جانٍ بلا وجه

الجزء التاسع عشر

#بقلم_يمنى_عفيف

بعد ساعتين بالمستشفى

الدكتور:ما تخافوا نزل ضغطها للمدام عتاب مش اكثر

زهور~برجاء~:الله يخليك يا دكتور اذا مالها اشي احكيلنا

الدكتور: لأ خالتي ما فيها اشي ما شاء الله عنها

زهور: الحمد لله

…..
حازم: دكتورة كيف وضع راغد بيك؟

الدكتورة:تداركنا الوضع بس كمان للأسف رح يكون عنده عرجه برجله اللي انضرب السكينه فيها لانها اجت بطرف الوتر

…..

بعد اسبوع

انتشرت قصة راغد كلها بالمجلات والجرايد ومواقع التواصل الاجتماعي وانفضح… كثير من المستثمرين فكوا شراكتهم معه… بدت امواله تقل… وعماد ما تحاسب لانه معروف انه مش بكامل قواه العقلية… وعرف راغد خطية عتاب وولادها

….
ببيت تقي

جهاد: يمكن الوقت مش مناسب بس هالاجتماع كان لازم يصير من زمان… عماد حالياً رامي عندي بالمستشفى لاني فهمته كل شي لاقدر اوضحلكم حالته لانه انتو باللي صار من كم يوم عقدتوا الموضوع اكثر…وانتو يا دكاترة المستشفى القديرين عجزتوا تشخصوا مرض مبين وواضح

عتاب:جهاد يا ابني الله يخليك فهمني لاني تعبت لحتى لقيت ابني بدي اعرف كل شي

جهاد:عماد بعاني من الشيزوفرينيا او انفصام الشخصية

راغد~بمسخرة~:وشو اسباب هالمرض يا دكتور؟

جهاد: من هالاسباب الجو الاسري لانه الاسرة شي اساسي بحياة الشخص وعالاغلب بتبدا اعراض المرض بالظهور بسن المراهقة والخلافات اللي مش متزنة بتسبب المرض وكمان في علماء حكو انه في نسبة قليلة من هالاصابات بتصير بأسر مش مضطربة… وما شاء الله عنك يا راغد بيك… ما خليتله لو جزء بسيط من الاسرة

راغد: كمل خلصني بدون حكي زيادة

جهاد:انا بحكي عشان عمتي مش عشان واحد زيك… وكمان
في عامل مساعد للاصابة بهالمرض… العلاقة بين الطفل وامه واذا انحرم من حنانها رح يتأثر بشكل سلبي…حتى لو كان اله اخوة ومروا مع بعض بنفس التجربة بس الاقرب والاكثر تعلق بامه بتأثر اكثر اشي… عدا عن انه الوراثة بتلعب دور لما يكون في حد بالعيلة معه هالمرض رح تلعب الجينات دورها…انا حكيتلكم الاسباب اللي عالاغلب هي سبب اصابة عماد

عتاب: طيب شو عرفك انه عماد بعاني من انفصام الشخصية؟

جهاد: الأعراض…منها الاوهام بتوهم مثلا انه انا بدي اقتله او انه زي ما حكت دكتورته توهم انها زوجته…غير هلوساته بانه حدا رح يحرقه…التفكير غير المنتظم اللي بنستدل عليه من الحديث غير المنتظم بصير يحكي حكي ما اله علاقة بالموضوع ويسأل اسئلة غريبة… وهالاشي يطلق عليه سلطة الكلمات

حازم: كم بده فترة علاج؟

جهاد:مدى الحياة…انفصام الشخصية مرض ما إله علاج

عتاب:كيف؟…لا لا يا ربي

جهاد:عمتي هدا الواقع…بس مع العلاج بتخف حالته

عتاب:طيب كيف بكون الشخص عشان نعرف كيف نتعامل معه

جهاد:بظهر بأكثر من شخصية وبناء عمراقبتي لعماد تبينلي انه بظهر ب4شخصيات:الطيب…المجرم…الحرامي…الكذاب

عتاب:يا ابني بدي تعالجه منيح ما الي بهالدنيا غيره هو وخواته

راغد:وانا وين رحت؟

جاكلين~مصدومة~:راغد انت عارف حالك شو بتحكي؟

راغد:اللي سمعتيه

عتاب:لا ما حزرت…تركتني من سنين وكنت بتعرف انهم حرقونا وما رفلك جفن…ورقتي بتوصلني…جاكلينا او مش عارفة شو اسمك…ما تخافي انا ما برجع للناس اللي بتتركني

…..
بعد 5 شهور

ريف:ماما شو بتعملي؟

عتاب:بجهز بطلبية المعجنات

ريف:يعطيكِ العافية…جهاد بده يجي يتغدى وبعدها نطلع

نسرين:ليش هو كل يوم مداوم عنا؟

عتاب:بس يا بنت…عيب عليك ِ هالحكي…بعدين رامي لسا مبارح كان هون

دخلت ريف عالغرفة وطلعت بعد شوي

ريف:بطل بس حكيتله انه طالعين
……
صارت تغيرات كثيرة خلال هال5شهور

عماد بالمستشفى بتعالج وبستنى تنقضى محكوميته ليطلع…عتاب اتطلقت من راغد…وشرت بيت سكنت فيه هي وبناتها…وصارت تمارس موهبتها بالطبخ والحلويات ليصرفوا على حالهم لجانب الراتب الشهري اللي من حازم… جهاد خطب ريف…ورامي خطب نسرين…حياة مستقرة نوعا ما بعد اللي شافوه…بس لسا نسرين عندها خجل من عتاب…لإنها ما كانت تعرفها وتعرف إنها امها

…….
الساعة7 المغرب

اتصلت أنجيل بريف

ريف:كيفك أنجيلا ؟

أنجيل~بتبكي~:ريف الحقيني تعالي عالمستشفى ما الي غيرك

ريف:شو صاير؟

أنجيل:سالي وبابا عملوا حادث سير

ريف:رح آجي أنا ونسرين عشان سالي مش عشان اللي اسمه راغد

…..
ريف:يلا نسرين…راغد وسالي عاملين حادث

نسرين:والمطلوب؟

ريف:بدنا نروح عشان سالي مش عشانه

نسرين:اذا هيك ماشي…خلينا نقوم

…..
بالمستشفى

أنجيل رامية حالها على كتف نسرين

اما ريف بطبيعتها الحساسة حنّت على ابوها وبقيت تمشي بالممرات وهي بتحاول تمسك دموعها وما تخليهم ينزلوا

أخيرا ً طلع الطاقم الطبي كله من غرفة راغد دفشت جاكلين امها…ومشى حازم لعندهم ببرود…ريف مشت مع أنجيل لعند الطاقم…أما نسرين طلعت تلفونها وصارت تلعب فيه…مع انه من داخلها خايفة عليه…بس منكرة هالشي وبتحاول ما تعترف فيه

حازم:شو دكتور كيف صارت حالته؟

الدكتور:الحمد لله عسلامته…بس شو قصته راغد بيك كل فترة بصير معه حادث

ريف:قضاء ربنا وقدره…يا ريت تحكيلنا كيف صار وضعه

الدكتور:كل شي من ربنا منيح ولخير…ولازم ما نيأس من رحمة ربنا ومـ…

قاطعته جاكلين بسرعة والدموع مغرقة عيونها:يا دكتور احكي بسرعة بدون هالمقدمات

الدكتور:للأسف صار معه شلل بإيده اليسار وما بقدر يحركها لانه العصب تلف

جاكلين~قعدت عالارض~:لاااااااااااا

اما نسرين شعور غريب اجتاح كيانها وصارت دموعها زي حبات المطر…بسرعة تذكرت سالي وانه ما حد سأل عنها…مشت لعند غرفتها وشافت الممرضة طالعة من عندها

نسرين:كيف صارت

الممرضة:الحمد لله منيحة بس عندها شوية كسور ورضوض اضافة لاصابة المكان المسؤول عن الذكريات بدماغها واحتمال تنسى كل شي اما مؤقت او دائم بس هالشي ما ببين لتصحى

نسرين:ماشي شكراً الك حبيبتي

…..
وعند عماد

نادى على جهاد اللي رجع استلم حالته مع صفاء

جهاد:تفضل يا عماد
عماد:صفاء…انت…بشع…تقتل…تشرب دم…من بعيد…عشان توكل من…اكل…عالمطبخ

جهاد:ماشي ما تقلق هسا بشوف ليش حكتلك هيك انت نام وارتاح شوي اتفقنا

عماد:امر…تنفيذ…جهاد…عشان…حكى

…..

صفاء:كيف صارت حالته؟

جهاد:احسن من اول بس للاسف مش تحسن كبير…واخيرا قدرت احدد نوع الانفصام اللي بعانيه

صفاء:شو هو؟

جهاد:انفصام الشخصية الغير مميز…لانه مش من باقي الاصناف لهيك هو من هدا الصنف

صفاء:ان شالله يتحسن…حرام خالتو عتاب ما بتستاهل…كل اللي صار بسبب ابوهم

جهاد:معك حق…حسبي الله ونعم الوكيل فيه…دمرهم…ودمر عمتي معهم

صفاء:ربنا موجود ليوخذ حقهم

….
عتاب بتحكي عالتلفون مع نسرين

عتاب:شو وينكم؟

نسرين:لسا بالمستشفى… راغد هسا صحي ولسا ما عرفنا ردة فعله…ربنا اخذ حقنا

عتاب:ما تحكي هيك نسرين…ربنا فوق…ما بصير نشمت بحدا

نسرين:طيب امي باي شوي وبرجعلك لانه صوت صراخ جاكلين وصل لعندي

عتاب:طيب روحي

راحت نسرين لغرفة جاكلين لتعرف ليش بتصرخ

نسرين:خير ليش يتصرخي مفكرة فش غيرنا هون

جاك:شوي شوي عليها نسرين

نسرين:مش شايفها…هسا خلصيني احكيلي ليش هيك بتصرخي

جاك:هدا وقت السؤال..الخبر اللي سمعته ثقيل

نسرين:ما دخلك حرة انا بسأل اللي بدي اياه…خلصي احكي

#للرواية_بقية
#بقلم_يمنى_عفيف