أحببته بصدق وخذلني بعمق

روايه : احببته _ بصدق _ وخذلني _ بعمق ?
للكاتبه : وجدان محمد
الحلقه التاسعة عشر
…..
انا : حتي انا نحبك ، لاكن يلي درته فيا والكلام يلي سمعته وقلبي يلي انكسر مستحيل ننساه
احمد : مادريش فينا هكي
انا : انا يلي اندير فينا هكي
احمد : { أبدي ايعيط ونسمع في حاجات يتكسرو} انحبك الزفت انحبك افهمي واللهي تعبت الحاجه يلي انحبها تبعد عليا
انا قعدت ساكته
احمد : خلاص سكري توا نتصل بيك بعدين …
انا : ع راحتك
سكر احمد وانا قعدت نبكي منبيش نخسره لاكن منبيش قعدت انفكر كلامه وكلام البنت واللهي تعبت ياربي فرجها عليااا اانعسني النوم ارقدت …. نوضت ع صوت الروشن متاعي ، كان في حد ايحذف فيه بالرشاد …
اتصل احمد بيااا وانا رديت ..
احمد : اطلعي من البالكونه متاعك نبي انشوفك .
انا : شني ،،، انت لوطه اهبلت احمد كان ايشوفك واحد من خوتي ؟؟؟
احمد : هياااا اطلعي
انا : به
اطلعت من البالكونه القيته كان مقعمز علي السياره متاعه ، اقعدت نشبحله وهوا يشبحلي لي فتره بعدين أتكلم هوا …
احمد : نيهان ارحمني وارحمي روحك خليني نرجعوا لي بعض
انا : ساكته
احمد : مكذبتش لما كنت نقولوك (( حبك حصله ، حبك جبذ القلب ❤️من دين إصله )) انتي حصلتي وبلوتي الحلوه
انا : ههههههه حصلتك صار
احمد : ايه حصلتي الحلوه ومصدر قوتي
انا : (( كنت نتمني اني نقدر انقول لي احمد ايه نبي نرجعلك وننسي يلي صار لاكن صهب عليه ننساه كلام البنت صعب عليا ننساه))
احمد : انحبك
انا : خلاص احمد هيا برا روح شوف الساعه قداش ( الكلام هاذا كان الساعه 4:30)
احمد : مش مروح لين تقوليلي انك سامحتنيني
انا : احمد خلاص سامحتك ، لاكن أسفه احمد كل شي بناتنه انتهاء من لما كلمتي البنت هديك
احمد : نيهان ماديريش هكي فينا
انا : خلاص يااحمد معاش تعذب روحك واتعذبني معاك
، برا روح
احمد : خلاص يعني معاش بتكلمني معاش بنقولوك اني انحبك معاش بنقولوك حصلتي ?
انا : خلاص ايه
وخشيت لي الدار وسكَّرت البلاكونه وقَعَدت نبكي ??
عند احمد ….
اركب في سيارته وقعد إيسوق بسرعه لين وصل الاستراحه متاعه ، خش الاستراحه قعد ايكسر ويعيط .. احمد علاااااااش علاااش واقعد ايكسر …..
عندي انا …
قعدت نبكي لين صارلي حسّيت النفس بيهرب عليااا أوقفت بنمشي لي مروه حسّيت ف حاجه بيضه نزلت ع عيوني وطحت دخت ???
#يتبع
توقاعتكم للحلقه الجايه

 

error: