اسير الناردين

الفصل التاسع
طالبة جامعية

فى شركة التهامى
دخل كريم الى ابراهيم
كريم: ابراهيم باشا الورق دة محتاج امضاة سيادتك
ابراهيم: هات ياكريم
بعد امضاءة الملف نظر لكريم وجدة ينظر لة بتوتر
ابراهيم: شكل الموضوع مش بس امضاة عايز اية يا كريم قول اللى انت عاوزة
كريم: بصراحة ياباشا اختى عاوزة تشتغل بس لسة فى الكلية وطلبت منى اشوفلها شغل
ابراهيم اختك مين فيهم
كريم: ناردين اللى فى ٣تجارة صدقنى ياباشا هى ذكية وشاطرة وتقدر توفق بين دراستها وشغلها
صمت ابراهيم مفكرا قليلا ثم اردف قائلا

بس للاسف انت عارف ياكريم ان الشركة هنا كومبليت ومفيش مكان لموظف تانى مش عارف اعمل اية كان نفسى اخدمك بصراحة بس للاسف

ظهرت خيبة الامل على وجهة ثم قال
طيب متعرفش حد تتوسطلها عندة ياباشا

فى هذا الوقت تذكر ابراهيم امر اسر
ابراهيم اة وديها عند اسر فى الشركة تشتغل معاة سكرتيرة بدل سكرتيرتة القديمة مؤقتا على الاقل وابقى روح انت معاها
سقط فم كريم ارضا واتسعت عيناة بشدةوبدا يحرك يداة بعشوائية من صدمتة
كريم: اسر مين اسر باشا بتاعنا وناردين اختى انا لالا مينفعوش خالص مع بعض ياباشا قول كلام غير دة وبعدين دة انا اخاف عليها منة
ضحك ابراهيم بشدة فلم يخفى علية طبع ناردين ومزاحها فهو قد رآها عدة مرات مع اخيها ويعرف صعوبة التعامل بين اسر وناردين
ابراهيم: انا مبقولش تشتغل هزاك على طول بس الشركة مفيش فيها مكان فهتشتغل هناك مؤقتا
كريم: بس دة شغلة صعب قوى ياباشا
ابراهيم: متخافش هوصى عليها شادى اتفضل يالا على مكتبك
كريم: تحت امرك ياباشا
ثم تمتم بينة وبين نفسة اثناء خروجة دة واضح انك هاشوفى ايام سودة على دماغك ياناردين مكانش يومك
**************************
فى الكلية
ناردين بمرح: صباح الخير على احلى مرات اخ فى الدنيا صباح الخير يارينا
مى :صباح النور يانادو اخبارك اية
مارينا: صباح النور يا قلب رينا
ناردين بمرح: انا ميت فل وعشرةيامى انا كويسة وبابا كويس وماما كويسة وكريم زى الفل
احمرت وجنتى مى خجلا فضحكت مارينا قائلة :بس بقى متكسفيهاش
ضحكت ناردين قائلة: انا بس حبيت اطمنك
مى :بس بقى
ضحكت ناردين ثم قالت بس انا كنت جايبالكم قرار مهم
نظروا لها باستفهام
مى :قرار اية دة
ناردين بابتسامة واسعة على محياها هتفت قائلة :انا قررت اشتغل
نعمممم!!!!
كان هذا رد الاثنان معا مما جغل ناردين تتراجع للخلف
فية اية هو انا قولتلكم هسرق دة انا هشتغل والمرادى فى شركة واهو منة خبرة ومنة فلوس
مى باستغراب: انا نفسى اعرف اية حبك فى الشغل ومحتاجة الفلوس فى اية
ناردين :محتاجاها لمصاريف الكلية ومصاريفى الخاصة بابا مهما ان راح ولا جة موظف حكومى مش هيقدر يوفق بين مصاريف البيت ومصاريف الكلية بتاعتى وكمان راندا ومصاريف ٣ثانوى بتاعتها وفلوس شغل كريم بيكون بيها نفسة
مى :متشغليش انتى بالك هو كان حد اشتكالك
ناردين: محدش اشتكالى بس دة من الواجب غير كمان دة هيساعدنى هيكون عندى خبرة فى الشغل وفى التعامل مع الناس ومش هبقى ساذجة واصدق اى كلمة وهيخلينى صاحبة شخصية قوية واقدر اعتمد على نفسى
مارينا: انتى لسة مانستيش ياناردين
ابتسمت ناردين باسى قائلة: محدش بيتعلم بالساهل وفى نفس الوقت محدش بينسى بالساهل
مى :بس دة مش ممكن يأثر على درجاتك ودراستك
ناردين مفكرة :مظنش
مارينا :انا عند. فكرة اية رايكم نسال دكتور خالد وهو هيقول راية
مى :انا معاكى فى الفكرة دى دكتور خالد عندة خبرة اكتر واكيد رأية مهم
ناردين: اذا كان رأيكم كدة خلاص يالا نروحلة
______________________________
فى شركة اسر
اسر :ها ياشادى فية حد قدم على الوظيفة
شادى بهدوء :كتير يافندم بس اغلبهم مش مناسبين
تنهد اسر ثم قال :طيب اى متلاقى حد مناسب ابعتهولى فورا
شادى :تمام يافندم
بعد خروج شادى دق هاتف اسر رد اسر بهدوء
اسر:الو يابابا خير ………نعم!!!!طالبة جامعية دة اللى هو ازاى يعنى ودى تشتغل مغايا ازاى يعنى……..ذكية ماشى فهمنا بس دى تنظم مواعيدها معايا ازاى بين الشغل وكليتها………
تنهد اسر ماسحا على وجهة رادا على ابية يعن متاكد انها محل ثقة
ابراهيم:_______________
اسر :خلاص هشوف الموضوع دة سلام
تنهد اسر بعد اغلاق الهاتف قائلا ماهو دة اللى كان ناقص طالبة جامعية
_______________________________________
فى الجامعة
دق باب مكتب خالد فاذن بالدخول ولكنة تفاجئ اثر دخول ناردين وصديقتيها
ناردين بمرح ممكن ادخل يادكتور
ابتسم خالد بهدوء قائلا: اكيد طبعا بس ياترى اية سر الزيارة الفاجئة دى
مارينا: كنا عاوزين ناخد رأى حضرتك فى موضوع
جلس خالد بهدوء على كرسى مكتبه وشبك اصابعة ببعضها ثم قال اتفضلوا سامعكم
ناردين بهدوء: يادكتور هو ينفع طالب جامعى يشتغل اثناء الدراسة
خالد :على حسب الشغل يشتغل فين يعنى
ناردين: فى شركة
خالد بعملية:اة طبعا بس لازم يعرف الاول ينظم وقتة بين شغلة ومذاكرتة وكمان لو فية امتحان عملى لازم يحضرو هو الموضوع مرهق جدا علية لانة مطلوب منة شغل ومذاكرة وحضور محاضرات وكمان يروح غل بس مفيد فى انة هيبقى عندة خبرة كبيرة بعد مايخلص وشغلة هيفيد دراستة والعكس صحيح
ثم قطب جبينة متسائلا بس مين فيكم اللى هيشتغل اكيد انتى يامارينا
اومئت ناردين نافية ثم قالت لا انا

