فـي جـوفـي وتـينـك

في جـوفـي وتـيـنـك ❣
بقـلم فـاطمـةه سـالـم…
الحـلقـةه :ثـانـيةه…
…………
….
-عند زاهـيةه:
..
انـا:بنـديـرلـها عمـلةه لـين تعـرف ربـي واحـدسنـدس:شـن بـديـري!انـا :عنـدي ايمـيل ولد … وبنقلقها برسايـلسندس :بت شن جو معيـلةه هدا!…. ( كلـه عشـان حـرجـاتك؟ )انـا :اييي زيـدي بـي حنـاينـك اييـ تـو ديـري ثمـره

سنـدس :نببـي نفهـم هـدا سبـب ولالا!

انـا بتنهـيدةه :يـاحنـه لمـا ارتبـطت بـي سعـد وجـي خطـبني هـي لي خـربت عليـا علشـان كـايـن هـو مـرتبـط بـ اختـها?

سنـدس :محقـرررهاا ?

انـا بزفره:اييييه ياسمـحه وانـي كنـت نستنـى فـي غلطـةه تـانيةه منها

سنـدس :اوك عنـدي ايمـيـل قديـم تـو نبعتلـك بـاسـورد ورمز

انـا:ابعتهـلي عـلى واتـس …. طيـري خيـري يتصـل

… صكرت علـى سنـدس ورديـت عـلى خـيري..

انـا:اهـلا

خـيري:مـع مـنو مشـغول!

انـا مـن فـوق نـفس: يااااه صاحـبتي كنـك؟

خـيري:اممممـم مـاشـي مشـيتي لجـامعه؟

انـا :ليـوم لا عليش؟

خيـري :اهـا لا شـي خطـرها بكرةه ماتمـشيش

انـا:اشمعنـى

خيـري :بجـووي فـي مـانـع

انـا:مصحـك كنك وليت بـارد ادوي كويـس ولا نـقولك تشـااو يـابـردر

وصكرت الخط…

نـضت غسـلت الفناجين وسـتفت المـاعـين عـلى رخـامةه وخديت لبـان من دولاب…
و”فتحـت واي فاي عشان يوصـلنـي الـباسورد” وفتحـت كتابـاتي وقعـدت نقـرا وشـوي شوي نسمع ميوزيك?❣

سمعـت صـوت مسـج…

فتحت الفون…
لقيـت مسـج مـن خـيري …. “لما تشـوفيني نغار بالله متعصبيـش خوديـني ع قـد قلبي وقولي نحبك بس ♥️?* ”

( محتـركتـش فـيا شـعرةه قعـدت نمـضغ فـي لبـان بـ استـهتـار )

وبـكل تفـاهة منـي قتـله “اوك وبـعديـن!؟ ”

{ووصلنـي مسـج من سنـدس فيه البـاس}

نسـخت رسـالةه خـيري…
وفتحـت الاكـونت وبحثـت عـ ايمـيل سُميةه اوبعتلـها الرسـالـةه…

صـكرت الفون…

وقعدت نقـرا

وعـ 6:30..
كملت قرايتي وامـي روحت… ضميت كتاباتي وسجلـت شن بنراجـع وحطيتهـم فـي الـدرج…

انـا:امـي?

سديـنةه :نعم يابنتي؟

انـا:بنطلـع للسوق عطيـني فلوس

سدينـه :امالا بناخد من بوك وبنقوله انك خديتي من فلوسي

انـا :ديري جوك يما غر ما تدويش قدام خوتي فكيني من وجيجهم

سدينه:اوباهي خودي من شكماجةه تلقي فلوس

انـا:صحيتي يما

خديت فلوس حطيتهم في جزدان وفتحت الفون ولقيـت سُـمـيةه ماردتش صكرته ومشيـت للحمام “حشـاكم” توضيت وصلـيت العصر وطلعت عبايتي لبستها ودرت شوي ميك اب ولبسـت وشـاحي وطلعت لقيت صغار ابراهيم يلعبو

انـا:يا حمني تعال

عبد الرحمان :نعم عميمه

انـا:وين امـك؟

عبد الرحمان :راقـده تبي نوضهلك؟

انـا:امم لالا مش ضروري
ولعت سيارتي و مشيت للشارع لقوايده وخشيت لمحل سكرةه عجبتني جاكيت شريتها وركبتلها بلوزةه وسلكت حق لحساب وطلعت وبجد محل هدا في غايةه روعةه❣
ومشيت للموزارت شريت كيكه سنكرز وروحت…..

بدلت حوايجي وخشيت لكوجينه ندير في العشي

خشت امي…

امي :شديري ؟

انـا:طباهج

امي:وشن شريتي

انـا:جاكيت وبلوزةه

امي :باهي تبيديهم بلهني غر مديريش العشي حار

وطلعت…

قعدت اني نستنى في العشي يطيب ومكسده عـ نت خطرت في بالي سُـميةه فتحت اكونت ونصدمت من ردها كان المسج “…….. يتبع

……
……..

عنـد زمـزم:

ناهد:مالا تحسابيها بتاخدك بي احضان وتقولك تعالي يا حبيبتي واقعدي اهني لين بوك يهدا

بلقيـس تبـكي: ” نبي نفهم علاش متحبناش ! ”

وداد بهزوه: غير نلقو الخيـر ف بوك ” باش نلقوه ف ناس”

خشت عليهم امهم

زمزم :فيكم خيركم

ناهد: كالـعاده عزوز الشمطاء لزتها

زمزم نفضت ايديها: ياااربي اووف يا بلقيس يا بنتي اني كم مره قلت حوش عمكم معاش تمشوله !
” وانتي تعرفي ح يضحكو ع وضعنا ويتهزو?

عبد الملك هو في وسط حوش جي كلام في ودنه خش عليهم بوهم تقول غوله وفي أيدها غربال?

عبدالملك:تدوي ع خوي يا تافهه

شدها من محرمتها وقعدت يضرب فيها

مزم :اطلقني يا راجل خيرك على ساس خوك كبده عليك ويدور فيك

عبد الملك:تي اسكتي ماهو كله منك يا ساحره خديتك وجبتي معاك شر انتي وبناتك

” وقعد يضرب فيها ”

وبناتها يبكو جت وسن تجري تحز على امها …
دفها بلقوه وجت ع لحيط

جت بلقيس تنوض فيها لقت دم من راسها قعدت تعيط??

بلقيس:الله يلعنك انت اب بالله عليك هدي كبدك ادير فيها هكي

وقعدت بلقيس تضرب فيها علخفيف لكن مبتش تنوض

عبدلملك:احسن الي ينقص ينقص وطلع

زمزم تحاول تنوض وهي معندهاش جهد :تي تعالولي معنديش جهد بنوض بنشوف بنتي اهه ياكبدي هلشيطان معيشنا عيشه ياناعليا وخلاص

ناهد :لازم نرفعوها للمستشفى بنطلع اني

زمزم :تعالي اهني ياخايبه غر من بيرفعنا تعالي تو ناس يديرولنا شايشه

بلقيس :شن نديرو يما وبوي طلع من حوش بكل

زمزم:نوضي اغسلي رأسها وخودي قهوه ديري على مكان جرح وربي يصلح الحال أن شاء الله اخخ شن بينوضني ياكبدي

ناهد جت تساعد في امها وقعمزو على فراش

زمزم :ياكبدي ايدي توجع فيا نزلبح في روحي ونساعد في روحي بغصب عليا باش نشتغل وندير طلبيات ونوكلكم وهو زاد دقدقني

ناهد:مانبو شي يما لا ماكله لا شراب غر نفسيتنا ترتاح من هم ومشاكل

وداد :اني بنمشي راني لي حوش خوالي

زمزم :تي وين بتمشي وين نوضي نوضي خودي معطر ديريه على خشم وسن بالك تفيق ويابلقيس نوضي شوفي اختك ناريمان فوق سطح وشوفي يوسف تلقيه راقد في دار شوفي بالك يعيط

بلقيس ناضت شافت يوسف لقاته راقد ومشت لي فوق سطح …

لقت ناريمان حاطه رأسها على رجليها وضامتهم و تغني في بصوت فيه رجفه “عيوني سهاري هااايم بيك ?

بلقيس :ناريمان

ناريمان برشفه :خيرك

بلقيس قعمزت بحداها :احكي شن في ليش تبكي

ناريمان بتنهيده :بالله عليك خليني ترا

بلقيس :خيرك

ناريمان :تصدقي لما نمشي لجامعه مافيش قهوه ماغر نشم حكه قهوه ونطلع بالله عليك

بلقيس قعدت تشبح لوطه ومعاش عرفت ما تقول تنهدت :تي شن بد….

قطعت عليها ناريمان :اس اس شن صوت هدا

بلقيس :صوت بابا !

ناريمان :ايييي ؟ …..اسمعي اني بنرفع راسي بنشوف شن في مش ترفعي راسك حتى انتي ره نقتلك

بلقيس :تي باه به غر سقديني شوفي شن في

ناريمان رفعت راسها وقعدت تشوف في بوها يعارك نزلت راسها :حييي على غباره يابلقيس

بلقيس :تي شن في

ناريمان :بووك بوووك يلوح في كناسه على ناس ويعارك يانهاره الاحرف بيقتلوه

بلقيس :ربي يسمع منك

ناريمان :تي تحشمي …انزلي انزلي نخبرو ماما

ناريمان نزلت تجري :يما يما

زمزم :نقصي حسك خيرك

ناريمان :زودي زودي بوي يلوح في كناسه على ناس ويعارك

زمزم :يااانهاري الاغبر تي شن راجل هدا شن جاه بيولي على ناس ماسد احني

وقعد باب يخبط بلقوه

زمزم :خشن كلكن في دار ماتبعنيش وحده فيسع ….كل بنات خشو وزمزم لبست محرمتها وفتحت الباب و…..يتبع

…………
..

