اسير الناردين

الفصل الثانى عشر
عدو قريب

فى منتصف اليوم جاءت ايلين للشركة كانت ستدلف الى مكتب اسر ولكن وقغت امامها ناردين قائلة ممنوع يافندم حضرتك جاية ومن غير ميعاد ومينفعش تدخلى للباشا من غير استئذان
ايلين: نعم!!انتى جديدة هنا صح ومش عارفة انا مين
ناردين: اة انا جديدة هنا ومش عارفة حضرتك مين بس مش هينفع حضرتك تدخلى من غير استئذان
ثم اكملت بمرح
اكيد مش عاوزة تقطعى غيشى من اول يوم وتخلى اسر باشا اللى جوة دة يقتلنى
دة بيبقة عامل زى النمر اللى هيفترس اللى قدامة فى عصبيتة
ايلين باستغراب: نعم!! النمر؟
ناردين: ايوة هما ملقبينو بالتايجر وهى هى نمر بس ان جيتى للحق اللقب الافضل لية تور
ايلين باستغراب اشد :نعم!!!تور ؟؟!
ناردين :اة تور وهايج كمان فى عصبيتة وهيقتل اى حد يقف قدامة اكيد مش عاوزة تموتى
ابتسمت ايلين على حديثها المرح المختلف عن سابقتها
ايلين :اة اكيد
ثم همست فى اذنها بس لوهو تور يبقى انا تورة
ناردين: هااة
اومئت براسها بمرح قائلة
هو انا مقولتلكيش مش انا طلعت اخت التور اللى جوة اقصد التايجر اللى جوة
ناردين: هااة!!! اختة؟؟؟
اومئت ايلين براسها قائلة اكيد ينفع ادخلة
ثم تركتها وسط ذهولها قاصدة مكتب اخيها
______________________________________
كان الاخير يجلس على مكتبة يتفحص عدة اوراق ثم رفع رأسة عند فتح الباب

آسر: تعالى يا ايلين كنتى عاوزة حاجة
ايلين :اة مش كنت عاوزة الجاردز دول
انزل اسر عينية الى الاوراق مجددا وتحدث ببرود
لا الموضوع دة خلصنا منة والكلام يتسمع فاهمة
ايلين: بس على الاقل قللهم شوية دة انا ببقى عاملة زى اللى وقعت منهم
اسر بحدة:
ايلين نخلص ونبطل شغل العيال دة
ايلين ماهو مش منظر بردة ان امشى معايا حيطان فى الكلية وجواها وسط اصحابى حرام يعنى مش هاتخطف يااسر وكمان امشى معايا العدد دة حرااام
نظر لها نظرة ارعبتها ثم قال
وانا مش هضحى بيكى فاهمة منين ماهتمشى هيبقو معاكى ودى اوامرى سامعنى وعلى اللة اسمع كلمة تانية

ايلين بتافف:ماشى يا اسر اوكى
ثم خرجت وهى تتمتم بكلمات غير مفهومة لم تلتقط اذنة منها سوى
انا مش عارفه البنات هتموت علية لية دة عاوز اللى يفرغ فية مسدس كامل دة فعلا تور فى عصبيتة
ابتسم هو على حديث اختة ثم مالبث ان اكمل عملة
خرجت من مكتب اخيها وجدت تلك الجالسة حزينة وتكاد تبكى من فرط خوفها واول مارات الاولى وقفت وكادت ان تتحدث
ناردين: أأأانا م مش عا..عارفه اقول اية
ايلين: انتى صح هو تور هايج ومش بيتفاهم دة اللقب اللى المفروض ينقال علية مش الآسر او التايجر
ناردين: ه..هو ح..حضرتك مش ..مش هتقوليلة صح؟؟
ابتسمت ايلين ثم قالت اكيد لا
ثم مدت يدها لمصافحتها قائلة
ايلين التهامى اخت آسر الصغيرة فى خامسة ادارة اعمال
ابتسمت الاخرى ومدت يدها :ناردين حسن الصاوى ٣تجارة
ثم قالت بمرح وهى تشير الى مكتب آسر: سكرتيرة اسر باشا واول يوم ليا النهاردة
ضحكت الاخرى قائلة الباشا ولا التور
احمر وجنتيها خجلا بينما ضحكت الاخرى قائلة اهدى اهدى مش هقولة حاجة اشوفك بعدين وتركتها وذهبت ولم تدرى ايا منهما انها بداية صداقة جديدة
_______________________________فى الجامعة
اثناء خروج الفتاتان اقترحت مى قائلة
بكرة الجمعة اية رايك نقابل ناردين بكرة
ضحكت مارينا قائلة
يابنتى ارحمى نفسك شوية هتقابلى ناردين ولا كريم ولامين بالظبط
خجلت مى قائلة
الاتنين اية المشكلة
مارينا: مفيش مشكلة ياختى قابلى الاتنين
مى:خلاص نكلمها نتفق معاها
مارينا :طيب شوية تكون خلصت شغلها ومنها بكرة تحكيلنا على يومها فى الشغل
مى:على رايك
______________________________________
دخلت المنزل منهكة بعد هذا اليوم ثم قالت بمرح عندما رأت والديها
مساء الخير على الحلوين
الجميع: مساء النور على القمر
اتجهت الى والدها واردفت قائلة عامل اية ياابو على عاملة اية ياميما
حسن: تمام انتى عاملة اية
جلست على الاركة بتعب ثم اردفت قائلة بتعب
تعبااااانة الشغل عندة مرهق جدا هاتى دة جيبى دة اعملى سيرش عن كذا جمعيلى معلومات كتابية عن كذا حاجة كدة متعبة ومن اول يوم
ضحك كريم عليها وهو قادم قائلا:
ماهو الشغل عندة كدة متعب ومبيحمش حد علشان كدة اول ماعرفت انك هتشتغلى عندة اترعبت بصراحة
نظرت لة ناردين بغيظ ثم قالت :
يعنى كنت عارف اكيد كنت عارف وعايز تطلعهم عليا
كريم بمرح:
اكيد ماكنتش عاوز اضيع الفرصة دى عليا
ناردين:ماشى يابخيل انت ماشى
نظر لها بغيظ ثم قال: بت انتى انا مش قولت متقوليش كدة تانى

