حكاية فاطمة للكاتبة زهور جمال الدين
#حكاية_فاطمة
?بقلم زهور جمال الدين?
? الحلقه الحاديه عشر ?
نادية مقعمزة فى بار
وتخمم
انا ليش خديت رايه وساعدته منير الشياطين هدا
انا علاقتى بمراد بلحقة انتهت
والحب تم ..وانا نجهز لعلاقه جديدة مع مديري فالعمل
مالى ومال مراد انا ..
فاقت من التخميم على صوت طارق
-طارق : ندوة
-نادية: هلااااا طروقى
-طارق : ليك وحشه يا بنت .. امتى روحتى
-ناديه : وانت اكثر حبيبي.. روحت ليا شهرين ممكن …
شنو اخبارك ..واخبار الشغل والسكن
-طارق : تمام كويس
-ناديه : باهى الحمدلله
-طارق : خيرك حاسك مكشرة ومضايقه
-نادية : ايه شوى
-طارق : الف سلامه عليك كنك
-نادية : صارت معاى قصه..مش عارفه نحكيهالك والا لا
-طارق : احكى وسرك فى بير
-نادية كيف بتحكى وفى اخر لحظه تراجعت: لو زدت اضايقت اكثر
ح نجيك ونحكيلك كل اللى فى بالى
-طارق : تمام .. وتعرفينى حنعطيك رائي بكل صراحه
-نادية : ديل
-طارق : شفتى مراد
-نادية بتلخبيط : لا ما شفته .. انت عارف كل شى بينا انتهى ليه شهور
-طارق : اهاا
_______________________
مراد وفاطمه قاعدين يحكو فالصالة
-مراد : كيف زهير حدرك من نادية ..
انا عارفه يكرهها من زمان.. بس مش لدرجه يحدرك منها ..
هوا يعرفها نوعها بنت مسالمه
-فاطمة: منعرفش قالى ردى بالك من حوشك ..
وان الكلام فى رقبة اللى قاله مش فى رقبته
وقالى ان نادية تجيك للحوش .. وانى لازم ناخد حدرى
-مراد: عموما انا حنوصل للى قال لزهير الكلام هدا عاجلا ام اجلا …
وفى جملة انتى قلتيها بكرى .. منسئلك عليها لكن مش توة
-فاطمه : وليش مش توة
-مراد : لان توة منطلعو
-فاطمه : وين بنمشو
-مراد : عازمك عالعشا ..
-فاطمه تضحك : اهاا عزومه مرة وحدة
-مراد يضحك : لا لا مرتين
-فاطمه : وشنو المناسبة
-مراد: المناسبه ان هدا اول يوم نقولك فيه انى نحبك
-فاطمة: بااااهى .. حتى انا نبى نقولك حاجه
-مراد حضنها وحط راسها على صدره وضمها ليه : قولى حياتى
-فاطمه متكية راسها عليه : حتى انا مهلت الشهرين تمت بالنسبة ليا ليها وقت ..
-مراد: كيف
-فاطمه حطت يدها على يد مراد : ليا ايام نبى نقولك انى نبيك ونبى نقعد معاك
مراد حط يده على خصلات شعرها وباس على راسها : نحبك يا نور عيونى
وتلفتلها وقاملها وجهها فوق : وليش ما اعترفتى يا مجرمه
-فاطمه بخجل : لاااا نتحشم
-مراد : اما انتى والله الا جو عليك …فى وحدة تتحشم من راجلها
-فاطمه ضحكت : ربي يخليك ليا ..انت تاج راسى اللى مفتخرة بيه بين الناس كلها
مراد معش قدر يصبر عليها اكثر …قرب من فاطمه وبدى يبوس فيها بشغف
وهيا وين تلقيها عاد الدلع كله انصب عليها
-مراد : نحبك
-فاطمه : نموووت فيك
وقامها بين يديه ومشى بيها للدار
وقبل مايخش قربها من بريزة ضى الصالة
-مراد: طفيه
مدت يدها فاطمه طفت ضى الصاله …
وضى الدار طافى خاشلها ضى بسيط من الشباك
خشو دار النوم
مراد حط فاطمه عالسرير بالعرض …
وهيا فى قمة السعاده
وجى رقد جنبها …
-مراد : تعرفى عندى شعور زى شعور العريس اللى اول مرة خاش على مرته …
فاطمه بدلع رقدت على بطنها وتلفتتله : كيف يعنى
بحركه سريعه تلفت بجسمه كله ورقد فوقها وحط يده على يدها : اهو تو نقولك كيف
وفاطمه تضحك بدلع : بالشويا مراد.. ووك عليا رزين راك يا سمونى .. بتقتلنى
-مراد قرب من ودنها وبهمس: انا اصلا ناوى نقتلك حب الليله
وعاشو اجمل ليله من وقت تعرفو
“باهى والعشا يا جماعه الخير.. والعزومه شن صار فيهم ??”
______________________
زهير يخمم …
ندم انه قال لفاطمه عالكلام اللى سمعه
مهما يكون الكلام صدق والا كدب …
زهير ميحبش يكون طرف او سبب فى نزاع بين اثنين
-زهير : روعة .. روعة تعالى بابا شوية
– روعة : نعم بابا
– زهير: مش قلتلك ترفعى خوتك للجامع ولا ..
-روعه : منرفعهم يا بابا بس قلت يكملو الامتحانات قبل ..بيش يلهو بالجامع
-زهير : ماهو سألت الشيخ وقالى فى تيم كيف بادى نبيهم يبدو معاهم مالاول …
الامتحانات مزال عليها شهر ونص
-روعة: باهى تو نرفعهم غدوة ونسجلهم
-زهير : باهى كويس طمنتينى .. ماما مزال مروحتش
-روعه : ماهو قالت بعد المؤتمر بيديرو احتفال للوفد
-زهير : صح قالتلى
_____________________
بعد كملو فاطمه مشت فى نوم عميق
ومراد يشبحلها ومعجب بيها لين خداه النوم
هوا ماهناك نوم ممكن رقدت ساعه او اقل ..
وبعتالى فاقت فاطمه وقت الفجر …
لبست روبها تبى تخش الحمام ادوش
خطر عليها اتنوض مراد
قعدت اتكبر فى خاطرها .. الله اكبر .. الله اكبر
“ماهو قالك لماتبى توصلى للى تبيه ابدى حاجتك بالتكبير?”
بعد ماكبرت
-فاطمة : مراد …مراد حبيبي نوض
-مراد: حبى خلينى راقد
فاطمه فرحانه انه تغير اسلوبه معاها اول ماتنوضه زمان يعيط ويكشخ
-فاطمه : الفجر ادن حبيبي هيا نوض انصلو
-مراد : قلتلك تعبان
-فاطمه : انت غير افتح عيونك وكلمنى
مراد متلفت عالجنب…فتح عيونه لقاها قدامه زى القمر والشعر مفتوح ..
والروب زايد فى جمالها النص
-مراد : صباح الورد حبيبي
-فاطمه مبتسمه : صباح النور والسرور ..هيا نوض عاد
-مراد : منقدرش
-فاطمه بدلع : لا تقدر
رقد مراد على ضهره وحط يده على راسه وغمض عيونه
-فاطمة حط يده على يده وحولتها من راسه : هيا شنو بترجع ترقد !؟ .. نوض عاد
-مراد : على شرط
-فاطمة : شنو
-مراد : ندوشو مع بعضنا
-فاطمه : لاااا??.. والله مانقدر نتحشم
-خدى مراد اللحاف وغم بيه راسه ويضحك : يعنى امبارح معاى عادى وفالحمام لا امالا على راحتك
-فاطمه تضحك : ماهو عالسرير عقلى ايطير منى ..وفالحمام عقلى معاى
-مراد يضحك : خلاص معناها بلاش
-فاطمه : يا مراد قلتلك منقدرش .. والفجر بتنوض اتصليه بالسيف عليك هياا
-مراد : ياتقبلى بشرطى يا تخلينى نرقد
-خدت فاطمه المخدة متعها
وقعدت تضرب فيه بيها وتضحك : باهى يا همى غير نوض صلى بس
ناض مراد قعمز وهوا يضحك: عارفك ماتجى الا بالعين الحمرا
وبالفعل خشو دوشو مع بغض
وطلعو صلو ..
ورجعو رقدو فالسرير
فاطمه متلفته لمراد وتشبحله .. وهوا يشبحلها
________________________
منير فى شقته
يخمم
توة راهى تاكة بيناتهم توة
“لاااهيا من ناحية تاكه منحكيلكش ????”
وضميره مسكين نايض عليه وهوا يسكت فيه
انا مادرت شى ..هوا اللى مايبيهاش مالاول
ويتخايل في فاطمة لما اول مرة شافها ..
كيف خشت باستحياء وسلمت عليهم من بعيد
ويخمم: تى الزفت الفرخه الاولى نادية يقعمز فيها معانا
وتلقيها راقدة فى حجره قدامنا ..لا حشمه لا جعرة
وهادى الادب والحياء ياخدها هوا ..
اللهم لا اعتراض ..لكن حرام تنظلم معاه ..انا اولى بيها
“?? مصح وجهك ”
_______________________
نحبكم ❤