توأمي الخائن

توأمي الخائن الحلقه 7

خديجه:كنت عارفه هكي رح يصير من الاول يلي درناه كله غلط في غلط
هاجر:امي خلاص اهدي معندنا منديروله متنكديش عليه في ها اليوم
خديجه:امتا ياخذها ويقلب وجها هوا وياها معاد نبي نشوفهم
احلام:??‍♀️??‍♀️??‍♀️??‍♀️

محمود:ركب داره قعمز قعد يشوف لي الذبله يلي في يده ويذكر شنو صار اليوم بس بعدها ع طول اذكر الفيديو يلي شافه وتغيرت ملامح وجها لي غضب ?

روايات بنووتة الشيخ

الدكتور النفسي؛انتي حاليا يارماس في مرحله لازم تتخطيها
رماس:انت عندك توأمك
الدكتور:نعم؟
رماس:عندك توأم يكون نسخه منك شخص تاني مرايتك نفس شكلك بزبط ويخونك ….هههههه تخيل انت تخون في روحك?تتخيل تي علي اي مرحله تتكلم انا قلبي محروق وربي ?
الدكتور:??…خخ خ خلاص رماس اهدي اهدي رح نأجلو جلستنا لبكرا

روايات بنووتة الشيخ

تمر الاسابيع ورماس ذاااابله وحتا الجامعه وقفتها وديمه سارحه اما رهام كانت اسعد بنت في الدنيا هيا وعماتها يلي فرحانين بي الفلوس ويوتو لي العرس اما يسرى كان قلبها يتقطع ع بنتها رماس يلي ادمرت وعلي رهام يلي ولا كأن بنتها ومفروض في يوم زي هادا تكون جنبها ?وسالم يلي بموووت قهر من بنته رهام وجدها يلي مساعده في كل شي ومبروكه جدت رماس وخالاتها قريب يهبلو من يلي داراته رهام في اختها والكل يحكي ان رهام من صغرها تغار من رماس

بعد مرور شهر :-

رماس:راقده بعد خذت منومات قويه عشان قدرت ترقدها لي لحضات

سالم:اليوم حفلتها?
يسرى:??اي نعلم
سالم:ليش البنت هادي عكس اختها رغم انهم توأم
يسرى:معرفتش ليش كأنهم مش طالعين من نفس البطن والله
سالم:مش راضي عليها
يسرى:لا ياسالم متقولش هكي رماس ربي رح يعوضها
سالم:قاعده ادافعي عليها
يسرى:في النهايه هيا بنتي الله غالب وانا ام ?
سالم:ااااااه يارب

روايات بنووتة الشيخ

في القاعه:-

طبعا قاعة الفرح كانت من ارقى ما يكون ✨✨وفخممه
عمات رهام كانو قريب يوصلو لا الثريه متع الضي من فرحتهم ورقيصهم
بس الناس طول الوقت يسألو وين ام العروسه واختها بس مفيش رد !!!

دخلت رهام القاعه وكانت طالعه زي الملكه بي الڤيلو الفخم تمشي بي الشويه ع الزفه لين وصلت
للكوشه قعمزت وهيا طووول الوقت مبتسمه
اما محمود فكان فرحاان ويرقص مع صحابه ويهيج

روايات بنووتة الشيخ

يسرى:رموسه تعالي تعشي
رماس:مخاطريش بنرقد
يسرى:صكرت الباب وهيا متضايقه ?

رهام:ليش محمود ميبيش يخش
هاجر:امي قتله متخشش لي القاعه خايفه من العين
رهام:قلبت عيونها وناضت عشان تروح مع محمود
هاجر:خزي لا اسلوب لا منطق

خديجه:واقفه من بعيد تشوف لي رهام …انا البنت هيا قلبي مش مستريحله مش زي اختها نهائي
احلام:اهم شي ولدك يبيها فكينا من المشاكل يا امي قدام الناس

في السياره:-
محمود:اخيرا يا معذبتيني انتي ??
رهام:نتحشم?
محمود:حليلي منك انا

روحو محمود وكانت ليلة ذخلتهم في الفندق وتاني يوم من الصبح سافرو لي المانيا ✈️✈️

روايات بنووتة الشيخ

بعد مرور اسبوعين:-
رهام :عايشه احلا ايام حياتها هيا ومحمود
اما رماس فكانت حالتها الونفسيه كل يوم تتحسن ع اليوم يلي قبله

الساعه9في الليل:-
يسرى:لا إله إلا الله ?والله مقادره نصبر يا سالم خلاااص
سالم:اهدي غير نفهمو الموضوع
يسرى:موضوع شنو كله واضح ??
رماس:خيركم ?
سالم:خالك احمد دار حادث هوا وحناك مبروكه احمد كويس بس حناك تاعبه هلبه وفي العنايه
رماس:????ياربي انشاء الله خير?

