روايه لست احدي ممتلكاتك

البارت الثالث

اسيا..لا والله عريس بتبتزنى يا عمى مش كفايه سرقت فلوسنا
الهام..بت انتى احترمى نفسك بدل ما اخلى اخوكى يعفن فى السجن
اسيا..السجن ده انتوا اللى هتعفنوا فيه وعلى ايدى ان شاء الله وبعدين انا محترمه غصب عنك روحى شوفى بنتك وهيا بتتلزق فى كل واحد فى الجامعه شويه ربيها بدل ما تعملى باديكير ومانيكير 
الهام..اه يا قليله الادب ورفعت يديها لكى تصفعها ولكن اسيا امسكت يدها
اسيا ..ايدك تتمد عليا اقطعهالك ولسانك يطول عليا اقصهولك فاهمه ولا لا ثم جلست ووضعت قدم على قدم يالا يا عمى قولى مصلحتك من الجوازه دى ماانت اكيد مبقتش فجاه العم اللى خايف على ولاد اخوه ده انتى بتجرى ورا الفلوس من يوم امك ما ولدتك
خالد ..بت انتى اقعدى باحترامك ويا توافقى على الجوازه يا تنسي اخوكى وانا مستعد ابعتله واحد السجن يخلص عليه واخليها انتحار ايه رايك
اسيا..انا موافقه يا عمى بس اخويا هيطلع امته
خالد ..يوم متمضى على القسيمه اخوكى هيظهر وانا هحدد ميعاد مع العريس وتيجى هنا علشان تقابليه
اسيا ..لا كل المقابلات هتم فى شقتى انا واخويا وكتب الكتاب كمان انا البيت ده مش عايزه ادخله تانى غير وانا باخد حقى انا واخويا منك وتركتهم وذهبت

الهام..البت دى كلامها مش مريحنى
خالد..متخافيش الراجل اللى هتتجوزه متعقد من الستات بسبب مراته الاولى يعنى هيبهدلها معاه
الهام..يا خوفى لتاكل دماغه وتخليه يحبها وساعتها هتخليه يدور ورانا
خالد..قلتلك متقلقيش
الهام ..انا خايفه ليعرفوا اننا اللى قاطعها خالد
خالد..الهام انتى اتجننتى اسكتى واوعى تقولى الكلام ده تانى لحد يسمعك

فى فيلا مالك السعيد
جاء لمالك اتصال هاتفى من خالد
مالك..الو
خالد..اذيك يا مالك بيه
مالك..الحمد لله يا خالد بيه
خالد..انا اتصلت علشان اقولك تتفضل بكرة فى شقه اخويا الله يرحمه بعد العشاء علشان تشوف بنت اخويا
مالك..انت مش قلت هناسبك انت عايزنى اشوف بنت اخوك ليه
خالد..ماانت برده هتناسبنى بس هتتجوز بنت اخويا والعنوان ….
مالك..ماشي يا استاذ خالد اشوفك بكره مع السلامه واغلق معه الهاتف ونزل الى الاسفل حتى يرى والدته
مالك..يا ماما جهزى نفسك بكرة انتى ورنا علشان انا رايح اتقدم لواحده بكرة
ناهد..رايح تخطب بكرة وجاى تقولى بعد ما كلمت اهلها طب متتجوزها وريح نفسك مش لازم اروح معاك طالما بتمشي من دماغك
مالك..معلش يا ماما الموضوع جه بسرعه حقك عليا
ناهد..والعروسه بنت مين بقى
مالك..بنت اخو خالد الشريف شريكى فى المشروع الجديد
ناهد..ماشي يا حبيبى الف مبروك
مالك..الله يبارك فيكى يا ماما

فى شقه اياد المغازى
كان اياد جالس على سريره يفكر فى كلام عمه
فلاش باك
اياد..لو حد قرب لملك مش هيطلع عليه الصبح قولى يا عمى عايزنى اعمل ايه وانا انفذ علطول
احمد المغازى..تتجوزها
اياد باستغراب ..اتجوزها وايه علاقه الجواز بحمايتها
احمد..لما تبقي جوزها هتبقى فى حمايتك انت ومحدش يقدر يقربلها لان انا عارفك محدش يقدر ياخد منك حاجه الا بمزاجك
اياد..ازاى اتجوزها بس يا عمى انا طلبتها اربع مرات وهى فى كل مرة ترفض ايه اللى هيخليها المرة دى تقبل بس
احمد..قول انك موافق بس وموافقتها دى عليا انا ولو انت حابب تطلقها بعد الموضوع ما يخلص انت حر مش هغصبك على حاجه
اياد..طلاق ايه بس يا عمى ده انا نفسي اتجوزها النهارده قبل بكرة
انتهى الفلاش باك
اياد..اخيرا يا ملك هتبقى مراتى وذهب فى نوم عميق

فى شقه اسيا جاءها اتصال تليفونى
اسيا..خير بتتصل ليه
خالد..احترمى نفسك بقى انا عمك
اسيا ضحكت بسخريه ..عمى لا والله باماره ايه
سرقت فلوس ابويا وسجنت اخويا وبتبتزنى علشان مصلحتك الشخصيه قولى بقى تبقى عمى ولا ابو لهب
خالد..انا مش هرد عليكى العريس جاى واهله بكرة بعد العشا علشان يشوفوكى ونقرا الفاتحه واغلق الهاتف فى وجهها
اسيا..ماشي يا خالد الكلب اما وريتك بكرة تشوف مين هيا اسيا
فى منزل اللواء توفيق الشناوى
حضر مازن كى يحدد موعد كتب كتابه على منه
توفيق ..بص يا مازن باقي على الامتحانات شهر بعد شهر بقى كتب الكتاب
مازن..بس يا عمى شهر كتير
توفيق ..خليها شهر يا مازن والفرح بعد السنه دى
مازن ..بجد يا عمى الفرح بعد السنه دى
توفيق..ايوه يا حبيبي منه تعالى
منه..نعم يا بابا
توفيق..انا اتفقت مع مازن كتب الكتاب بعد شهر والفرح بعد السنه دى ايه رايك يا حبيبتى
منه..اللى تشوفه يا بابا
توفيق..خلاص على خيره الله
فى منزل اسيا
كانت اسيا تتقلب فى سريرها يجافيها النوم تفكر فى مصيرها المجهول والرجل الذى ستتزوجه واقسمت ان تلقن عمها الجشع درسا على ابتزازها وسرقه اموال ابيها وسجن اخيها

فى منزل اللواء احمد المغازى
احمد..ملك تعالى عايزك فى موضوع مهم
ملك..خير يابابا عايزنى فى ايه
احمد..انتى عارفه ان اى حاجه بعملها بتبقى لمصلحتك وان انتى اهم حاجه فى حياتى
ملك..انا عارفه يا بابا بس حضرتك بتقول الكلام ده دلوقتى ليه
احمد..انتى لازم تتجوزى اياد ابن عمك بكرة
ملك..ايه الكلام اللى حضرتك بتقوله ده يا بابا انا مش ممكن اتجوز اياد اى حد تانى الا ااياد يا بابا
احمد..واذا قلتلك ده يبقى لمصلحتك وضرورى توافقى
ملك ..ليه يا بابا اشمعنا اياد يعنى
احمد..هو ده اللى يقدر يحميكى يا حبيبتى
ملك..يحمينى من ايه
احمد..بكرة تعرفى
ملك..لا يابابا انا مش هوافق على اللى حضرتك عايزه الا ما اعرف
احمد..ملك ارجوكى متضغطيش عليا قلتلك هييجى اليوم اللى هتعرفى فيه
ملك..اسفه يا بابا مش هقدر انفذ الا ما اعرف
احمد..قص لها ما حدث وانه على تواصل مع امها وتهديد جاك لها
ملك..يعنى انت كنت على تواصل مع ماما ومقلتليش ليه ومين جاك ده
احمد..امك اللى طلبت منى كده لانك لو عرفتى ان انا على تواصل معاها هتحاولى تشوفيها وكده جاك هيوصلك
اما جاك ده بقى ..يبقى خالك اخو امك رجل عصابات كان عايز يجوز امك لرجل عصابات قوى علشان يكونوا حلف قوى بس امك رفضت وهربت وانا كان عندى مهمه فى فرنسا واتعرفت عليها وهى حكيتلى على كل حاجه وحبينا بعض وامك اسلمت واتجوزتها وجبناكى وجاك عرف طريقها وحاول يقتلنى بس ربنا كتبلى عمر جديد
وهو قال لامك انها تطلق منى وتجيب بنتها وتعيش معايا بس امك خافت عليكى وانتى عارفه بقيه الحكايه
ملك..انا عندى شرط علشان اوافق على كتب الكتاب
احمد..قولى يا حبيبتى
ملك..كتب الكتاب مش هيتم الا لما ماما تكون موجوده
احمد..ازاى يعنى انتى عارفه عليها حراسه اد ايه دى مبترحش مكان الا لما جاك يعرف والحراسه لو راحت مكان غير اللى جاك يعرفه بياخدوها غصب عنها يرجعوها لجاك تانى
ملك ..ده شرطى واظن ان حضرتك مش ممكن تجبرنى على الجواز وحتى لو حضرتك فكرت تجبرنى انا مش قاصر وده شرطى وتركته وذهبت يفكر فيما قالته
احمد..طلعتى زيي يا ملك بتحطى شرطك وعارفه انى هوافق لان انا خايف عليكى وجلس يفكر مليا ممن سوف يطلب المساعده واستقر على اللواء توفيق فهو صديقه وهو لواء فى المخابرات
اجرى احمد اتصالا باللواء توفيق الشناوى والد منه
احمد..الو ازيك يا توفيق عامل ايه
توفيق..الحمد لله اذيك يا ابو حميد عامل ايه
احمد..انا عايزك فى موضوع ضرورى يا توفيق
توفيق..اؤمر وانا انفذ يا صاحبى
احمد..الامر لله وحده شوف بقي
وقص له ما حدث من تهديد جاك لايلا وشرط ملك حتى توافق على الزواج
توفيق..يعنى انت عايز ايلا ترجع مقلتليش ليه على تهديد جاك من الاول انا زمان قلتلك اخلصك من جاك بحجه انه مجرم بس انت رفضت علشان خايف على ايلا
احمد..يا ريتنى وافقت كان زمانى عايش مع مراتى وبنتى
المهم دلوقتى انا عايز ايلا تكون هنا فى اسرع وقت علشان كتب الكتاب يتم بسرعه قبل ما جاك ينزل مصر
توفيق..اطمن انا هبعتلك اكفا الضباط عندى يجيبوها وبعد بكرة ان شاء الله تكون عندك
احمد..شكرا يا توفيق
توفيق..انت بتشكرنى على ايه يا صاحبي ده انت اكتر من اخويا
فى الصباح اتصلت منه باسيا وملك لتعلمهم بموعد كتب للكتاب وقالوا لها انهم لن يذهبوا للجامعه اليوم واتفقوا على اللقاء فى بيت اسيا
فى منزل اسيا
تقابلت الثلاث صديقات وقصوا لبعضهن ما حدث معهن بدايه من منه وكتب كتابها بعد شهر واسيا التى ستتزوج حتى تنقذ اخاها وملك التى ستتزوج ابن عمها اكتر شخص تهابه من اجل والدها لحمايتها ولقاء امها
اسيا ..يعنى احنا الاتنين هنتجوز غصب عننا اما البت منه هتتجوز بمزاجها بنت المحظوظه
منه ..حابس حابس طالع نازل قالع لابس انتوا هتقروا ولا ايه ده ابويا وافق بعد ما طلع روحى
ملك..الف مبروك لينا كلنا لووووووولى
اسيا ..انتى اياد اثر على عقلك ولا ايه
ملك..اياد بالله عليكى ما تجيبى سيرته انا بترعب منه مش عارفه هعيش معاه ازاى
منه..تعالوا يالا نجهز الفطار ونفط سوا حتى تخرجوا من المود ابن الكلب ده
اسيا وملك ..يالا

فى الاداره العامه للمخابرات
اللواء توفيق..انا عايزكم فى مهمه بس مش عايز حد من الادارة يعرف عنها حاجه
احد الضباط..اؤمرنا يا فندم
توفيق..واحد صاحبى مراته فرنسيه بس مسلمه اخوها حاجزها عنده فى فرنسا وحاطط عليها حراسه واخوها ده راجل عصابات بيشتغل فى اى حاجه مش مشروعه ممكن تخطر على بالكم والمطلوب تحرروا الست دى من اخوها وترجعوها مصر بكرة
ضابط اخر..عايزين معلومات عنها يا فندم
توفيق..انا بعت ايميل بكل المعلومات عنها على الكومبيوتر بتاع مكتبكم تقدروا تنصرفوا وزى مة قلت عايزها بكرة
الضباط..تحت امرك يا فندم احنا هنتطلع على الايميل ونسافر فرنسا الليله والعمليه تتم بكرة ان شاء الله
توفيق..ربنا معاكم يا وحوش

فى المساء فى فيلا مالك السعيد
مالك..يالا يا ماما انا جهزت يالا علشان منتاخرش
ناهد..انا جاهزه يا حبيبي شوف رنا
رنا..انا جاهزه يا مالك
مالك..تمام يالا بينا

فى شقه اسيا
وصل خالد وزوجته وابنته
خالد..العريس على وصول يا اسيا روحى البسي حاجه شيك وتعالى
اسيا..لاانا مرتاحه كده
ريناد.ياي انتى بتسمى ده لبس ده لوكال اوى
اسيا..سبتلك انتى وامك الموضه والمكياج والباديكير والمانيكير اشبعوا بيهم
الهام..انتى هتفضلى لسانك ده مطولاه علطول
اسيا ..لسانى مبيطولش غير للناي المهزاه
خالد..خلاص البسي اللى انتى عايزاه
ريناد..مين البنتين دول اكيد صحابك لانهم لوكاى زيك
ملك..بت انتى لمى نفسك ومتعمليش زى الرز متبعتر علطول
الهام ..انتى بتتكلمى كده ليه محسسانى انك بنت بارم ديله
ملك..لا يا حبيبتى انا بابا ببقى اللوا توفيق مدير المخابرات اما دى منه باباها اللوا احمد مدير امن القاهره
فى هذه اللحظه دق جرس الباب
خالد يالا يا اسيا خشى جوه علشان العريس وصل
اسيا ..ماشي يالا يا منه انتى وملك
منه..لا خدى ملك انا عايزه اتفرج على العريس
دخلت اسيا وملك الى الداخل وفتح خالد الباب
خالد..اتفضل يا عريس
مالك..متشكر يا خالد بيه
منه فى نفسها ..اوبس ده طلع الدكتور المعقد ودخلت حتى تبلغ اسيا
منه..الحقوا عرفتوا مين العريس
اسيا ..مش هتفرق يا منه خلاص
ملك..مين يا منه
منه..الدكتور مالك السعيد الدكتور المعقد بتاع الكليه
اسيا بصدمه قلتى مين

استنونى البارت الجاى ورايكم يهمنى والروايه بتنزل على الواتباد مع الجروب
@شوشيتا@

error: