روايه لست احدي ممتلكاتك

البارت العاشر والاخيييييييير فى الجزء الاول

فى المشفى
دخلت ايلا عند اياد حتى تراه
فاق اياد ونادى باسم ملك 
ايلا..حمد الله على السلامه يا حبيبي
اياد..ملك فين
ايلا وهى تبكى ..توفيق قفل كل مخارج البلد علشان متخرجش بره مصر وبيدور عليها وان شاء الله هيلاقيها
اياد..انا عايز اخرج من هنا انا لازم ادور على مراتى انا مش هقعد هنا ومراتى معرفش عنها حاجه وحاول ان ينهض ونزع عنه ابره المحلول ولكن صدره يؤلمه بشده
ايلا ..علشان خاطرى يا بنى متتحركش علشان جرحك ميفتحش وان شاء الله هنلقيها
اياد..انا مش هقدر اقعد هنا وانا مش عارف الكلب ده بيعمل فيها ايه
ايلا ..ارجوك يا اياد علشان خاطر ملك لو بتحبها بجد خليك فى السرير متتحركش
نزلت دموع اياد ..انا مش بحبها بس انا بعشقها انا مقدرش اعيش من غيرها دى كل حياتى يارب رجعهالى يارب
ايلا..ان شاء الله يا حبيبى هترجع وهتتجوزها وتعيشوا مع بعض علطول
اياد..ان شاء الله يا مرات عمى امال عمى فين
ايلا ..عمك جتله جلطه وفتتوها وهو كويس دلوقتى وفى اوضه جنبك

مر اسبوع لم يحدث فيه جديد سوى خروج اياد من المشفي واحمد اصر ان يذهب معهم الى المنزل حتى يعتنوا به حتى يتم شفاءه

فى منزل اللواء احمد
احمد..بقالنا اسبوع منعرفش عنها حاجه
اياد ..انا مش ساكت يا عمى الاداره كلها سايبه كل القواضى اللى معاهم وبيدوروا على ملك وان شاء الله هلاقيها وجاك الكلب ده نهايته على ايدى انا
ايلا ..يارب رجعلى بنتى انا اتحرمت منها 22سنه ويوم ملاقيها تروح منى تانى
احمد..ان شاء الله هنلاقيها يا ايلا
اياد ..اطمنى يا مرات عمى ان شاء الله هنلاقيها

فى المكان الذى توجد فيه ملك
تجلس ملك تبكى بشده ..يارب خليك معايا ورجعنى لاهلى يارب طلعنى من هنا على خير يا رب
دخل عليها جاك ..انا عارف انك زهقتى من القعده هنا بس اطمنى هنطلع من مصر فى اقرب وقت متقلقيش يا بنت اختى
لم ترد عليه ملك ونظرت له بسخريه وادارت وجهها الى الجانب الاخر
جاك ..انا محضرلك مفاجاه جامده فى واحد من اللى شافوا صورتك اتجنن عليكى وهيدفع3مليون دولار ولما قلتله ان انا مش عارف اخرجك من مصر هييجى هو ياخدك من هنا بكرة ايه رايك فى المفاجاه دى
ملك بصقت فى وجهه
ملك ..اتفوا عليك راجل ديوس ابن كلب اه يا حيوان يا واطى با حقير عايز تبيع بنت اختك بالفلوس
امسكها جاك من شعرها ..والله لاوريكى يا بنت ايلاولكمها فى وجهها جعل انفها وفمها ينذفون دما
ملك..برده هتفضل حيوان بتشتقوى عليا بس اطمن هيجيلك اللى هيعلمك الادب ويخلصنى منك وساعتها هيخليك تتمنى الموت يا زباله
جاك..انا ماسك نفسي عنك انا لو سبت نفسي عليكى مش هخلي فيكى حته سليمه بس انا مش عايز اعمل كده لانك هتغورى من وشي بكرة وهكسب من وراكى 3مليون دولار باي يا بنت ايلا
خرج جاك وبقيت ملك تبكى بشده

