دهب( لاترحلي) لـ فاطمه محمد

روايه دهب( لاترحلي)
Part 23
استقبل ادم دهب بالمطار بشوق كبيرادم بحب: حبيبتي وحشتيني جدادهب : و انت كمان حاسه اني بقالي قرن مشفتكش

ادم : ههههه قرن مره واحده ماشي يا ستي يلا بابا عشان مامتك هتجنن عليكي و خالي اقنعها بالعافيه تقعد في البيت

دهب : طب يلا بسرعه بقا عشان وحشتني اووي هي و اونكل هشام

ادم : يلا يا روحي

اما عمر و رنا فقد استقبلهم إحسان

إحسان : برافو عليكو يا ولاد بهرتوني الصراحه مكنتش متوقع ان شركتنا اللي تفوز

عمر بغرور مصطنع : عيب عليك يا إحسان ده انا عمر برضو

إحسان بمزح : انا بابا يالا

لتضحك رنا بصوت عالي علي مزاحهم

رنا : طب عن إذنكو انا يا جماعه بقا عشان محتاجه انام

عمر بتساؤل : هو مفيش حد هياخدك و لا ايه فين تمارا

رنا بسخريه : تمارا تلاقيها نايمه دلوقتي و بابا في الشغل مش هيعرف يجي و ماما طبعا مش هتنزل تجبني

إحسان بشفقه عليها فزوجته دائما كانت تتحدث عن قسوه و جحود اختها

طب تعالي يلا هنوصلك

لترد رنا بسرعه

لا يا اونكل ربنا يخليك انا هاخد تاكسي و هوصل علطول

عمر بنفي : لا طبعا عاوزاني اسيب بنت خالتي تروح لوحدها انسي

إحسان بدهشه و ينظر لعمر و رنا

عمر : اصل الهانم طلعت عارفه كل حاجه و مستعبطانا
كاد إحسان يتسائل ليقول له عمر

تعال بس يا حاج دلوقتي نمشي و نحكيلك في الطريق لحسن انا و البونيه الغلبانه دي مرهقين و عاوزين نريح شويه

……………………..……………………..….

وصلت دهب المنزل لتستقبلها نهله باشتياق شديد فهي لم تراها طوال فتره سفرها و اشتاقت لها كثيرا

نهله بدموع و هي تحتضنها : بنتي حبيبتي وحشتيني اوووي يا دهب كده تقعدي كل ده مشفكيش وحشتيني يا بنتي انا م هسمحلك تبعدي عني تاني فاهمه و لا تقوليلي شغل و لا مش شغل سامعه

دهب و هي تضم امها : و انتي كمان والله يا ماما وحشتيني اوووي و انتي عارفه كان غصبا عني و اوعدك مش هبعد عنك تاني صدقيني

لتظل دهب داخل احضان نهله

هشام بتاثر : خلاص يا نهله خليني اسلم علي دهب انا كمان و بعدين متقلقيش اهي بقت معاكي و في حضنك
لتؤما له نهله و تبعد عن دهب
ليسلم عليها هشام و يحتضنها

هشام : البيت كان وحش من غيرك يا دهب

دهب بدموع : خلاص يا جماعه مش هسيبكو تاني صدقوني

ادم : جرا يا جماعه هتقعدو تعيطو كتير مهي وصلت بالسلامه اهي و المفروض تاكل و تطلع تريح في اوشتها شويه

نهله : تعالي يا حبيبتي انا خليتهم جهزو الغدا و عملولك كل الاكل اللي بتحبيه

لتقبل دهب يد نهله

دهب : حبيبتي ربنا يخليكي ليا يارب

ادم بمرح : يا سيدي يا سيدي علي الدلع يا بختك يا دهب

هشام : انا رائي نمشي انا و انت يا ادم شكل نهله نسيتنا من ساعه ما شافت دهب

نهله : لا طبعا يا هشام بس دهب كان وحشاني اووي

هشام : عارف يا حبيبتي انا بهزر

يلا يا ادم عشان ناكل

دهب بتساؤل : اومال فين سلمي

نهله : سلمي بقالها فتره ملازمه اوضتها مش بتطلع منها مش عارفه مالها

ليرد هشام

سلمي بتدلع يا نهله

ادم ليغير الموضوع

يلا يا دهب كلي عشان وشك خاسس خالص

دهب : منا باكل اهوو

……………………..……………………..….

