حب من عالم آخر
(البارت الرابع عشر حب من عالم آخر)
ليلي كانت و اخده وقتي كلو علشان داخلين على فرح و كدا
فقلت لاحمد معلش انا عارف اني مقصر معاك الفطره دي بس متزعلش انتا صاحبي و عارف اللي عندي كويس قالي لا لا ميهمكش بس انا مكنتش جايلك اصلا بس في حاجه مهمة خلتني اجي.
قلتله انتا عبيط يا عم تيجي في اي و قت البيت بيتك
قالي مش مهم بقا الكلام دا بس كان نفسي اشوفك مع واحده تستاهل كل دا لان اللي انتا معاها دي متستاهلش كل اللي بتعمله علشانها دا
قلتله انا مش فاهم اي حاجه انتا بتتكلم كدا ليه و عن مين فهمني.
قالي انا بتكلم عن ليلي بتاعتك دي
قلتله طب هي زعلتك في ايه لو زعلتك في حاجة عرفني
قالي لا مش مزعلاني بس مزعلاك انتا لان اللي انتا بتحبها دي مش من البشر دي من عالم الجن.
انا الصراحه اول مسمعت كدا اترعبت من كلامه مش خوف منها بس خوف اصل الكلام يكون بجد و الحب ينتهي
كل دا كان في لحظات من التفكير و الخوف.
قلتله انتا بتقول ايه
ايه الكلام دا
قالي بقولك ليلي من عالم الجن و انتا بتحب جنييه.
قلتله لا لا لا انتا اكيد تعبان و لا فيك حاجه قالي انا مش تعبان انا بكلمك بجد لازم تبعد عنها و تواجها قبل الفرح لان ممكن تاخدك عالمها لو اتجوزتم وممكن تتحول.
قلتله طب انتا عرفت منين قالي انا سالت شيخ و عرفني كل حاجه عنها و هي من الجن العاشق و بتحبك و مغرمه بيك جسديا و جنسيا علشان كدا كانت بتظهرلك بصورت ضفدعه في الحمام علشان تشوفك عاري منغير هدوم و دا كان هدفها.
بالاضافة انها بتحبك
قلتله انتا متاكد من الكلام ده
قالي تعالى معايا نروح للشيخ و هتعرف كل حاجة المهم نزلنا رحنا للشيخ و قالي كل حاجه عن الجن العاشق و انها ممكن تعمل اي حاجه علشان توصل للي بتحبه و فضل يقولي اعمل ايه علشان تبعد عني و قالي دعاء ادعيه اول مشوفها.
خلصنا كلام و خرجنا انا و احمد و انا موهوم و مزهول من اللي سمعته يعني بعد٣سنين حب تطلع اللي بحبها من الجن
قلت لاحمد انا مش مصدق كلام الراجل دا.
قالي انتا مش مصدق نفسك يا محمد بس دا حقيقه مش خيال
قلتله طيب تعالى نخش على الانترنت و نتاكد قالي ماشي.
بحثنا عن الجن العاشق و من هنا و انا اتأكدت ان ليلى مش من البشر و ان هي من الجن و كمان اللي اكدلي دا انها مكانتش بتظهر بالنهار و عمري مشفتها في النهار و كمان لم بصتلي في المطعم ادتني قوه و خلتني اضرب الناس بقوه غريبه.
و لما بصت لصاحب العربيه اللي كان هيخبطني لما اترعب وجرا.