فى فيلا مالك السعيد
اسيا..انا قلت مش هروح معاك الحفله دى انا مبطقهوش لاهو ولا مراته ولا بنته
مالك..علشان تكسبى عدوك لازم تعرفى بيخطط ازاى وعلشان تعرفى كده لازم تقبلى تروحى اى عزومه يعملها مينفعش نرفض كده هيشك ان فى حاجه
اسيا ..برده لا مش هروح
مالك ..اسيا مش هينفع اللى انتى بتعمليه ده روحى غيرى هدومك دى بدل ما اشيلك واوديكى الحفله غصب
اسيا..برده مش هروح واعمل اللى انت عايزه
مالك..يبقى انتى اللى اخترتى وحملها مالك يالا بقي نروح وانا شايلك كده
اسيا…لالا يا مالك نزلنى ارجوك وانا هغير هدومى واجى معاك
انزلها مالك ولكن لم يتركها ونظر فى عيناها وتاه فيهما ولاحظته اسيا
اسيا..احم مالك ممكن تسيبنى علشان منتاخرش
مالك..لا
اسيا ..الله سيبنى بقي قلتلك هنت
قاطعها مالك عندما قبلها
صدمت اسيا مما فعله وتوقف عقلها عن التفكير ولم يفق مالك من قبلته لها الا عندما ضربته اسيا على ظهره لحاجتها للتنفس
مالك..يالا هنتاخر هستناكى تحت وتركها ونزل
اسيا جلست على السرير مصدومه من فعلته وجراته ..يا ليله زرقه مخططه باسود ايه اللى هو عمله ده انا كده هخاف انام معاه فى الاوضه لوحدى استر يارب

كان مالك يجلس فى السياره ينتظرها
مالك ..انا ايه اللى عملته ده انا ازاى سمحت لنفسي اعمل معاها كده وكان فى حيره بين قلبه وعقله
عقله..ايه اللى انت عملته ده انت اتجننت انت نسيت انها ست وكل الستات زى بعض
قلبه..انت حبيتها يا مالك بس بتكابر خايف تعمل معاك زى ماهى
عقله..حب ايه بس ده مش حب اوعى تنسي ماهى واللى عملته وابنك مات بسببها اوعى تنسي يا مالك اوعى
قلبه ..اسيا مش زى ماهى يا مالك اسيا حاجه تانيه
مالك..انا لازم ارجع اعامل اسيا زى الاول قبل مااتعلق بيها
اما اسيا ارتدت فستان من الشيفون حجاب نفس لون الفستان ونزلت وجدت مالك ينتظرها فى السياره ركبت اسيا بجانبه وانطلق الى الحفله ولم يتكلما فى شىء
وصلوا الى الفيلا واستقبلهم خالد والهام
خالد..اذيك يا مالك بيه نورتنا
مالك..الله يسلمك يا خالد بيه
الهام..اذيك يا اسيا
اسيا..كويسه يا الهام هانم
خالد..اتفضلوا جوه
دخل اسيا ومالك الفيلا
اسيا ..مالك انت ساكت ليه
مالك ببرود ..عايزانى اقول ايه
اسيا..انت كنت كويس من شويه ايه اللى حصلك
مالك..بقولك ايه انتى خدتى عليا اوى اوعى تنسي مكانتك
اسيا..فى ايه يا دكتور ايه الطريقه الجديده اللى بتكلمنى بيها دى
مالك..بت انتى اسكتى خالص مش عايزه اسمع صوتك
اسيا ..لا بقى فوق لنفسك انا مش جاريه عندك علشان تكلمنى بالطريقه دى ولو انا مش من قيمتك طلقنى وسيبنى انا من يوم ما اتجوزتك وانا مشفتش يوم عدل فى حياتى
مالك..كتك القرف ده انتى نكديه بشكل اعوذ بالله وتركها وذهب يقف بجوار رجال اعمال يعرفهم
اما اسيا غضبت منه بشده وخرجت الى جنينه الفيلا حتى تهدا ولا تتخانق معه فى الفيلا
اسيا وهى تمشي وسط جنينه الفيلا سمعت صوت عمها وزوجته يتخانقون
خالد..انتى اتجننتى عايزانى اروح اطردها من الحفله ازاى انتى عايزه الناس تتكلم عليها وجوزها يفض الشراكه بيننا
الهام..انا مبطقهاش ياريتك لما قتلت ابوها وامها كنت خلصت عليها هيا واخوها معاك بالمره
خالد..انتى اتجننتى ازاى تتكلمى فى الموضوع ده انتى عارفه لو حد عرف ممكن يحصل ايه حبل المشنقه هيتلف حوالينا انا وانتى
الهام..متقلقش فات سنين كتير والموضوع اتقفل بس انا مبطقش البت دى شبه امها وكل اما اشوفها افتكر امها
خالد ..امسكى نفسك واوعدك لما المشروع اللى بينى وبين مالك يتنفذ اسيا دى هولعلك فيها بجاز
الهام ..بجد هتقتلها يا خالد وتريحنى منها
خالد..اصبرى بس يا الهام وانا هريحك منها
صدمت اسيا مما سمعته وخرجت من الحفله وتركت فيلا عمها وعادت الى فيلا مالك وهى منهارة وتبكى قابلتها ناهد
ناهد..مالك يا اسيا ايه اللى رجعك من غير مالك وانتى بتعيطى ليه ايه اللى حصل
اسيا ..ارتمت فى حضنها وهى تبكى بشده وتشهق
ناهد..يا بنتى فيكى ايه قوليلى قلقتينى عليكى
ولكن اسيا لم ترد تبكى بشده فقط
ناهد..طيب تعالى فوق غيرى هدومك وخديلك دوش واهدى كده وبعدين قوليلى اللى حصل
اخذتها ناهد الى غرفتها هى ومالك واخذت اسيا شاور وابدلت ثيابها وجلست على السرير وهى لا تنطق ولا تتحدث فقط تجلس بهدوء
استغربت ناهد من هدوءها بعد هذا البكاء الكثير
ناهد..يا بنتى مالك فيكى ايه من شويه مموته نفسك من العياط ودلوقتى هاديه ومبتتكلميش
اسيا ..عمى ومراته هم اللى قتلو ابويا وامى ومخططين يخلصوا منى بعد ما المشروع اللى بينه وبين مالك يتنفذ
ناهد ..يا لهوى يا بنتى يعنى قتلوا اهلك وعايزين يخلصوا منك كمان
اسيا..انا عايزه اقطعهم بسنانى ولاد الكلب دول والله مهسيبهم

فى فيلا خالد الشريف
بحث مالك عن اسيا ولم يجدها واستشاط غضبا منها ورجع الى الفيلا
صعد مالك الى الغرفه وجدها تجلس على السرير بعد ان تركتها ناهد حتى تستريح
مالك..مشيتى ليه من غير ما تقوليلى
اسيا..حصلت ظروف خلتنى امشي
مالك..ظروف ايه انطقى
اسيا ..انا مش قادرة اتكلم دلوقتى روح لماما ناهد وهيا هتحكيلك
مالك..انا مش هستنى لما امى تحكيلى انتى اتعديدتى حدودك معايا اوى علشان اتعاملت معاكى كويس اليومين اللى فاتوا لا فوقى يا بتاعه انتى مش عيله زيك هى اللى هتيجى تتعدى حدودها معايا ده انا افعصك برجلى قبل ما تفكرى تعملى كده
اسيا..انت ايه يا اخى فاكر نفسك مين انت ولا حاجه فاكر نفسك حاجه كبيره اوى مع انك فيك كل العيوب اللى تخلى الناس تبعد عنك انت متتخيلش انا بكرهك اد ايه طلقنى وريحنى بقى
مالك..لا يا اسيا مش هطلقك هسيبك زى البيت الوقف لاطايله سما ولا ارض وتركها وذهب