على الرغم من الاستغراب الذى ظهر واضحا على وجهة الا انة سال
وياترى لقيتى شركة تشتغلى فيهل وتوافق على انك طالبة ولا لا لو كدة هتوسطلك فى شركة بس هتبقى صغيرة شوية
نفت ناردين بابتسامة مهذبة وقالت: لا شكرا يادكتور اخويا هيتوسطلى وهشتغل
ابتسم بهدوء ثم قال: وياترىهتشتغلى فين كدة
ناردين :شركة التهامى للاستيراد والتصدير
دهش اثر تلك الكلمة ثم قال
اتتى بتتكلمى جد هتشتغلى فى اكبر شركة استيراد وتصدير فى مصر
ناردين بمرح: قول يارب يادكتور
خالد: دكتور دة اية دة انا هحتاج منك بعد كدة هطلب منك الواسطة
ضخكوا جميعهم على اثر كلامة
_____________________________________
فى شركة التهامى
ابراهيم: عامر ابعتلى كريم
دخل كريم الى ابراهيم فقال الاخير
كريم روح خد اختك ووديها مكتب اسر علشان يعملولها انترفيو ومتخافش انا كلمت آسر
كريم :خلاص يافندم متشكر جدا
ابراهيم: العفو على اية يابنى
تمتم كريم مع نفسة ربنا يسترها ويعديها على خير
_____________________________________
فى شركة اسر
نادر :ها فية جديد بخصوص السكرتيرة
شادى بتافف: لا كلهم بتوع مظاهر مش بتاع شغل عاملين زى اللى جايين يدورو على عريس
ضحك نادر قائلا: امال فاكر انهم جايين لية اكيد جايين علشان يصطادو الباشا بتاعنا معلمعهش بية
نظر لة شادى وقبل ان يتحدث قاطعة دق على الباب واعقبة دلوف كريم
كريم بمرح: ممكن ادخل ياباشا
شادى بصدمة :كريم
كريم هنا يا اهلا يا اهلا عاش من شافك ياراجل يعنى اسيبك متسالش
كريم وهو يحتضنة يعنى انت اللى سالت من ساعة ماسيبت شركة التهامى وجيت هنا عند آسر باشا مبتسالش
ثم نظر الى نادر
ازيك يانادر
نادر: ازيك انت ياكريم
لم يلاحظ ايا منهم تلك الصغيرة المختبئة خلف تخيها وكأنها طفل صغير خائف من دخول الامتحان
كريم: تعالى ياناردين
نظر كلا من شادى ونادر الى بعضهم ثم تدارك شادى موقفة ثم تنحنح قائلا اتفضلى يا انسة
كريم: ناردين تبقى اختى ومتقدمة لوظيفة السكرتيرة وادى ياسيدى الc.v بتاعها
شادى وهو يقرأ الc.v
تمام بتعرف تكلم لغات ومعاها شهادات كمبيوتر بس فية مشكلة انها لسة طالبة جامعية
كان الحديث فى هذة اللحظة من نصيب ناردين
لا ماتقلقش انا هعرف اظبطامورى واخلص شغلى كويس
شادى: انا من رأيى تمام بس لازم اعرف الباشا واشوف هيقول اية
بعد لحظات دلف شادى يدعوهم للقدوم لمكتب آسر
شادى: تعالى معايا ياانسة ناردين
كريم: ينفع ادخل معاها
شادى: اقولك تعالى احنا الاتنين ندخل معاها
كانت ناردين تتطلع الى الشركة العريقة التى بداخلها فهى تبدو كبيرة جدا كما ان الموظفين يعملون كخلية نحلولم تلحظ ناردين دخولها الى مكتب آسر

