اسير الناردين

الفصل الثلاثون والاخير
اختطاف

هانى: اية ياناردين يعنى خايفة منى ياحبيبتى انا جاى اسلم عليكى قبل ما امشى
اقترب منها بينما اختبئت خلف اصدقائها ورفعت سبابتها وقالت ابعد احسنلك لو خايف على روحك
بينما قالت مارينا: خليك بعيد ناردين فى حماية التايجر وانت مش قدة
فى ذلك الوقت ومنذ ان رأتة مى ارسلت رسالة الى كريم واوضحت لة كل شئ اقترب هانى من ناردين محاولا امساكها بالقوة وقال
حتى التايجر مش هيعمل حاجة ناردين ملك
وقبل ان يكمل كلمتة وجد لكمة اطاحت بوجهة ارضا بينما وجد يد ناردين تسحب خلف ظهرة وقال بغضب
آسر: سبق وحذرتك انك تقرب من ناردين ومع ذلك بتيجى ليها
هانى: وانت مالك ومال ناردين
خرج صوت آسر صائحا بغضب وجدية لا تحمل المزاح
آسر: ناردين بتكون خطيبتى
صدمة حلت على الجميع كيف ومتى بينما ضحك هانى بشدة وقال
هى دى الطريقة الجديدة علشان تحميها دى ولا الكتب او الروايات
ابتسم آسر بسخرية وقال
انا مش محتاج اى طريقة علشان احمى حد انا بكلمة احميها وانت سألت عن علاقتى بيها انا قبل كدة كنت قايلك ف حمايتى اما دلوقتى بقولك خطيبتى وانا مش مضطر اوضحلك حاجة
فى ذلك الوقت كانت قد اكتفت بما تراة فخرجت عن صمتها حتى انها خرجت من خلف ظهرة وقالت
بس انتو الاتنين هو كل واحد يقول خطيبتى انا مش خطيبة حد
ثم صرخت بعصبية مش خطيبة حد فاهمين فاهمين
فى ذلك الوقت اتى كريم فركضت عندما رأتة واختبئت ف احضانة بينما هو لف وجوهه بينهم الى ان رأى وجة آسر الذى يكاد يفتك بالاخر فقال وهو ينظر لة ويربت على كتف ناردين
هو حضرتك هنا ؟؟!! لو كنت اعرف ماكنتش جيت
رفعت ناردين نظرها لاخيها بالم بينما قال هانى بتهكم
اية قررت انك تتخلى عن مسئوليتك تجاة اختك ولا اية
نظر لة كريم بسخرية وقال
لا بس مادام التايجر هنا هو احق واحد بحمايتها
صدمة حلت والجمت لسان كل الموجودين
هانى: لية كنت ناوى تخلى مسئوليتك منها هو حد قالك انة اخوها او ابوها
خرج صوت كريم جادا لا يحمل المزاح
لا خطيبها آسر باشا التهامى يبقى خطيب ناردين
صدمة الجمت لسان الجميع نظرت مى لكريم وجدت ملامحة جادة لا تحمل المزاح بينما نظرت لوجة آسر وجدتة جامدا لا يتاثر عيناة لا تحيد عن خاصة هانى تكاد تفتك بة بينما منظرة لم يصب بالصدمة ابدا وكأن كريم قد اقر بحقيقة خرج صوت ناردين مصدوما وقالت بصدمة وحدة
ناردين: نعم ؟؟!!!! هو اية اللى خطيبته هو انتو تحدفونى من دة لدة اية لعبة هى ولا اية ثم نظرت لهانى وقالت
بص انا مش خطيبة حد ومش هتخطب لحد
خرج صوت كريم مرة اخرى جادا للغاية
بس دى الحقيقة يا ناردين انتى خطيبة آسر باشا انتو مقرى فاتحتكم من اسبوع او اكتر
ناردين: نعم؟؟!! اتقرى اية!!ومين اللى قراها ؟؟
كريم :دى الحقيقة واتقرت بين بابا وانا و آسر باشا و ابراهيم باشا
صدمة الجمت لسانها بل للحقيقة قطعتة نظرت لهم غير مصدقة فهى ل ثانى مرة يتم اختيار عريسها ولكن هذة المرة لم يؤخذ برأيها او تعرف حتى عن الامر كأن اخر شئ هو رأيها او معرفة شئ عن حياتها وقفت مصدومة مكانها فقال آسر لة بغضب اسود
انا المرة اللى فاتت حذرتك انك تقرب منها المرة دى لازم اعلمك الادب
كريم: خلاص مش لازم هو مكانش يعرف
آسر بغضب وهو ينظر ل كريم: حتى لو مكانش يعرف بس انا قولت كلمة ولازم تتنفذ ثم نظر ل هانى واقترب منة وهمس بفحيح افعى
انا هعلمك الادب وميرى كمان فاهم
خوف وقشعريرة دبت ف اوصالة اثر همستة وتهديدة فقد وقع مع من لا يرحم وتعدى على املاكة الخاصة والان علية ان يتحمل العقاب بينما سحب آسر يد ناردين وهى مستسلمة و مازالت تحت تاثير الصدمة
______________________________________
فى قصر التهامى كان الجميع يجلس بصمت لا يجرؤ احد على الكلام بينما تبدو هى بعالم آخر شاردة تنظر لنقطة معينة بشرود دموعها تتساقط بصمت سحب حسن انفاسة ثم نظر لسامية بينما كانت والدتها تتحسر على ابنتها مما حدث اما آسر كانت مراجلة تغلى من الغضب بداخلة نعم يحبها نعم يريدها نعم يعشقها ولكن لم يكن يريدها ان تعرف بتلك الطريقة ابدا ابدا يشعر بالوجع لرؤيتها بتلك الطريقة بينما كانت ايلين تتوجع لمنظرها هى وامها ولكنها سعيدة باختيار آسر لها قطع سلسلة الصمت صوت حسن المتالم والهادئ الذى قال
ناردين هتفضلى ساكتة كدة كتير مش هتتكلمى
ذلك الصمت يشعرك وكأنها لم تسمعك ولكن اغلاق عينيها وهطول دموع اكثر يثبت انها سمعتة سحب حسن الهواء داخل رئتية لمحاولة تهدئة نفسة وقال

ناردين ياحبيبتى هتفضلى ساكتة كدة كتير ناردين انا بحبك يا بنتى وعامل على مصلحتك وبحاول احميكى
وكأنها فقدت اخر ذرة تعقل وهدوء لديها ضحكت.. ضحكت بصوت عالى ودموعها تسيل ثم قالت بسخرية
ناردين حبيبتى
ثم قالت حبيبتك ازاى يا بابا حبيبتك ازاى يا استاذ حسن لية دايما بتختار بالنيابة عنى تانى مرة ثم رفعت اصبعيها السبابة والاوسط فى وجهة وقالت
لتانى مرة تختار بالنيابة عنى مرة تختار واحد مرتشى ومعدوم الاخلاق والضمير والمرة التانية تختار واحد قاسى معدوم القلب لية يا بابا لية دة انا بنتك ثم قالت بسخرية
لا ويتقدملى وانا معرفش وتوافق وانا معرفش وكمان يتقرى فتحتى واتخطب. وانا معرفش واخويا عارف وابويا شوفتو حظ وحرية وديمقراطية اكتر من كدة
صرخ بها حسن علشان بحاول احميكى وبسلمك لراجل يحافظ عليكى اية معندكيش ثقة فيا
صرخت هى بالمقابل
طيب ورأيى مش مهم وقبل كدة قلت انك بتسلمنى لراجل وطلع اشباة رجال وكمان بتحمينى من اية وباية بتحمينى من الفقر ولا يكونش بتحمينى بفلوسة مش كدة
انتفض عرق فى عنق آسر وصك على اسنانة وهو يحاول السيطرة على غضبة فهو يعلم صدمتها الان بينما حاول حسام تهدئة الموضوع فقال محاولا تغيير مجرى الحديث
طيب ممكن نفهم ازاى دة حصل يعنى امتى آسر اتقدملها وامتى قريتو الفتحة ولية حضراتكم مقولتوش لينا لية؟؟
التمع عين الجميع بنفس السؤال وكذلك قالت راندا
لية يا بابا محكيتوش ولا قولتو ولية عملتو كدة من ورانا .
