روايات ليبية
أخر الأخبار

غيبوبة الجزء الثاني كاملة

جميع الحقوق محفوظة للكاتبة : أروى الطاهر المسلاتي

#غيبوبه الحلقه1. الجزء الثاني


هنادي:تمنيت نقعد في غيبوبتي تمنيت لو كملت 4او5سنين فيها مش سنتين بس سألت نفسي كم مره
انا شنو درت عشان يصير فيا هكي؟!انا معمريش اذيت حد وطوول عمري كنت طيبه وهاديه وربي
نختف حتى نتكلم ع حقي ونخليه يضيع عادي المهم منجرح حد بكلامي ولا فعلي .
بس ليش؟! ليش بعد حبيت نبيل لدرجة وافقت نكمل معاه حياتي غدر فيا؟!لهدرجه هوا يقدر يمثل؟!
ليش ينتهي بيا الحال في غيبوبه ثانيه؟!قاعده ملوحه ع السرير زي اول غيبوبه خشيتلها اجهزه في كل مكان في جسمي ومنعلم بشي…ليش؟!!!

_________________

في ممر المشفى:-
محمد(اب هنادي):فهمممني بس ليش ارتفع سكرها لدرجه هاذي تكلم
نبيل:بلع ريقه بخوف…مفهمتش ياعمي انا كيف مروح من العمل خشيت داخت قدامي نسحابها دوخه عاديه
الدكتور:لو سمحت
محمد:مشاله بسرعه

نبيل:روووووح انت متزيدش الوضع توتر
عبدو:مش مروح فرطت فيها المره الاولى بس المره هاذي لا ولو نقعد نراجي 5سنين مش سنتين بس
نبيل:يلي تتكلم عليها مرتي للعلممم
عبدو:قام حاجبه…شني نبيل؟!كأنك نسيت الاتفاق؟!
نبيل:منسيت شي
عبدو:امالا شنو الكلام هوااا؟!
نبيل؛عبدو مش نااقص بالله اطلع خير ميجي خوها وننفضحو
عبدو:تمام بندير دوره ونرجع
نبيل:تم …بعد يشوف في عبدو كيف يتباعد لين جو عائلة نبيل كلهم

الدكتور:انت زوج مدام حفصه؟!
محمد:اي اي ان شاء الله شن صاير فيها؟!
الدكتور:الحمد الله كانت جلطه خفيفه وبي اذن الله امورها تمام بس محتاجه شوية راحه
محمد:تنهد بوجع ?…ان شاء الله
الدكتور:بنسبه لي بنتك عرفت من خلال الموضفين انها كانت في غيبوبه قبل فتره بعيده وفي نفس المشفى
محمد:قعمز ع الكرسي لان كثرت الهموم مش مخلياته يوقف ….اي وربي رجعلها للغيبوبه ولنفس المستشفى
الدكتور:سكر الملف…بخصوص الموضوع هاذا الغيبوبه الاولى تابعها بروفيسور تونسي لان كانت معجزه انها تنوض بعد سنتين تواصلت معاه وقالي انه يبي يشرف علي حالتها هوا وزملائه البعض منهم من برا
محمد:بنتي فيها شي ???
الدكتور:حاليا وضعها مستقر لاكن نوضتها من الغيبوبه الاولى ودخولها في غيبوبه تانيه معجزه لدرجة اسمها في الملفه بنت الغيبوبه
محمد:حط يده ع وجها ياخد في نفس من وين بيلاقيها؟!من بنته يلي مش معروف مصيرها ولا مرته يلي جاييتها الجلطه ؟!
الدكتور:المهم رح يوصلو بكرا ان شاء الله يديرولها الفحوص الاازمه ويشرفو عليها
محمد:ان شاء الله

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

راويه وهديل خوات هنادي ونسيبه يستقبلو في الناس واهل نبيل يلي جايين يزورو في المصحه

معمر:بصوت واطي ويحاول ميبينش انه يتكلم….شن صاار شن يلي دررته وكيف فضحتنا
نبيل:خذي نفس وهوا يحك في رقبته من التوتر…مفهمتش يابوي جاني عبدو تناقشنا شويه شكلها سمعتنا ولا معرفتش
معمر:نبيل ركزززز لو طلقتها وخذاها عبدو
ابو عبدو رح يعطينا المصحه بدون الفلوس يعني بنفتكو من الاجار والارباح ليناااا منبيش الفرصه هيا اضيع لان نعتبرو خسرنا صفقة عمرنا
نبيل:اضايق…يابوي صفقة شنو البنت خشت في غيبوبه مش عارف تنوض منها ولا لا
معمر:حط يديه في جيوبه …ان شاء الله خير المهم انت ابدا بي اجراءات الطلاق بحجة انك بتاخد وحده تانيه وهيا خلاص انتهت
نبيل:لا
معمر:بي استغراب….نعم؟!
نبيل:مش توا مزال
معمر:شنو يلي تستنى فيه؟!
نبيل:تو نهدرزو انا ماشي الحمام
معمر:هز براسه وتباعد عليه عشان يمشي لي اب هنادي وينافق زي العاده

_________________

نسيبه:واقفه في اول الممر بروحها وتبكي
ياسين:حط يده ع كتفها…اهدي نسيبه
نسيبه:مكانتش في وعيها ….بنموووت ياسين بنموووت??مصدقت رجعتلنا علاش ياربي بس لللليش حرام طول عمرها كويسه اقسم بالله طول عمرها مضرت حد
ياسين:مسك يدها بحنيه ..ان شاء الله زي مقاومت المره الاولى رح تقاوم توا وتنوض بسلامه
نضال:جاي من بعيد وجايبك معاه نسكاف ناررر ولعت فيه لما شاف ياسين ماسك يد مرته?
نسيبه:نفضت يدها بقوه وتمسح في دموعها
نضال؛حط النسكافي ع الكرسي وبي ملامح تخوف…تفضل،؟!
ياسين:زايد فضلك كنت نهدي في بنت عمي
نضال:برا جنب مرتك وخواتك لانهم بروحهم وخلي نسيبه معاي انا راجلها نهديها ونوقف جنبها واقسم بالله مزال نشوفك مقرب شبرين منها متلومش الا روحك و……
قاطعاته نسيبه…خلاص نضال مش وقتها الدوا هيا
ياسين:ابتسم بي استهزاء ومشي
نضال:عاجبك الوضع يعننننني؟!ولا حنيتيله ??
نسيبه:تبكي…نضال خلاص
نضال:مش خلااااااص الجو هوا منرضاش بيه حتى كان ولد عمك
نسيبه:فقدت اعصابها وبدت تعيط وحاطه يديها ع راسها….خلاااااااص قلت خلاااااااص يكفي مش ناقصه انااااا???
نضال؛حضنها بحنيه ❤️رغم النار يلي كان حاس بيها ووجها يلي كان كله غضب وقسوه لاكن يديه خانوه وحضنها ❤️
نسيبه:تبكي…
نضال:قعمزها ع الكرسي وهيا قاعده في حضنه….اهدي
نسيبه:تباعدت شويه وتمسح في دموعها ..مديت يدها ع النسكافي
نضال:مسك يدها…لا متاخديش
نسيبه:شافتله بي استغراب؟!
نضال:الكيسه يلي جنبك جبتلك فيها فطور
نسيبه:معندي نيه في شي
نضال؛نسيبه بلا عناد لازم تاكلي متنسيش انك حامل
نسيبه:تنهدت وسكتت
نضال:شاف نبيل من بعيد…كولي وغصبي ع روحك مابين جيتك
نسيبه:هزت براسها بدون اهتمام

____________

سمحو للبنات وباقي الاقرب يخشو يشوفو ام هنادي لان صحتها تعتبر تحسنت شوي ..خشو كلهم يطمنو عليها والمشفى معبي ومقلوووب بي قصة هنادي

نبيل:متسألنيش وراس امك مش متحمل كلمه ره
نضال:ربع يديه ويشوفله بشك…نبيل انت صاحبي من ايام الابتدائي
نبيل:ولع دخانه ….واو مكنتش نعرف بجوده
نضال:نعرفك من ملامح وجهك لما تبدا بجديات ومش تافه معناها فيه مصيبه
نبيل:يدخن ويحاول يدرق ع نضال….بالله خليني ترا
نضال:ادوي شن مداير؟!
نبيل:شنو بندير الزح متشوفش في مرتي ملوحه داخل منعلمش بيها حيه ولا ميته
نضال:وشن وصلها مرتك للحاله هيااا؟!
نبيل:وين نعلم انا
نضال:خدي نفس عميق ورجع جنب نسيبه وهوا مش مصدق حرف من يلي. حكاه نبيل

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

منار(مرت ياسين):اففف زهقت من المستشفى وريحتها حبيبي طلعني نتغدو برا
ياسين:يحاول يكتم الغضب متعه وشاد روحه بسيف….غبيه انتي،؟!ولا تستغبي ع فيتي نقووولك اختي ملوحه داخل وامي كيف طلعت من العنايه تقوليلي غدي برااااا
منار؛والله مش مشكلتي بعدين مقلت شي غلط انا جعانه
ياسين:منار
منار:نعم
ياسين:اقلبي وجهك من قدامي خير منحشمك ونحشم روحي قدام الناس
منار:شن قصدك
ياسين:يتكلم من بين سنونه….طيري من قدامي خير منضربك في نص الممر قدام الناس
منار:افففف انا بنكلم خوي يروح بيا معش قادره نوقف وجعانه صراحه…ومشت وخلاته
ياسين:اضايق من تصرفاتها وزاد اضايق اكتر لما شاف نسيبه راقده ع نضال ونضال مهتم بيها اكتر من الاازم ?

يزن:صباح اللزازا جمالك جمال ياهازا
نبيل:لوح دخانه وطلع الثاني….مش رايق يزن
يزن:خيرك
نبيل:مخيرنيش فوتني
يزن:هاذا جزاي جاي بنسأل ع خالتك وجايب معاي زوز كيلو جزر
نبيل:يلي داخل مرتي والجزر ماعندنا منديرو بيه في المستشفى
يزن:الجزر يقوي النضر ع فكره?
نبيل:افففف اي نضر انت الثاني

_______________

حفصه:تتكلم بصعوبه….وينها هنادي وينها
راويه:عيونها منفوخات من البكي …الحمد الله صحتها تحسنت
حفصه:عارفتكم تكذبو عليا قولولي ماتت ولا شني يلي صار فيها
هديل:والله بخير يا امي انتي اهدي بس تتحسن صحتك ونرفعوك تشوفيها
حفصه:غمضت عيونها بقلة حيله ?صعب لما تشوفي حد تحبيه يضيع من بين يديك وانتي مش قادره تديري شي غير البكي وخلاص

الساعه 7المغرب:-

نضال:هيا نوضي نروح بيك لازم ترتاحي
نسيبه:خليني ممكن يصير شي
نضال:مسك يديها…نوعدك نرجعك امتى متبي لاكن لازم تروحي تاخدي دوش وتتريحي شويه ونرجعو انا وياك
نسيبه:خذت نفس…به
نضال:ابتسملها وناض
نسيبه:وقفت وهيا مستنده عليه يمشو شوي شوي لاكن وقفهم صوت الدكاتره كيف يجرو ونبيل يلي لاحقهم بسررعه كأنه فيه شي كبير صاير
نسيبه:شششن في
نضال:مش عارف
نسيبه:لحقتهم بسرعه عشان تشوف

الدكتور:مطلع هنادي من غرفتها للعنايه وجتمعو الدكاتره كلهمممم وراها بسرعه ونبيل قريب يهبل
نسيبه:شن صااار؟!
هديل وراويه حاضنين بعض ويبكو
نسيبه:دموعها ينزلو….شن صااااار تكلمووو …نبيل احككككي شن صاير خيرها هنادي
نبيل:يديه ع راسه وغصه في قلبه….النبض وقف بيدرولها صدمه كهربائيه
نسيبه:لالالالا كذب صح ….وتبي تلحقهم
نضال:مسكها….وين ماشيه نسيبه اهددددي
نسيبه:تعيط في نص الممر وتحاول تخش للعنايه معاهم بس كانت قبضة نضال اقوى منها لين استسلمت وطاحت تبكي

في العنايه:-
هنادي:راقده والنبض متاعها مستقيم________
الدكتور:دارلها الصدمه اول مره وجسم هنادي كله انتفض وركب ونزل بطريقه تخوف …يتبع

تقييم المستخدمون: 4.04 ( 16 أصوات)

1 2 3 4 5 6 7الصفحة التالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error:
إغلاق
إغلاق