روايه لست احدي ممتلكاتك

البارت التاسع

فى المشفى
خرج الطبيب من غرفه العمليات جريت ايلا عليه
ايلا ..طمنى يا دكتور هو عامل ايه دلوقتى 
الطبيب المريض اللى سنه كبير احنا فتتنا الجلطه واتنقل العنايه المركزه اما التانى فده شيلنا الرصاصه وان شاء الله يبقوا كويسين
ايلا ..ينفع اشوفهم يا دكتور
الطبيب ..اللى كان عنده جلطه ممكن اما التانى مش هينفع غير بكرة
دخلت ايلا عند احمد ومسحت دموعها حتى لايمرض زوجها مرة اخرى
ايلا ..حمد الله على السلامه
احمد..الله يسلمك بنتى فين
ايلا ..ان شاء الله هنلاقيها توفيق قفل كل مخارج البلد ومش هيقدروا يخرجوا بيها
احمد..واياد عامل ايه
ايلا ..طلعوله الرصاصه وهو كويس بس مش هنقدر نشوفه الا بكرة الصبح
اغلق احمد عينيه وتكاد دموعه ان تهبط على فقدان ابنته وراته ايلا يحاول ان يمنع دموعه من السقوط
ايلا ..اهدى يا احمد ان شاء الله هنلاقيها لازم تمسك نفسك علشان لما ترجع متضايقش عشان انت عيان
احمد..اول مرة بنتى تبعد عنى بالشكل ده
بكت ايلا بشده وربت احمد على كتفها
احمد..انتى بتهدينى وانا اللى المفروض اهديكى ان شاء الله بنتنا ترجع لينا تانى ونفرح بيها
ايلا..يارب اقف معانا احنا ملناش غيرها يارب

فى فيلا مالك السعيد
مالك..انتى لازم تقوليلى كل حاجه
اسيا..وانا قولتلك مش حابه اتكلم دلوقتى
مالك..لازم تقوليلى يا اسيا علشان لوليكى حق اعرف اجبهولك
اسيا..ايه اللى غيرك كده انت مش بتقول ان الزوجه عندك مجرد خدامه دلوقتى عايز تجيبلى حقى يا مالك
مالك..اسيا ده مش وقت تريقه ارجوكى قوليلى وحطى خلافتنا على جنب دلوقتى يا اسيا
اسيا ..انت ليه مصر تعرف يا مالك
مالك..حاسس ان عمك ده وراه حاجه غريبه مش مطمن ليه
اسيا ..ولو قلتلك يا مالك هتساعدنى اجيب حقى
مالك..جربينى ومش هتندمى
اسيا ..ماشى يا مالك انا هثق فيك بس لازم تعرف انك لو خسرت ثقتى فيك مش هتعرف تكسبها تانى
قصت له اسيا كل شيء عن تجارة الاعضاء وسجن اخيها وابتزازها حتى تتزوج من مالك وسرقه اموال ابيها ومعامله ابنه عمها وزوجه عمها لها هى واخيها عندما وصلت اسيا الى التحدث عن والديها لم تستطع منع دموعها من الهبوط وبكت بشده
مالك..اهدى يا اسيا انا عمرى ما شفتك بتعيطى
اسيا ..انا اتحملت كتير فى حياتى وشفت خطيبى وهو بيخونى ومنزلتش دمعه واحده عليه لانه ميستاهلش اما لما بتكلم عن اهلى مبقدرش امنع دموعى انها تنزل وذاد بكاءها وبدات تشهق وهى تبكى
اخذ مالك يربت على ظهرها حتى تهدا ولكنها لا تهدا بل تبكى بشده
مالك..اهدى يا اسيا وانا عمك ده هندمه على اليوم اللى اتولد فيه
اسيا ..انا قلت لاونكل توفيق وهو مدير المخابرات وقلت لاونكل احمد وهو مدير امن القاهرة
مالك ..ودول مين ان شاء الله تعرفيهم منين انطقى
اسيا باستغراب من طريقته ..مالك انت بتتكلم كده ليه فى ايه
مالك بصوت غاضب ..انطقى ية اسيا بدل ما اتعصب عليكى مين دول وتعرفيهم منين
اسيا ..فى ايه يا مالك انت اتحولت مرة واحده كده ليه ده انا قولت انت اتغيرت
مالك..بلا اتغيرت بلا زفت انطقى بدل ما اوريكى وشى التانى
اسيا ..لا والله معرفش انك عندك وش تانى مش كنت تقولى
مالك..اتعدلى فى كلامك يا اسيا وجاوبى على سؤالى تعرفيهم منين
اسيا ..اونكل توفيق والد منه صحبتى واونكل احمد والد ملك صحبتى
مالك..اه بصي بقى ملكيش دعوه بيهم تعاملهم هيبقى معايا انا واخوكى بس غير كده لا
اسيا ..ايه اللى انت بتقوله ده لا طبعا دول زى بابا بالضبط وانا لازم اعرف هم بيخططوا ازاى علشان لو اقدر اساعدهم اعمل كده علشان حقى يرجع
مالك..هى كلمه ملكيش دعوه بيهم وانا هتصل باسر يتغدى معانا بكرة وانا هقوله كده مفهوم ولا لا
نظرت اسيا له بغيظ ولم ترد
مالك..مفهوم يا اسيا ولا افهمك بطريقتى
اسيا ..مفهوم يا دكتور بعد اذنك عايزه انام وقامت حتى تنام على الاريكه
مالك ..استنى نامى على السرير وانا هنام على الكنبه
اسيا ..شكرا يا دكتور متشكرة بس انا برتاح على الكنبه
دفعها مالك لتسقط على السرير وقام ليتوجه الى الاريكه حتى ينام عليها
انا لما اقول تنامى على السرير يبقى تتخمدى مطرح ما انا اقولك تصبحى على خير يا قطه