آسر بعد ان نظر بالاوراق :تمام بس اتمنى تكون عند موضع ثقة
كريم:اكيد يافندم انا اضمنها
تحرك آسر ووقف امامها وقال
لا انا احب اسمعها بنفسى ها ياانسة اية رايك وبخصوص الدراسة لازم تظبطى امورك كمان وتحافظى على اسرار شغلك

ناردين:___________
آسر:يا انسة عايز اسمعها منك
ناردين:______________
فى ذلك الوقت كانت ناردين تنظر للارض ولم تلحظ ذلك الماثل امامها كانت مازالت تفكر كيف ستدبر امورها وعن امر هذة الشركة شاردة ولا تدرى شئ عن ما يحدث حولها افاقت على نغزة اخيها بكوعة فى جنبها فنظرت لة ببلاهة فاشار لها على آسر بان تجاوب على سؤالة قائلا
ناردين ردى على الباشا بيقولك هتقدرى تظبطى امورك فى الكلية وهتقدرى تكونى موضع ثقة ولا لا

رفعت ناردين راسها الى آسر فذهلت مما رأت فعى لم ترفع راسها لة ولم ترى وجهة بعد اما الان فرفعت راسها لكى تراة ولكنها وجدت حائط بشرى كما اسمتة بعقلها المشاغب شاب طويل عريض المنكبين فهىلن تصل لمستوى طولة ابدا فهى وجدت ان نهاية راسها بالكاد تصل الى نهاية كتفة ازدردت ريقها بتوتر فقد احست انها كنملة وقعت امام فيل ان جاءت تحت قدمة ستسحق لا محالة فلم تقو على رفع راسها لوجههة ولكنها ردت ببلاهة قائلة
ودة مين فينا
قطب اسر جبينة بعدم فهم ثم سالها تقصدى اية
رفعت راسها الى وجهة وهى تسب بداخلها على طولة الفارة وردت ببلاهة اكبر
ماهو حاجة من الاتنين يا انا القصيرة قوى يا اما انت الطويل بزيادة علشان يخلينى بالمنظر دة فهيبقى اية
ضحك كل الموجودين على تلك الصغيرة المشاغبة اما آسر فاصبحت عينية كجمرتين نار مشتعلة
_______________________________
فى مكان اخر
دخل احدهم قائلا :عرفنا ياباشا هانى باشا فسخ خطوبتة من البنت دى لية
اجاب الاخر قائلا: لية
الاول :لانها عرفت معلومات عننا بس المعلومات دى بتدينة بس وفسخت هى الخطوبة منة واخوهها هددة انة يقرب منها تحب نخلص عليها وعلية
اجاب الاخر قائلا :لا لان هانى بيخلصلنا امورنا ولو قتلناة هنفتح طاقة جهنم علينا لانة ظابط وكمان البنت هتخاف تتكلم
الاول:والبنت هنعمل فيها اية
…:سيبها مش هتقدر تتكلم من الخوف واستنى لما نبلغ الباشا الكبير على الموضوع دة ونشوف هيعمل اية

 

error: