رواية سجن البنات

سجن البنات:-الحلقه الثالثه

((ياريت تستفيدو من غلط البنات يلي في السجن ومتخلو حد يضحك عليكم))
وطبعا فيه من البنات نحبست وحالتها الصحيه متشكي من شئ لاكن بسبب الخلط وعدم التصنيف للبنات البعض غذو عدوه والبعض التاني من كتر الضرب صالهم فشل كلوي المهم
وقعدنا نتعرفو ع بعض كل وحده تحكي في قصتها باش ننسو حتا الجوع لان الغداء مزال وحده من البنات تحكي في قصتها
زينب:-انا ام لي3اولاد وبنت راجلي 24ساعه سكران وبخيل وصلت بيه الدرجه ان يجيب في عشيقاته في الحوش قدامي وقدام صغاره بدون احترام وع اي سبب تافه يضرب لغاية مجي يوم شد ولدي الصغير عمره4سنين بس قعد يضرب فيه زي المجنون لان شد تالفونه نسمع في ولدي كيف يعيط متحملتش خديت طاوله صغيره وضربته على راسه صارله نزيف في الدماغ طول توفى ركبتلي امه فوق وشافتني بلغت فياا طول
لجين:-سعد الناس ??كان كل بنت تقتل راجلها يكملو الرجاله من ليبيا ??
اكرام:-تريسه انتي يازينب الحق احسن يستاهل
هند:-انا قضيتي مخدرات عايشه في عائله كل يوم مشاكل لغاية ماتعرفت ع واحد في النت يسكر وياخذ في حبوب قعد يغري فيا يبيني نشتغل معاه ونبيع للبنات وانه يحبني وهكي هربت معاه تزوجته عرفي وضحك عليا عطاني كميه كبيره من الحبوب نخليهم معاي وبعدين بلغ فيا
اكرام:-تحسي في روحك نادمه ??
هند:-اكيد نعيش في عائله مشاكل ومنبيعش شرفي ومستقبلي ع خاطر واحد تافه وفي الاخير باعني
رحمه:-وانا ياقهرتي ماشيه لي سرت انا وخوي عندنا حوش جدي غادي وقفتنا بوابه قعدو يفتشو لقو ساعتي عليها صورت معمر حبسونا الزوز
ابتهال:-انا خدمت في مكتب متع عقارات فتره عرض عليا المدير اني نبات معاه يعني نبيع شرفي رفضت مشي بلغ فيا اني خانبه منه5000الاف ونجيب في رجاله للمكتب
اكرام:-اهلك يعلمو ????
ابتهال:-لا اكيد
طبعا لقينه هلباا بنات في الحبس حوامل مش لانهم متزوجات لا بسبب الاختصاب المتكرر البعض منهم انتحر وفي بنات بعد ماطلعو من الحبس انتحرو لانهم معش يقدرو يعيشو بعد يلي شافوه من ذل وضلم جي موعد الغداء لو تشوفر الصونيه يلي يحطونه فيها في الماكله الكلب اكرمك الله مياكلش منها طبعا كل وحده وصونيتها بدون مبالغه 3كواشيك مكرونه فقط لاغير ع اساس تغدينا وخلاص خش مدير الحبس يشبح يشبح يدور في بنت معانا البنت هادي مدايره اضراب على الطعام زي الاعتصام يعني متبيش تاكل لين تكلم اهلها خش مدير الحبس طلعها من شعرها …يتبع