عنـد سُـمـيةه:

نضـت لقيت صغار طالعين يلعـبو وابراهيم لتوا مروحش شكله عنده عْبيه ..

خشيت للحمام حشـاكم وتوضيت وصليت عصر ودرت قهوه مع شكلاطه…
وقعدت نشرب فيها ونقرا في روايـةه في جوفي وتينك لكاتبه فاطمه سالم…
حسيت روايه هدي معبره هلبااا ومستني وقعدت نشوف في رواياتها لربما احتاجك وهلبببه روايات….
بعتلها رساله بس مردتش نبي نحكيلها قصتي….
صكرت نت وقعدت نتفرج على مسلسل رافت الهجان…..
بعد شوي سمعت عراك في شارع طلعت لقيت عبد الملك يتعارك مع جيران ويشطح خفت ع صغاري وتكبر مشكله….
لبست ملقيتش ونزلت ناديت ع صغاري وخششتهم وصارت الحوش بلمفتاح واتصلت بي ابراهيم لقيته مقفل….

فتحت نت لقيت مسج من ايميل اسمه البرنس بلنجليزي…

قعدت نفكر في خطه و……. يتبع

……..

………

عند ليلى ..
دزيت مسـج لي ايمـن ثـوانـي وجا ركـبت معـاه ومشيـنا للشـاليـه ?

……
ايمـن :بصدق بصدق بنسألك سؤال “ومش قاادر نستوعب لي ديري فيه ”

ليلى واني ندير في روج على كاميرا الـفون :اي حبيبي اسـأل

ايـمن شبحلي بنظرةه غامضهة وحط ايد على لحيته بتنهيده وضرب ايده على دومان بلقوه :اه ماتتحشميـش انتي

ليلى :كنـك ! “هبلت انت … شن اسـلوب هدا !

ايمن قارن حواجبه ويلاطـع بي ايديـه : كني لا ماكنيـش والله ….حضرتككك ترقدي مع راجلك وعندك عويل منه وتركبي معاي فوقها تي يابنت ناس ترضيها لي روحك !!

انا نشبحله ببرود والتفتت عنه طلعت خصلاتي من وشاح ورديت بلا مبالاة : “ايييي ويعني كان متزوجةه ميحقليش نحب وننحب والله محد قاله تزوجني ولا شي جا بروحه يعدي بروحه عجبه ما عجباش مش شوري

ايـمن :ماشي ماشي …. “وانا مش شوري مالياش علاقه بيك كل شي مشي على حاله راجيتك سنتين وخلاص عاد علاقه وهميه ماتلزمنيش انتي بحوشك وصغارك ومتهنيه واني ليوم لي فوت يفوت من عمري …..وهدا مش لصالحك بككل تقزني صغارك

انا فتحت عيوني على وسعهن ونتفضت :نعممم شن مش شوري هذ مش شورك في عينك ….مسيبه بنتي وحوشي ودنيتي ويا نكلم فيك ويا معاك وبعدين تقول لي مش شوري !!!

ايمن :اهااا مشش شوري عاجبك به مش عاجبك ملحي ….اصلا شن نراجي فيك بعد تخوني في راجلك …وشن يضمني مش انكك ….. وسكت

انا نصدمت منه نتوقع حقـاره من الكل الا منه تلعثمت في كلام :ن نعمم شن شن يضمنك أدوي كنك سكتت

ايمـن درس سياره على ايمين وشيرلي بيده : انزلي انزلي …..جاي من اخر دنيا عشان نوسـع خاطري مش عشانك

انا قعدت نرعش فتحت باب ومش قادره نحكي قعدت انأتأت وخلاص ونزلت وقعدت نشبح مش عارفه كيف نعبر على نفسي في لحظهة هديكا

ايمن دارها رابعه وقعد يسطرب عليا وفتح روشن وقال بضحكه :تعيشي وتاكلي غيرها كيف ماوكلتيها لي غيرك على سريبك هضا

انا وقتها معاش عرفت شن نفكر غر شن يوصلني لي حوش اختي وكان جا يوسف ويلقنش كيف ندير شن عمله هدي لي درتها وانا نمشي ونتمتم نلقى نسمع في صوت بنتي قعدت نكدب في روحي
…..

” ونلقى يقين وملك نازلات من سياره ”

ويضحكن مع حد انااا انصدمت
وبعد شفت ايمن عدااا قويت روحي…… وقربت منهن ملك خافت بعد شافتني وتنغز ف يقين والتفت شافتني

يقين :ماما خيرك وين كنتي

انا:بوك حطني عند صحبتي بس ضربت عليهاا واجد مافتحت ونتصل ب يوسف ماعلقت الشبكه …. هظااا منوووو !! ?

(طبعاااا يقين ديما كنت عاطيتها كامل حريـةه وكنت انا وهي صحبات وتحكيلي ان عندها اصدقااء)

يقين :هذا اكرم ياماما الي حكيتلك عليه

سلمت عليه وكانن نظرااااته غريبه نحسها يبي يأكلني وكال

انا سألتهم : وين كنتم ؟

يقين : كان ف عندنا درس خصوصي وكملنا

” طبعا ما اقتنعت بس ماحبيت ناقشها قدامهم ”

وعدا اكرم كان منزلهن بعيد عن حوش ملك بقينا نمشو حتى وصلنا للحوش

” وبعثت مسج لي يوسف باش نوقضه ان يقين معاي … قتله : انا ح نمشي نجيب يقين ونرجعو مع بعض”

….والباين هو مشغول وافق بدون نقاش …

عند يوسف ف المحل:
دخلت وحده معاها بنت ثانيه…… ويتفرجن ع بضاعه وكانت تعطي لي يوسف ف نظرات ومركزه عليه هووو حس بنظراتها بس دار روحه مش فاطن

اختها: معلش في منها مقاس XLالبلوزه

يوسف اي في يا اختي

وجا ينزل فيها

البنت :كيف حالك يا يوسف… وكيف حال ليلي ماعرفتنيش؟

يوسف : الحمدلله من انتي الحق ماعرفتك!!

البنت : انا نوره صاحبة ليلى?…معقوله ديما نجيكم عرفتنيش

يوسف:اه اهلين سامحيني ماعرفتك…. احم اا اهوو المقاس تفضلو

ورد لي مكانه…. ماحبش يكثر معاهاااا دوه

***************
ليلى…

روحت الحوش ودخلت للغرفه منحرقه انا يدير في هككككك حبيته؟ انعم حبيته لقيت في كل شي وتوا يسيبني؟! لااااااا

طبعااااا حانوريه ليلي شن تدير…….وطول خطرت عليا نورا ومسكت التلفون

انا :الو يا نورا

نورا:اهلين ليلي كيف حالك!

ليلى:كويسه ….قتلك نبيكككك تمشي معااااي للوليه هذك!

نورااا:كيف العمل معش يمشي مع يوسف ?

ليلي: لاااااا نبيها ف شي اخر تمشي معي بكراا؟

نورا:باهي ماعليك ??

وصكرت منهااا حاتجيني تزحف زحف ي ايمن�?

اتصلت ب يوسف

انا :خير يا يوسف قتلك جيبلناااااا معك عشا ماجاش ع بالي ندير ?

يوسف :أن شاء الله حاضر

**************
عند يقين:

يقين :به يا اكرم اول مانحصل فرصه حانطلع ?

اكرم: قتلكك امكك صارووخ شن الجمااال هضا ?

يقين : اكرم احترم نفسك كيف تحكي هك ع ماما ?

اكـرم:كيف غرتي ي عيوني ?

يقـين برفعة خشم: لاااااا نغاارش نا …. اصلا وفش وحده تستاهل تغار عليها حتي لو كانت ماما ?

اكرم:?اهاااااا باهي يا مغروره انتي خفي علينااا بس

****************
عند نورا

نورا:كذا جيبي كيس مكتوب عليه رقمه

اختها:كنك انتي انهبلتي راجل صاحبتك هذاا

نورا:صحبتي الي تخون فيه?ومش دايرتله ايي اهتمام

اختها :وانتي من حطك مصلح اجتماعي مالك ومالهم ومالك ينحرقو

نورا:عطيني الكيس وبلا كثرة حكي

امسكت تلفونها لاخر كتبت الرقم وبعثتله مسج…….
(لا اراك وٲحـبـك اكثر ممن يراك)
…..

يوسف:استغرب عمره ماجن رسائل حب لان شبه فاقد شي اسمه حب يحب ليلي ويموت فيها بس هي عمرها مابادلاته عمرها ماحسساته بشعور الحب واصعب شي لما تعطي كل الي عندكك وماتلقى الا الجفاااء… والتجاهل صعب بكككل.
ماردش يوسف ع مسج وفاتته

ونزل من السياره ونزل العشاااء معه…..

خش لحوش هدوووء كالعاده …..
حط عشاء في المطبخ ومشااا لغرفتهم
يقرب ووويسمع ف ضحكتهاااا عاليه ركبه الشك وفتح الباب ب القوه………يتبع

حقوق نشر محفوطةه

 

error: