رواية انا واختي
الحلقة الاثنـى عشـ12ـر❤
خلينا نرجعوو لـ الايام الي فاتن لـ اسامة “.
وصل اسامة لـ سويسرا ودور فندق قعمز فيهه ليلة والصبح ناض غسل وفطر وصل ورفع ملابسه وطلع “.
مشاا لـ شركة يبي يدور خدمه ؟!
لقا شركة كبيرة سما بالله و
خش
الراجل : We appreciate your help ؟
‘نحن نقدر مساعدتك’
اسامة : yes
‘نعم’
الراجل : In what ?
‘فـ شنوو’
اسامة : l want the manager
‘اريد المدير’
الراجل : ok ,wite
‘اوك انتظر’
اسامة : اوك
الراجل اتصل بالمدير
المدير وبنته ”
هما طبعا يتكلموو بـ الانجليزي بس اني ح نتكلملكم بالعربي يعني مترجم✨?♂
المدير : لاا قتلك
بنته : بليزز باباا خليني
المديرر : تمشيي بروحك
بنته : عاادي
المدير : مممم
ع اتصال الراجل “.
الراجل : اهلاا
المدير : ها ؟
الراجل : فحد يبي يقابلك
المدير استغرب : مش عاطي موعد لحد
الراجل : مش عارف
المدير : اوك دخله
الراجل : تماام
سكر منه ؟!
اسامة : ها شنوو ؟
الراجل ابتسم : تفضل خش فووق اول مكتب ع جهة اليمين
اسامة فرح : اووك
ورقا فـووق وقعمز يدور
المدير : توو اطلعي
بنته : باه شن قلت ؟!
المدير : بعدين نرد عليك هيا بكرا وانت مستعجله
بنته : تم باهه
وطلعت وخبطتت ف اسامة ؛
اسامة : معليش
بنته : ماتشوفش انت
اسامة : اسف مش بالقصد
بنته كشخت فيه وفاتت “.
طقطق الباب
المدير : تفضل
خش
سلم عليه ”
اسامة : قتلك نلقى عندك خدمه اهني
المدير : مممم ؛ للاسف اكتفينا
اسامة : مافيش امل بكل
المدير : معليش
اسامة : اوكك
وجاي بيطلع ناداهه المدير
المدير : معليش انت
اسامة : انيي
المدير : اي انت
اسامة رجع : نعم
المدير : شن قاري انت ‘
اسامة : هندسة معمارية
المدير سكت شوي بعدها : مبروك عليك
اسامة: يعني ؟
المدير : تعيننتت ويبدا من بكرة تعال ع الساعة 9صبح
اسامة فرح : شكرررااااا
المدير : رقمك ؟
اسامةة عطااهه رقمه : شكرا مره 2
المدير : العفوو ولوو
طالع رجع ناداه من جديد ؟
اسامة بخوف : نععم
المدير : ع جهة اليسار ف مكتب ف بنت ناديهالي
اسامة : اوووك
ومشى طقطق ع الباب
بنته : تفضل
خش **
اسامة : المدير يبيك تحتت
بنته : قصدك بابا ؟ اوك جاية
اسامة فخاطره : باتها المدير هذا عليش هك رافعه خشمها
وفااتت ننزل !؟
مشى لـ الفندق “.
فـ العشيه جاه اتصال من المدير سسلم عليه “.
المدير : وين قاعد
اسامة : ف فندق **##@
المدير : اها يعني عندكش حوش!
اسامة : اي بزبط
المدير : تمام تو نبعثلك تاكسي تعالا عندي
اسامة فرح وتوتر ووو : اا كيف
المدير : عندي جناح فاضي قعمز فيه لعند يفرج ربي
اسامة : حاضر مشكور والله
المددير : ولوو
*
*
بنته : شن فيه
المدير : ف واحد يجي يسكن اهني نعطيه جناح
بنته : وعليشش
المدير : مسكين ما عنداش وين يقعد!
بنته : باهي من هوا
المدير : الي اليوم جا وعطيته شغل
بنته لوت شواربها : باهي
وكلم تاكسي “**
اسامة رفع دبشہﮫ وطلـع لـ التاكسـي وصـل لـ الفييـلاا تاع المدير “**
كانت اول ماتخشي حديقه كلها اخضر ?
خش قدم لـ الفيلا طقطق ع الباب فتحتله الخدامه**
ع جية المدير!
المدير : تفضل خش
اسامة : زيد فضلك
وخش وقعمز ع الصالون الفخم والانيق ..
المدير : ياا عيشه (الخدامه) تعالي ارفعي ملابسه حطيهم فـ حجرته
الخدامه : اوكك
المدير : تقدر تتحرك براحتك اعتبره كانه حوشك، تبي اي شي نادي (عيشه) وتو بري تريح ودوش وتو تحطلك غذاء كان مش متغذي
اسامة انصدم وفرح ومشاعره متلخبطه : تسلم واللهه ماقصرت بكل مرجووعلك ، وفـ خاطره صاحب شركات ومتواضع
المدير : ولوو وتو نقول لـ عيشه توريك جناحك الخاص بيك خوذ راحتك
اسامة : مشكور
المدير : فيش داعي لـ الشكر ونادا لـ عيشه
الخدامه : نععم
المدير : بري وريه جناحه، وحطيله الغذا۽
عيشه : حاضر
ع طلعت بنته الي كانت لابسه تيشرتت قصير بكل مع سوريه لاصقه بدون كمام ورافعه شعرها فوق
اسامة استغرررب وانحررج وومعرفش شن يدير لـ وين ناداه المدير
المدير : اسامه
اسامه : نعم
المدير : اهياا بنتي
بنته شبحتله بكل غرور :
اسامة مد يده : اهلين
بنته : اهلاا
المدير : من اليوم ح يسكن عندنا
بنته : اهلين فيك
اسامة : شكرا
وفاتت وراته جنـاحـهه ??
وجا الاسبووع الي بععـدهه!
كـان فـ نهايةة الشغل **
صاحب التاكسي : تو نجيبه التاكسي اهني
المدير : لالا احني تو نمشوله
ونادا اسامة وبنته**
طبعا اسامة وبنته كانوو اصدقاء!
وفات هو قدامناا
واحني وراهه
وصاحب التاكسي سبقنا
واهني تجي سيارهه بدون م يعرفف
بنتهه : بااااابااااا???????
تلفت لـ بتته وبعدين شاف لـ سياره وماعرف شن يديرر :اريييييجج ??
وهـنـا تطيرره السياره فوووق وتعزقه ع الارض!!
اسامة : مديررييي???
اريج : لااااااا ما ماااات شوفوهولي ارجووككك يلااا?
اسامة : اهدي اهدي تو نشوفوهه
صاحب التاكسي رفعه فـ السيارهه وركبناا وفتناا وبنته طول الطريق تبكيي
وصلناا المستشفى دخلوهه ططول غرفتت العملياات!
بنته : تبكككي
واسامة : يحاول يهدي فهاا!
طلـع الدكـتـور قدمله اسامة **
اسامة : هاا دكتور طمناا
الدكتوور : نجحت العمليهه بس
اسامة : الحمدلله بس شنوو!
الدكتور : مافيش امل انه يعيش
اسامة : لااا
الدكتور : هذا هوا
قدمت بنته اريج
اريج وهي تبكي : هاا شنوو!
الدكتور : نجحتت العمليهه
اريج : الحمدلله بس نبي نشوفهه
الدكتور : لا تو متقدريش
اريج : لالا نبي نشوفهه اني يلاا وتعيط بصصوت عالي????
الدكتور : باه اوك خشي بس بـ الواحد
اسامة : تمام باهه **
وخشتت اريج **
اريج : باابااا هياا نووض متخلينيش برووحي نخااف اني من عنددي بععدكك نوض ههيااا متخلنيش ماماا عدتت وانت ببتععدي وبتخليني لالالالا ههياا هياااا بااباا ووماسككه يدهه
المدير فتح عيونه بشوي وابتسم ويحاول يتكلم : ي ي بنتي
اريج فرحتت : عيون بنتكك انتتت
المدير : يابنتي نبي نقولك
اريج : قوول ياباتي
المدير : اني عمري خلاص اني ووصيتي انك تتزووجي اسامه ولد خلوق وماشاءالله عليه
اريج مصدومه ومسكوره ومضايقه وووو : بابا شن تقول بطول عمركك انتي مش ح تخليني
المدير : يابنتي كلنا طريقنا هك المهم ماتنسيش وتو بري ناديلي اسامة
اريج تبكي : لا ياباااباا لااااا وبصوت عاالي
المدير : يابنتي خلاص
اسامة يسمع فـ صوته خشلها :
اسامة : خيرك شن فيه وحضنهاا لا اراديا
المدير : ابتسم ،
اسامة وعا ع روحه حولها من حضنه ”**
المدير : قتلك اني ككل الاسبوع الي فات نشوف فيك كييف تشتغل بـ اخلاص ووفاء وواضح عليك انك ولد ناس فـ وصيتي وسكت
اسامة : كله من ذووقك شن وصيتك تفضل
المدير : اني خلاص نهايتي قربت ح نسلملك الشركه وبنتي يعني تتزوج بنتي وم تقصر معاها يمكن عندك بنت فـ بالك
وهنا اسامة خطرت عليه شذى ? : بطول عمرك ياغالي
المدير : بس اني هاذي وصيتي تنتبه ع بنتي والشركه
اسامة مصدوم ومش قاادر يستوعب شاف لـ اريج؟
اريج تبكي ومخنوقهه ومضايقه وو :
اسامة مسكاته العبره : بطول عمرك ولايهمك ف امان
المدير كحح : يابنتي سامحيني
اريج : مسامحتك يابااتي وانت ح تمشي معانا لـ حوشنا
المدير ضحك : اسامة اكيد ح يدير باله عليك
اريج : لاالااا بصوت عالي وخشت فـ حضن اسامة بدون م تحس ع روحها
اسامة يمسح ع شعرها وحاضنها
ع جية الدكتور : لو سمحتوو ممكن تطلعوو **
اسامة : هز براسه بمعنى تمـام **
وطلعو وهو حاضنها لعـنـد م حست ع روحهاا +
فـ الليل وصا المدير اسامة ع شوية اوراق جابهم ع اساس انه سلم الشركه ليه وخلاص؟
المدير بصوت تعبان : الف مبروك وليدي
اسامة : يبارك فيك
اسامة باسه ع يده وبيطلع؟
المدير : ناديلي معاك اريج
اسامة : تمام باه
وطلع لـ اريج **
تبكي بدموع بس بدون صوتت يعني فـ لحظهه تغيررتت حياتهاا 120 درجهه!
اريج شبحتله**
اسامة : باتك يبيك
اريج : اوكك
ومشتله
اريج بصوت مبحوح : نـعـمم باتي؟
المدير بصوت تعبان : تعالي نبي نهدرز معاك
اريج قدمتله : وين نقعد ؟
المدير ههه : اهني
اريج ابتسمت رغم السواد الي تحت عيونها ووجها الذابل : يسدنا
المدير : تعالي بس
ومشت قدمت حاول يقربلها
المدير يتوجعع : اااهه
اريج : كان م يسدنا خلاص
المدير : لا وين ضروري ترقدي جنبي
اريج : باهي يا باتي
المدير : اسسس
وقربلها هو ويتوجع لـ حد ماا قعمزو هما الزوز فـ السرير!
يحكي عليها وهو يحكو فـ قصص لينن رقدوو !
قدم اسامة يشوف فيهم من الروشن ??
لين تعب ورقد ع الكرسيي **
وما وعااا الاا ع عيااااط اريج ?
