رواية طفلة حطمت كبريائي بقلم/ بيبو/كاملة

تدخل ميرفت شقتها وتصدم حين تجد حمزة يقف يغسل المواعين
ميرفت:بتعمل اية يبنى
حمزة: بغسل المواعين ياخالتو بتاعت الفطار
ميرفت: اية دة هى وتين حضرت فطار 
حمزة: وتين مين ياخالتو اللى تحضر فطار انا اللى عملت
لتدخل وتين المطبخ : ماخلاص ياعم انت هتزلنى عشان حضرت الفطار ف مرة ماحنا بنأكلك
وتصمت عندما سمعت صوت ميرفت
ميرفت : وتين اية اللى انتى بتقولى دة
وتين: انا مش قصدى اللى انتى فهمتى
ميرفت: ولا كلمة اتفضلى ع اوضتك
حمزة: خالتو وتين متقصدش حاجة هى بس دبش شوية
ميرفت: دى اسمها قلة ادب اتفضلى ع اوضتك
لتدخل غرفتها وتبكى بصمت فهى لم تقصد اى إهانة أو تجريح لكرامتة
وتمسح دموعها وتتفاجئ بمجرد أن رأت رسالة من عمر
*****************
ادم: تحبى نسافر
رؤى: لية ماحنا هنا حلوين
ادم: عادى لو مش حابة برحتك بس المفروض اننا عرسان نسافر يومين واهو نخلص شوية من زن ندى ومرات عمى
رؤى وهى تمشط شعرها: برحتك معنديش مانع
وتتفاجئ عندما تجدة يحتضنها من الخلف
رؤى وهى تحاول الإفلات من يدة : ادم اوعى
ادم: تؤتؤ
رؤى : لو سمحت يا ادم ابعد
ادم: عايزانى ابعد
رؤى: اة ياريت
ادم: طب هاتى بوسة وانا ابعد
رؤى : لا طبعا وابعد بقى
ادم : طب مش هبعد غير لما اخد بوسة
رؤى: لا مش هعمل كدة
ادم: طب خلاص من الواضح انك حابة الوضع كدة
رؤى لكى تتخلص منة تضع قبلة بشفتيها الصغيرة ع خدة وتجرى داخل الحمام وتغلق الباب
ادم: طب ممكن تخرجى
رؤى من الداخل وقد انقلب لونها الأحمر من كثرة الخجل
: مش هخرج واطلع برة الاوضة بقى
ادم: لا معلش بما انك بوستينى ف انتى كدة ليكى عندى بوسة وانا مبحبش ابقى مديون
رؤى وهى تضحك بصمت : لا انا مسامحة
ادم: انتى هتجبى عليا اخرجى خدى حقك
رؤى: امشى الاول وانا اخرج
ادم: ماشى بس انتى برضوا ليكى عندى بوسة
***********************
مصطفى : طب وهتعمل اية يازميلى
عمر: مش عارف الحيوان دة طب عليا مرة واحدة ملحقتش
مصطفى؛ ياسطى خلاص فكك منها وانا اجبلك اللى احلى منها
عمر: انا مش عايز اللى احلى منها انا عايزها هى
مصطفى: انت الخسران انا كنت هجبلك حاجة نضيفة
عمر: مانا عايز وتين عشان نضيفة
مصطفى: وطالما هى نضيفة عايز تعمل كدة لية فيها
عمر : عشان اوسخها مينفعش واحدة ترفضنى أو تدينى وش خشب عملالى فيها محترمة ومسك ايد لا واحضان لا
مصطفى: ولية متقولش انها مبتمثلش وأنها فعلا محترمة
عمر: انت مالك اعم انت هتعمل اللى اقولك علية وبس
مصطفى: انا مش شغال عندك
عمر: لا شغال عندى انت مصاحبنى عشان فلوس اصلا
مصطفى: انا مروح
عمر: خلاص اقعد متزعلش
مصطفى: قولتلك سيبنى اروح
عمر: خلاص اعم غور ف داهية
****************
وتين لنفسها: طب اقول لحمزة ولا لا
لا طبعا حمزة ممكن يتخانق معايا انا
وتفزع حين تسمع طرقات باب غرفتها
وتين تمسح دموعها : مين
يدخل حمزة غرفتها: انا عارف انك مش قصدك كدة بس لازم تتعودى أن مش كل الناس هتستحمل منك الدبش دة
وتين بدموع باكية: واللة ماكان قصدى انا اسفة
ليقبل رأسها : متتاسفيش عشان مفيش بنوتة بتتاسف الباهت
لتضحك وتين : تصدق فعلا انت حنين زية كانك نسخة تانية منة
حمزة: طب ياستى تعالى نخرج شوية
وتين: هنروح فين
حمزة : خليها مفاجأة
وتين: ماشى هنخرج امتى
حمزة: بليل
وتين: اتفقنا يلا بقى اطلع برة عشان انام
حمزة: انتى مش كنتى مرعوبة امبارح وفضلتى تعيطى عشان انام جمبك
وتين وهى تضربة بالمخدة : انت غلس ورخم واطلع برة ومتدخلش اوضتى تانى
ويستمروا هكذا لبضع دقائق
********************
يدخل ادم غرفتة
ويبحث عنها : رؤى يا رؤى
لتخرج من الحمام وهى تلف جسدها يروي الاستحمام وطارقة شعرها يتطاير بحرية
ادم ف نفسة يخربيت جمالك
رؤى: هتفضل باصصلى كدة كتير
ادم: اة قصدى لا انا كنت جاى اقولك أن حمزة كلمنى وقالى اجيبك انتى وملك ونور بليل عشان عيد ميلاد وتين وقالى محدش فيكم يقولها عشان هى ناسية اصلا
رؤى: ااااااااااااااة انا نسيت خالص برافو علية حمزة عمرة مانسى عيد ميلاد واحدة فينا وبالذات البت تونة
ادم: طب البسى عشان تنزلى مع ملك ونور تجبولها هدية
رؤى: حاضر
**********************
سهير : بما انكم خارجين يابنات انا هروح لميرفت اقعد معاها شوية
لتوافقها ملك ونور
ملك بصوت مرتفع : يلا يارؤى اتاخرنا
رؤى وهى تنزل من أعلى الدرج
انا.جيت اهو
نور: يلا عشان منتأخرش
رؤى: يلا
وف اقل من ساعة يصلوا المكان المراد
نور: انتى هتجيبلها اية ياملك
ملك: انا هجبلها مكياج
نور: وانتى يارؤى
رؤى: هجبلها سلسلة عليها صورتى انا وحمزة وهى واحنا صغيرين
ملك: وانتى يانونو
نور: مش عارفة محتارة ممكن اجبلها ساعة
رؤى: وتين مش بتلبس ساعات
نور: اوف : طب ممكن اجبلها خاتم فضة
رؤى: اة وتين بتحب الفضة اوى .
وينتهون من شراء هدايتهم
ويرجعون للقصر وتطلع كلا منهم لغرفتها
تدخل رؤى غرفتها وتصدم حين ترى ادم ………..
تابعوا
توقعاتكم