أحببته بصدق وخذلني بعمق

روايه: احببته بصدق _ وخذلني _ بعمق
للكاتبه : وجدان محمد
الحلقه العشرون ..
….
وطحت دوخت ، لين بالصدفة مالك خويا مر شاف ضي داري مفتوح قعد ايطق علي الباب وينادي فيااا ، وانا ولا رد ، مشي مالك يجري خذا المفتاح الاحتياطي من الصاله لوطه وأركب يجري ، خش القيني طايحه علي الارض جاني يجري ….
مالك : نيهان ، نيهان واقعد يضرب فيا في كفوف ، وانا وجهي ازرق
قامني مالك وانزل بيااا يجري ركبني في السياره ومشي الأقرب عياده ، انا كنت نسمع فيه لاكن صوته بعيد ماكنت نشبح في شي لاكن كنت نشبح في صوره احمد قدامي وكنت انادي علي اسمه ،
انزل بيا مالك يجري اخدوني منه الممرضات ورفعنو لي غرفه جي الدكتور يجري قعد يسال لين شاف وجهي ازرق وفمي مزرق أعرف ان انا عندي ضيق في التنفس ، ركبولي أكسجين وقَعَدت في المستشفي ممكن للساعه 12:30 احكي مالك لي ماما وجت هي وبابا ،
خش مالك باش ايشفوني وانا قعدت انادي علي احمد ..
مالك : نيهان تسمعي فيااااا
انا فتحت عيوني واشبحتله كنت نتمني انه ايكون احمد : هزتله برأسي بمعنا اني نسمع فيك
قعد الدكتور ايقول لي ماما وبابا كلام زي كل مره انه لازم اردو بالهم عليا وكلام زي هادا ، روحو بيا انا طول اركبت لي داري وسكَّرت علي روحي الدار ، احدفت روحي علي السرير كنت نبي نرقد لاكن مش جايني نوم قعدت نفكر في احمد زعما شن ايدير توا ؟؟؟…
عند احمد ……
خش احمد دوش واشرب قهوه باش صحصح بعدين اركب في سيارته وامشي لي حوشهم افتح الباب ألقي اسراء مقعمز في الصالون ..
اسراء : احمد وينك امس خالتي قريب ماتت
احمد : صبح اسراء
اسراء : خيرك انت
احمد : انتي كلامك هلبااا وانا مش فاضي بيك
وأركب وخلاها اسراء قعدت واقفه بعدين ركبت لي دار ملاك ..
#يتبع. توقاعتكم للحلقه الجايه