روايه لست احدي ممتلكاتك

البارت الثانى

اسيا..نزلت من الشقه التى شهدت على خيانه خطيبها وتعجبت من حالها ان دموعها لم تهبط
وصلت اسيا الى منزلها وجدت اخيها بانتظارها
اسر..اتاخرتى ليه يا حبيبتى
استوووب
اسر سعد الشريف توام اسيا يحب اخته عندما وصلوا مرحله الجامعه انفصل هو واخته عن عمه بسبب مضايقه زوجه عمه وابنتها لهم هو واخته واصبح يعمل فى مستشفى بجانب جامعته حيث انه فى الفرقه الرابعه فى كليه الطب
اسيا ..مفيش يا حبيبي
اسر..مالك يا اسيا انتى ناسيه اننا توام يعنى بنحس ببعض فيكى ايه يا حبيبتى
اسيا..انا فسخت الخطوبه
اسر..ليه اللى حصل
قصت له اسيا ما حدث
اسيا..بس تصدق يا اسر انا منزلتش دمعه واحده عليه
اسر..اسيا انتى لازم تطلعى اللى جواكى متكتميش فى نفسك كده غلط يا حبيبتى
اسيا ..لا يا اسر الدموع مبتنزلش غير للى يستاهلها وده انسان ما يستاهلش علشان كده دموعى رفضت تنزل عليه والحمد لله ان انا عرفته على حقيقته قبل الفرح
اسر..خلاص يا حبيبتى قدر الله وما شاء فعل
فى فيلا السعيد
ناهد..والده مالك ربه منزل ربت طيبه لا تظن السوء باحد تحب اولادها
ناهد..ايه يا مالك هتفضل كده يا حبيبي رافض التعامل مع الستات بعد ماهى
مالك..انا اتعقدت من الستات بسببها كان كل حاجه فى حياتها هى شغلها بسبب اهمالها ابنى مات انا دلوقتى مقتنع ان الست لازم تبقى خدامه لجوزها وولادها بس وميبقلهاش راى فى اى حاجه
ناهد..صوابعك مش زى بعضها يا حبيبي
مالك..خلاص يا ماما الكلام فى الموضوع ده لهيقدم ولا ياخر
ناهد..خلاص يا حبيبي اعمل اللى يريحك
مالك اسند راسه الى الاريكه وتذكر وفاه ابنه صاحب السته شهور
فلاش باك
مالك..انا رايح الجامعه يا ماهى خليكى جنب الولد علشان هو تعبان متسبيهوش للداده
ماهى..انا مقدرش انا ورايا شغل مهم وبعدين انا فهمت الداده اللى الدكتور قاله وهيا عارفه هتعمل ايه
مالك..انا بقولك الولد تعبان وانتى تقوليلى شغل مهم ابنك ولا الشغل يا هانم
ماهى..انا قلتلك قبل كده ناجل الخلفه شويه بس انت اللى اصريت اتفضل بقى مش انت عايز ولاد اقعد جنبه بقى
مالك..انتى مستحيل تكونى ام الام بتعمل اى حاجه علشان عيالها
ماهى..يوووه انت كل شويه تسمعنى الكلمتين دول انا زهقت
مالك..انا قلت خليكى جنب الولد لو نزلتى الشغل يا ماهى وسبتيه للداده انتى مش عارفه انا ممكن اعمل فيكى ايه ونزل وتركها
ماهى..انا رايحه الشغل يا داده خلى بالك من الولد
الداده..يا بنتى خليكى جنب ابنك مالك بيه هيزعل وهيبهدل الدنيا
ماهى ..انتى مالك انتى بتتدخلى فى اللى ملكيش فيه ليه
الداده ..انا اسفه يا هانم
ماهى ..زى ما قولتلك خلى بالك منه ويالا غورى من وشي
نزلت ماهى الى عملها
الداده ..ربنا يستر الولد سخن اوى وبيرتعش اعمل ايه بس يا ربى
حاولت الاتصال بماهى ولكن تليفونها مغلق
حملت الولد ونزلت به الى اقرب مشفى وقامت بالاتصال بمالك
الداده..ايوه يا مالك بيه الحقنى الولد تعبان قوى وانا وديته مستشفى….والدكتور دلوقتى معاه
مالك..طيب انا جايلك حالا
حضر مالك الى المشفى وجد الداده تقف امام غرفه الكشف
مالك..ايه يا داده ايه اللى حصل
الداده ..كان سخن اوى وبيتنفض فجبته هنا
مالك..امال ماهى فين
الداده..اصل اصل الهانم
مالك..انطقى راحت فين
الداده..نزلت الشغل ولما الولد تعب اتصلت بيها لقيت تليفونها مقفول
خرج الطبيب
الطبيب..فين اهل الطفل معاذ
مالك..انا ابوه خير يا دكتور ابنى ماله
الطبيب..الولد جه وحالته صعبه قوى ومقدرناش نعمله حاجه البقاء لله
انتى الفلاش باك
نزلت دموع من عين مالك عند تذكره لابنه معاذ واهمال امه الذى اودى بحياته
رنا..مالك يا مالك فى ايه
مالك..مفيش يا رنا
رنا..اكيد افتكرت معاذ ربنا يتولانا برحمته يا حبيبي
مالك..انتى رايحه فين
رنا..مش رايحه انا مستنيه جماعه صحابى هيجولى نذاكر سوا
استوب..رنا السعيد فتاه جميله وخجوله فى الفرقه الثانيه تجاره انجلش ترتدى الحجاب
فى فيلا خالد الشريف
خالدالشريف..رجل اعمال جشع كزوجته استولى على املاك اخيه لانه كان الوصى على اولاد اخيه اسيا واسر
خالد..ريناد ماما فين يا بنتى
ريناد..ماما عند الكوافير يا بابا علشان الحفله بتاعه بالليل
خالد..طيب اما تيجى قوليلى
ريناد..اوكيه هقولها

فى فرنسا
الكلام باللغه الفرنسيه ودى الترجمه
جاك..انتى بتكدبى عليا يا ايلا وصفعها على وجهها
ايلا ..انت بتضربنى ليه انا معملتش حاجه
جاك..يعنى بنتك لسه عايشه وانتى قولتى انها ماتت علشان كده جوزك طلقك بس عقابا ليكى انا هنزل مصر فى اقرب فرصه وهجيبها هنا بس هخليها تعيش قريبه منك بس مش هتقدرى تقربى منها ولو حاولتى بس تقوليلها انك امها انا هقتلها الدور اللى فات طليقك انكتب له عمر جديد اما المرة دى انا هقتلها بايدى علشان اتاكد انها ماتت وتركها وذهب
جلست ايلا تبكى على حالها وحال ابنتها

فى منزل اللواء احمد المغازى

احمد المغازى رجل صارم يحب ابنته ملك بشده تزوج فتاه فرنسيه كانت جميله جدا عشقها وتزوجها ولكن تاتى الرياح بما لا تشتهى السفن حيث انجبت زوجته ابنته ملك نسخه من زوجته ولكن شاء القدر ان يبتعد عن زوجته
فلاش باك
ايلا..طلقنى يا احمد وخد البنت وسافر وانا هقولهم ان البنت ماتت علشان كده انت طلقتنى ورجعت مصر
احمد..لا انا مش هسيبك احنا هنرجع سوا انا وانتى ونربى بنتنا فى مصر
ايلا ..هيقتلك ويقتلها يا احمد ارجوك سافر وخدها وانا هفضل على اتصال بيك وانتى ابعتلى صورها على طول
بكى احمد..انتى ليه بتضحى كده تعالى نعيش مع بعض والعمر واحد والرب واحد واللى كاتبه ربنا هنشوفه
صرخت ايلا ..لا انا مش هقدر اعيش لو انت او بنتى حصلكوا حاجه لكن لو خدتها وسافرت هتبقوا بعيد عنى بس على الاقل هفضل مطمنه انكم فى امان
احمد..ماشي بس مش هطلقك واما الاحوال تتغير تيجى تعيشى معانا
ايلا..مش هينفع لازم هو يشوف ورقه الطلاق علشان يتاكد
وبالفعل طلقها احمد واخذ ملك وسافر وهو الى الان على اتصال بايلا ويبعث لها صور ملك وملك تعرف حقيقه ما حدث مع ابيها وامها ولكنها لا تعرف ان اباها يتواصل مع امها الى الان حتى لاتبحث عن امها لتراها فيعثر عليها جاك
انتهى الفلاش باك

ملك..بابا يا بابا
احمد ..خير يا حبيبتى مالك فى ايه
ملك..انت اللى مالك يا بابا سرحان فى ايه
احمد..افتكرت ايلا يا حبيبتى
ملك..ياه يا بابا انا نفسي اشوفها اوى يا بابا انت دورت عليها زى ما قولتلك
احمد..ايوه يا حبيبتى وعرفت ان اخوها خادها وسافر وساب فرنسا
ملك ..كان نفسي اشوفها اوى وان شاء الله حلمى ده يتحقق

