رواية جنون

#جنون?
الحلقه(4)طق طق طق
نهال:فتحت الباب 
فهد:السلام عليكم
نهال:مردتش وخشت
فهد:وين امي
نهال:طلعت هيا والبنات
فهد:اهاا به تجي نقيلو شويه ?
نهال:شبحتله بي قرف …مش ناعسه
فهد:بلاش وانا تقول متزوج اثيوبيه بري شوفي منضرك كيف مش مهتمه بروحك واطلعي شوفي النساوين برا
نهال:مدام عاجبينك خوذ وحده منهم وريحني
فهد:قعمز جنبها..انتي عارفتيني مستحيل نبدلك ?ومسك يدها
نهال:بعدت يدها وناضت للحمام
فهد:خش للكوجينه ودار قهوا شربها والقهوا يلي فاضله حط فيها منوم ومشي لي دار النوم لان عارف ان نهال لما تشوف القهوا رح تشربها

اويس:السلام عليكم
رؤى:??عليكم السلام اخيراااا جيت استاحشتك…وحضناته
اويس:خيرك وليتي اسمن من البقره الضاحكه
رؤى:معفن اقلب وجهك?
اويس:نبصر?
هاديه:جيت وليدي ???وسلمت عليه وقعمزو يهدرزو

فهد:طلع من الدار وشاف نهال راقده بسبب المنوم قامها وحطها في دار النوم غيرلها حوايجها لبسها روب وفتح شعرها وحطها في السرير وغطاها ورقدجنبها بس يشوف للجها الثانيه

هاديه:تي مش قتلك امس عرس نورس بنت عمك اسامه
اويس:اهااا
رؤى:تي كان تشوف امس ولعناها بي هديك الدربوكه وبديت نغني الحوش يلي خويا يبيه ندير مضله وننزل فيه
اويس:تغني ولا تلعبي في بوبجي ?
رؤى:???معفن
هاديه:والله الاجواء مش عاديه بكل امتا بنفرح بيك ياغالي حتا انت وتكمل نص دينك
اويس:ع اساس النص الاول كامل بالله ريحيني من الدوا هادي
رؤى:امتا بترجع المصحه
اويس:الخميس الجاي بنقعد اسبوع وخلاص ياسر
هاديه:ان شاء الله وليدي
اويس:انا بنرقد شويه بالله ديريلي قهوا ميمتي
هاديه:من عيوني

✨روايات بنووتة الشيخ(اروى)✨

نهال:فتحت عيوني نصت لقيت روحي في السرير ولابسه روب??امتا غيرت حوايجي ورقدت انا ?كيف هكي،؟؟قلت ممكن نومت العصريه هكي تنسي كل شي نضت غيرت حوايجي وقعمزت ع النت زي العاده يمكن نلاقي خبر او اي شي ع امي وبوي ?

ترن ترن ترن :-التالفون الارضي
اويس:الو
سعديه:اهلين ناجي كيف الحال
اويس:انا اويس?
سعديه:مشاء الله اهلين اويس شن اخبارك
اويس:تمام بخير
سعديه؛امك قاعده ؟
اويس:اي
سعديه:به قوللها قالتلك خالتي سعديه بنجوكم
اويس:متجوناش?
سعديه:علاش
اويس:هكي بسلامه

طق طق طق طق
هاديه:فتحت الباب …اهلا اهلا تفضلو ?
هند:زايد فضلك ياخالتي
هاديه:اهلا معتصم كيف حالك
معتصم:الحمد الله ياخالتي ?
هاديه:تفضلو هي

اويس:تمام جايكم نلقا حبت رز ناقصه نعدمكم راهو عديتهم
نادر:به غير تعالا
اويس:تمام

هاديه:اويس تعالا سلم
اويس:هند ?اهلين كيف الحال
هند:الحمد الله تمام
معتصم:كيف حالك اويس الكويس ?
اويس:شاف لي معتصم بقرف…هاذا انسان ولا بكتيريا ولا شنو بزبط
هاديه:اويس تحشم?هههه بسلامته تعرفيه يحب يبصر هوا
معتصم:نقولك نكته
اويس:لا
معتصم:مره في واحد اسمه بشار خش السنيما كلوه ?
اويس:هند ذكريني وانتي مروحه نعطيك حبوب منع الحمل وكندم لي راجلك لان انتاجكم زباله هي سلامات
هند:?

اويس:طبعا انا منحبش العيله هلبا لانهم كتله نفاق ع الارض وانا منحبش المنافقين الحق

فهد:نايض من النوم شاف لي نهال وابتسم ونهال مش معبراته
فهد:ياقلبي انتي محلاك هاذا غير مش نعسانه مبكري??
نهال:ع شنو تحكي؟
فهد:ع اساس مش مذكره
نهال:خافت ….احكي شنو قصدك
فهد:اااه بالله شنو بنحكي والله مبكري قريب خذاني النوم هي لين جيتي نقزتي عليا ههههه شكلك مستاحشتيني
نهال:شش شء شنو انا؟
فهد:اعترفي انك بديتي تحبيني
نهال:ناضت من بحداه وهيا ترعش…كيف مش مذكر شي انا معقوله؟بعدين هاذي مش اول مره الاسبوع يلي فات صارتمعاي اكتر من مرا ننسا هلبا ربي يستر وخلاص

في شقة نادر :-
مروان:اميي هيا امي لحد اخر يوم في عمري??
اويس:اكيد امك يعني في اخر عمرك بتنقلب بنت عمك مثلا ?
نادر:???
مروان:زريف مشاء الله ?
اويس:خيرك انت قارنهم من الصبح
مروان:الجو اخي حطولنا فيلم نتفرجو
نادر:ونبي انت بذات اسكت الخميس يلي فات الفيلم في دقيقه8قاعدين حتا يعرضو في اسماء الممثلين وانت في سابع نومه
نادر:صح والله
اويس:ع اساس انت يلي كملت الفيلم راقد وفمك معوج تقول جاياتك جلطه متجلطه
نادر:ياولاد انا نبي نتزوج مليت من القعاد بروحي
مروان:احممم
اويس:هل انت متأكد ؟
نادر:اي
مروان:بالله المره هاذي خوذها طبيعيه مش زي الاوله
اويس:تقول تتكلم ع حكة زبادي …المهم مدوراش هاذا فوته خوذ وحده تكون جدعه لاتعرف مكياج لا …
مروان:شن قدعه ياراجل يبي يخش بيها عركه هوا خودها برنسيسه هكي ف…..
اويس:شنو برنسيسه لا خ…..
نادر:خلاص معش نبي خلااااااص

منيره:اااه والله رجيلاتي يوجعو فيا
نهال:وين البنات
منيره:قعدو في حوش خالتهم قالو بنباتو نغيرو جونا
نهال:به خلي ندير العشي
منيره:عشي شنو يابنتي مش طيبتي وتعشينا،؟
نهال:شنو؟
منيره:تعشينا وجي حتا صاحب فهد حطيتولا بروحهم
نهال:اه اي صح ?…وناضت لي دارها

منيره:ها شنو صار معاك
فهد:اسبوع تاني ورح تلقيها طالعه من عقلها
منيره:مليح?

نهال:خشيت داري وقعدت نبكي ياربي شنو قاعد يصير معاي انا خيرني ?نلقا في حوايجي مبدلات بروحهم ونرقد ومنذكرش امتا رقدت ونلقا في ديمور داري متغير وعطوري في مكان تاني وفهد يشوف في حجات منعرفهمش ياربي شن هاذا???

منيره:مدام خواتك مهناش فرصتك ادير يلي اتفقنا عليهامس
فهد:اي زابط مدوري شي

✨روايات بنووتة شيخ(اروى)✨

الساعه12في الليل:-
طبعا من الساعه12تبدا جرعة التفاه المركزه .

نادر:يدخن في الحشيش ويتحسر علي ايامه واويس ومروان من الريحه حتا هما تصندلو

اويس:قالك مره فيه بحر دار رجيم ?
نادر:اي؟
اويس:احمم مره فيه بحر دار رجيم ولا دفله ????
نادر:هههههههههههههههههه
مروان:عههههههههههههههه وووه جنابي اسمع هيا علاش فيه ثعبان في الصيدليه؟
اويس:علاش
مروان:لان الناس ثعبانين?
اويس:ههههههههههههههه
نادر:اه اه بطني هههههههههههه
اويس:اسمع هيا ?قالك مره في جندي امريكي خش لي دكان واحد هندي قاله في أسير امريكي هنايا تكلللم?قاله الهندي لا والله فيه اسير تانج واسير موز ?????
نادر:ههههههههههههههه خلااااص النم
مروان:ههههههههههههه معش عندي انا

ثاني يوم :-
فهد:خيرك انتي هبلتي طالعه بي شعرك لي الراجل
نهال:اي راجل خيرك انت؟
فهد:في المربوعه مقعمز
نهال:بس انا كنت في المربوعه مفيش حد
منيره:ههههه ياحليله فرخ عز الدين كبر مشاء الله
نهال:من عز الدين
منيره:ولد اختي في المربوعه بالله نهوله ديريلهم قهوا وراسك
نهال:مشت تجري فتحت باب المربوعه …مفيش حد هنايا??
فهد :حي يجررررى وطلعها….سامحنا مهيمن معليشي
نهال:في منو تكلللللم مفيش حد
منيره:خيرك يابنتي الراجل قداش ليه مجاناش …معليشي ولدي نهال تاعبه شويه الله غالب
نهال:بدت تعيط وتخبط مفيش حد متأكده مفيش حد وتبكي لين داخت

نادر:وين ع خير
اويس:بندير دوره ع الحوش وبنمشي نشري سبيدرو
مروان:سبيدرو ؟
اويس:اي ماركة نوكيا ?منزلين موديلات جديده وبعدين بنمشي المصحه
نادر:????
مروان:تقصد ماركة نايك؟
اويس؛اي الزح الحشيش قاعد مأثر عليا ?هي نتلاقو

منيره:اي والله الكلام يلي قاله فهد مزبوط يابنتي انتي الايام الاخيره تعبتي هلبا
نهال:قعدت ساكته وقتنعت اني فعلا نجنيت رسمي
فهد:نوضي البسي نرفعك مصحه نفسيه ياعمري نديرو كشف ونروحو
نهال:نضت بدون منعترض لان كنت متأكده اني هبلت رسمي

اويس:صباااح التنكر مرتبط ولا نخليك تفكر ?
ناجي:?صباح الورد وينك معش ريناك
اويس:كنت عند نادر وجيت بندير دوره هنايا وبنرجع المصحه
ناجي:عجبك الجو ياكلب ماكله ونوم
اويس:هوا في حد يكره ?
ناجي:به قعمز افطر امك طلعت واختك في الجامعه
اويس:لا خلاص شفتهم امس انا جيت ع خاطر اليوم ياعسل ياقمر انت يؤبروني شعراتك البيض
ناجي:?

نهال:لبست عبايتي وكان وجهي تااااعب هلبا من كثر السهر والتفكير وطلعت انا وفهد وامه للمصحه نزلت وخششوني طول للكشف قعد الدكتور يسأل فيا ونجاوب وكنت نشوف في الدار ونسأل فيه اكتر من مره في حد معانا ومنشوفش فيه ؟؟؟!

المهم طلبو مني دخول وكنعرفش كم تقعد فترة علاجي بنسبه ليا طوووول وافقت لاني رح نبعت ع فهد الحقير خوالي لما سمعو جو للمصحه وموافقوش نتعالج لان خايفين من العار بنت اختهم مجنونه بس لما شافوني مصممه خلوني في حالي عطوني لبست المصحه كانت عباره علي سروال وبلوزه بلون الابيض ووشاح اسود خذتني الممرضه لي الحديقه برا قعمزت ع الكرسي وبديت نبكي لاوين وصل بيا الحال انا بعد امي وبوي مبطله قرايه متزوجه من واحد حقير ومريضه نفسيا ?مسحت دموعي وقعدت ساااااارحه لين سمعت صوت جنبي

اويس:ياكل في سامينسا….حرام الزح وحده قنينه زيك تكون مريضه وتشوف في حجات يرقصو قدامها وتعيط زي سيارة المطافي
نهال:ياريت تسكت لاني مش ناقصه
اويس:?طلعتي تفهمي
نهال:قلبت وجها لي الجها الثانيه
اويس:والله شكلك مهمومه صح
نهال:طبست راسها
اويس:اسمعي الهم 3انواع ره هم فرح وهم حزن وهمبرجر???
نهال:…..يتبع