رواية سجن البنات

سجن البنات:-الحلقه السابعه
نصيحه للمتابعين رد بالك تنقل الروايه من دون اسمي بنووتة الشيخ لان مرات انتي يحققو معاك معندك شئ يتبت ان كلامك صح انا عندي بي الادله والناس يلي تسأل عادي نديرو تاق لي شباب اي مسموح اديرو تاق للبنات والشباب وشكرا??
المهم قاعدين نفس الشئ وضع ميرضاش بيه حتا الكلب حشاكم البنات يلي محبوسين من2011واهاليهم عندهم علم في عيد الفطر يجوهم زياره ويجبولهم في حلويات يخش مدير الحبس ياخذ في كل شئ ويطلع ياكله هوا وجماعته ولو اهاليهم جابولهم فلوس ياخذوهم يلي شادين التوكه وهاكذا والله ضلم هلبااا
المهم في يوم جانا الحارس قال الطباخ اليوم مجاش نوضو وحده بس اطيب تخيلو بي اطيب مكرونه لي 74سجينه المهم طيبت وفرقو علينا الغداء فجأه جانا المدير خذا الغدي قبل حتا مناكلوه وكله حطه في كيست كناسه حشاكم وامر البنت يلي طيبت تحط راسها وسط الكناسه وتاكلها كلها تعرفو علاش ??
لانه حضرته معجبتاش بنتها المكرونه لاكن البنت رفضت وقتله طز فيك وبدت تسب فيه طبعا معش نعرفو هيا وين لمدة يوم كامل وزي العاده جبوها في الليل منقدرش نشوفها من كثرت الدم يلي مغطيها السجن هنايا موت بطيئ نسمعو في الحراس كيف يهدرزو قالو في سجن الشباب يعدبو في وواحد قعمزوه ع الفرنيلو وواحد توفى من كثر مايضربو فيه ع راسه والله حاله مضايقين وقريب نهبلو كلنا توا انا لجين ليا محبوسه 3شهور كنت حلوا وتوا ابشع من البشاعه نفسها والله يكسرو في سنون البنات وينحولهم في ضوافرهم ويحلقو في شعرهم والله عار المشكله الحارس ليبيين فيه يوم فرخ مواليد 95طلع وحده محبوسه عمرها 43يهزب فيها ويضرب فيها تقوله حرام عليك معندكش ام يقلها امي اشرف منك يا……ويسب ويعاود بعدين اجبرها تنحي حوايجها في الممر وطلق عليها كلاب الحبس ويضحك هوا وباقي الحراس المشكله الحراس ديمه سكرانين فاتت ايام وشهور لغاية مفي يوم جابو بنت جديده للحبس لاكن البنت هاادي غيررر غيرت حياتنا……يتبع