حب من عالم آخر
(البارت الثالث حب من عالم آخر)…………………………….
الرجال قال استنو نص ساعه فقلتلها استني نص ساعه و خلاص فمردتش عليا و قعدت منغير متتكلم.
انا كنت مركز معاها مع اني نش من عاداتي اني ابص لاي بنت مها وصل جمالها لحد كبير بس مش عارف اي اللي حصلي حاجه كدا زي السحر.
كل شويه ابص عليها و اديها نظرات كدا من تحت لتحت لانها كانت جميله الصراحه و كان في وشم ع اديها كدا جميل.
المهم فضلنا قاعدين منغير منتكلم و طول الوقت كانت ساكته بس كانت بتكلم الراجل بس تقولو فاضل كتير انا مستعجله طول الوقت لحد مصلح التلفون و خلص كل حاجه ودفعت الفلوس حوالي 650جنيه و معتش معايا فلوس اروح اكشف بيها.
أخدت الفون من الراجل و اديتو الفلوس و خرجنا من السنترال وقلتليها اتفضلي يا انسه الفون بتاعك اهو قامت وخداه ومشيه منغير متقول شكرا ولا اي حاجه ولا تتكلم ولا كلمه.
استفزتني بطريقه مستفزه تخلي الاستفزاز زات نفسه يستفز.
فخرجت وراها بسرعه وقلتلها يا انسه فوقفت وقالت افندم اي خدمه قولتها لا مش عاوز خدمه ولا حاجه بس المفروض تقولي شكرا حتى ولا اي حاجه ولا انتي مش بتفهمي في الاصول.
فراحت قايلالي لا بفهم بس معلش اعذرني لاني عندي مشاكل و مستعجله قلتلها كل و احد عندو مشاكل و مستعجل قالت بس انا اختلف عن غيري قلتلها انا كمان اختلف عن غيري فراحت مبتسمه كدا ابتسامه خفيغه و قالت انتا بتقلدني.
بقا قلتلها اخيرا ضحتكي دنا بحسب سناك مسوسه ولا حاجه و خايفه تضحكي? فضحكت و قالت لا لا سليمه?
رحت قايل و ربنا انتي قمر راحت قايله انتا بتعاكس بقا قلتلها لا انا مش عارف انا قلت كدا ازاي بس بعرفك انك جميله اصل تنسي ولا حاجه? فقالتلي ميرسي من زوقك بس ابقا بص قدامك وانتا ماشي.
قلتلها ماشي و انتي كمان متبصيش في الفون علشان بعد كدا مش هتلاقي حد يصلحهولك لو اتكسر.
و فضلنا نتكلم شويه على الواقف كدا و بعد مخلصنا كلام مشت.
بس و هي بتكلمني كانت عنيها مركزه في عنيا جامد مكنتش بتبص غير في عيني المهم روحت و قعدت شويه مع صحابي وكنت عاوز ادخل الحمام و مزنوق ع اخري و كنت خايف من الضفدعه.
بس لما جبت اخري قولت انا هدخل و اللي يحصل يحصل و شغلت قران في الصاله و دخلت الحمام.
???????ارتحت أخيراً و كلو بقا تمام و خرجت من الحمام و مكنش في حد في البيت غيري اول مخرجت من الحمام النور اتقطع و مكنتش شايف اي حاجه.
مشيت براحة ادور ع الفون علشان انور و انا ماشي دوست ع ديل قطه معرفش ايه اللي جابها هنا اصلا فراحت مصوته بصوت عالي اترعبت وجريت نحيت باب الشقه علشان اخرج رحت واقع و انا بجري اتكعبلت ف السجاده.
جسمي كان مشلول معرفتش اتحرك نهائياً لازم أقرأ قرآن علشان ربنا يبعد عني الارواح الشريره دي.
قعدت اقرا قران و انا ع الارض و تقريبا كنت مشلول عن الحركه و فضلت لمده دقيقه مش عارف اتحرك
وبعدين الكهربه رجعت تاني فقومت وحده وحده و جسمي كلو منمل و رحت قاعد في الريسبشن جمب القران وفضلت مش مصدق اللي بيحصلي…