فى الصباح
فى المكان الذى توجد فيه ملك
جاك نادى على ذراعه اليمين جون
جاك..جون
جون..نعم يا مستر جاك
جاك..عايزك تروح تشوفلى اخبار ايلا واحمد ايه من ساعه اما قفلوا مخارج البلد وانا معرفش عنهم حاجه والراجل جاى بالليل مش عايز اى غلط يحصل ياريت تروح بالليل تشوفلى الاوضاع حولين البيت ايه
جون ..تحت امرك مستر جاك

فى منزل اللواء توفيق
توفيق ..ايه اللى بتقوليه ده يا ست انتى
جارتهم..بقولك اللى بيحصل ياريت تجوزها بدل الكلام اللى المنطقه بتقوله عليها دول بيقولوا انها لو مكنتش ماشيه على حل شعرها مكنش خطيبها اتجرا عليها بالشكل ده لكن هى اللى مش متربيه ولابسه الحجاب منظرة على الفاضى
توفيق بغضب..ايه الكلام ده اللى بتقوليه ده لو مكنتيش واحده ست كنت عرفتك مقامك
الجارة..متاخذنيش دول الناس اللى بتقول انا سمعت الكلام ده منهم
توفيق ..امشي اطلعى بره
غادرت الجاره ولكنه وجد فارس امامه
فارس ..انا عايز اتجوز منه يا عمى

فى منزل اللواء احمد
اياد ..انا حطيت حراسه على البيت يا عمى
احمد..كويس بس مش عايزين حد يحس بيها
اياد..اطمن يا عمى هم متخفيين .
ايلا..طب وملك هنقعد كده منعرفش عنها حاجه
اياد..اطمنى يا مرات ع
لكن قطع كلامه صوت الهاتف
اياد..الو
الضابط..فى واحد بيحوم حوالين البيت واحنا شاكين فيه
اياد..هاته
بعد قليل حضر الضابط ومعه جون
اياد..سيبه
ايلا..ده جون دراع جاك اليمين
اياد اول ما سمع انه احد رجال جاك اخرج مسدسه ووضعه فى راس جون وتحدث معه بالانجليزيه
اياد..ملك فين
جون..معرفش
اياد ضربه بالمسدس فى جبهته فجرج جبهته وخرج منها الدم
اياد..انطق هى فين
جون ..معرفش
اطلق اياد النار على ساقه
جون ..ااااااااااااااه
اياد..الرصاصه الجايه فى راسك انطق هى فين
جون ..صدقنى معرفش
اياد..يبقى انت اللى جنيت على نفسك وصوب المسدس تجاه راسه
جون..استنى هقولك هى فى……..
احمد..حضر قوه وخليها تتجه على المكان ده اما الكلب ده خده المستشفى وقولهم انه احنا اكتشفنا انه من رجاله جاك وهو حاول يهرب فاضطرينا نضربه فى رجله علشان يقف
الضابط..تمام يا فندم
احمد..يالا بينا يا اياد نروح نجيب ملك
اياد..لا يا عمى خليك جنب مراتك وانا اللى هروح اجيب مراتى
احمد..انا هاجى معاك
اياد..لا يا عمى خليك جنبهاوانا هروح لوحدى اجيبها دى مراتى وانا اللى هروح اجيبها وتركه وذهب
فى فيلا مالك السعيد
اسيا..ابنك تجاوز حدوده معايا اوى وانا مش هقدر استحمله اكتر من كده
ناهد..معلش يا بنتى مالك اتعذب مع مراته الاولى اوى وصعب انه يقتنع انك مش زيها
اسيا ..وانا ذنبى ايه استحمل ده كله
ناهد..معلش المهم لازم متخرجيش من البيت كتير علشان متبقيش هدف سهل لعمك
اسيا ..اللى عايزه ربنا هو اللى هيكون وان كانت اخرتى على ايد خالد الشريف فقدرى مش هقدر امنعه ولو مكانتش على ايد خالد هتبقى على ايد مالك ان شاء الله
ناهد..ان شاء الله كل حاجه هتبقى تمام ان شاء الله يا اسيا
اسيا..مش عارفه قلبى مقبوض ليه يا ماما
ناهد..انتى هتقلقينى ليه يا اسيا

فى المكان الذى توجد فيه ملك
وصل مستر جيمس الرجل الذى اشترى ملك ب3مليون دولار
جيمس ..اهلا جاك البضاعه فين عايز اشوفها
جاك..اهلا مستر جيمس البضاعه جوه تقدر تاخدها دلوقتى
جيمس ..بس انا عرفت انها بنت اختك ازاى تعمل فيها كده
جاك..انا العلاقات دى متهمنيش كل اللى يهمنى مصلحتى الشخصيه وطالما هى هتجيبلى 3مليون دولار يبقى تروح فى داهيه المهم انا استفيد
جيمس..انت كده حقير جاك
جاك..ههههه انا عارف مستر جيمس
جيمس ..طيب يالا هاتها
احضر جاك ملك وهى ترتجف
جيمس..واو جاك دى جميله اوى ملامح اجنبيه على ملامح شرقيه جعلتها امراه فاتنه تقتل اعتى الرجال بجمالها
جاك..انا عارف مستر جيمس علشان كده انا طلبت 3مليون فيها ولو شفت امها احلى منها كمان
جيمس..لا دى كفايه اوى يالا بينا يا جميله الجميلات هخليكى تعيشى سلطانه وانا السلطان بتاعك
فى هذه اللحظه وصل اياد ومعه قوه ضخمه من الشرطه
اياد ..كل اللى يقابلكم صفوه متسيبوش كلب منهم عايش
بدا اطلاق النار ومات جميع رجال جيمس وجاك ودخل اياد المنزل وجد جاك يضع المسدس فى راس ملك
ملك..الحقنى يا اياد ارجوك
اياد..سيبها وكلمنى راجل لراجل
جاك ..انا راجل اوى ولو سبتها انت اللى هتندم لانى هموتك ومش هتاخد فى ايدى دقيقه
جيمس..انت هتسيبها انا دفعت فيها 3مليون دولار ده انا اقتلكم كلكم
جاك ..اطمن يا مستر جيمس انا اللى هقتله متخافش
ترك جاك ملك ورمى المسدس وذهب باتجاه اياد
ضرب كلا منهما الاخر وانتصر اياد عليه وامسك المسدس وصوبه تجاهه
اياد..انت قلتلى مش هتاخد فى ايدى دقيقه ودلوقتى انت شبه الكتكوت المبلول
جاك..اوعى تفكر انك انتصرت انا برده ها
ولم يكمل كلمته لان اياد اطلق النار عليه فى راسه ومات جاك
عندما راى جيمس ان ملك على وشك ان تضيع منه صوب المسدس تجاه اياد ولكن ملك راته وانطلقت الرصاصه ولكن ملك كانت الاسرع فقتلته
احتضنها اياد وكانت تبكى
ملك..الحمد لله انك جيت كان هيبعنى للكلب اللى انا قتلته ده
اياد..اهدى يا حبيبتى الحمد لله كل حاجه خلصت
ملك..انت دلوقتى مش مجبر تتجوزنى خلاص الموضوع خلص طلقنى يا ايا
ولكن لم تكمل بسبب قبله اياد لها
اياد..لسه شايفانى مجبر عليكى ده انا مصدقت انك بقيتى مراتى يا ملك
ملك..وانا موافقه اعيش معاك عمرى كله بس ناجل الفرح فترة انا اعصابى تعبانه اوى الفترة دى
اياد..انا مستعد استناكى العمر كله يا عمرى كله

فى منزل اللواء توفيق
توفيق ..ايه اللى انت بتقوله ده يا فارس
فارس ..عايز اتجوز منه يا عمى
توفيق..ليه
فارس ..بحبها من زمان يا عمى وانت عارف بده
توفيق..بجد لسه بتحبها زى زمان ولا علشان الكلام اللى قلته الست
فارس ..الاتنين يا عمى انا بحبها من زمان وكمان علشان مقدرش اشوف حد بيضايقها وافضل ساكت
دخلت منه وهى تبكى
توفيق ..مالك يا منه بتعيطى ليه يا حبيبتى
منه..الناس فى الشارع بيرموا عليا كلام وبيقولوا عنى مش محترمه وبيقولوا انى كنت عامله نفسى الخضرة الشريفه وانى فى الاصل واحده مش لاقيه حد يلمها
فارس..قلت ايه يا عمى
توفيق ..انا موافق منه فارس عايز يتجوزك قلتى ايه
فرغت منه فاهها من الصدمه ولم تنطق بشىء

فى منزل اللواء احمد
احمد وهو يحتضن ملك ..الحمد لله انك رجعتى بالسلامه يا حبيبتى
ملك..انتوا وحشتونى اوى
احتضنتها ايلا وهى تبكى ..حمد الله على سلامتك يا بنتى الحمد لله ان ربنا استجاب لدعواتى ورجعك ليا بالسلامه
احمد..انت دلوقتى يا اياد لو عايز تطلق ملك انت حر
اياد..لا يا عمى انا مش عايز اطلقها انا عايز اتجوزها ونعيش انا وهى تحت سقف واحد
احمد..اياد دلوقتى ملك هيا اللى من حقها تقرر انا غصبت عليها المرة اللى فاتت وكتبت كتابك عليها المرة دى رايها هو اللى هيمشى
احمد..انتى موافقه تكملى مع اياد ونعملكم فرح
ملك ..موافقه يا بابا
اياد..لوووووووووولى يحيا العدل اخيرا هتجوز

فى فيلا مالك السعيد
قضى مالك ليلته خارج المنزل ولم يرجع الى المنزل
ناهد..يا اسيا متعرفيش مالك فين مبتش فى البيت امبارح
اسيا ..مش عارفه يا ماما من ساعه ما اتخانقنا امبارح وانا معرفش عنه حاجه ورنا فين
ناهد ..رنا راحه الكليه بتاعتها بدرى لانها هتعدى على واحده صحبتها
اسيا ..يا ماما قطع كلامها صوت اطلاق النار
ناهد ..استر يا رب ايه ضرب النار ده
اقتحم عدد من الملثمين الفيلا وحاولوا اخذ اسيا قاومتهم اسيا وحاولت ناهد الدفاع عنها فاطلقوا عليها النار واخذوا اسيا
بعد قليل عاد مالك الى الفيلا وجد افراد الحراسه مقتولين دخل الى الفيلا وهو يجرى دخل الفيلا وجد والدته على الارض والدماء حولها بكثرة
مالك..ماما متسبنيش يا ماما اتحملى انا هطلبلك الاسعاف حالا
ناهد..الحق اسيا خطفوها وماتت ناهد وصعدت الروح الى خالقها
مالك..مامااااااااااااااا

استنونى فى الجزء الثانى قريبا مع قصه حب مالك واسيا …ومنه وفارس …..اسر ورنا….ملك واياد …..والشخصيات الشريره اللى هتظهر فى الجزء الثانى
يالا بقى عايزه رايكم فى الجزء الاول كله مش البارت ده بس
انا لغيت مشهد اسيا لما سابت مالك علشانكم
ورونى رفيوهاتكم الحلوة اللى زيكم
@شوشيتا@