عرفتى يانور
ثم توجة كلامها لسهير : هى دى ياطنط اختى اللى جت بيتكم وردة مفتحة لية حرام عليكم
ثم تقول جملتها الاخيرة
وتين: طلقها يا ادم
***********************
تدخل ندى القصر وتقابل مديحة أمامها
ندى: خضتينى
مديحة: اتاخرتى لية
ندى : طمنينى ادم جة
مديحة: اة ياختى وطلع اوضتة
ندى: طب مسالش عليا
مديحة : هو ف اية ولا ف اية
ندى: طب خدى الورق دة وخبية
مديحة وهى تتفحص الورق : اية دة
ندى : وطى صوتك دة ورق تبع ادم ف الشغل وعايز امضتة
مديحة : وانتى مستفادة اية أن شاء الله
ندى : 30٪
مديحة : طب هانى الورق دة انا هخبية بطريقتى
وينتهى اليوم
*****************
ف الصباح
تذهب ملك ونور لرؤى ويقابلوا مراد أمامهم
نور: صباح الخير يادكتور
مراد وهو نظرة معلق ع ملك : صباح النور
ملك: رؤى عاملة اية انهاردة
مراد: الحمد للة كويسة تقدروا تدخلو تطمنو عليها
ملك بخجل من نظراتة: بعد اذنك
ويدخلو الغرفة ويجدو وتين
نور: صباح الخير ياتونة
وتين : صباح النور
ملك: انتى هنا من امتى
وتين: بقالى ساعة
ملك: هى عاملة اية انهاردة
وتين: نايمة من امبارح
نور: أن شاء الله خير متقلقيش
ويعم الصمت ف الغرفة عندما ………
تابعوا
توقعاتكم