حب من عالم آخر
(البارت العاشر حب من عالم آخر )
غييرت هدومي و نزلت و ركبت العربيه وقلتلها ازيك يا ليلى قالت ازيك كدا و خلاص وراحت بيساني…
انا مش بحب كدا اصلا بس مقدرتش اكلمها علشان ميكونش محرج ليها…
قالتلي اي اخبارك عامل اي انهارده قلتلها تمام الحمد لله و انتي قالت كويسه.
العربيه مشيت و قالت تحب نروح فين قلتلها المكان اللي تحبيه قالت اوكي هنلف شويه لحد منلاقي مكان مناسب نقعد فيه.
قعدنا نتكلم شويه وكدا و اثناء كلامنا افتكرت القطه اللي كانت على السطح فا قطعت كلامها و قلتلها على اللي حصل قالت انتا متاكد انك شوفتها بتتحرق قلتلها اه قالت طب مسألتش حد ليه من اهل العلم قلتلها سالت شيخ و قالي.
هي قاطعتتي في الكلام و قالت قالك انو جن مش كدا
قلتلها عرفتي ازاي قالت هي واضحه طلاما اتحرقت و بعد الفجر يبقا جن شرير و كان عاوز يأزيك ابن الملعونه دا انا لو كنت معاك كنت هحرق عشيرته بأكملها وصوتها اخشن كدا شويه قلتلها اي يا ليلي مالك ؟
قالت لا لا مفيش اسفه بس انتا ممكن تموت و انا هموت وراك لان مليش غير قلتلها خلاص حصل خير اهو اتحرق.
و فضلنا نتكلم شويه لحد موصلنا في مطعم على النيل قالت اي رايك ننزل هنا قلتلها اوكي المكان شكلو جميل نزلنا و قعدنا في المطعم و الصراحه كان شيك جدا خمس نجوم
طلبنا اكل و اكلنا و بعد مخلصنا اكل قالت انا هقوم اغسل ايدي قلتلها اوكي متتاخريش.
و هي ماشيه الفون بتاعها كان على الطربيزه ورن فرجعت تاني علشان ترد عليه فا و هي راجعه خبطت في واحد كان معدي واد كدا من بتوع الجم واد كلو عضلات.
فقالت اسفه غصب عني قالها مش تفتحي ايه اسفه دي اعمل بيها ايه رحت انا قايم وقلتله ايه يا برنس هي مش قالت اسفه و بعدين غصب عنها فقالي انت ايه دخلك في الموضوع
انت مين يلا انتا قلتلع الولا دا يبقا اللي جابك و لسه بديلو بالبوكس راح صاضد ايدي بأيدو و ضربني هو بالايد التانيه.
الصراحة انا دوخت من الضربه الواد كان قدي مرتين وقعت في الارض لان الضربه جت في معدتي ليقيت ليلى بصتلي قالت حصلك حاجه قلتلها لا قالت طب قوم خد حقك منو و راحت بصالي في عنيا كدا بصه غريبه حسيت ان عنيها بتنور قلتلها حاضر و قومت واقفت راح الواد قالي ايه وجعتك وراح ضاحك.
فرحت مقرب منو و هو لسه بيضرب رحت ماسك ايدو و طبقت عليها جامد انا كنت حاسس ان صوابعه بتتكسر في ايدي وراح نازل ع ركبه و ضربته بالدماغ راحت دماغو جابت دم علطول.
انا مكنتش عارف انا بعمل ايه ولا القوه دي جاتلي ازاي فضلت اضرب فيه لحد ما اغمه عليه و قومت قعدت في مكاني المهم لقيت الناس اتلمو و شالوه و رموه بره المطعم.
و كلو قعد يقول برافو عليك انتا فعلا راجل واللي يقول خلصتنا من قرفو دا كان مفتري.
انا الصراحه فرحت من اللي انا عملتو مع اني مكنتش عارف انا عملت كدا ازاي.
ليلى قالتلي برافو عليك انتا راجل بجد و كبرت في نظري و جبتلي حقي وحقك بس انتا افتريت عليه اوي
بتحبني للدرجادي قلتلها مش حكاية حب بس انا بحبك فعلا
.
المهم كملنا سهرتنا عادي وفضلنا نضحك ونهزر وكدا وقومنا خرجنا من المطعم وركبنا العربيه…