أحببته بصدق وخذلني بعمق

احببته_بصدق_وخذلني_بعمق (البارت الاول)
للكاتبه : وجدان محمد
لايك+كومنت حلووو
نبدووو ف اول حلقه……….
سميره:نيهان هيا نوضي سلم بنتي وقت عليك.
انا:اه ماما نبي نرقد خليني نبي نرقد.
سميره: نوضي الساعه7:30امت بتوصلي وبتركبي لحصتك
انا نضت واقفه لما سمعت أن الساعه سبعه ونص نضت نجري خشيت للحمام حشاكم وفرشيت سنوني وغسلت وجهي وطلعت خشيت لي داري وسكَّرت ع روحي وقمت تلفوني واتصلت بـ احمد قعدت نتصل بيه لين رد
احمد بصوت ناعس
احمد:الووو
انا:صباح الخير حبيبي
احمد:صباح الورد والفل والياسمين ياعيون حبيبك
انا:هيا احمد نوض سادك نوم
احمد:به هاني بنوض
انا:هيا نوض به
احمد:نضت
انا: احمد انت مانضتش بتعلمني فيك نوض تواً
احمد: ههههههههه حافظتيني صار به خلاص والله الا نضت
انا: به تمام توا بنسكر بنوتي روحي لان وقت عليا مش انا نسكر وانت ترجع ترقد
احمد: به اَي أوامر تانيه
انا: لا سلامتك غير رد بالك ع روحك
سكرت من احمد حوايجي متع المدرسه وطلعت انزلت من الدار…
انا:صباح الخير
ماما وبابا وخوي محمد: صباح النور
ماما: تعالي افطري
انا:ماما انتي تعرفيني مانحبش نأكل شي الصبح
ماما:ربي يهديك وخلاص
انا: هيا يامحمد وقت
محمد : صبح به اطلعي اركبي ف السياره هاني جاي
انا : به
طلعت من الحوش وانا كيف بنركب نشوف عبدالله والد جيرانا…
انا : وووه صبح الهم
ركبت السياره وقربعت لباب
وطلع محمد اركب ف السياره وصلني للمدرسه وانا كيف نازله
محمد : نيهان انا مش جاي مروح بيك اليوم توا يجي مالك
انا : به تمام
نزلت وخشيت للمدرسه ومشيت لي طابوري وأول ماوصلت لاقتني غيداء صاحبتي (غيداء صاحبتي المقربة طبعا بعد بنت خالتي ندي موصفات غيداء بنت مش طويله ولاقصيره عيونها خضر شعرها اسود لاكن قصير جوها مش عادي )
غيداء :عمري صباح الخير
انا:صباح النور غزالتي
غيداء : خيرك عطلتي ؟؟؟؟؟؟
انا : كلمت احمد ونضت موخر.
غيداء : اهااا به شن جوه هوا توا
انا : به الحمدالله ماشيه
غيداء: اسكتي شوفي الأبله هاذي يلي جايه شن لابسه
انا:هههههههههه صبح فكينا
غيداء : معاش قادره بنموت من الضحك شوفيها هيا سمينه ولأبسه هكي شوفي منظرها لما تمشي كيف الشحوم كلها تتحرك (طبعاً الأبله لابسه سوريه طويله ولاصقه وتوضح ف الجسم وهيا سمينه وقصيره شوفو روحكم)
انا: هيا امشي اركبي هههههههه
ركبنا للفصل وامشي اليوم عادي جداً ف المدرسه بعدين روحنا
انا : ماما شن درتي غداء ؟؟؟؟
ماما: بِسْم الله الناس تخش تقول السلام عليكم مش ماما شن درتي غداء (تقول فاها وهيا تقلد فيا )
انا :……
#يتبع