أحببته بصدق وخذلني بعمق

روايه : احببته _ بصدق _ وخذلني _ بعمق
للكاتبه : وجدان محمد
الحلقه التالثه عشر
…
الدكتور : ياخوي المريض عطاك عمره
احمد : انت شن تدوي قتلك طلعهولي حي يمشي ع رجليه من الدار هاذي ياتموت حتي انت
عبدالله : اهدي يااحمد مش هكي ، استغفر ربي
اسكت احمد واقعد يشبح لي الدار يلي فاها مهيمن
خش احمد وشاف مهمين كيف وجه مفيش قطره دم من كتر مانزف وماسعف حد ، قعد يشبحله كيف صاحبه يلي زي خوه هكي صار فيه كيف غدرو بيه من ظهره ، قعد يبكي احمد ع صاحبه …
احمد : سامحني ياخوي انا يلي خليتك بروحك مفروض قعدت معاك سامحني ، لاكن واعد مني لما ناخدلك حقك منهم واعد كني ليك ياغالي
أوقف احمد واطلع من الدار وشاف عبدالله واقف يبكي جاه احمد …
احمد : توا مش وقت البكي توا لازم ندفنو صاحبني ، وباعدين ناخدو حقه
عبدالله : أيه
احمد : اتصل بالأولاد قولهم
عبدالله : به
واطلع احمد اركب ف سيارته وامشي جيه حوش مهيمن انزل من السياره واقف قدام الحوش وطقطق ع باب
فتحت أم مهيمن …
احمد : السلام عليك
ام مهيمن : وعليكم السلام
احمد : كيف حالك امي
ام مهيمن : الحمدالله ياوليدي ، انت كيف حالك
احمد : الحمدالله
ام مهيمن : احمد وليدي خيرك قولي خيره وجهك هكي
احمد : واللهي ياامي انتي مراه مؤمنه وتومني بقضاءالله وقدره
ام مهيمن : خيرك وليدي مهيمن صارتله حاجه
احمد: مهيمن عطاك عمره
ام مهمين : لا تكدب شن تقول انت
احمد : عظم الله أجرك
ام مهيمن : وووه علياااا وليدي مشي ووووه عليا سند الحوش مشييي وووووه ياربي ارفعني ووووووه علياااااا وووه
احمد : ياامي مش هكي هدي روحك استغفري ربي
ام مهيمن : ارفعني نبي نشوف ولدي ارفعني
احمد : به حاضر
ركبت ام مهيمن تبكي ف السياره وامشو للعياده ودخلوها وشافت مهيمن وبدت تعيط وتبكي
احمد : قعد ايهدي فاها
وروح باها للحوش والقو الحوش امعبي الجيران كلهم جو لأنهم سمعو الأعياط متاع البنات
طلب احمد من واحده من خوات مهيمن تعطيه الوراقي واعطتهملا
وامشي للمستشفي القاها معبيه صغار ع كبار كلها من لما سمعت بخبر الوفاه جت المستشفي شبه تسكرت من الزحمه
كمل احمد الأجرات بكري باش يقدرو يدفنوه العصر جي الوقت يلي بيدفونه فيه ورفوعوه لي حوشه وقَعَدت امه تعيط وخواته
بعدين رفعوه باش يدفنوه ودفنوه وقعد احمد ايصب ف التراب عليه بعد ماكمل أهني احمد انهار
#يتبع