ركضت خلف والدتها واختبئت ثم قالت واضيع فرصة انى اشوف خدودك الحمر دى ياختى كمييييلة
قالتها بنبرة طفولية كانها تقولها لطفل صغير جعلتة يغتاظ اكثر فصرخ بها
ناردين!!!!
ناردين بخوف: انا هاروح اشوف البت كوكاكولا بتعمل اية
ثم ركضت الى غرفة اختها كمن يهرب من شئ مخيف مما اثار ضحك الجميع
كريم وهو يضرب كف بأخر
مجنونة والله مجنونة
دلفت الى غرفتها هى واختها قائلة
بت يا بيبسى بتعملى اية
راندا: ناردين قولتلك مليون مرة مش تقوليلى كدة
ناردين: خلاص يا سبرايت مش هقول المهم اخبار المذاكرة معاكى اية
نظرت اليها بغيظ ثم اردفت قائلة
تمام بس حاسة انى خايفة شوية بس مش هخلى خوفى يأثر عليا لازم اكون سفيرة يعنى سفيرة
نظرت لها هى بتأثر وهى تخشى تحطم احلامها على صخرة الواقع فاردفت قائلة بمرح
يعنى لازم سفيرة ماينفعش حاجة اصغر
راندا بعناد :لا سفيرة يعنى سفيرة
ثم قالت لها :المهم انتى اخبار شغلك اية
ناردين: مافكرنيش متعب جدا دة المدير دة عامل زى انسان آلى عمال شغل شغل مفيش راحة ابدا
ضحكت راندا بصخب وقالت
انسان آلى مرة واحدة حد يقول على المز دة كدة
ناردين بصدمة: الاية ؟؟!!انتى من امتا بتتكلمى كدة اية الطريقة السوقية دى
راندا بضحك وهى تشيح بيدها :بلا سوقية بلا بتاع المهم هو معجبكيش دة معروف انة الاسر لقلوب البنات
قالت جملتها الاخيرة وهى تتلاعب بحاجبيها مما جعل الاخرى تشهق بصدمة قائلة اتلمى يا ازازة بيبسى منحرفة
ضحكت الاخرى بصخب مما جعل الاولى تقطب حاجبيها بغيظ فقالت لها بعدما تمالكت ضحاتها
خلاص خلاص مش هقول تانى بس المهم انتى اهدى دة التايجر دة عسل هو ايوة جد شوية بس امووووور
قطبت ناردين حاجبيهابغيظ ثم تحدثت سريعا وكأنها تذكرت شيئا
انتى عرفتى كل دة من اين
رفعت كتفيها وانزلتهما وتحدثت ببساطة كأنة شئ بديهى
من المجلات والجرايد بيحكو عن انجازاتة وشخصيتة وطبعا لازم يكون معاها صور لية فعشان كدة عارفه شكلة لكن الغريبة ان انتى اللى فى مجال البزنس وتجارة متعرفهوش على الرغم من ان اخوكى كان بيشتغل معاة
قطبت حاجببها بعدم فهم وتسألت معاة معاة ازاى دة بيشتغل مع باباه
راندا بتوضيح ماهو كان شغال الاول فى شركة باباة قبل مايشتغل فى شركتة
يعن تقصدى
قطع حديثهم مناداة والدتها لهم من اجل الطعام
_______________________________________
نام على شريرة مجهد بعد هذا اليوم الطويل ثم مالبث ان ابتسم عندما تذكر حديثها مع اختة عن كونة ثور جامح لم تكن ايا منهم تدرى انة كان يقف خلف الباب وكان على وشك الخروج ولكنة سمعهم يتحدثون عنة فوقف ينصت لهم ثم مالبث ان تحرك خلف مكتبة قبل ان تدخل اختة
زادت ابتسامتة اتساعا عندما تذكر اول مرة قابلها بها وطريقة كلامها عن طولة فهمس مع نفسة
يا ترى هتعمل اية فيك المشاغبة دى
تذكر اسمها فقال ياترى اهلك كان اية اللى فى دماغهم علشان يسموكى الاسم دة “ناردين” وياترى دة معناه اية ان شاء اللة
________________________________________
على طاولة الطعام
ناردين: كيمو هو انت تعرف آسر دة قبل كدة يعنى اشتغلت معاة
كريم وهو يلوك طعامة:اة اشتغلت معاة اول ما اشتغلت فى شركة التهامى قبل مايعمل شركة ماكس
ناردين: واشتغلت معاة فترة كبيرة
كريم: لا مش كليرة ولا حاجة هو عمل شركتة بعد ماانا اشتغلت وشادى كان بيشتغل معانا بس هو خد كام موظف معاة منهم شادى
ناردين: شركتة هى مش شركة والدة
كريم موضحا:
لا شركة التهامى دى بتاعة العيلة وكان هو سغال فيها من سنين سمعت انة هو شغال فيها من ايام الجامعة وكان ماسك الادارة فيها وبيقبض زى كل الموظفين وبعدين هو خاد فلوسة بعد ماخلص كليتة وفتح الشركة بتاعتة وبما انة مش جديد فى الادارة لانة بيشتغل من سنين وطمان ذكاءة الحاد وقوة شخصيتة اللى بتخلى كل الموظفين يشتغلو بضمير كبر شركتة بسرعة
ناردين باستفهام :يعنى تقصد ان الشركة الضخمة دى بتاعتة لوحدة ومفيش حد لية فيها حاجة من عيلتة باباة او مامتة او اختة ؟؟
كريم: لا محدش لية فيها حاجة دى بتاعتة من مجهودة
ناردين: واية حكاية اسم التايجر دة
كريم: مش عارف هو كل حياتة اسرار يمكن عشان قوة شخصيتة دة كمان حتى الجرايد متقدرش تكتب عنة حاجة الا باذنة خوفا من بطشة فمحدش يقدر يتحداة
كان هذة المرة السؤال من نصيب سامية
وابوة سايبة كدة مش خايف علية
ضحك كريم قائلا:
بقولك فى السوق من صغرة علشان كدة بقولها تبعد عنة لانة محدش يعرف عنة حاجة
تنهدت ناردين وقالت: ربنا يسترها
_______________________________________
فى مكان اخر
دخل الذراع اليمنى لزعيم العصابة قائلا
البت خطيبة هانى
عدل ذاك الكلمة قائلا: كانت
اردف الاخر قائلا اسف ياباشا كانت خطيبتة هو اللى كسرلها دراعها وهو اللى ضربها وعرفنا انة خلاها عندها فوبيا
اجاب ذاك قائلا: اخبارك قديمة انا عارفها وشوفت كمان اللى حصل بعنيا سواء الضرب او الفوبيا من العنف شوف شغلك كويس
اجاب ذاك باعتذار قائلا :اسف ياباشا المهم هنعمل معاها اية
اجاب الرئيس قائلا :ولا اى حاجة متنساش انها بتشتغل دلوقتى مع ابن التهامى وليها اصحاب بيخافو علية ودكاترة فى الجامعة بيهتمو بيها فبلاش نفتح العين علينا وخلى عينك عليها لهانى المجنون يعمل مصيبة ويوقعنا مع ابن التهامى ودة مش فمصلحتنا دلوقتى ولا فى مصلحتى ولحد ما نخلص على ابن التهامى مش عاوز مشاكل عشان منفتحش عينة علينا ويكتشف ان عدوة قريب منة اوى كدة
اجاب الاخر قائلا :والبت
اجاب ذاك الجالس باريحية وقال:لا دى ليها ترتيب تانى دى بتاعتى وهتكون ليا مش لهانى ولا لحد وامشى دلوقتى وشوف شغلك
اجاب ذاك الماثل بخنوع قائلا تحت امرك يافندم