لاحظ آسر التماع عين ناردين بنفس السؤال فسحب الهواء داخل رئتية وقرر ان يحكى كل شئ
Flash back

منذ ان اخذت اجازة قد طلبتها منة لاجل المذاكرة وهو لم يرها كان يعاند نفسة كثيرا ولكن مرور ثلاثة ايام دون ان يراها جعلة يجن حتى انة يذهب لمنزلها يقف امامه يريد ان يراها ولكنها لاتخرج من المنزل فكر بالذهاب والدخول للمنزل ولكنة يتراجع ماذا سيقول لهم لما اتى سحب انفاسة وزفرها دفعة واحدة محاولا تهدئة نيران شوقة اليها ثلاثة ايام لم يرها ولم يستمع صوتها صارح نفسة هو يحبها. يحبها بشدة لا يعلم متى واين وكيف ولكنة احبها يريد رؤيتها بشدة ويتحين الفرص لذلك متى ؟متى اصبحت تعنى لة كل هذا ضحكتها تجعلة سعيدا حزنها يضايقة بعادها يكاد يجعلة يجن وحينما يشعر بان احدهم سياخذها منة يود لو يقتلة يحفظ حركاتها عن ظهر قلب يعشق ابتسامتها وضحكتها هى الوحيدة بالعالم كله المسموح لها بمضايقتة ومداعبتة والغريب انة يتقبل ذلك هى الوحيد. المسموح لها بان تعارضة وتتمرد علية ابتسم بسخرية حتى انها تضع يدها بخصرها امامة حتى والدة لا يستطيع معارضتة والعجيب انة يستلذ بالامر ماذا يحدث لة ماذا؟؟
كان حسام محقا فقد استحوزت هى على كل شئ قلبة عقلة ضحكتة تفكيرة وضحكتة ؟متى اصبحت لدية ضحكة ؟هذة الضحكة هى من صنعتها ؟ وهى من فعلتها؟
ابتسم بسخرية كان حسام محقا زفر انفاسة الحارة وكأن صدرة يشتعل ثم قام فجاءة من مكانة فهو علية ان يقوم بتلك الخطوة سحب مفاتيحة وخرج خارج الشركة باكملها وفى عينية تصميم يعلم الى اين يتوجة ويعلم ماذا يفعل فهو سيفعل هذا الامر مهما تكلف منة
ذهب الى والدها العمل وطلب لقائه دخل الية حسن متوجس من وجودة وخائف بة صافحة بينما جلس امامة خائف اما آسر اخفى توترة ببراعة ثم قال
استاذ حسن انا كنت جاى اطلب منك طلب واتمنى متردنيش
نظر لة حسن ثم قال تطلب منى انا اتفضل يابنى
آسر: انا جاى اطلب ايد ناردين بنتك
حسن بصدمة: نعم؟؟!!
آسر بتاكيد :انا جاى اتقدم لناردين واطلب ايدها ليا من حضرتك ويشرفنى ان حضرتك توافق
حسن بعدم استيعاب:ناردين بنتى انا
اومئ آسر براسة
حسن ومازالت لم تزل صدمته حضرتك عاوز تتجوزها
اومئ آسر وهو مقدر صدمتة
اسر بجدية وصدق
:استاذ حسن انا مقدر صدمة حضرتك بالموقف بس انا فعلا عاوز اتجوز ناردين وماخدتش القرار دة الا بعد تفكير طويل انا بحب واتمنى انها تشاركنى حياتى وحضرتك تقدر تسال عليا كوبس انا شاب ملتزم مليش غير ف الشغل وبس
تنهد حسن ثم قال
واسلوبك يا آسر يابنى
آسر: انا عارف ومقدر خوفك على ناردين بس اكيد يعنى مراتى ف كفة والدنيا كلها ف كفة
ثم قام من مكانة وصافحة ثم قال اتمنى ان حضرتك توافق بس كمان اتمنى ان ناردين متعرفش حاجة عن الموضوع لان لو حضرتك رفضت من البداية هيبقى فية حساسية ف التعامل وانا عايز ناردين تفضل زى ماهى مافيش حاجة تغيرها
اومئ حسن براسة ثم صافحة وبعد ذهابة وضع حسن راسة بين كفية يفكر بتلك المسألة
بعدها بيومين اتصل حسن ب آسر بعلن موافقتة المبدئية علية فهو يعلم انة لن يجد مثلة ابدا رجل يعتمد علية صادق جدا نزية بعملة وهذا امر مفروغ منة كما انة لاحظ حبة الشديد ل ناردين ولهفتة عليها اتى آسر مع والدة ووالدتة وجلسو اثناء ما كانت ناردين بالخارج تذاكر
حسن: انا موافق يا آسر با بنى بس عاوز اقولك على حاجة ناردين كانت مخطوبة قبل
قاطعة آسر: عارف ياعمى عارف
حسن: آسر ناردين بقى عندها رعب من الجواز
تدخل ابراهيم وقال: من تعامل ناردين مع آسر هتثق فية وتحبة
حسن: آسر ناردين هترفض حتى بدون حاجة بدون حتى ماتسمع منك
آسر: عمى حسن هو حضرتك موافق خلاص يبقى منقولش لناردين وانا هخاول اكسب ثقتها واحافظ عايها من ناحيتى ومتخافش على ناردين معايا انا احميها من نفسى
كريم :بس دلوقتى كدة هيفضل كل حاجة زى ماهيا
ابراهيم: هو ممكن نقرى الفاتحة و آسر هينفذ وعدة وهيكسب ثقتها تانى .
فريدة: ومن ناخيتى متقلقوش انا بحب ناردين زى ايلين بالظبط ومبسوطة بان آسر اختارها دون عن البنات كلها
حسن: بس خلى بالك يا آسر يا بنى ان ناردين بقى غندها خوف من السلطة والنفوذ
عارف وعارف كمان انها خوافة من الصوت العالى ولازم اكسبها باللين وبالراحة وياريت تدينى بس فرصة وتثق فيا
ربت حسن على قدمةوقال بباشاشة وانا بثق فيك يابنى
ثم قرأوا معا الفاتحة
Back
آسر: هو دة اللى حصل
حسن: يعنى الراجل حب يكسب ثقتك الاول وقرر انة مش هبغصبك على حاجة وانا وافقت لما لقيتة متمسك بيكى وعايزك زائد انة وقف جنبك قبل كدة بدون مصلحة اذا كان دة بيثبت حاجة فبيثبت انة راجل يعتمد علبة وجدع
نظرت لة ناردين وقالت
انت بتدينى لراجل علشان جدع ولا علشان سلطتة ونفوذة انت تانى مرة بترمينى لواحد بسبب الفلوس وانا مش هتجوزة فاهم وبكرهك يارتنى ماسامحتك ياريت
صرخ بها حسن :ناردين
ارتعدت ناردين على اثر صرختة بينما خبئها كريم بحضنة خوفا من غضب والدها الظاهر بينما قال حسن
الظاهر انى دلعتك كتير دلوقتى انتى هتتجوزى آسر
مش هتجوزة
صرخت بها ناردين بعناد فقال حسن بصرامة
اذا كنتى مش هتتجوزية بمزاجك هتتجوزية غصب عنك
ناردين: يعنى اية
يعنى برضاكى او لا هتتجوزية انا ادرى بمصلحتك منك
الى هنا وكفى لن يستطيع تحمل المزيد بشعورها بانها تغصب على شئ حتى لو هو لن يستطيع تحمل دموعها ولن يسمح لاحد بايذائها او يفرض سيطرتة عليها حتى لو كان والدها
صرخ بصوت قوى كزئير اسد
بسسسسس
نظر لة الجميع بتوجس بينما نظر لهم بقوة وهتف بحدة وغضب مكبوت وصوت كزئير الاسد
مش ناردين الصاوى اللى تتغصب على حاجة حتى لو كانت الحاجة دى آسر التهامى فاهمين
قال الاخيرة بصوت عالى جعل الجميع يرتعب ثم التفت الى ناردين وقال بهدوء ولين و ابتسامة رقيقة على شفتية
ناردين معاش ولا كان اللى يغصبك على حاجة او حد حتى لو كان انا .انا عايش علشان احميكى من الدنيا كلها حتى لو انا كل اللى انتى عاوزاة هيتنفذ حتى لو عايزة واحد تانى انا موافق بس كان كل اللى نفسى فية فرصة بس مش مهم اهم حاجة سعادتك وبس وضحكتك وبس وخليكى عارفة ان انا تحت امرك دايما فى كل اللى نفسك فية
ثم اعطاها ابتسامة اخيرة وخرج من المكان تحت انظار الكل من مزهول لسعيد لمتوجع علية فقد كتبت لقصة حبة الدفن قبل ان تبدأ الم يكتب لة السعادة ابدا بينما كانت ناردين بعالم اخر اهذا هو آسر التهامى بجبروتة وقوتة فهو معها شخص آخر مختلف تماما عما تعرفة بينما نظرت لها والدتة بحزن وقالت بلوم
لية يا ناردين يابناى دة حبك والله حبك واطيب منة متلاقيش لية
بينما سحبها والدها وقال وهو يسير لخارج القصر احنا اسفين اوى على اللى حصل بينما ايلين لم تتوقف دموعها على اخيها وجرح صديقتها الذى جعلها تجرح اكثر شخص يستحق حبها
_______،،_________________،_________________
بعد يومين فى منزل حسن
كانت تجلس شاردة تتذكر ماحدث لاتصدق طريقتة معها فقد كان رقيق بشدة ليس ذلك ماتعرفة كل مافعلتة الصواب ام خطأ اكان يجب ان تعطية فرصة اخرى ام مافعلتة هو الصواب هل هو صادق ام كاذب
نظرت لها سامية وقالت
على فكرة انتى غلطانة كان لازم تديلة فرصة
نظرت لها ناردين بشرود ثم قالت
انتى عارفة انا حاسة فى دوامة بيتهيالى انى كدة صح افرض طلع زية بس بيتهيالى انة مختلف مش زية بس قوتة واحنا مختلفين اوى
نظرت لها سامية ثم قالت
ناردين روحى لاصحابك واحكى معاهم وهما هيخرجوكى من اللى فية وتوصلى لحل يالا
اومئت براسها وخرجت من المنزل
__________________،،_،__،______________________
كانت خارجة من المنزل الى ان جائها اتصال هاتفى اجابت دون النظر
الو
ايلين :ازيك يا ناردين
تجمدت ناردين مكانها ثم قالت ايلين
ايلين: هشغلك عن حاجة
ناردين بتوتر: لا انا كنت خارجة وانا ف الشارع
ايلين: انا عاوزة اقولك حاجة انتى خسرتى حد حبك بجد آسر حبك بجد وكان نفسة يلاقى نفسة معاكى بس انتى خسرتى وخسارة عمرك كمان انا كنت فرحانة انة هيتجوزك وانتى بالذات لانك الوحيدة اللى تقدرى تسعدية بس للاسف وجعتية انتى كمان
ناردين: ايلين اناا
ايلين: متقوليش حاجة فكرى يا ناردين واعملى اللى عاوزاة
ثم اغلقت الهاتف وضعت ناردين الهاتف بجيبها و تحركت ولكنها لم تلحظ الذى اتى واوقف سيارتها واختطفها داخلها
_____________________________________
كان يجلس بمكتبة فاقد معنى الحياة مدمر داخليا ولكنة وعد نفسة بان يسرق قلبها دون ان تشعر كما فعلت هى بة رن هاتفة اجاب بلا مبالاة
الو
اجابة الحارس المعين لحراسة ناردين
الحق يا آسر باشا ناردين هانم اتخطفت
وقف آسر مكانة غير مستوعب ما يقول صدمة وقعت علية وقبضة ثلجية اثلجت صدرة وكان قبضة تعتصر قلبة ولم يشعر بنفسة وهو يركض ويقول بخوف وغضب بتقول اية
اكد الطرف الاخر الكلام قائلا ناردين هانم اتخطفت من قدام بيتهم

 

error: