رواية سجن البنات

سجن البنات:-الحلقه الرابعه
قبل منكمل الروايه بنوضح حاجه اي بنت توا تقراا تقول مستحيل هادا اي حتا انا هكي قلت اصلا انا منعلمش حتا ان في بنات في الحبس لين انحبست حتا انا (لجين)
المهم خش مدير السجن يدور في البنت يلي مدايره اضراب علي الطعام طلعها من شعرها ونسمعو في صوط عياطها ضربوها فلقه ساعتين متواصلات بدون توقف يتعب الاول ياخد التاني اجبروها تزحف لي غاية ماتوصل لي الزنزانه البنت قعدت اسبوعين مش قادره تمشي على رجليها ولا توقف اصلا وطبعا منحكيلكمش عااد علي المفرخ العار مواليدهم 95و96وغيره وغيره لما يجو توكتهم في الليل يطلعو فينا ويطيحو فينا ضرب عشواائي في يوم كنا في الساحه كانو يضربو فينا المهم دخلنا لي الزنزانه كانت في بنت معانا حامل طبعا من (الاغتصاب)المهم قعدت ترجع في دم قعدنا نخبطو ع الباب نبوهم ينقذوقا خش مدير الحبس تعرفو شن دار??
قعد يضرب فيها ع بطنها يقلهاا يارخيصه ياكلبه تستحقي الموت انتي وياه ويضرب لين فقدت الوعي معش ناضت قعدنا انوضو فيها اكتشفنه انها توفت من اثر الضرب نادينا عليهم من جديد قبل مكناش نعرفو ان لو حد من الحراس قتل بنت من السجن رح يتحااسب المهم جي المدير سأل الحارس هادي خيرها معش ناضت دلع المفرخ قاله توفت ياسيدي قعد المدير يضرب في الحارس تي كيف توفت ياحيوان تو بالله شن دخله الحارس ?? عليك حاله وخلاص المهم ترا توقعو شن داارو ??خذوها طبعا ميته هيا وشنقوها باش لما يجو يحققو يقولولهم شنقت روحها العااار
جو منضمات حقوق الانسان الكذذب ونحنا نسحابوهم جديات وسألونه نتحرت ?انتم رتوها ناضت اكرام الهبله بكل ثقه لاياسيدي قتلوها قدام عيونا كلنا سألو باقي البنات جدياات?طبعا لانهم خايفين في بعض منهم قعدو يحلفو ان شافوها لما تشنق في روحها الهم الاسود بعد ماروحو جو شدو اكرام ضربوووها وطلقو عليها كلاب الشرطه في الممر لما خششوها كانت زي المتهستره وكلهاا دم مع بعضها السجن كل يوم اسوأ من يلي قبلا بنت سبت الحارس لانه حاول يتحرش فيها طلعوها عدبوها بي الكهرباء لما جابوها قاعده ترعش كأنه الكهرباء قاعده فيها تصك مع بعضها فاتت ايام معش يعدبو فينا زي قبل مش هلباا لغاية ماجي يوم طلبو من البنات يركبو الدور التاني ينضفوه لانه مهجور ليه 5سنين كانو حابسين فيه ناس لاكن قعد5مفي حد يبونا انضفوه ونقعدو فيه لان رح يجيبو بنات جدد من سجن تاني ركبنا باش انضفو وهنا كانت الصدمه يتبع