كانت كارما يوم اجازتها تحادث صديقتها سهر

كارما : ايه يا حبيبتي عامله ايه

سهر : مش كويسه خالص يا كارما

كارما بخضه علي صديقتها : ليه يا حبيبتي حصل حاجه تاني و لا ايه

سهر : محمود رجع يضربني تاني يا كارما تصوري بيترفز عليا لاتفه سبب انا بجد مش عارفه اعمل معاه ايه

كارما بغضب : انا مش عارفه انتي متمسكه بيه علي ايه يا بنتي سبيه ده انتي خساره فيه

سهر ببكاء شديد : بحبه يا كارما بحبه اووي

كارما بتاثر لبكاء صديقتها : طب خلاص اهدي عشان خاطري

سهر و هي تمسح دموعها : كارما انا محتجاكي اووي تعاليلي البيت ارجوكي

كارما : ماشي يا حبيبتي حاضر هقوم البس و اجيلك باي

سهر : باي

لتغلق كارما مع سهر و تستعد للذهاب لها
فسهر ليست صديقه قديمه فكارما تعرفت عليها عن طريق …

Flash back……..

استئذنت كارما من الزين للخروج باكرا من العمل

زين : ليه ان شاء الله ما احنا كل يوم بنخرج مع بعض

كارما : بس انت انهارده هتيجي عندنا و انا عاوزه اطبخلك بايدي و بعدين بتحسسني اني بركب معاك كل يوم مكل واحد بيركب عربيته

زين : و لو برضو بتبقي معايا لاخر يوم و بعدين لازم يعني ما ناكل من ايد الوالده و خلاص

كارما : يلا بقا يا زين

زين : ماشي يا ستي

بعد موافقه زين خرجت كارما من الشركه و ركبت سيارتهاا و تحركت بهاا و اثناء سيرها بالسياره كادت تخبط فتاه اخري

لتنزل كارما من السياره

كارما بخضه : انتي كويسه فيكي حاجه

الفتاه بالم : كويسه متقلقيش رجلي بس اللي وجعني و مش قادره احركها

كارما : طب تعالي اخدك المستشفي لتساندها و تركبها بالسياره

لتاخذ كارما الفتاه المستشفي و يكشف عليها

كارما بقلق: ها يا دكتور طمني

الدكتور : متقلقيش حضرتك دي كدمه بسيطه
ليربط لها الدكتور قدمها

و يخرجوا من المستشفي و هي تساندها

و توصلها لمنزلها و تصعد معها المنزل

كارما و هي تجلسها علي الكنبه : انا اسفه جدا انا السبب في اللي انتي فيه

سهر : حصل خير يا حبيبتي

كارما باسف : انا مضطره امشي دلوقتي و ابقا اتصل بيكي اطمن عليكي

سهر : ماشي

كادت ترحل لتنادي عليها

استني

كارما : نعم عاوزه حاجه

سهر بضحك : ايوه مختيش الرقم و كمان معرفتيش اسمي و لا انا عرفت اسمك

كارما : اوبس ازاي نسيت

ليتبادلوا ارقام الهواتف

كارما : اسمك ايه بقا

سهر

و انا كارما

Back….

و من وقتها و هم يتواصلون و اقتربو من بعضهم و صارت سهر صديقه مقربه لكارما و قامت كارما بزيارتها عده مرات في المنزل

……………………..……………………..….

دهب : متاكد يا ادم انت والدتك مش هتعارض انا مش هينفع اتجوزك لو هي عارضت

ادم : يا حبيبتي متقلقيش ماما موافقه جدا و زي مقولتلك في مناقصه داخل فيها و كلها اسبوع و اخلص منها و اجي لخالي اطلبك

دهب بشك : ماشي ربنا يستر

ادم : دهب مش عاوزك تقلقي طول منا معاكي

دهب : حاضر يا حبيبي

……………………..……………………..….

قامت كارما بزياره سهر

سهر ببكاء : انا تعبانه اووي يا كارما

كارما بتاثر : خلاص يا سهر بقا اهدي خلاص

سهر و هي تقوم : نسيت اققولك تشربي ايه

كارما : هو انا غريبه يا بنتي اقعدي

سهر : لا استني هجبلك حاجه تشربيها
لتقوم سهر لجلب مشروب لكارما

ليرن هاتف كارما و تجدها دهب لتبتسم بسعاده

دهب : الواطيه اللي مسالتش فياا و هي عارفه اني رجعت انهارده

كارما : حبيبتي والله كنت هجيلك بكره

دهب بعبوس مصطنع : و ليه مش انهارده

كارما : عشان اكيد جايه من السفر مرهقه و هسيبك ترتاحي و هجيلك اقعد علي قلبك بكره

دهب : ماشي لما نشوف

لتاتي سهر و معها المشروب و تجلس في مكانها

كارما : ماشي يا حبيبتي خلاص بكره اشوفك بقا

دهب : ماشي يا كوكو باي

كارما : باي

سهر : صحبتك

كارما : اها لازم اعرفك عليها هتحبيها اووي

ليخرج رجل ما من الغرفه

لتنصدم كارما من وجوده لتوضح لها سهر

سهر بحزن : كارما احب اعرفك محمود جوزي

كارما : اها اهلا بحضرتك

لتكمل سهر : و دي كارما صاحبتي

محمود بتفحص لكارما : اهلا

لتخاف كارما من نظراته

طيب انا همشي بقا يا سهر و هبقا اكلمك بعدين

سهر : ماشي يا حبيبتي

لتوصلها لعند الباب

فتتحول نظرات سهر من الزعل و الحزن للشر و الغضب

سهر : انت ايه اللي خرجك دلوقتي

محمود : الله منا مكنتش اعرف كنت فاكرك في شقتك

سهر : منتا كنت نايم و قولت اكيد مش هتصحا دلوقتي

محمود بخبث : بس طلعت مزه مش حرام عليكو اللي عاوزين تعملو فيها

سهر بغضب : و انت مالك انت انت تنفذ اللي هنطلبه منك و بس فاهم

محمود : ماشي يا ستي

لينظر لها برغبه : متخليكي هنا انهارده

سهر : بقولك ايه احنا كل اللي بينا شغل اكتر من كدا متحلمش فاهم

محمود : طب براحه علي نفسك يا قطه

لتغادر سهر الشقه و تدخل الشقه المقابله لها

ليقول محمود بعد مغادرتها

طب والله كارما دي برقبتك انتي و هي

……………………..……………………..….

كانت مروه بمنزلها لا تخرج منه الا للضروره فقد اخذت اجازه من عملها فهي تشعر بالذنب ناحيه صديقتها فهي قامت بخيانتها و طاوعت سليم في مخططه فيرن هاتفها فتجده سليم لتزفر و ترد عليه بتهكم

مروه : انت مبتفهمش قولتلك مليون مره متتصلش عليا مش خلاص عملتلك اللي طلبته مني ابعد عني يا سليم

سليم : مروه ممكن تهدي و بعدين انا مضربتكيش علي ايدك عشان توافقي انتي وافقتي بمزاجك و من ناحيه حبتك فهي تستاهل اكتر من كدا بكتير اوعي تكون مصدقه انها كانت بتحبك و معتبراكي صاحبتها تبقي هبله يا مروه

مروه : اخرس يا سليم مش عاوزه اسمع منك حاجه خلاص اسكت

لتغلق الهاتف في وجهه و تبكي بشده فضميرها يؤنبها

……………………..……………………..….

كانت سهر بشقتها و تتحدث بالهاتف

سهر : هو انتي ناويه تنفذي امتي بقالنا شهور علي الحال ده كنتي عاوزاني اصاحبها و صاحبتها و اكلمها كتير و بكلمها و الاهم من ده كله انها بتيجي البيت كتير يبقاا ننفذ بقاا يا سلمي

سلمي بشر : هنفذ بس مش دلوقتي يا سهر اول ميجي الوقت هقولك نفذي علطول

سهر : ماشي يا سلمي لما نشوف اخرتها ايه

يتبع ………..