ناض اسامة مفجووع
شننن فيهههه ششنن صصاار؟؟
خش يجررييي لـ اريج شافهاا حاضنهه باتها وتبكي؟؟
وقف فـ مكـانـه ماعرفش شن يدير؟؟
خشوو الـدكـتـاره والممـرضاتت حولوههاا بسيف من علـۍ باتها وهي تعطييط خلووني وخلووني وعطوهالي اسامة مسكها وحضنهاا ونحاول نهدي فيهاا، طلعتها برا وقعمز حاضنهاا وهي تبكي بصوت، قصدكم ماعرفتوشيي؟؟المدير عطاكم عمـرهه! يعني توفاا))
المهم كفنووه ومشينا المقبره طبعا كانت اريج مش ع حيلها تبكي وخلاص شادهاا اسامه “دفناا المدير” واسامة واريج قعمزو جنبه شوي بعدهاا بسيف طلع اسامة اريج وهي ماتبيش قعده وتقول “خليني عند بابا نبي بابا ”
وطلعها وركبها فـ سيارته الفتره الي فاتت عطاه سياره)) ويحاول يهدي فيها،
وصلوو الفيلاا وكانوو يعزو ويروحوو طول، اريج عيونها تحتهم سواد وجها الذابل وجسمها الضعيف كانت يعني خلاص مش ع حيلهاا اسامة شبح لـ الخدامه متع تعالي خوذيها وجت خذتها وحطتها فـ دارها وهي ولا كلمه من لما عيطت فـ المقبره والمستشفﮯ حلاص سكتت وشاارده وهي تتذكر فـ لحظات باتها تهزيبه عصبيته حنيته قسوته والعزز الي عايش فيه كل شي فعلاا فراق الاب واعر وخاصا كان عندكش ام وااعره والله باتها عوضها عن كل شي حنان وكلشي بس اهو جا اليوم وخذا ربي امانته كانت مزال تبي حنان مزال تبي من يدلعها مزال ومزاال وباتها الي فرض عليها الزواج؟ من اسامه؟ يعني هاذي توصيه واكيد ح تلبيهاا ليه؟بس هل ح يكون مليح؟ ويعوضها ع باتها؟ وهو مافيش شي يعوض الاب الحق?بس يمكن يحاول؟ افكاار تخش وتطلع من اريج وهي قاعده تحت صدمه لعند خذاها النوم ورقدت?
اما عند اسامة راسه مصد؏ ومش قادر بكل يفكرر حت هوا فـ كلام المدير يعني ح يتولۍ الشركاات وو هلباا حاجات وزواجه من ااريج حت هوو مايعرفش شن يديرر وفكر فـ امه؟وشذۍ? بس شذۍ هي ماتبيهه? باهي امه ؟ كيف ح ننقوللهاا؟ واني قلتلها مش مطول؟ يعني ح يبيع كل شي ويمشي يستقر فـ ليبيا؟معقولهه بعد كل هالتعب فـ الاخير يبيعها؟ لالا وامه ولدها الوحيد الي تبي تاخذلهه(شيرين) كيف ح تواجهه هاذي الحقيقهه؟للاسف هذا شي انفرض عليه فرض يعني مافيش فـ ايده اي شي ثاني انحط تحت الامر الواقـ؏،
وعاا من التفكيرر ع طقطتت الباب
اسامة : تفضل
خشت الخدامه (عيشه) : جبتلك فطور
اسامة : حطاه اريج كلتت؟
عيشه: اريج راقده
اسامة : اوك اول ما توعاا عطوها
عيشه : اكيد
وطلعت وحطت الفطور “.
اسامة يفكر اريج مش من نفس النمط يعني اهني عيشتهم تختلف عن فـ ليبيا ملابسهم كلامهم كل شي؟يااارب اني ضااايع يااارب وفقني
ونقش شووي طبعاا من دون نيه
وكلۍ شووي ورقد?
ناضت اريج راسها ثقيل ومصد؏ شافت جنبها طاست مياا شربت وقعمزت! ع نفس الحاله
#بعد_مرور_4ايام تقريبا!
اسامة : وين اريج
عيشه : فـ حجرتها
اسامة : واعيه
عيشه : ايه
اسامة : تمام
وخش لـ اريج طقطق ع الباب
اريج : تفضل
اسامة : خش
ووقف فـ مكانه يعني انصدم لابسه شرت ومع قميص قصير وماسكه شعرهاا باهمال
اريج : تعال تفضل
اسامة : طبعا انتي عارفه وصيت باتك واني مش ح نفرض عليك شي الا زواج ع ورقه بس يعني مش ح نلمسك او اي شيي بدون موافقتك
اريج : اي عارفه تمام
اسامة : والعرس بسيط بكل توقيع وفوت فحالك يعني لاعزومه لاشي
اريج : اي بالضبظ وحت اتي هك نبي
اسامة : تمام بكرا يناسبك
اريج : اي اوكڪ عادي
اسامة : تمام باه مشكوره
اريج : فيش داعي لـ الشكر
وطلع اسامه وتنهدو الاثنين مع بعضهم بس واحد داخل واحد برا
وفات لـ داره زبط اوراق الزواج!
والعشيه مشﮯ لـ الشركه وشاف الاوضاع وكانوو ناس واقفين وفـ ايديهم ورود ويمدو فيهم ليهه! كيف كنا وكيف اصبحناا
فـ مسااء ثاني يوم!