يسرى:هيا نوض يا سالم
رماس:استنو جايه معاكم
سالم:لالا انتي خليك مع حمودي راقد تو نروحو ونطمنوك
رماس:به ربي معاكم
سالم:ديري بالك ع روحك ومتفتحيش لي حد
رماس:به

بعد مرور ربع ساعه :-
عفراء:الوو
رماس:هلا عفوره
عفراء:وينك يابلوه مصكره فيس
رماس:عقلي مش معاي بكككل تعرفي حنينه مبروكه دارت حادث وفي العنايه
عفراء:انشاء الله متشوف شر طمنيني عليها
رماس:انشاء الله

في المستشفى:-
الهاشمي:عملية امي مستحيل نلقو دكتور يخش عليها هنايا ضرووري في الاردن
يسرى:به نسفروها
الهاشمي:احمد تاعب وانا منقدرش نسافر جوازي طايح ويبي اقل شي شهر عشان يطلع
يسرى:الحل?
سالم:انا نمشي معاها
الهاشمي:اصلي يا نسيبي عارفك بري يا يسرى انت وسالم ورماس ومحمد رح نخليهم عندي وانا لو حصلت واسطه وطلعت جوازي رح نلحقكم طوول

سالم:تمام بكرا انشاء الله نرفعوها رح نخطم نشوف الرحلات ونحجز
يسرى:انشاء الله

روايات بنووتة الشيخ

يسرى:وهادا يلي صار سلم بنتي ديري بالك ع خوك لين نروحو
رماس:كيف صار هكي كل شي بسرعه ?
سالم:الله غالب يابابا هادا مرض والمرض ميستناش
رماس:انشاء الله ربي يشفيها وربي يحفضكم وحضنت امها وبوها

ثاني يوم :-
سعاد:تمشو وتجو بسلامه?
يسرى:تسلمي
زهره:وليش يعني رح تخلي رماس ومحمد عند خالهم نحنا مش ثقه ولا كيف
يسرى:لا مش هكي بس خالهم طلبهم
اسماء:اوكي اريح
سالم:يسرى اطلعي فكينا

الهاشمي:اهلا اهلا رموسه
رماس:اهلين خالي كيف حالك
الهاشمي:الحمد الله اوووو حمودي البطل
محمد:خالي ?
الهاشمي:شن الجو
محمد:حد الله
العاشمي:هههههه مشاء الله …يلا اركبو

ومشو للمطار طبعا رماس ودعت امها وبوها بي البكي وبس

يسرى:ديري بالك من خوك وديري بالك ع روحك وخليك قويه معش تتأثري من كل شي
رماس:انشاء الله وكلموني كل يوم متنسوش
سالم:انشاء الله
رماس:حضنت امها وبوها

روايات بنووتة الشيخ

الهاشمي:تفضلي رموسه الحوش حوشك
رماس:تسلم ياخالي
موده:رمووسه كيف الحال حبيبتي
رماس:اهلين مرت خالو ..الحمد الله وانتي
موده:بخير ..حمودي العسل امممواه سلم ها العوينات يا ربي امممممموا
الهاشمي:ياسرك راك تزمطي الولد وبري حطيلنا الغدي
رماس:هههههه
موده:به تو نحطلكم ونشد حمودي بعدين ناكله
محمد:???

روايات بنووتة الشيخ

رماس:قعدت في حوش خالي يلي يعامل فيا زي بنته واكتر ومرته موده يلي مخلتنيش نحس بي غياب امي ومتررريحه معاهم

بعد مرور اسبوع :-
رماس:كل يوم نكلم في بابا وماما وحالتي تحسنت الحمد الله بس مره مره نذكر محمود ونبكي باني قاعده نحبه ?

ترن ترن ترن
موده:الووو
سندس:هلا ماما كيف الحال
موده:الحمد الله وين ها الغيبه معاد جيتي
سندس:والله إلا حاصله يا امي مع الفروخ
موده:هههههه به كويس لاكن غضوا جمعه ضرووري تجي
سندس:اكيد المهم امي لازم نقولك
موده:انشاء الله خير
سندس:بالله عليك متوضحيش قدام بوي لو جنبك
موده:باهي ادوي
سندس:ادار بكره مروح لان خلاص تخرج وبيديرها لي بوي مفاجأه
موده:روروروروروروروي ???اخيراااااا مش مصدقه
رماس:???
سندس:اي الحمد الله يا امي بكرا بيروح بس متقوليش لي بوي
موده:به تمام صكري خلي نوتي كل شي
سندس:ههههه به تمام

طبعا ادار يكون ولد خال رماس يعني ولد الهاشمي وموده كلكم تسألو شنو معنى اسم أدار وليش سموه هكي؟