ذهبت ملك اما احمد وصلته رساله من ايلا وكان محتواها ما حدث بينها وبين جاك وتهديده لها بعدما قرا احمد الرساله برقت عينيه بغضب مخيف
واجرى اتصالا
احمد..قابلنى فى الادارة دلوقتى

فى منزل اللواء توفيق الشناوى
منه..بابا يا بابا يا بابا
توفيق ..ايه يا بت انتى كل اما تيجى تنادى عليا تغنى ولا ايه يالا عايزه ايه
منه..سلامتك يا بابا
توفيق..عليا ده انتى متدخليش الدخله دى غير اما تكونى عايزه حاجه
منه..يا بابا ما انت هترفض يبقى لزمتها ايه اقول
توفيق..قولى يمكن المره دى اوافق
منه بسرعه ..مازن جاى النهارده علشان عايز يحدد ميعاد كتب الكتاب
توفيق..ومقلش هو ليه
منه..قالك قبل كده يا بابا وانت رفضت
توفيق..قوليله ييجى انا مستنيه
منه ..شكرا شكرا شكرا يا بابا
توفيق..انا كرهت الكلمه دى بسببك يالا غورى يا بت انتى
منه..اوامرك يا سياده اللوا وذهبت
ذهب توفيق الى صوره معلقه
توفيق..كان نفسي تبقى معانا وتشوفى منه النهارده هيتحدد ميعاد كتب كتابها وحشتينى اوى يا وفاء ونزلت دمعه منه حزنا على شريكه حياته
فى المشفى التى يعمل بها اسر

هناك رجل غاضب بشده
الرجل..اه يا ولاد الكلب ابويا يدخل المخروبه دى علشان يعمل عمليه فى ظهره تاخده منه كليه والله لاوديكم فى داهيه
سمعه اسر وذهب اليه
اسر..قولى ايه مشكلتك وانا اساعدك
الرجل ..عايزنى اقولك علشان تحاول تلحق الموضوع قبل ما افضحكم مش كده
اسر ..جربنى بس
الرجل..ابويا جه هنا علشان يعمل عمليه فى ضهره وبعد فتره ابويا تعب تانى اخدته للدكتور كشف على ابويا وعمله اشعه وبعدين الدكتور لما شاف الاشعه قالى ان ابويا عنده كليه واحده بس والكليه التانيه مش موجوده بس لسه متاخده جديد قلتله ان ابويا معملش عمليات خالص غير بتاعه ظهره قالى يبقى المستشفى اللى ابوك عمل فيها بتتاجر فى الاعضاء وانا وريت الاشعه لدكاترة تانيين وكله اكد نفس الكلام
اسر صدم مما سمعه وقرر مساعدته
اسر..انت حكيت للمدير
الرجل..المدير قالى انت كداب واعلى ما فى خيلك اركبه
اسر..ازاى وصاحب المستشفى فين
الرجل ..انا برده سالت قالولى انه واحد اسمه خالد الشريف ومش بيجى المستشفى
صدم اسر للمرة التانيه ان عمه يملك هذه المشفى
اسر..انت معاك الاشعه
الرجل.. فى البيت
اسر..طيب بكرة ان شاء الله قابلنى فى كافيه ……اشوف اللى معاك وبعدين نطلع على مدريه الامن نبلغ
الرجل ..انا موافق وهستناك بكرة ان شاء الله
لم يكن يدرى مازن ان ذراع عمه الايمن سمع كل شيء واسمه سيد
سيد..ايوه يا باشا وقص له ما سمعه
خالد..طب شوف بقى نفذ اللى هقولك عليه
فى شقه اسيا
اسيا..يا ترى انت اتاخرت ليه يا اسر
بعد قليل حضر اسر
اسيا ..انت اتاخرت كده ليه يا حبيبي
اسر ..اسكتى يا اسيا على البلاوى اللى عرفتها
اسيا ..خير يا حبيبي ايه اللى حصل
اسر قص لها كل ما قاله الرجل ومن هو صاحب المشفى
اسيا..يعنى عمك ممكن يكون بيتاجر فى الاعضاء
اسر..الله اعلم بس لما نبلغ والتحقيقات تشتغل كل حاجه هتبان يالا بقى تصبحى على خير انا عايزه انام
فى مديريه امن القاهرة
احمد المغازى..اقعد يا اياد
اياد المغازى عمه احمد المغازى شاب وسيم وظابط فى المديريه يعمل مع عمه قوى للغايه لا يستطيع احد ان ياخذ منه شىء غير باذنه يحب ملك بشده تقدم لخطبتها اكثر من مرة ولكنها رفضت لانها تخاف منه كثيرا متعلله بدراستها
اياد..خير يا عمى
قص له احمد حكايته مع ايلا ورساله ايلا له وتهديد جاك لها
اياد بغضب..يبقى يقربلها وانا هكله بسنانى حضرتك عايز منى ايه وانا هعمله
احمد..تتجوزها باسرع وقت
فى الصباح
فى شقه اسيا
كانت اسيا واسر يتناولون الافطار وفجاه سمعوا دق عنيف على باب الشقه
اسيا..مين المتخلف ده
اسر..استنى هفتح انا
فتح اسر الباب وكانت الشرطه
الضابط..انت اسر سعد الشريف
اسر ..ايوه انا
الضابط..اتفضل معانا انت مقبوض عليك بتهمه اختلاس اموال المستشفي وصاحب المستشفى خالد الشريف هو اللى مقدم فيك البلاغ واخذوه معهم
اما اسيا كانت فى صدمه مما سمعته ان عمها سجن اخيها وسلب اموال ابيها ولكن ابدلت ملابسها وذهبت الى القسم

فى شركه مالك السعيد
كان مالك يجلس على مكتبه يراجع عقود المشروع الجديد
دخل مساعده
المساعد..استاذ مالك خالد الشريف بره وعايز يقابل حضرتك
مالك..طيب دخله
دخل سعد الشريف وجلس امام مالك
خالد..ايه اخبار المشروع
مالك ..انا بشوف العقود دلوقتى اهه
خالد ..متيجى نخليها شراكه ونسب بالمرة
مالك ..ازاى يعنى
خالد ..تناسبنى يعنى وانا عندى ليك عروسه حلوه وكمان علشان لما نبقى نسايب محدش فى السوق هيقدر يقف قصادنا
مالك فى نفسه ..انا هوافق واهو تبقى دى فرصتى علشان اكسر مناخيرها لان كل الستات عندى دلوقتى زى ماهى اه لو تعرف ان العروسه دى هتاخد اكبر مقلب فى حياتها لان انا الست بالنسبالى زى الكرسي
مالك..انا موافق حدد معاد علشان اتعرف على العروسه
فى القسم رفض الضابط ان ترى اسيا اخيها فقررت ان تذهب الى منزل عمها

فى فيلا خالد الشريف
كانت تجلس سيده اقل ما يقال عنها انها انانيه لاتهتم الا بمصلحتها تسمى الهام وهى زوجه خالد
خالد..قص لها ما حدث مع مالك السعيد
ريناد.. انا لا يمكن اتجوزه
الهام ..ليه يا حبيبتى ده غنى عنده شركه كبيره ودكتور فى الجامعه كمان ووسيم
ريناد..لا يا ماما انتى متعرفيش حاجه ده مش بيحب الستات وقصت لهم ما قاله مالك فى المحاضرة
الهام..خلاص يا حبيبتى انسي الموضوع انتى مش هتتجوزيه يالا اطلعى على اوضتك
ريناد..بجد يا ماما واحتضنتها
الهام ..ايوه يا حبيبتى انتى اهم
صعدت ريناد الى غرفتها
خالد..ايه اللى انتى عملتيه ده انا قلت للراجل انى هناسبه اقوله ايه دلوقتى
الهام..جوزه بنت اخوك
خالد..يعنى هى هتوافق وانا لسه ملبس اخوها قضيه وقص لها ما حدث
الهام..خلاص هددها انها لو موافقتش اخوها مش هيطلع من السجن ولو وافقت انت هتطلعه وتلبسها لواحد من عندك
فى هذه اللحظه دق جرس الفيلا
فتحت الخادمه وجدتها اسيا
اسيا ..اخويا مظلوم يا عمى معملش حاجه
خالد..انا عارف
اسيا ..انت عارف ولبسته القضيه دى ليه
خالد..مزاجى
اسيا باستغراب مزاجك
خالد ..انا ممكن اطلعه منها بس بشرط
اسيا ..شرط ايه
خالد..توافقى على العريس اللى انا جايبهولك
استنونى البارت الجاي ورايكم يهمنى
@شوشيتا@