فـي جـوفـي وتـينـك

فـي جـوفـي وتــيـنـك
بقلـم:فـاطـمـةه سالم❣
الـحلـقةه:الـرابـعـةه والاخـيرةه……….
….

عنـد زاهـيةه:
…
نسخـت الرقـم وطلعت من بـرامج بسرعةه…
وبعته على رقمـي.. ومسحـت رسالـه…. خداه مني حمني….

عطاه لي سُمـيةه هي واقفه على باب…

سُمـيةه:شن قربك فيه!

حمني خايف :ااا ماهو…

سمية:ليش خديته ادوي

انـا خفت حمني يخبر قلت بسرعه:ماهو قبل بيحطه في شحن مشي انتي قعدتي تنادي

سُمـيةه :وانتي شن دخلك اني ندوي مع ولدي

انـا:تي الولد بتمخلليه

سُمـيةه:لو اتكرمتي اطلعي برا تـرا متخيلينيش نديرلك شي مايعجبكش مافوق تلزي فيا

انـا توترت وعارفه كويس سُمـيةه مش بعيد عليها شي خبيثه ومتنقدرش

نضت فتحت باب نلبس في شبشب وسُمـيه تضحك بهزوه وجيت نازله من دروج شفت ابراهيم لوطه…. شبحت لي سُمـيةه بجنب وهي استغربت بمعنى خيرها البنت شن جاها؟

لفيتلها ورميت شبشبي وخشيت وخليتها هي عـ الباب واقفه ومستغربه

رجعت لمكاني وقعمزت

شبحتلي سُمـيةه شبحه تقتتل ومن بين سنونها:تقولي كلمه لي ابراهيم نقتلك

سمعها حمني ونزل طول فرحان ويعيط :باااابا

نسمع في ابراهيم هو على دروج :وليدي

حمني:بابا جبتلي حاجه

ابراهيم :اي بس بعد لفطور تاكلها

حمني يفتش في شكاير :وينها

ابراهيم:مش توا قلت هيا خود الخبزه ساعدني

وركبو هما اثنين وسُمـيه تشبحلهم وفرحانه

سُمـيةه:اهلا خش افطر هي تو نسخنلك قهوتك

انـا …
وقتها عيوني زغللو استنيت سعد يااااااما وفي الاخير سُمـيةه خربت عليا وتوا هي تخون في راجلها…
تمنيت يكون عندي وليد نفرح بيه نزازي بيه نلعبه نخاف عليه نحن عليه نداريه ونراعيه…
قعدت نبكي ومنندريش على روحي لعند سمعت صوت ابراهيم مسحت دموعي طول..

ابراهيم :اووو زعيمه هنا

انـا:ايي ياباقيره اني هنا

ابراهيم شفشفلي شعري :مش ناسيه صار

انـا :اي

ابراهيم قعمز وقعد يشبحلي بتركيز :خير عيونك حمر

انـا:ههه انت عارف اختك لما تنوض عيونها حمر

ابـراهيم:ههههه تقول طماطم عيونك

عـلى خشةه سُمـيةه بسفرةه حطتها قدام ابراهيم بلعاني ووقفت تشبحلي بغل

ابراهيم قعد ياكل بشراهة بعدين وقف شبحلي بـ احـراج :اسف غر جيعان تعالي كولي معاي

انـا:لا فطرت صحه

ابراهيم:غر تعالي سايريني

وجت عيني في عين سُميـةه وهي تفنص…

انـا نضت :لالا والله فاطره وحمدالله…. هي مع سلامه

ابراهيم :لا خليك اقعدي للغدي

انـا:لا والله خلاص بنمشي نضم حوش وندير الغدي وانت عارف عاد بوي يحب الحار وامي لا

ابراهيم :اقعدي الضمان ملحوق عليه والغدي تو نبعتولهم

انـا:لا صحتين خليها مره اخرى تو نجي هي مع سلامه

وهدا كله سُميـةه ساكته وماقالتش كلمه

طلعت…

وخشيت لحوشنا مضااايقه لقيت امي مهناش…خشيت لدارها خديت من قفاطينها قفطان باصمه ومحرمه شلاكي(كلكن تعرفوها) لبستهم
وطلعت مسحت الجنان ودروج وسيقت الفراندا وحولت اوراق شجر ونضفته ولمعت رواشن وغيرت لامبات ديار لي برا وضميتهن وسيقت كاراج سلخانه وركبت فوق السطح ضميته ونزلت فشيت غلي كله ونحس في روحي تااااعبهه حسيت بحد يشوف فيا التفتت لقيت سُميـةه تشبح فيا من روشن

انـا:خير مش متعوده على ضمان يامزطنه

سُميـةه:كان نحسابك هكي ره خليتك ضمي حوشي ياعانس

انـا:عدي جدري يامزيته وصقع عليك

حولت مكنسه حطيتها على مرشبيدي واني مرتاااحه

خشيت داخل حولت ملابسي خشيت للحمام درت دوش …
وطلعت جففت شعري ولبست توته درت الغدي كسكسي والمصير وسلاطه وطفيت على طنجره
حطيت تغديت وخشو بوي وامي حطيتلهم غداهم وغسلت ماعين واستأذنت منه بوي ان بنطلع

“فتحت الفون نسخت رقم وجيت بنسجله طلع رقم سندس؟؟؟ ”

يعني سندس عندها تواصل بـ سُميـةه!

منوره يا سندس اكيده دوه كلها معاودتيها

وع ساعه 6
ومشيت لداري لبست احلى لبسه عندي …
واستشورت شعري ومكيجت وكل شي. وخديت تليفوني…

جيت بنطلع لقيت سيارات استغربت فتحت الباب…

تخش ورده وفايزة…
ومعاهن الفيلق…
وقعدنا بين اهلين وكيف حالك وشن مدايره نص ساعه
….

انـا:هي نستأذنكم عاد حوش بوكم مش برانيه

فايـزه:غر تعالي نهدرزو

انـا:مشوار وجايه مش مطوله

“خديت شنطتي وفوني ومفتاح سيارتي وطلعت ”

ولعت سيارتي وقعدت نستنى تسخن…

اتصلت سندس…

رديت عليها بالجو..

انـا:خير

سنـدس:اهلين وكيف حالك

انـا:بخير من ربي…

سنـدس:باهي وين انتي توا؟

انـا:ليش تسألي

سندس:لا شي غر نفكر نجيك

انـا:لا مش ضروري

سندس نعم ؟

انـا بخبث:احم نقصد ان اني توا طالعه بعدين تعالي شن رايك

سندس:عليش وين طالعه

انـا:للموزارت في…..

سندس :تمام جاياتك

انـا:تمام مع سلامه

صكرت الخط…

ومشيت للموزارت…
درست سيارتي ونزلت خشيتله…
قعمزت على كرسي ونستني….

بعـد عشـر دقـايـق…..

جت سندس…

قعمزت على كرسي وحولت نظارتها …

سنـدس:اهلا

انـا من فوق نفسي :اهلين

سندس :شن مدايره

انـا:مكسده

سندس :اوك لحظه نجيب كيكه وعصير ونجي شن تبي انتي؟

انـا:ولا شي

سندس :كيف عاد هك تو نجيبلك دقايق بس واهو تليفوني بحداك
مشت

انـا مش طايقتهااا بككل
قعدت نفكر شوي خطرت عليا فكره…
فتحت الفون متاع سندس لقيته بلا باسورد…

خشيت عـ مسنجر…
زي ماتوقعت
لقيت ايميل سُميـةه؟!؟

خشيت عـ محادثه…

قعدت نمشي. فـ رسايل شوي…

ونقرا

قبل سنتين…
سندس :هدا رقم سعد لي كان يحب اختك

سُميـةه:شن بندير بيه؟

سندس :ياسمحه مرتبطه بيه حماتك بتنتقم منك

سُميـةه:زاهيه؟

سندس :ومن غيرها و اسبوع جاي بيخطبها من راجلك بحكم هو الكبير

سُميـةه:وشن عرفك

سندس :صاحبتها حضرتي

سُميـةه:ليش بايعتها

سندس :رد تار

سُميـةه:اها اوووك بنطلب منك طلب بحكم اني بنرد تارك !

سندس :شنوو؟

سُميـةه:تجيبيلي كل اخبارها…

سندس :اوك بس كارهيها في عيشتها

سُميـةه:تم

سندس :كلميني اتصال نحكيلك كل شي هدا رقمي…

“قعدت نمشي ملقيتش رسايل ..
خشيت ع رسايل نصيه…

رساله نصيه بتاريخ “3’5’2016…

لي هو اول امس تاريخ هدا !؟

رساله كانت ” اسمعي اتصلي بيا ره زاهيه بتخشلك بي ايميل ولد “

…
خشيت ع سجل لقيت مكالمه اليوم ساعه اربعه فجر…

….
رفعت راسي بنرد تليفون لقيت سندس تشبحلي…

سندس :من سمحلك تاخدي تليفوني؟

انا حطيت تليفونها عـ طاوله ونضت قربت منها وحطيت ايدي عـ كتفها :منووورةه… منووورةه ياصاحبتي ماكنتش متوووقعاتتكك اديريلي هكي…. لعند اليوم بس نتصل بلا وعي مني نتصل بيك عشان حاسباتك وخيتي وانتي تكلمي في عدوي وتعطي في سم لغيرك عليا منووورةه بلهلبااا

وخديت منها العصير وبزعتها عليها خديت شنطتي وطلعت بسرعه

ولعت سيارتي…

وروحت….

نزلت من سياره لقيت الصغار يلعبو في كاراج خشيت وصكرت عليا داري…

قعدت فتررررةه مكتئبه…

وخواتي حسو بيا وكل يوم يجو يحاولو يغيرو جوي واني ندير روحي بنرقد ويطلعو وقعدت ندخن وتعرفت على بنت ساعدتني وريحتني نوعا ما ..

…
بعد اشهر…

اتصل خيري..
صكرت عليه…

بعتلي رساله “اليوم جايك”

استغربت من رسالته وقعمزت واني منصدمه!!!

طلعت بسرعه لقيت امي فرحانه ومعاها خواتي

انا:شن في ؟

امي قعدت تزغرط وخواتي يباركولي….

انـا:شن جاكم

امي :بوك خايف عليك ووافق ع خطبه من ولد ناس كويس و اسبوع جاي دخولك

انـا:نعممم واني شن ماعنديش راي؟

خش خوي يوسف

يوسف :بسرعه ديرو قهوه وانتي البسي وشاحك وجيبي القهوه فيسع

لبست وشاحي بدون نقاش وطلعت…

خشيت لمربوعه وبوي وخوتي طلعوو…

قعمزت ع اول كرسي قدامي …

:.هئحم

انـا شخص هدا نعرفه ورفعت راسي بصدمه:خيييييري

خيري :نقصي حسك خيرك

انـا:كيف ادير هك واني مش عارفه بشي

خيري :توا لي صار صار اس وعارفتيني نحبك مافيش شي جديد وهاك فلوس واشري بتاتك يدوب تلحقي..

اما شعور غررريب عارفـين لما تبدي مدمـره ونفسيه صفر فاجئ تجيك فرحه لا ع بال ولا ع خاطر “ان شاء الله ربي يفرحـكم”

خديت فلـوس وطلـعت بـسرعه واني متحـششششمهه…

وبوي في ليل جي سألنـي وقتله موافقه بعد جهد جهيد…

….

وفات اسبوع بسرعه وقعدت كل يوم ماسكات وكريمات وميشت شعري ومشيت حمام مع خواتي ودرت شمعه وجو هدا كله ولبست بودري مع اغاني وشتاوي

“معمريش توقعت نـتزوج هك ❣ ”

وجي يوم دخولـي ولبست فيلو وقعمزت عـلـى كوشه

“شعور غررريب فرحانه ومرتبكه وخااايفهه

وشوي خش خيري شككله حـلوو بس مخفف لحيته لدرجه مدايرها سكـسوكه طـارتلي

” وحتى اني نكتب وطـارتلي”

وفات شهر واني مسافره لي رومـا

وجبت تؤام عبـد الرحـمـان ونـزيـه

“نهايـةه زاهيـه ”

ربي يسعدكم ويرزقكم فرحه زي هك واحلى

….
…

عند زمـزم :

عبدالمـلك:اسـف بس نبي نتعالج اني من بوي وضربه ليا زمان تعقدت

يوسـف :ماشي اسبوع جاي ح تسافر لي تونس بس بدون اعصاب وحق علاج عليا

عبد الملـك :تحملوني ما بين تعالجت

زمـزم:لا ياوخيي اني ندفع نبيع حتى دهبي

يوسـف :حتى هدا خوي ولازم نوقف معاه بس اني منقدرش نسافر معاكـم عندي عويله اسمحولـي..تو نحزجلكم سياره اجرة …..وهي بسلامه…

وقعدنا نوتو في روحنا وبعد اسبوع سافرنا طلعنا من طريق ادهيبه عشان طريق راس جدير مسكره…
و مشينا لطرابلس وخشنالها وشفنا طويشه وجوش وتيجي ووازن وهلبببااا مناطق يهبلووو وطبعا تعبتنا بوابه ليبيه عشان زحمه وطلعت منها بطلوع روح وشوي شوي ننزلو نمشو لمسجد نرتاحو ونصلو وخشينا لبوابه تونسيه طولنا فيها لعند رجلينا انتفخو نزلنا نتمشو لعند طلعنا من بوابه تونسيه و مشينا لي دهيبه وبعدين قابس وبعدين صفاقس وكان طالع معانا منتخب ليبي زحممه كل اوتيلات معبيه حجزنا شقه في شارع من نوفمبر و مشينا لي عياده العليا وتعالج بوي قعدنا خمس شهور ومحضرناش عرس زاهيه ودهورنا وامي باعت دهبها وروحنا ع طريق راس جدير اسهل….

وبعد شهرين نخطبت ناريمان وعرسها بعد خمس شهور

وبوي قعد يخدم في محل دهب ويشري في دهب لي زمزم ويدلع فيها ايح

نهايه حكـايه زمزم

…….

…

عند سميه…

اتصلت بيها سندس وتعاركت معاها وتمشي سندس تخبر ابراهيم ويتعاركو ورفع سُمـيةه حرجـانه عند هلهـا وقعد علاقه مع سندس فتره وانفصلو…

وروح بي سمـيه….

وتأسفت سُميةه من زاهيه…

…

…

عند ليـلى :

جفول:اي تعالي حتى نورا بتجي

انا :نورااا؟

جفول:اي

انا:خلاص امالا لما تروح نورا كلميني

….

مشيت لي بجعه…

ليلى:اهلا

بجعه بنظره خبيثه:اهلين

ليلى :شنو مافيش ضيافة .

بجعه:خشي واحلى ضيافه

ليلى خشيت وبجعه وراها

لقيت تلاته ولاد…

التفتت لي بجعه

انا:من هديم

بجعه بغمزه:هديم لي يبوك

انا درت روحي عاديه باش نعرف كيف نهرب: اهلا وسهلا

بجعه حط ايده على كتفي وايده اخرى على خصري:توا ليا هي وبعدين ساهل

الملتم:هذه تي واخدينها قبلك

بجعه حاوطني بي ايديه بقوه :لا واخدها من زمان

ورفعني لدار….
وسكر باب

بجعه:شن رايك في ضيافه

انا بخوف:بجعه خيرك هك حول خلي نروح

بجعه:التفتي وراك

التفتت لقيت شخص….

حول اللتام:عرفتيني

انا :اييييمنن؟

ايمن :قلتلك بطلي سريب هضا بس شكلك تبي قرصه ودن سمحه

ملاحظه:ح نكتب بتفصيل طلبا من صاحبه قصه فا بدون “شتائم =بلوك ”

جي بجعه حول ملابسي بالقوه وقعد يضرب فيا بلحديده وايمن يصور فيا ويبكي وبجعه كان عضلات وضخم وضربه منه تقتل فما بالك بلحديده…

اغمى عليا….

بعد خمس ساعات قعدت نفتح في عيوني بشوي وبصعوبة…

لقيت جنبي ايمن

ايمن :حبيتك ورب العباد ولي يحب مايرضاش لي حبيبه الاديه…

انا جيت بنتكلم ايمن صكرلي فمي

ايمن:خليني نكمل…. يمكن حبيتيني كيف ماتقولي لكن في شخص يحبك ااكتر من حبي ليك وحبك ليا وحب امك ليك …. عارفه منو؟….ي يووسسف

انا لما قال يوسف كأن قتلني الف مره حسيت بحرقه قلللب نزلت مني دمعه ساااخنه…

ايمن :انتي توا( نفسيتك) مدمره …. بس هو لو يعرف خيانتك ح يكون مدمر كليا مش نفسيته بس…

وع فكره محدش لمسك بس سجلتك فيديو وح نراقبك وايي حركه منك او خيانه تكوني مش خاينه راجلك بس لا خاينتيني حتى اني وفيديو ح يكون منتشر