جانٍ بلا وجه

الجزء السادس عشر

#بقلم_يمنى_عفيف

نسرين:أنا بكون بنت راغد…وأخت عماد

صفاء~مصدومة~:شو؟!…كيف هيك؟…وشو عرفك انه عماد ابن راغد؟

نسرين:حتى انا انصدمت…المهم…خليني أحكيلك عن حالي اول شي ورجاءً ما تقاطعيني وهالسر ما حد بعرف فيه غيرك وغيري واهلي اللي اندفنوا واندفن السر معهم

صفاء:طيب يلا احكي

نسرين:لما رحت عند اهلي عالمستشفى بابا طلب منهم يدخلوني…لما دخلوني لعنده حكالي انه في سر مخبا وامانة لازم احملها وحكالي وين مكان وجود الورقة اللي هي اصلا كل السر…ووصاني ما افتحها او اشوفها غير اذا كنت قد حمل هالأمانة…وانا كنت مفكرة انه شي هين وبقدر احمله

ماقدرت نسرين تكمل حكي صارت تبكي وحطت ايدها عتمها لتمنع شهقاتها تطلع…ضمتها صفاء وعطتها كاسة مي…شربتها وعطتها لصفاء…

نسرين:ما كنت عارفة انه هالامانة رح تكون أثقل من الجبال علي…لما شفته لبابا حكالي انهم اخذوني من خالي…وبوقتها عطاهم شهادة ميلادي الصحيحة…بس همه خبوها وعملولي شهادة جديدة لاكون على اسمهم

صفاء:صدمتيني بصراحة ما توقعت هيك…وعماد؟

نسرين: عماد قصته قصة…شخص ابداً مش مفهوم…بس بعد ماعرفت انه اخي وعنا نفس الام قررت اساعده لهيك اخذت شهادة ميلاده وورق اتجار بالبنات والمخدرات والاسلحة تحت اشراف راغد من عند عماد …واصلا عرفت انه ابن راغد لما شفت هدا الورق

صفاء:والله قصتك قصة يا نسرين

نسرين:رح احلها عن قريب…وبتشوفي

……
اجا الليل وحامل بطياته كثير احداث واسرار
وعند عماد

دخل بفراشه لينام بعد يوم شاق ومتعب…حط راسه عالمخدة وصار بسابع نومه ما حس على شي…انتصف الليل وصار وقت تنفيذ المهمة…دخل صقر عالمستشفى متخفي بحذر وبايده شفرة…اول ما دخل غرفة عماد غطى الكاميرات…وشوي شوي جرح عماد بايده جرح كبير وطلع…

……..

حازم:ميسون

ميسون:نعم؟

حازم:شو رأيك نطلع مع بعض نلف بالسيارة

ميسون:لأ ما بدي بدك تروح روح لحالك…اما انا وصلني لعند جاكلين

حاوم~مستغرب~:كإنه علاقتك بجاكلين متطورة لتروحي عندها الساعة 12 بالليل؟

ميسون:مش رايحة لا اقعد ولا اشرب شاي وقهوة…بدي اجيب سالي وأنجيلا لهون لإنّه اخوك معاقبهم وحابسهن بالبيت بسبب اللي عملوه

حازم:وهدا الصح خليهم يتعاقبوا

ميسون:بدك توصلني والا لأ؟

حازم:اذا هيك بترضي يلا امشي

ميسون:لو تولعلي اصابعك العشرة شمع ما برضى

حازم:مش رح أناقشك لانه ما بعرف شو صايرلك هالفترة

……

سالي:أنجيلا ما حكتلك مرت عمو ليش بدها ايانا

أنجيل:لأ ما حكتلي…بس هيها بدها تيجي توخذنا

سالي:اوف…رح ننفذ من العقاب

……

وبالفيلا تحت

جاكلين:كيفك ميسون حبيبتي

ميسون:الحمد لله منيحة انتو كيفكم شو اخباركم وكيف صحة راغد

جاكلين:منيح…العذرا تحميه

ميسون:جاكلين بدي اطلب منك طلب بس خايفة تفشليني

جاكلين:ولو…عيوني الك

ميسون:تسلم عيونك…بدي اوخذ سالي وأنجيل عندي عالبيت…هنادي بتضل زهقانة وحاسيتها زعلانة بس مش عارفة من شو فبلكي بس تقعد معهم بتفضفضلهم وبترتاح

جاكلين:اكيد انا ما عندي مانع بس راغد معاقبهم عاللي عملوه…رح اسأله واحكيلك

ميسون:ماشي بستناكِ

……
بغرفة راغد فوق

جاكلين:يعني راغد كيف بدك اياني افشلها؟

راغد:حكيت لأ يعني لأ

جاكلين:راغد همه مش رايحين عبيت حدا غريب…عبيت عمهم ومع مرت عمهم

راغد:شو بتنقي يا جاكلين…خلص ماشي خليهم يروحوا

…..

الساعة 3 الفجر

ماشية نسرين بالفيلا الكبيرة وبتضحك بتهكم…رن تلفونها وطالته بسرعة لترد على صفاء

صفاء:وينك نسرين؟

نسرين~بهمس~:مش حكيتلك بدي ابدل انا وممرضة راغد لأعطيه سم بالابرة بدل الدوا

صفاء:نسرين بلا جنون ارجعي عالبيت

نسرين:مابدي بدي انتقم واوخذ حقي

صفاء:نسرين ما تتهوري مهما كان بضله ابوكِ

نسرين:باي

سكرت نسرين التلفون وجهزت السم بالابرة…دخلت على غرفة راغد وتركت الضو مطفي…حاولت تغير صوتها شوي

نسرين:راغد بيك عطيني ايدك لاحقنك بالدوا

مد راغد ايده واول ما مسكتها نسرين حست بتيار كهربا مشى بجسمها…حطت الابرة بايده لتضغط عليها وتبثله السم بجسمه كله

……
بالمستشفى

دخل صقر مرة ثانية وكان عماد صاحي اول ما شافه صاحي ضربه بالسلاح على منطقة حساسة براسه…وقع عالارض وبطل يصحى…صار يركض بالممر وهو بصرخ:عماااااد انقتلللل لحقوووه

وهرب قبل ما يشوفه حد…اما زكريا نقل عماد عالمستشفى واتصل بحازم:الو حازم عماد بالمستشفى ما بنعرف شو صار معه لقيناه بغرفته مغمى عليه

حازم:ما بيجي من وراكم غير المصايب…هيني جاي…اذا بصرله اشي رح اسكر المستشفى كله…~صرخ~:فاااااااااهم

……

ببيت نسرين

صفاء:فهميني لايش عملت ِ كل هالتمثيلية التراجيدية بما انك ما بدك تقتليه

نسرين:ما بعرف يا صفاء ما بعرف لما جيت اضفط عالابرة مابعرف شو صرلي ورميتها على اساس انها وقعت وحقنته بالدوا تبعه

صفاء:لانه بضل ابوكِ لو شو ماصار

نسرين:ما بعرف يمكن…بس الورق اللي معي لصالحي… رح اقدم شكوى فيه…والمقدم مجهول

صفاء:كيف حيصير هيك؟

نسرين:تعالي ورح تشوفي

……

……
للأسف دخل عماد بغيبوبة…ما حدا بعرف وينتا ممكن يصحى منها…حازم مش طايق زكريا ولو بايده خنقه…زكريا خايف على سمعته وسمعة مستشفاه…وجاك بحاول يهديهم ويحسن العلاقة بين كل الأطراف

……
بعد اسبوع

زكريا بمكتبه…اندق الباب…ودخل شب بآخر العشرينات…حكى زكريا بقلبه:شكله الدكتور الجديد

زكريا:اهلا وسهلا نورت…الدكتور الجديد صح؟

الدكتور:صح انا الدكتور الجديد وبتمنى اكون عند حسن ظنكم

…..

عتاب:كيف الجامعه حبيبتي؟

ريف:بتجنن بتجنن قد ما احكيلك يا امي ما رح اوصف شعوري

عتاب:الله يفتح عليك ِ يا روحي

ريف:امين يا امي…قومي خلينا نتغدى

عتاب:يلا

….
بعد اسبوع

حازم طلع بمهمة وما في وقت محدد لرجعته…سالي وأنجيل رجعوا لبيتهم…لانه ما استفادوا لاهمه ولا مرت عمهم بسبب طلعة عمهم بالمهمة

طالع الدكتور من غرفة عماد بصرخ
الدكتور~بصرخ~:اختفى المريييض عماااد اختفى اتصلوا على زكريا العلي وحاااازم العطار بسرعة…المريييض مش موجود بغرفته….تعرررض للاختطااااف

……
وبمركز الشرطة

لابسة نسرين عباية ونقاب وواقفة برا المركز…خايفة من القرار اللي رح تتخذه والتصرف اللي بدها تتصرفه…رجل بتقدم ورجل بتأخر…اخيرا دخلت عالمركز ومباشرة فوتوها لعند المحقق

نسرين~بصوت ناعم كثير ويا دوب ينسمع~:سيدي انا ما بقدر احكي اي شي لانه حياتي رح تتعرض للخطر لهيك تفضل هدا الملف فيه كل الورق اللي بهمني تشوفوه…عن اذنك

المحقق:يا مدام ما بصير هيك

نسرين~بنفس النبرة~:خلص براحتك عطيني الملف ورح اروح

المحقق~زفر~:خلص توكلي عالله والملف رح اشوفه واعرف القصة لاقدر اعالج الموضوع

نسرين:الله يحفظك ويديمك فوق روسنا يا سيدي…مع السلامة

…..
ببيت صغير وبعيد بأطراف المدينة عند الغابة

مرا كبيرة بالعمر وعندها شبين

المرا~زهور~:يلا يا حبيبي افتح تمك لحتى اطعميك

عماد:ما بدي ما بدي

الشب الثاني~جهاد~:يلا يا عماد الله يرضى عليك رد على تيتا لحتى نلعب مع بعض

عماد:عن جد بدك تلاعبني

جهاد:اه بس رد على تيتا

عماد:اه اه موافق تيتا شو بدك بعمل

دق الباب دقة قوية منتظمة

زهور~ابتسمت~:قوم افتح الباب يا تيتا شكله اجا ابوك

جهاد:حاضر تيتا

#للرواية_بقية
#بقلم_يمنى_عفيف