توأمي الخائن

توأمي الخائن الحلقه 8

لايك قبل متقري
رماس:فتحت عيوني ونشوف خلقت طرف قدامي وااك عليا نسحاب روحي نحلم

اذار:انا اذار انتي منو ?
رماس:عرفت انها متحلمش وتعيطت بسوط عاااالي

اذار: حط يده ع فمها …تي اسكتي تفضحينا يامصيبه اسكتي منو انتي

موده:??نسيت نقوله بنت خالته في داره ….اذاااار

رماس:بعددد من ع خليقتي ..بارد كيف مطقش ع الباب قبل متخش
اذار:وعندك عين حتا تتكلمي لابسه بيجامتي وراقده في سريري مصح وجهك
رماس:شافت لي روحها وذكرت انها لابسه بيجامة اذار وتحشمممت وجها ولا احمر

موده:اذااار ?نسيت نقولك بنت خالتك راقده في دارك
اذار:وعلاش انشاء الله داري فندق انا
موده:غير اطلع تو نفهمك
اذار:شاف لي رماس ?
رماس:يلا برا ?

روايات بنووتة الشيخ

رماس:نخلعت في ها الليل بس متوقعتاش يوصل اليوم مش ع اساس يروح بكرا؟؟..لاكن ياحليلي كيف رايح زي العسل?

اذار:اهااا فهمت عليك
موده:هادا باش عطيتها دارك لان دار سندس قاعد روشنها مكسور وكل منكلم بوك يصلحه يلها في الخدمه
اذار:تو نصلحه انا غضوا
موده:يلا توا نفرشلك ارقد في دار الضيوف ومضايقش البنت سادها يلي فيها
اذار:ليش هيا شن فيها تناشب مبكري مشاء الله عليها
موده:نوض وانت متغيرتش قاعده دوتك هلبا

روايات بنووتة الشيخ

محمود:تي امس بس عطيك فلوس انا؟؟!
رهام:به حبيبي صرفتهم في هلبا حجات ناقصتني
محمود:اففف به شوفي فلوس في المحفضه متعي خوذيهم
رهام:سلملي حبيبي اممممواه …ومشت

محمود:حس ان رهام واخذاته ع خاطر فلوسه وبس

ثاني يوم:-

موده:اذاار اذااار
اذار:همم ?
موده:نوض ياسرك نوم
اذار:تمام نايض

رماس:صباح الخير خالو
الهاشمي:صباح الخير بنيتي كيف حالك اليوم
رماس:تمام الحمد الله
موده:وين حمودي
رماس:خليته راقد شوي ونوضه

اذار:صباح الخير
الهاشمي:صح النوم
اذار:سلمك
موده:قعمز افطر
اذار:صباح الخير يابنت خالتي
رماس:صباح النور?
اذار:توقعت نلقاك لابسه وحده من طرحاتي
الهاشمي:شنو قصدك
اذار:امس لقيتها
رماس:???فنصت في اذار
اذار:ههههه خيرك تفنصي متبنيش نقول والله إلاما نقول ?امس لقيتها لابسه بيجامتي
رماس:??‍♀️??‍♀️??‍♀️??‍♀️
الهاشمي &موده:?
رماس:ماهو ياخالي حوايجي مبلولات ???وانا حوايجي في الحوش قاعدين
الهاشمي:صح اي والله مفضيت نجيبهولك يالله تو يرفعك اذار اليوم
اذار:منوووو?اذار قاعد مروحش ره مدخلي في حد انا
الهاشمي:تو يرفعك اذار في سيارته الجديده جيبي حوايجك
اذار:???امتا تبي تمشي
رماس:?????

الهاشمي:انا جوازي طلع وبعد غضوا بنلحق سالم ويسرى
موده:بتسافر?
الهاشمي:اي امس كلمت سالم وقالي علاج امك مطول ويبي ع الاقل شهر وانا لازم نلحقهم منبيش نخليهم بروحهم

رماس:يعني حتا ماما وبابا معطلين
الهاشمي:الباين هكي رماس ومحمد رح يقعدو هنايا ديرو بالكم عليهم واول متنوض امي بسلامه ونروح بندير حفله وعشي ونعزم الناس كلها بمناسبة تخرج اذار

اذار:هئحم??
موده:تمام انشاء الله توصل بسلامه وربي معاك
رماس:يااارب

الهاشمي:المهم بعدين وصل بنت خالتك تاخد حجاتها وبرا لي عمك حافض خوذ منه مفاتح المعرض

اذار:حافض ولا قاعد يراجع ??
رماس:???
موده:??
الهاشمي?بلا تسهويك ياحيوان
اذار:والله انتم اسمائكم غريبه الحق زي اسمي الزفت زمان الصغار يتسهوكو عليا يقولولي شنو يقربلك اغسطس

كلهم:???
اذار:??

روايات بنووتة الشيخ

اسماء:والله رهام من اول مسافرت معادش حتا اتصلت
سعاد:هادي يلي كانت تقول غير ناخده لما نغرقكم بلفلوس معاي?
زهره:خلي تروح بسسس

اذار:دوش ولبس سروال اسود وفانيلية صوف سوداء متع رقبه وجاكيت صاعقه

رماس:لبسة سروال اسود وكبوط عنابي ووشاح اسود

تذار:شن اسمها هيا ؟؟رهااااام رهااام
رماس:وقت قال اسم اختي اذكرتها هيا ومحمود وجي في بالي ياترى توا شنو يديرو وفرحانين؟ضميرها مريحها؟!

اذار:ساعه نادي فيك
رماس:اهو طالعه وع فكره اسمي رماس انا
اذار:اهاا اي منعرفش نفرق بينكم وين اختك حقا
رماس:تعبو عيونها دموع ….منعرفش ونستنا فيك برا ….طلعت رماس

اذار:خيرها هادي
موده:ياغبارتك سيرة اختها معادش تجيبها قدامها
اذار:علاش ماتت؟
موده:ياريت
اذار:شن في
موده:تو نحكيلك بعد تروح
اذار :تمام .

طلع اذار وركب السياره هوا ورماس

روايات بنووتة الشيخ

اذار:احح احم مشاء الله شوارعكم متغيره
رماس:اي
اذار:خيرك منكده انتي
رماس:اناا?
اذار:اي امالا منو قصدي هادا كله ع خاطر تبيني نشوفلك وانا معطيتكش وجه؟
رماس:????
اذار:اي مركز عليك ره لاكن اسف الحق منحبش البنات
رماس:مصح خليقتك انا امتا عبرتك اصلا
اذار:ياودي انتي فرحانه اصلا راكبه مع واحد زيني وخاطرك تصوري جنبي ومش قادره
رماس:وقف السياره يا بايخ والله ننزل
اذار:???ياودي نبصر وانتي ديمه جديات زي عمي عيسى
رماس:???مبردك
اذار:بس قولي الحق انا عاجبك صح ?
رماس:اذااااار?
اذار:???..

ترن ترن ترن
رماس:الو
عفراء:وينك انتي قالبه عليك الدنيا
رماس:طالعه للحوش بناخد شوي حجات
عفراء:اول متروحي كلميني نبيك
رماس:اوكي

روايات بنووتة الشيخ

رماس:وصللنا للحوش ونزلت فتحت الحوش وخشيت

رماس:حوايج الشتي فوق الدولاب الزفت شن بيجيبهم …جبت السلوم وحطيته قدام الدولاب ومقدرتش نركب خفت

رماس:اذاااار
اذار:ها
رماس:تعالا شوي
اذار:شن في
رماس:تقدر تركب تجيبلي الشنطه متع الحوايج
اذار:اما هيا ؟
رماس:فوق الدولاب
اذار:وووونبي مصح وجهك نركب باش شعري تنزل عليه الغيره وتجيه جراثيم وتجيني قشره لا ياماما اركبي انتي لابسه وشاح تو نشدلك السلوم

رماس:حقير?…ركبت رماس واذار واقف جنب السلوم
رماس:مقدرتش تنزل الشنطه ..فقررت تفتح الشنطه تفرغ منها شويه وتنزل الباقي وبعد مفرغت الشنطه شدتها وهيا مفتوحا وجت نازله نزلت رجلها تسحابه في درجة سلوم وبوووووم ✨✨تجي طايحه علي اذار والحوايج طاحو عليهم الزوز…يتبع