حلقه(1) (مقدمه)

قصيره لانها مقدمه نعرف فيكم ع الشخصيات بس

ساميه:متبكيش يابنتي
نهال:والله مقادره نشد روحي يا امي ??
ساميه:في شي مضايقك حبيبتي احكيلي
نهال:كمدت في قلبها…مفي شي مصايقني غير غيبتكم عليا
ساميه:هانت حبيبتي هانت كلها شهر وتلقينا قدامك انا وبوك ونرجعو لي حوشنا انشاء الله
نهال:يااارب انتي شن حال صحتك اليوم
ساميه:بخير الحمد الله احسن من قبل بي هلبااا
نهال:دوم ياغاليه
ساميه:بنتي شوي ونكلمك بوك روح
نهال:انشاء الله قوليله يكلمني حتا هوا
ساميه:تمام

مرحبا بنات❤️انا نهال عمري 18السنه نقرا سنه ثالثه تانوي طبعا رح تحكي بنووتة الشيخ علي المأساة يلي عشتها بس قبل متحكي رح نوضح شوي حجات عشان تفهمو القصه …انا وحيدة امي وبوي لان بعد ماجابتني ماما دارو حادث وبابا صارله عقم بس امي متخلتش عليه لانها تحبه ❤️كنا عايشين حياة سعيده ومتريحين بس للاسف الايام الاخيره ماما تعبت هلباااا وطلبو عليها زراعة كبد وبابا هوا يلي رح يتبرعلها طلعو لي المانيا وانا خلوني عند عمي ?لاني شهاده ولازم نركز في قرايتي عمي كويس بككككل معاي مرته وبناته عادي مش شر ومش طيبه بس عندي ولد عمي حسبي الله ونعم الوكيل فيه مضايقني هلبا وصاااايع يحاول يغلط معاي كم مره بس نهدد فيه ان نحرش بوه ويخاف يرجع طبعا انا عندي عمي هاذا بس وخوالي منواصلوش في بعض هلبا لان ماما تزوجت بابا غصب عليهم نمشو في الاعياد والمنسبات بس بابا يملك مشاء الله اراضي وكم عماره وقبل ميسافر مدايرلي توكيل قالي الدنيا فيها كل شي وخلا الورقه عند عمي لان عمي ثقه هلبااا مواصفاتي
بيضه متوسطه الطول شعري ع العسلي تقريبا وعيوني عسلي هاااادي لين مرات يبان كأنه اخضر فمي صغيرون بس منفوخ شوي جسمي معدل ع طولي مش سمينه ومش ضعيفه متناسق

منيره(مرت عم نهال):نهال تعالي تغذي
نهال:مسحت دموعها …جايه هي
منيره:خيرك ؟
نهال:لا بس كنت نكلم في امي
منيره:اهاا ربي يردها بي السلامه هي تعالي
نهال:تمام جايه

✨روايات بنووتة الشيخ(اروى)✨

في مكان تاني مدخلاش بي نهال ولا حوش عمها اصلا:———

ناجي:بصوت واطي ومعصصصب…..تو ياكلب ياتافه في حد عقله في راسه يجي لي اجتماع في شركه محترمه لابس بدله رسميه وطاقيه وجايني في موطو
أُويس:من قالك عقلي في راسي
ناجي:اماله وين
اويس:تحت بيطاني ???
ناجي:الحق مش عليك يا زباله الحق ع التيس يلي هوا انا نسمع في كلام امك ع اساس حاطه امل في ولدها يتعدل لاكن ذيل الكلب ديمه معوج
اويس:انا جعان مفيش حاجه قابله للاكل هنايا
ناجي:خش الاجتماع بيدا
اويس:به?

في القاعه:-
مروان:ويسووو
اوس:ها يا احساسي
حفيض:لا احساسك لا مشاعرك ولدي يقعمز جنبي عارفكم لما تتلاقو مفيكمش خير
اويس:?
ناجي:احمم بسم الله نبدو الاجتماع تفضل استاذ غازي

غازي:شروطي كلللها واضحه يا استاذ ناجي
ناجي:بس المبلغ المطلوب خيالي شوي ره
غازي:اخر كلام عندي
ناجي:بصوت واطي….قول حاجه تبيض الوجه
اويس:بودره?
ناجي:??‍♂️??‍♂️??‍♂️
مروان:استاذ غازي خلينا نخفضو السعر والجوده لو نقصت شوي مش رح تأثر
غازي:لالالالا
اويس:استاذ غازي
غازي:نعم
اويس:لو جاك ولد سميه مشروب باش يبدا اسمه مشروب غازي??????
مروان:بصوت عاالي ….ههههههههههههه قووووويه يامااااان
ناجي&حفيظ:???
غازي: ناض وقربع ع الطاوله جاي نتهزب انا هنايا ولا شنو

وخشت بعضها في قاعة الاجتماع ??‍♀️

انا اسمي اويس حرف الالف فوقه ضمه يعني أُويس عمري24سنه متخرج ادارة اعمال وبوي يحاول بكل جهده يخدمني في الشركه متعه بس صراحه انا انسان تااافه ومقدرتش نكون انسان جدي بكل حتا مشاكلي نخلي فيها تافه وحياتي تافها وكل شي يتعلق بيا تافه وبصراحه عاجبني الجو?مروان يكون ولد خالي وصاحبي هلبااا عندي اخ اكبر مني واخت اصغر مني الكبير دكتور وعايش برا وانا عايش هنايا✌️شكلي اممم مش لازم نوصف خايف اذوبو فيا صراحه
بنووتة الشيخ؛لخص هيا ?
اويس:??اوكي.. انا نشبه هلبا لي انطوني محفوض دورو عليه في القوقل تلقوه وتو بنت الشيخ تحط صوره تحت الكلام هاذا
بنووتة الشيخ:اسمها روايه ??‍♂️
اويس:المهم كلام?…يالله خلي نقوللكم شوي مواصفات اسمر لحيتي وشعري ع البني شعري ديمه فوق وعندي خصله طايحه ?عيوني لونهم رمادي زي امي ? وحاليا مش مرتبط يعني لو حده فيكم تبي….
بنووتة الشيخ؛اووووويس??
اويس:نبصر ?هيا بسلامه

عماد(عم نهال):اي معش يعطلو ان شاء الله يا بنتي
نهال:يارب
فهد(ولد عمها):حتا الشهر تعتبر فتره طويله ره
عماد:بي اذن الله فيسع ما يمشي المهم يروحو بي السلامه
فهد:يفصل بي نهال بعيونه
نسرين(بنت عمها):اميد شرولك حجات من المانيا صح??
ندى:اي سعدوودك?
نهال؛اضايقت لانهم يفكرو في الهدايا وبس وميهمهمش المرض ولا شي….اميد لو جابتلي بتكون حسبتكم
نسرين:الله ???

ناجي:بصوت عااالي ومعصصصصصب …..انا خلاااااص تعببببببت بننتخر من ولدك يلي حشمنا اليوم
هاديه(ام اويس):غير صلي ع النبي ?
ناجي:مش اول مره هادي مش اول مررررررره??نقوللها شنو قلت لي مدير شركة الجبنه يا رزيل
اويس:يابوي بصاره هوا ميتحملش ?
ناجي:اااااه ياكبدي الطايبه…..الراجل مسكين طايح يشرح في المشروع بي كل جهددددده ولما وصل الدور في ولدك تعرفي شنو قااااله
هاديه:شنو?
ناجي:قاله خشمك اكبر من حاويات البيجي وفوق هاذا كللللله لما الرجال تعصب ولدك شنو قاااااله هاديه:شنو قاله نهاري الاسود
ناجي:قاله عطيني طرايح ياجبنة شرايح
هاديه:حاولت متضحكش بس فمها مش قادر?
ناجي:انا خلاااااااص بنمووووت
اويس:قصدي مفهمتش الموضوع هاذا كله ع خاطر جبنة شرايح?وياريتها حتا اذوب في الكوشه??…يتبع

شنو بنات نكمل ؟?‍♀️