توأمي الخائن

توأمي الخائن الحلقه 5

محمود:الولد يلي في الفيديو وين نلقاه نبي نتأكد ?
رهام:حقك ليش لا الورقه هادي فيه المحل يلي يخدم فيه
محمود :تمام

رهام:روحت الحوش وطبعا كانت في قمة سعادتها وفرحانه اما محمود فكانت النار في عيونه

محمود:في شخص اسمه حيدر يشتغل هني؟
عماد:ياحيدررر حيدرررر
حيدر:نعم
عماد:تعالا الاخ يبيك

حيدر:تفضل
محمود:اخذ حيدر ع جنب…..نسألك وجاوب متردش عليا بسؤال لاني احتمال مدفنك في مكانك
حيدر:تي شن فيه ومنو انت
محمود:تعرف رماس
حيدر:اي تكون حبيبتي ..هيا في الواقع مش حبيبتي بس اهو مدايرها بي الجو ليش انت تزبطها
محمود:??اخر مره وين تلاقيتو
حيدر:في شقة صاحبي علااش
محمود:سيب حيدر وركب السياره بسررررعه

يسرى:اهلين وليدي كيف الحال
محمود:الحمد الله ?تمام وين رماس
يسرى:نحنا قاعدين في المصحه والله رماس مريضه
محمود:في اي مصحه
يسرى:مصحة الموده
محمود:تمام جايكم
يسرى:ع سلامتك

سالم:خيره؟
يسرى:مسكين خاف علي رماس وجاي في الطريق
سالم:ربي يحفضهم لبعض انشاء الله
يسرى:يارب

روايات بنووتة الشيخ

هاجر:امي شنو محمود معش قالك شي ع العرس
خديجه:علمي علمكم هوا الايام هيا متفركش اشبح شنو صاير معاه
احلام:ياريته يحدد موعد ت الاقل في هلبا حجات عجبتني انا وهاجر نبو نحجزو فيهم نديروهم في العرس
خديجه :يصير خير تو يروح ونشوف اميته وين تصب
هاجر:انشاء الله

محمود:كيف الحال ياعمتي
يسرى:اهلا ياغالي الحمد الله كيف حالك انت وميمتك
محمود:بخير وين عمي سالم؟
يسرى:طلع يجيب في قهوا يعدل بيها راسه
محمود:به تمام وين رماس
يسرى:خشلها اهي في الدار
محمود:تمام ..خش لي الدار وصكر الباب ورماس كانت ياذوب مصكره عيونها

محمود:رماااس?
رماس.فتحت عيونها ?كنت عارفاتك رح تجي❤️
محود:شد يد رماس ورماس كانت بطير من الفرحه لدرجة انها نست مرضها وناضت قعمزت بعد شوي تفاجأت بي محمود ينحي في الذبله من يدها

رماس:ليش تنحي فيها حبيبي ?
محمود:اخذ الذبله ولوها في الكناسه
رماس:خيرك شن في ????
محمود؛لان مستحييييل وحده خامره فاسده زيك تخش حوشي وتكون ام صغاري
رماس:عيونها دموع …محمود انت شنو تقول تبصر صح ؟؟؟جاووووبني خيرك
محمود:من اليوم انا فسخت وكل واحد يمشي في طريق ولاني ولد ناس نبيش نفضحك ..حقيره وطلع وسكر الباب وراه

سالم:اوووو محمود شن جو
محمود:تمام بخير ياعمي انا مروح مستعجل شوي

سالم:خيره وجها ميتفسرش
يسرى:علمي علمك
سالم:خشي شوفي رماس
يسرى:به

روايات بنووتة الشيخ

رماس:مقعمزه لاتبكي ولا تضحك مقعمزه تشوف لي يدها يلي كانت فيها الذبله
يسرى:شنو رماس خيره خطيبك
رماس:بدو ينزلو الدموع من عيونها …اااءء ءء اي خطيب اي خطيب امي اي خطيب تحكي عليه ??وبدت تبكي
يسرى:خيرك رماس شن فيه
رماس:????
يسرى:خلاص اهدي كله ينحل خلاص

روايات بنووتة الشيخ

محمود:في سره …جت منها الحمد الله حسيت بروحي معش تقبلتها اففف هم ونزاح من ع قلبي …وخش للحوش

خديجه:اهلا اهلا وينك لاتوا هادا كله علم
محمود:اااه نحس في روحي تاعب في غدي؟
خديجه:اهو موتياته تعالا كول بنحكي معاك اصلا
محمود:شنو فيه
خديجه:خلاص يا وليدي توا حوشك واتي والامور كلها تمام حدد موعد العرس خلي نلهو بيه ونحضروله

هاجر:اي راهو حاطه عيني ع قفطان نبي نشريه قبل مياخذوه

محمود:لالا مفيش لا عرس ولا شي
خديجه:كيف؟!
محمود:فسخت اليوم
خديجه&هاجر&احلام:????
خديجه:خيرررك انت شنو بنات الناس لعبه
محمود:لا لعبه ولا شي بس لقيتها مش مزبوطه
احلام:بالك متلخبط من توأمها رهام هيا يلي مش مزبوطه
محمود:لا والله ياريتها رهام ع الاقل رهام مش من تحت لتحت بالله يلي تسحابه موسي يطلع فرعون معادش نجيبولي سيرتها نلقا خير منها ونخطبها

خديجه:ياربي بس من وين تجينا ها المصايب

روايات بنووتة الشيخ

الدكتور:نقدر نكتبلها خروج والف لاباس
سالم:الله لا يوريك باس

روحت رماس ودموعها منشفوش من البكي وقريب تعبل خشت دارها بعد مقالت لي امها وبوها انه محمود فسخ وخلاص معادش يبي

سالم:كيييف هوا يفسخ الخطبه بدون علمنا ميقولش فيه تريس ???تو نكلمه ها الحيوان ونوريه مستواه
ومتس:بابا بالله عليك معاد تكلمه ولا تجي في طريقه بالله عليك ?نبيشي يحس ان نحنا ميتين عليه
سالم:به ليش فسخ هوا شنو السبب
رماس:خافت تقول السبب يلي سمعاته من محمود…منعرفش بس هادي رغبته

يسرى:حضنت رماس انشاء الله يابنتي ربي يجيبلك نصيب خير منه وانتي صغيره والف واحد يتمناك
رماس:انشاء الله ?

سالم:بري ارقدي ورتاحي شوي وياسرك بكي
رماس:به

خشت رماس غرفتها وقلبها يتقطططع وتبكي بصوت واااطي وتتصل بي محمود ومحمود انتضار ولا معبرها

رهام:نسمع في صوت انتضار منو هادا شادها في جرتك
محمود:مدوريشي فوتيه
رهام:رماس صح؟اي حقا احكيلي شنو صار معاك
محمود:فسخت الخطبه اليوم
رهام:????????كانت فرحتها لااااتوصف وخلاص ضمنت انه محمود ليها …والله سخفتني بجد انت متستاهلش هكي
محمود:عادي الدنيا نصيبات
وكملو هدرزه

بعد مرور اسبوعين:-
رماس:ضعفت حالتها وذبلت من البكي والحزن وتشوف في محمود يتجاهل فيها وهيا مش عارفه السبب وطبعا رهام وعمتها كلهم تشمتو فيها لان محمود سيبها اما رهام فخلت محمود يتعلق بيها وخلاته يتوهم ان هيا كويسه ومفيش منها

تمر الايام والشهور زي بعض علي رماس لغاية مجاها خبر صدمها هيا والحوش كله ….يتبع