رواية سجن البنات
سجن البنات:-الحلقه الثامنه
خشت البنت الجديده لاكن كانت مش زي اي بنت قبل لما تجينا بنت جديده تكون خايف وتعيط وفيه من بنات يبدو يخبطو وفي من بنات يغما عليهم لاكن هادي لا خشت بي كل ثقه وقالت وسعي انتي وياها وقعمزت فررخه مواليدها 98وكاان تشبحو شكلها الحق حلوا لاكن عندها وشم في رقبتها وعندها النقره متع الحاجب وباين عليها بنت عصابات المهم في البدايه مهدرزت مع حد لاكن انصدمنا طلعت دخان وبدت ادخن والامور طيبه ويلي زاااد صدمناا جاها حارس قلها اطلعي قتله ياحيوان انت تعاله مش انا نجيك خش مدارلها شئ والبنات مش مصدقين يلي يشوفو فيه المهم خش عطاها تالفون وطلع اتصلت بي شخص وكااان تشوفو الكلام يلي قالاته
الوو ايوا معتز كيف الحال تمام ماشيه اي شدوني في صفقة التهريب الاخيره تعرف ?هادا وين فاقو بيا عليك فروخ المهم متقولش لي بوي كنهادا بيطلعني اليوم منبيش نطلع انا بنقعد اسبوعين هنايا في الحبس بنريح راسي وبعدين ساهل وسكرت الخط
نحنا نشبحو وبس خيرها هادي تحسابه فندق بتقعد تريح راسه ولاكيف المهم كملت مكالمتها وقعدت تنادي انت يااحيوان جاها قلها معليشي احترمي نفسك شويه
شششنو ??احترمي نفسك البنات لما يقولو ياحضرت الشرطي يضربوهم ويدفلو عليهم وهيا تقوله ياحيوان يقلها احترمي نفسك العار ?المهم قالتله سكر فمك هاك التالفون واقلب وجهك طلع مقالش حتا كلمه بدت شويه شويه تهدرز علينا لاحد اليوم مفيش مخلوق يعرفه اسمها لاكن ينادو فيها الحكومه هادا لقبها بوها تاجر سلاح ومخدرات وتهريب وتخدم معاه العار محد يقدر يكلمها كلهم خايفين من بوها والحق والله هيا مشاء الله عليها متواضعه اول ليله ليها في الحبس جابو العشاء شربه معفنه زي العاده جاها مدير الحبس مدلها صونيتها تخيلو شن دارت لوحتها على وجها كلها طلع مقال شئ نادت ع الحراس قتلهم العفن يلي تسمو فيه عشاء خذوه من البنات ولوحوه وبرو جيبولنا عشاء من براا هيا بنات كل وحده تقول شنو خاطرها ?هاديك الليله تعشينا كنتاكي ومشروب شاورما همبرجر ولا مش هكي بس جابولنا حتا حلو ?والله نحسابو روحنا نحلمو
وتقعمز جنب الباب تتسهوك على الحراس يلي يعذبو فينا وتضحك مفيش واحد يتجرأ يكلمها الهم وكااان تشوفو الصبح…يتبع