روايه لست احدي ممتلكاتك
البارت الخامس
اسيا وهى تمسك الصاعق..لو قربت منى انت الجانى على روحك
مالك وهو ينظر لها بصدمه ..انتى اتجننتى ولا ايه انتى مراتى
اسيا..انا صحيح مراتك بس انا اتجوزتك علشان عمى ضغط عليا بس مش هعمل حاجه غصب عنى انا سكت لعمى بس والله لندمه على اليوم اللى فكر يعمل فيا كده مسالتش نفسك انا ازاى فى الكليه مش طيقاك ووافقت عليك بالسرعه دى
مالك..انا فكرت فى كده بس ملقتش اجابه وانتى ليه وافقتى وعمك ضغط عليك ازاى على ما اظن انك مش من النوع اللى ممكن حد يجبره على حاجه ايه اللى خلاكى توافقى
اسيا..انت عمال تسال كتير وانا معرفش عنك حاجه تفتكر انا واثقه فيك علشان اجاوبك
مالك..انتى مراتى يعنى لازم تجاوبينى
اسيا..هو ايه اللى مراتى مراتى انت علقت ولا ايه وبعدين انا قلت اللى عندى ومش مستعده دلوقتى اقول حاجه تانيه
مالك..انا مليش دعوه بكل اللى انتى قولتيه انا ممكن اصبر عليكى على ما تتاقلمى على الوضع الجديد بس انا مش بصبر كتير وبعدين انا كنت عارف ان ده هيبقى رد فعلك بس قلت اتاكد وتركها وذهب الى الحمام
اما اسيا ذهبت وجلست على الاريكه بعد قليل دق جرس الباب وكانت رنا
رنا..احم اتفضلى دى بجامه نامى فيها لغايه ما نروح بكرة نشترى اللى انتى عايزاه
اسيا..شكرا يا رنا انا مش عارفه اقولك ايه
رنا..قولى اننا بقينا اصحاب خلاص
اسيا..انا اطول يبقى عندى صديقه عسل زيك
رنا..شكرا انا هروح بقى علشان انام
اسيا.. اتفضلى يا حبيبتى
خرج مالك من الحمام وقد ابدل ثيابه لينام وذهب الى السرير
مالك..اطفى النور ده عايزه انام
اسيا..انت هتنام على السرير وانا انام فين
مالك بخبث ..تعالى نامى جنبى السرير كبير ولا مش واثقه فيا
اسيا..انا ثقتى مش بديها لحد بسهوله
مالك..خلاص اتفلقى نامى على الكنبه ولا على الارض اونامى فى الحمام
اسيا نظرت له بغيظ ودلفت الى الحمام حتى تبدل ثيابها
مالك فى نفسه ..ولسه يا اسيا ياما هتشوفى والقطه الشرسه اللى فيكى لازم اقص ضوافرها
خرجت اسيا من الحمام وكانت ترتدى البجامه التى اعطتها لها رنا وجمعت شعرها على شكى كحكه وذهبت الى الاريكه حتى تنام عليها
اسيا وهى تتقلب ..يا ترى يا اسر لما تعرف هتعمل ايه وذهبت فى النوم
فى منزل اللواء احمد
اياد..مبروك يا ملك
ملك..الله يبارك فيك
ايلا ..لازم الفرح يتم باسرع وقت علشان لازم ملك تبقى مع اياد لان جاك قالى انه فى خلال اسبوع هييجى مصر وزمانه دلوقتى بيتوعدلى علشان انا سبته
احمد..معاكى حق انا هقول لتوفيق انه يحط اسمه فى قايمه المطلوبين علشان اول ما يدخل مصر يتمسك
ايلا..بس ممكن يدخل مصر بطرق تانيه مش شرط المطار
احمد ..عارف وعلشان كده هعين على ملك حراسه تكون معاها فى اى حته بس محدش يحس بيهم اويعرف ان معاها حراسه اصلا وهيتدخلوا علشان خاطر يحموها لو لقدر الله اتعرضت لخطر وانتى كمان يا ايلا انا هعينلك حراسه
اياد..كلامك مظبوط يا عمى وياريت ملك مترحش فى حته غير الجامعه علشان متبقاش هدف سهل ليهم
احمد..مش بتتكلمى ليه يا ملك
ملك..هقول ايه اعملوا اللى انتوا عايزينه
اياد ..يعنى ايه يا ملك مالك
ملك..يعنى انا اتجوزتك زى ما هم عايزين هاجى على الفرح بقى واعترض عن اذنكم داخله انام
اياد ..انت ضغطت عليها يا عمى
احمد..هى قالت ان امها تيجى وبعدين هى هتوافق ونكتب الكتاب
اياد..يعنى ضغطت عليها يا عمى
احمد..ده كله علشان مصلحتها
اياد..مش بالطريقه دى يا عمى عن اذنك انا لازم امشي ورايا شغل الصبح
احمد ..وانتى يا ايلا مش هتقولى حاجه انتى كمان
ايلا ..انا عارفه ومتاكده يا احمد انك عمرك مهتعمل حاجه ضد رغبه ملك الا علشان مصلحتها ومع الوقت هى هتتقبل ده
احمد ابتسملها وقرب منها واحتضنها ..وحشتينى اوى يا ايلا وحشتينى اوى يا نصى التانى
فى الصباح
فى فيلا مالك السعيد
استيقظ مالك وقام ليدخل الحمام ليغير ملابسه حتى يذهب الى الجامعه
استيقظت اسيا وجسمها يؤلمها من نومها على الاريكه
اسيا..اه يانى جسمى كله مكسر
خرج مالك على كلامها
مالك..قلتلك تعالى نامى جنبي بس انتى اللى خفتى منى لاتهور
اسيا ..انا مبخفش من حد ولو عايز تتهور يبقى على حد تانى مش انا وهمت لتذهب
مالك امسك زراعها بغضب ..انتى لما اكون بكلمك تقفى لغايه ما اخلص كلامى وبعدين علشان تعيشى مرتاحه يبقى تنفذى كلامى
اولا..تنفذى اى حاجه اقولها من غير نقاش
ثانيا متعرضنيش فى اى حاجه اقولها حتى لو كانت غلط
متتدخليش فى اى حاجه ولا تقولى رايك فى اى حاجه مفهوم ولا لا
اسيا ..انت لو فاكر نفسك لسه عايش فى دور سي السيد انت حر لكن لو فاكر انى ممكن اعيش دور امينه يبقى بتحلم يا دكتور متخلقش لسه اللى يجبر اسيا الشريف على حاجه ونفضت يدها من زراعه بغضب ودلفت الى الحمام
ارتدى مالك ملابسه ونزل الى الاسفل وهو يتوعدها فى سره
ناهد..اذيك يا حبيبي وبعدين انت لابس كده ورايح على فين
مالك..رايح الجامعه ياماما
ناهد..الجامعه ازاى انت النهارده صباحيتك بلاش تروح النهارده وروح بكرة
مالك..يا ماما بس قاطعته ناهد
ناهد ..قلتلك بلاش النهارده وامسكته من يديه ويالا بقى نروح نقعد على ما مراتك تنزل علشان نفطر
ارتدت اسيا نفس الفستان التى كانت ترتديه امس وهمت لتنزل الى الاسفل ولكن قاطعتها رنا
رنا..الجميل رايح فين
اسيا..انا كنت نازله تحت
رنا ..طب تعالى معايا واخذتها وذهبت الى غرفتها وفتحت الدولاب لها
رنا..اختارى بقى اى حاجه تعجبك والبسيهاو بعد العصر كده هنروح نجيب كل اللى انتى عايزاه
اسيا..انا مش عارفه اقولك ايه يا رنا بجد شكرا ليكى
رنا..على ايه بي انتى مرات اخويا يعنى زى اختى
ذهبت اسيا الى غرفتها كى تبدل ثيابها
فى منزل اسر واسيا
افرج عن اسر لان شخصا ما اعترف على نفسه وتم الافراج عن اسر بضمان محل اقامته
بحث اسر فى المنزل عن اسيا ولم يجدها فامسك هاتف المنزل واتصل بها
اسيا..ايه ده رقم البيت يبقى اكيد اسر
اسيا ..الو
اسر..الو انتى فين يا اسيا
اسيا..انت وحشتنى اوى يا اسر
اسر..بقولك انتى فين يا اسيا
اسيا..انا اتجوزت امبارح يا اسر
اسر ..انتى بتقولى ايه ده وقت هزار يعنى
اسيا ..انا مبهزرش يا اسر دى الحقيقه
اسر..انتى اكيد اتجننتى انا عارف انك اكيد حصل حاجه علشان تتجوزى بالسرعه دى ايه اللى حصل يا اسيا وانا ازاى خرجت بالسهوله دى حتى انتى مقولتيش انت فين او خرجت ازاى او امته يبقى انتى عارفه انى انا هخرج النهارده عملتى ايه يا اسيا ولكن اسيا قد اغلقت الهاتف
اسيا ..انا كان لازم اعمل كده علشانك يا اسر ونزلت الى الاسفل
اما عند اسر
اسر..انا لازم اعرف الحقيقه وليه ولكن قطع تفكيره صوت الهاتف
اسر ..الو
خالد..حمد الله على السلامه يا اسر انا عمك خالد
اسر..ات عايز ايه
خالد..لا انا مش عايز حاجه بس ياريت تمشي جنب الحيط ومتدخلش فى اللى ملكش فيه تانى المرة دى انت خرجت منها وياريت تبارك لاسيا على جوازها بالنيابه عنى واه اشكرها بقى لانها لعبت دور الاخت المضحيه وضحت بنفسها علشان تخرجك منها
اسر ..اختى فين
خالد..انا هبقى كريم معاك وهقولك اختك دلوقتى فى بيت جوزها وده العنوان……ثم اغلق الهاتف فى وجهه
فى منزل اللواء توفيق
كانت منه تتحدث فى الهاتف
منه ..انا مقدرش اروح معاك اشوف تجهيزات الشقه لوحدى
مازن ..هو انا هخطفك يعنى ارجوكى وافقى يا منه علشان خاطرى
منه..انت عمال تلح عليا كده ليه قلتلك لا يعنى لا انا مش هروح الشقه اشوفها واخر كلامى انا مش هدخل الشقه دى الا يوم فرحى
مازن..ماشي يا منه انتى حرة واغلق الهاتف
منه..اعمل ايه يعنى يا مازن انت بتطلب منى حاجات انا مستحيل اعملها هو هيهدى شويه وبعدين اكلمه
مازن..غبيه بس برده يا منه مش هتفلتى منى ابوكى فاكر نفسه حويط وخلى كتب الكتاب بعد شهر بس مش على مازن يامنه
فى فيلا مالك السعيد
كانت اسيا تتناول الافطار مع مالك ووالدته واخته
ناهد..الا قوليلى يا اسيا انتى فى سنه كام وفين اهلك
اسيا..انا فى سنه رابعه هندسه واهلى اتوفوا وانا عندى عشر سنين
ناهد..طب ملكيش حد تانى غير عمك خا ولكن قطع كلامها مجىء الخادمه
الخادمه..مدام اسيا فى واحد برة عايز يشوفك اسمه اسر
اسيا جريت الى الباب عندما سمعت اسمه وجدته على باب الفيلا جريت عليه والقت نفسها بين ذراعيه
اسيا..وحشتنى اوى يا حبيبي
اسر..وانتى اكتر انا عايز اعرف ليه عملتى كده الكلب اللى اسمه خالد قالى انه انتى ضحيتى علشانى
مالك..اسياااا
التفت اسر اليه ولم يترك اسيا
اسيا..ده اخويا يا مالك وتوامى
اسر..هو ده جوزك
اسيا ..اه هو
اسر ..يالا انتى هترجعى معايا مش هتفضلى هنا
اسيا ..مش هينفع يا اسر ده دلوقتى جوزى
مالك..اتفضل يا استاذ اسر مش هنتكلم على الباب
اسيا..تعالى يا اسر نتكلم جوه مش هنقف نتكلم على الباب
دخل اسر مع اسيا الى الداخل
اسر ..انا عايزن اتكلم معاكى على انفراد
مالك..اتفضل اتكلم معاها فى اوضه المكتب واشار عليها وانا ورايا شويه شغل هخلصهم
دخل اسر مع اسيا واغلقوا الباب اما مالك ذهب لينهى بعض اعماله ورنا ذهبت الى كليتها وناهد ذهبت الى المطبخ حتى تعد لهم ما يشربونه
اسر انا عايز اعرف انتى عملتى كده ليه وعمك هددك بايه
اسيا..خلاص يا اسر اللى حصل حصل المهم انك كويس يا حبيبي
اسر بغضب ..انطقى يا اسيا انا هشد الكلام منك بالعافيه ولا ايه
اسيا..انا رحت لعمك البيت اقوله انك برىء قالى علشان يطلعك من السجن لازم اتجوز العريس اللى جايبهولى ولما رفضت قالى انه ممكن يبعتلك واحد السجن يقتلك ويخليها تبان انهاانتحار اضطريت اوافق وقالى انه لما امضى على القسيمه هيبعت واحد يشيل الليله وانت تخرج
اسر..اه يا ابن الكلب بقى يعمى فيكى كده ده مش بعيد يكون بيتاجر فى الاعضاء زى ما الراجل قال
اسيا..انت لسه بتفكر اكيد هو بيعمل كده
اسر ..بس انا مش هسيبه
اسيا..لا يا اسر متتهورش علشان خاطرى
اسر..انتى اتجننتى ولا ايه عايزانى اسيبه بعد اللى عمله فيكى
اسيا..انا مقلتش سيبه انا قلت متتهورش احنا لازم نخطط صح علشان نع ف ننتقم وناخد حقنا منه بس بالقانون مش بالدراع يا اسر
اسر..ماشى ية اسيا هفضل معاكى للاخر بس مالك هتلضلى متجوزاه
اسيا..مالك انسان كويس هو دكتور عندى فى الجامعه بس باين داخل مع عظك مشروع علشان كده عمك كان عايز يناسبه وانا هفضل على ذمته دلوقتى لغايه ما ربنا ياذن
اسر ..ماشى يا اسيا اعملى اللى يريحك انا لازم امشي اشوف مستشفى تانيه لان انا لو رجعت المستشفى اللى كنت فيها عمك هيشك فيا ان انا ناويله على حاجه وانا لازم ادور على الراجل اللى قالى على موضوع تجارة الاعضاء ده
اسيا..ده خيط كويس ممكن نمشى عليه بس طالما خالد الكلب ده عرف انك كنت عارف بموضوت تجارة الاعضاء علشان كده لبسك قضيه اكيد زمانه عمل فى الراجل ده حاجه
اسر..عندك حق لان هو لما كلمنى علشان يقولى على جوازك قالى انى لازم امشي جنب الحيط بس برده انا لازم ادور على الراجل يمكن نوصل لحاجه ويالا بقى خلى بالك من نفسك علشان انا لازم امشى
اسيا ..مع السلامه يا حبيبى وحافظ على نفسك ومتحاولش تحتك بخالد اليومين دول خالص
اما ناهد كانت تمر امام حجرة المكتب بالصدفه وسمعت كل كلامهم
ناهد..يا عينى يا بنتى انتى اتظلمتى اوى وبعد ده كله عايزه تمشي بالقانون انا لو منك كنت اكلته بسنانى
ذهب اسر اما ناهد طلبت من اسيا ان تتبعها الى غرفتها
ناهد ..انا سمعت كل اللى انتى قلتيه لاخوكى
فى منزل اللواء احمد المغازى
استيقظت ملك من نومها وارتدت ملابسها وخرجت وجدت امها تضع الفطار
ايلا ..صباح الخير يا حبيبتى انا كنت لسه هصحيكى علشان نفطر كلنا سوا مع بعض
ملك..صباحالنور يا ماما انتى الل جهزتى الفطار مصحتنيش ليه كنت جهزته معاكى
ايلا..لا يا حبيبتى متتصوريش سعادتى عامله ازاى وانا وسطكم
ذهبت ايلا الى امها واحتضنتها
احمد..ايه مشبعتوش احضان من امبارح يالا بقى انا عايز اكل
ملك..اشبع منها ازاى بس ده انا محرومه منها من وانا صغيره
بكت ايلا..سامحينى يا بنتى مكانش بايدى
احتضنتها ملك
انا اسفه يا ماما مش قصدى اخليكى تعيطى والله انا عارفه انه غصب عنك
احمد..ايه يا ملك انتى وامك ايه كميه الدراما دى انا هعيط خلاص يالا يا اختى انتى وهيا عايزه افطر عندى شغل
ايلا ..انت علطول كده همك على بطنك
احمد..ايه رايك فى ابوكى يا ملك امك قعدت معايا سنتين واتعلمت العربى كويس اوى والعامى كمان انتى عمرك شفتى واحده فرنسيه بتقول همك على بطنك
ملك بضحك..بصراحه يا بابا لا مشفتش انت جبار
جلسوا يتناولون طعامهم فى جو من السعاده
فى فرنسا
عندما وصل الى جاك خبر بهروب ايلا من المنزل وموت جميع الحراس ثار و غضب بشده على حراسه وامرهم بالبحث عنها
احد رجاله ..مستر جاك الهانم مش موجوده فى فرنسا موجوده فى مصر بس احنا لسه موصلناش لمكانها فى مصر
جاك..اجهزوا احنا هنسافر مصر دلوقتى بس مش بالهويه الحقيقيه لانهم اكي. عاملين حسابهم ولازم ايلا وبنتها يرجعوا معايا باى طريقه اما احمد فلت منى المرة اللى فاتت اما المرة دى انا هقتله بايدى علشان اتاكد انه مات فعلا
فى فيلا مالك السعيد
ناهد..مش بتردى ليه يا اسيا انا بقولك سمعت كل حاجه
اسيا..ارد اقول ايه اللى حضرتك سمعتيه هو الحقيقه
ناهد..عايزاكى تحكيلى يا اسيا كل حاجه يمكن اقدر اساعدك واطمنى يا بنتى الكلام اللى هتقوليه مش هيخرج بره الاوضه دى ومالك مش هيعرف حاجه والله يا بنتى
اسيا..انا مصدقه حضرتك وانا كمان محتاجه حد اتكلم معاه
ناهد..قولى يا بنتى كل اللى انتى عايزاه انا سمعاكى
بدات اسيا تحكى لها عن حياتها وموت اباها وامها عندما كانت فى العاشرة من عمرها واستغلال عمها حكم الوصايه عليها هى واخيها وسلب اموال ابيها ومعامله الهام وابنتها الغير ادميه لها هى واخيها حتى وصلوا مرحله الجامعه وانفصلوا عنهم والرجل الذى تحدث مع اخيها ان المستشفى التى يعمل بها اخيها تعمل بتجارة الاعضاء وسجن اخيها وابتزازها حتى تتزوج مالك
ناهد..ياااااه يا بنتى شايله ده كله جواكى ومستحمله ازاى يا حبيبتى
اسيا..مستحمله علشان واثقه فى ربنا وعارفه انه هييجي اليوم اللى ربنا يخلينى فيه انتقم من عمى واخد حقى حق اخويا منه
ناهد..ونعم بالله يا حبيبتى ربنا مبيضيعش حق حد
اسيا..متعرفيش انا ارتحت ازاى يا طنط لما اتكلمت معاكى
ناهد..انا عيزاكى متقلقيش من حاجه وانا عند وعدى مفيش حد هيعرف حاجه باللى قولتيه ابدا وبعدين انا عايزاكى تقوليلى يا ماما ايه طنط دى يا بت انتى
اسيا وهى تضحك..حاضر يا ماما
فى منزل اللواء توفيق
كانت منه تجلس حزينه لانها اتصلت بمازن كثيرا ولكنه لا يرد عليها
جاء توفيق وجدها حزينه
توفيق..مالك يا حبيبتى قاعده حزينه وساكته انا متعودتش منك على كده
منه..لا يا بابا سلامتك انا بس اسيا وملك حشونى اوى
توفيق..بمناسبه ملك ابقى اتصلى باركيلها كتبوا كتابها على اياد ابن عمها امبارح
منه..ماهى هيه كانت قايلالى يوم قرايه فاتحه اسيا وانا هتصل بيها دلوقتى اباركلها
همت لتتصل عليها ولكن هاتفها اضاء باسم اسيا
فى فيلا مالك السعيد
اتصلت اسيا على منه
اسيا ..الو يا منه انا عايزاكى فى خدمه
منه..اؤمرى ية حبيبتى
اسيا ..حدديلى ميعاد مع ابوكى عايزاه فى موضوع مهم
منه..حاضر يا اسيا هكلمه واقولك
اغلقت معها الهاتف واتصلت بملك
اسيا..الو ايوه يا ملك عايزه منك خدمه
ملك..اتفضلى يا حبيبتى
اسيا..حدديلى ميعاد مع ابوكى عايزه اقابله
ملك..حاضر يا اسيا
اغلقت معها الهاتف
اسيا..ماشي يا خالد اما اشوف انا ولا انت
استنونى البارت الجاى ورايكم يهمنى
@شوشيتا@