رواية انا واختي

الحـلـقـة الـثامنـ8ـة ?

وليد : شن كنتي تديري مبكري مع اية ؟

اني قلبي قريب يطلع مت مكانه : ااااء اني ؟

وليد : اي انتي ؟

اني ماعرفت شن نقول ؟!

وليد : اصلا ليش تمشي معاها ؟

اني ساكته ومنزله راسي

وليد : تو هك كويس يعني؟

اني مزلت منزله راسي

خش علينا وسام “.

وسام : شن فيه مالا

وليد : ااء لاشي نكلم فيها ع حاجه

اني : ابتسمت ع الخفيف

وليد : شفتي خوك كيف ؟
وباتك شن يدير كان عرف ؟
اسمعيني ؟ اول مره واخر مره ؟ نقالك عندك واختك عندك ؟ اتضيعك ره

اني : حاضرر ?

وليد : تصبحي ع خير بري

اني : وانت من اهله

وطلعتت “.

مسكني خوي وسيم كان كيف خاش من الحوش ؟

وسيم : شن دايره ؟

اني : ااءء شن بندير

وسيم : تعرفي يابنت

اني : والله بري فوتني مش ناقصتك

وسيم : تشوفي يا#٪&@-@

طلقني ومشيت “.

خشيت لـ دارنا ”

شذى : استنى شوي بعدين نرد عليك

عيسى : اوكك “.

اني : ?

شذى : خيره خوكك ؟

اني : اااء بكرة نخبرك توو عنديش نية فـ شي

شذى : تمام براحتك

وغطتت روحها بـ الورغان ورقدت ”.

وشذى تكلم فـ الكوبيدهه ☹??

شذى : تو شن بدير دام باتك مش موافق

عيسى : مشعارف والله تو نشوف عمامي وخالي

شذى : باهي انحبكك

عيسى : حتنا نحبك ومش ح نتخلى عنك

شذى : قلببي والله

والباقي مش شورنا ??
*
*
*
تعرف ي سامر ؟

سامر : نعم

اسامه : اني مشقادر نتخلى عنها فليهاذا نبي نسافر برا بلكي ننساها

سامر : لالا وين تخلي امك وراك ؟ وباتك انت سنده ؟

اسامة : اااه اااه م يعرف وجعي بس

سامر : سلامتك خووي معاك تو انت تريح ارقد وم يصير الا الخير

اسامة : باهي باه ربي يخليك ي قدر

سامر : ويخليك لي
*
*
*
ايات واية ?

ايات : اية نسالك سؤال ؟

اية : تفضلي ؟

ايات : وين كنتي مبكري

اية : وعليش ؟

ايات : سؤال بس ؟

اية : باهي نسالك سؤال ؟

ايات : قولي

اية : ليش تبي تعرفي ؟

ايات : مجرد فضول بس

اية : مشضروري

ايات : تمام مشكوره تصبحي

اية : وانت من اهله “.

وخلتها ترقد وكلمتت عثمـان ?“.

عثمان : هلا بحبي

اية : اهليني ياعيوني

عثمان : نحبكك هلبا مبكري قريب م كليتك

اية بخجل وبصوت دلوع : هههه ياروحي اني تسلم والله

عثمان : نعلي اني من الصوت ذبتت ياناس ذبت

اية : نعلي اني

عثمان فخاطره ههههههه استني الجاي : قتلك

اية : نعمم

عثمان : نبي نشوفك مره ثانية

اية : ممم نشوف ونرد عليك

عثمان : نحبك

اية : حتت اني
*
*
*
وسام : تعرفي اليوم قريب كليتك

بيسان : ههه نعلاي اني

وسام : منكك ي فرخه هبلتيني

بيسان : نجكلياا

وسام : نحبك

بيسان : اني اكثر

وسام : امتى بس نتزوجك وناخذك

بيسان : ههه قريب ي روحي

وسام : يحليلي ذبتت من الضحكه

بيسان : احرجتني ولا ككيف

وسام : اححمم

بيسان : شنوو امك عجبتها

وسام : قريب تهبل حباتكك بكل

بيسان : ههه من ذوقها

وسام : ي روحي

بيسان : امتى بتحددو العرس

وسام : ف اقرب وقت ي عقلي

بيسان : ههه باه

وكملوو هدرزوو وجووو

#بععدمروريؤؤمين☹?“.

وسام : باتي وامي جيتكم نبي نحدد العرس

بابا ابتسم

ماما : لللللوووولييييش

بابا : ابشر ؟

وسام :الاسبوع الجاي لا الي بعده

ماما : لللؤلؤؤؤيش واخير بنفرح بيك ياولدي

بابا : كويس بكل تو نتصل بيه ونشوفو ؟

وسام : اووكك

ماما : جيبلي رقمم عمتك من بيسان ؟

وسام انحرج : تمام مباه
*
*
*
اسامة خش لـ حوشهم وملامحه واضح انه تعبان ومضايق ومخنوق !؟

أحبك بلا سبب،بلا مبرر،بلا ميزة،بلا مبادرة،
انا فقط أحبك هكذا دون إرداة.??

خش ع باته ؟

عمي : خيرك ي ولدي هك رايح

اسامة : نبي نسافر ي باتي ونكمل حياتي غادي ؟

عمي : لييييش ؟

اسامة : هك اريحلي معش نبي نقعد اهني ؟

خالتي : هييي وين ماشي وليدي الوحيد

اسامة : خليني نسافر ي امي برضاك

خالتي : لا مش مسافر لعند م نفرح بيك

اسامة : هههه توو خليني نسافر بعدين ساهل

عمي : الي يريحك

خالتي : لا ي وليدي مانك ماشي

اسامة : يا امي خليني برضاك

خالتي : باه ع راحتك
*
*
*
اية جاية خايفه وترتعد

خالتي : خيركك ؟

اية : ااء لاشي قتلك نبي نمشي عند شيرين مش مطولة ؟

عمي : توو ؟

اية : اي توو ضرؤري ؟

خالتي : تمام وسلمي عليهم

اية : يؤؤصل

ومشت وتدعي يارب استر يارب استر??

خشت سلمت ع ماما وبابا ؟

اية : وين شيرين

ماما : خشيلهم فـ الدار ؟

اية : باه

وخشتلناا **

سلمت علينا ”

وقعزنا نهدرزو بعدها ”

مدتلي تليفوون وكاتبه فيه :نبيك ضرؤري هيا نطلعوو هنا مرات تحس شذى فهمتي:

اني فهمت عليها هزيتلها راسي بمعنى تمام

وطلعناا ”

شذى : وين ماشيات ؟

اني : اااء قعدين تو نجوو ؟

شذى : ميهه ميهه
*
*
*
طلعنا برا ”

اني : خيرك شن فيه قريب تموتي

اية : بدت تبكي اخخخ شن نقوولك

اني : قؤلي الزفتت قلقتيني ؟

اية :
*
*
*
وسام : امي اهوا رقمها عمتي

ماما : يا فنص انت باهي

بابا ابتسم :

وخذاته “.

اتصلت بيها واتفقوو **

خش خوي وسيم مروح يقرا ؟

واخيرا بنتفكو منه ؟

ماما : خلاص ي وليدي

وسيم : اي خلاص قراية ؟

بابا : موفق اقرا كويس وورد بالك من روحك

ماما : انتبه ع روحك

وسيم : اوك ولايهمكم

وحب ع راس ماما وبابا وطلع شافناا ؟

عطانا نظرات استحقار رديته له نفسها ??

تي وقسمبلاه الا نفسيهه ماهذا ؟

اني : حييي وحييي

اية : ???

يتبــع?

توقعاتكم ?❤؟؟؟”

ياترى خيرها اية ؟ وشن القصه الي خايفه منها ؟ وهل عثمان وراء هالقصه ؟ وشن تكون ردة فعل شيرين ؟ وشذى شن يصير معاه‍ وشن تكون ردة فعل باتها لما يجي عيسى ؟ ويا هل ترى اصلا عيسى يقدر يقنع باته ويجيبه‍ ؟ او م يصيرش نصيب ؟ ووسام ؟ هل بيسان تطلع فعلا زي م شافوها اول مرره ؟
واسامة ؟ هل فعلا ح ينسى شذى ؟ وح يقدر اصلا ؟ وايات ؟ هل يكون لها دور ف الرواية ؟ ووسيم هل ح يحول هذا الشك او يزيد ؟ وخديجه الي هيا ام اية وايات واسامة ؟ شنوو تكون حاطه ف راسها ؟

كل هالاسئلةة ؟!?“.