مشو زبطو امورهم وتجوزو (يعني زوج وزوجه) ❤?
ورجعو لـ البيت “.
الي هوا لمـا جـا اتصال وسام!
اسامة : اهلين شجوو … وانتم اكثر …هانية والله شن امورك انت… الحمدلله …مااشاا۽الله بس والله مانقدرش … وشبح لـ اريج واريج قاتله بنخش هز راسه بمعنۍ تمام ..والهي المشي والجي واعر ره …لا ياراجل ماتقولهااااش .. وسكر الخط
تنهد وقاال ياااارب ساعدني
قرر اسامة يمشي ويرفع معاه اريج ويوقف الشغل لمـدهه اسبوع ويرجـ؏ وقرر مايخبر هله الـي فـ ليبيا ويديرهالهم مفاجاة
خش لـ اريج وبعد جهههدد بش وافقتت تبيش تمشيي وعطاه اذن لـ عيشه تاخد راحه لـ مده اسبوع والشركه امن عليهها وزبط وضعه وتموو امـورههـم **
جهزو دبشهم ومشو لـ المطار وركبو فـ الطيارة دعوو دعاا۽ السفر طبعا اسامة بس لانه اريج تعرفاشي! وركبو جنبب بععض واريج كان قريبه من اسامة بكل!!
لوين وصلوو لـ ليبيا! وتنهد تنهيدهه طوويلهه وققال الحمدلله ع سلامتنا، ردة عليه الله يسلمك حبيبي
اسامة : تفاجااء وفرح ومشاعره متلخبطهه!
خذو تاكسي ومشو لـ حوش عمـي الي ههو حوشهم اسامة حطو الملابس وخذا سيارته الي هيا نفس وين حطها قبل مايمشي! وركبو فيها وجـوناـاا احنـيي?❤
*
*
*
واخيرااا نرجعووو لـ الحااضر توو ان شاا۽الله مركزين??
خالتي : ولدييي??
وسام وبيسان كانو واقفين يراجـوو فـيـهـم فسياره !
اسامة نزل ببروحه وجا حضن امه
خالتي : نااعلي اسامة??
اسامة : اي بلحمي ودمي
اية وايات شبحو لـ بعضهم ودموعهم تجمعوو : ??
طلعت ماما بعد ماتسمع فـ صصوتت خالتي والهرجة!
ماماا :شن فيه مالاا
اني : اسامة جاا
ماما : حقاا
واضبطت اية وايات الحمدلله ع سلامته حبيباتي
اية&ايات : الله يسلمك
*
وسام : هي هي هذا كانه اسامه وولاعييوني!!لالا اسامة صح الله واكبر
وجاي بينزل
بيسان بدلع تبعا : خليك حبيبي بتخليني بروحي
وسام : تي وقتك توو ماشي لـ صاحبي
بيسان خذت ع خاطرها وزعلت ونزل وسام!
*
خالتي مضبطه اسامه وتبكي
اسامة : يا امي اني ققدامك خيرك
خالتي : توحشتك ياغالي توحشتك
واهوا جا وسام!
ماما : شن دير اهني انت
وسام : نسمع فـ صوت صاحبي كيف
واسامة شاف لـ وسام
اسامة : اوور رفيقي واضبطو بعض وسلموو
وبعدها جا سلم ع اية ووايات وماما واني وشذۍ
وولاحظنا انه كان طبيعي مع شذۍ ! يعني قبل يحبها بجنون بس تو مشاعره ووجه طبيعي يعني ، وكلنا استغربنا لعـنـد مانزلت وحده من السياره !
كانت جميله بمعنﮯ الكلمه ‘بيضاء عيون خضر وخشم واقف شعر طويل طبعا كانت مش متحجبه دايره قصه بسيطه وشعرها ظفيره جايبتها ع الجنب وفستان قصير مع ڪعب وشنطه ع الجنب يعني وحدده واثقه من روحها كلنا انبهرنا وانصدمنا يعني وافكار فـ راسنا ومية سوال ؟؟ هاذي مني وكيف ووووو
اني وشذۍ : شبحنا لـ بعض
واية وايات كذلك **
ماما شبحت لـ خالتي !
خالتي : هذي مني ياوليدي
اسامة : هاذي مرتي
وهنا كانت الصدمه???
يتبــــــع❤?