لما الهاشمي تزوج موده قعد7سنين مدارش صغار وكل الدكاتره يقولو مفيش امل بس شاءقدر ٍ وتحمل شهر 3 يلي هوا شهر أذار كانت موده تسمي فيه شهر الحب لانها تعرفت علي الهاشمي شهر 3وتزوجو في شهر3 فسمو اول بيبي يجيهم اذار وطبعا بعدين جابت سندس

رماس:انشاء الله خير مرت خالي ؟
موده:ادار بيروح اخيرااا تخرج وليدي روروروروري
رماس:الحمد الله انشاء الله يوصل بي السلامه يارب
موده:انشاء الله

وقعدت رماس تسلعد في موده وتو حلويات ولمعو الحوش وكل شي

رماس:تو ننقل حجاتي من غرفة ادار اكيد يبي غرفته
موده:لالا مش وقته توا خليه يروح وبعدين ساهل

رماس:طبعا خديت غرفت اذار لان غرفة سندس قبل متتزوج روشنها مكسور انا اذار هادا ولد خالي ليه 10سنين برا البلاد يمكن روح مره او اثنين ومشفتاش اصلا

رماس:يلا تصبحي ع خير مرت خالي رقدت حمودي توا خلاص نعست
موده:وانتي من اهل الخير

رماس:خشيت للغرفه بنغير حوايجي وطبعا حوايجي يلي جبتهم مبلولات وخالي كل مايبي يرفعني نجيب باقي حوايجي ميصيرش يطلع عنده خدمه

وقفت قدام دولاب اذار فتحته لقيت بيجامته قديمه ليها 3قرون و70عام ?قلت يلا محد رح يشوفني لبستها وخديت حوايجي المبلولات وحطيتهم ع الدفايه ورقدت

طق طق طق
موده:منو جاينه في ها الليل
الهاشمي:الله اعلم …وناض فتح الباب
موده&الهاشمي:????

اذار:بوي الحلو مشااااء الله كبرت
الهاشمي:اذاااار حضنه وقعد يبكي
موده:جت تجري حضناته??
الهاشمي:خيرك مقلتش مروح
اذار:قلت نديرها مفاجأه
موده:مشاء الله ع وليدي
الهاشمي:خش ياحيوان تو نوريك توصل ومتقوليش
اذار:حيوان?مشاء الله ع الاستقبال

في الصالون وبعد حديث طووويل عريض وحضن من امه وبوسات :-

الهاشمي:اذار ان….
اذار:الدكتور اذار لو سمحت?
الهاشمي:شنوو?
اذار:اي اي لو مش مصدق استنا شوي ….وهاادي الشهاده
الهاشمي:??تعالا لي حضن بوك يا حيوان
موده:???
اذار:حتا بي شهادتي حيوان ?ياسر من البكي حسيت روحي في عزاء بوي
الهاشمي:تفاول لي بوك ياحيوان
اذار:ههههه ياودي نبصر وانت بكل خليك دسباسيتو
الهاشمي:نوض ارتاح ياحيوان اكيد تاعب
اذار:مش عارف امتا بتنحي الافاض الحيونيه من قاموسك يا بوي ?هي خلي نمشي نرقد بالله ..وناض

اذار:هلا ?هئحم طبعا تكلمو عليا هلبا في الروايه مخلونيش حتى نعرف بي روحي سحيقه المهم انا ليا هلبا هلبات متهبلات سنين نقرا برا طبعا في البدايه صعت ومقريتش بس بعدين بوي النصاب لعب في عقلي وقالي لو تتخرج تاخد معرض سيرات ?شديت في قرايتي وتخرجت اهيرا ورجعت انا مراصفاتي طويل شعري وحواجبي ع الاسووود طبعا اسود من مستقبلي وعيوني تبارك الله خضر زي خلاتي اخخخ ياريتهم طلعو زرق وقهرتهم المهم انا وبكامل قوتي العقليه ومن الاخير طرف الله يبارك ومواليدي 90ومتسألونيش قداش مكلم بنت لاني معنديش في الجو هادا

الله واكبر ?وال19البنت يلي خشو حياتك ؟؟

اذار:صكر فمك ياضميري معش تكذب ع الناس????

اذار :فتح باب داره ويشوف رماس راقده ع سريره ولابسه بجامته ..??هادي بنت ولاعيوني قعدو في المطار??وقرب من رماس

اذار:هادي بيجامتي لما كنت عبيط زاد قرب من رماس

رماس:فتحت عيوني ونشوف خلقت طرف قدامي وااك عليا نسحاب روحي نحلم

اذار:انا اذار انتي منو
رماس:عيطت بسوووط عاااي مخلوعه ??
اذار:حط يده ع فمها تي اسكتي تفضحينا يامصيبه اسكتي منو انتي ….يتبع