فى الصباح
فى منزل اللواء توفيق
توفيق ..عامله ايه دلوقتى يا منه
منه بحزن واضح عليها ..انا كويسه يا بابا متقلقش عليا
توفيق..انسي اللى حصل يا منه وعيشى حياتك الدنيا مش بتقف على حد وكل اما تفتكرى اللى حصل احمدى ربنا انه ظهر على حقيقته قبل كتب الكتاب وافتكرى انه كلب وراح
ارتمت منه فى حضن والدها وهى تبكى
منه..انا كنت هضيع يا بابا لولا فارس جه فى الوقت المناسب وانقذنى منه
توفيق..احمدى ربنا يا بنتى له حكمه فى كل حاجه بتحصل
منه ..الحمد لله يا بابا
توفيق ..انا عندى ليكى خبر مش كويس فياريت تمسكى نفسك يا حبيبتى
منه..خير يا بابا قلقتنى
توفيق ..ملك صحبتك خالها جاك خطفها وضرب اياد جوزها بالنار فى صدره واحمد ابوها جتله جلطه وهو دلوقتى فى المستشفى
منه..ارجوك يا بابا اعمل اى حاجه ورجع ملك لانه اكيد هيحاول يخرجها بره مصر
توفيق ..اطمنى يا حبيبتى انا قفلت مخارج البلد واى مكان بس يفكر انه يهرب منه

فى فيلا مالك السعيد
يجلس مالك يتناول الافطار مع والدته وزوجته واخته
مالك..يالا يا اسيا علشان نروح الكليه
اسيا ..ثوانى بس هتصل بملك ومنه اقولهم وقامت بالاتصال بملك ولكن لا يوجد رد فقامت بالاتصال بمنه
اسيا..صباح الخير يا منه انتى هتروحى الجامعه النهارده وملك فين بتصل عليها مبتردش
منه..ملك خالها جاك خطفها يا اسيا وعايز يخرجها بره مصر وياخدها معاه يا اسيا
اسيا ..حصل امته الكلام ده وخطفها ازاى
قصت لها منه ما حدث مع ملك
اغلقت اسيا الهاتف وهى تدعو ربها ان يحفظ صديقتها من كل سوء
مالك..فى ايه يا اسيا صحبتك قالتلك ايه خلاكى حزينه كده
اسيا ..ملك اتخطفت وجوزها انضرب بالنار وابوها جتله جلطه وهو دلوقتى فى المستشفى وامها مبتبطلش عياط
ناهد..يا ساتر يا رب ربنا يحفظها يا بنتى
رنا ..ان شاء الله تكون كويسه يا اسيا وجوزها وابوها هيبقوا كويسين ان شاء الله
مالك..اهدى يا اسيا وكل حاجه هتتحل وهيلاقوها
اسيا ..انا عايزه اروح لامها المستشفى يا مالك لو سمحت
مالك..روحى يا اسيا وخدى رنا معاكى
رنا ..انا هاجى معاكى يا اسيا مش مهم جامعه النهارده
مالك ..انا همشي دلوقتى وبعدين هطلع على الشركه عندى شغل كتير فيها يعنى هتاخر وانتى يا اسيا روحى لامها زى ما انتى عايزه بس خدى السواق معاكى وتركها وذهب
اتصلت اسيا بمنه واخبرتها انها ستذهب الى والده ملك فى المشفى وسوف تمر عليها حتى تاتى معها

فى بيت فى مكان منعزل ليس حوله بيوت اخرى سوى على بعد 1كيلو
فاقت ملك وجدت نفسها على سرير فى غرفه ليس لها اى شباك او اى منفذ سوى الباب
حاولت ان تفتح الباب حتى تخرج ولكن وجدته موصد بشده سمعت وقع اقدام اتيه الى الغرفه فذهبت لتجلس على السرير
دخل جاك ومعه رجل اخر يحمل صينيه بها طعام
جاك ..اخيرا صحيتى ده انتى نمتى كتير اوى يالا تعالى افطرى علشان توفرى طاقتك للى مستنيكى لانك هتشتغلى معايا
ملك..انا عايزه امشي من هنا
جاك..ازاى بس يا حبيبتى ده انا بعت صورتك للناس فى فرنسا واعلى سعر جه فيكى من امبارح لغايه دلوقتى 2مليون دولار عايزانى اسيبك ازاى بس ده انا هكسب من وراكى كتير
ملك ..انت ليمكن تكون بنادم انت احقر واحد شفته فى حياتى
صفعها جاك على وجهها وامسكها من شعرها
جاك..انا هوريكى يا بنت احمد واذا كانوا هما قفلوا كل مخارج البلد علشان مخرجش مفيش مشكله انا هستنى شويه بس برده مش هخرج من غيرك و رماها على السرير وتركها وذهب
جلست ملك تبكى بشده وتدعو ربها ان يخرجها من هذا المكان على خير

استونى البارت الجاى والاخير فى الجزء الاول ورايكم يهمنى

شيماءرضوان