تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩ 37

?الفصل السابع والثلاثون?

فى المصحه

فاق ادهم من نومه وحس بحاجه على صدره بيبص لاقه داليا نايمه على صدره ابتسم ومشى أيده على شعرها ونزل بيها على وشها ومشى صوابعه على شفايفها داليا حسيت بيه فتحت عيونها وبصت ليه بكسوف وقامت قعدت رجعت شعرها وراه ودنها وقالت

داليا :- بأحراج احم ع.ع.عامل ايه دلوقتى
ادهم :- ليه قومتى خليكى زى ما انتى
داليا :- وقفت وقالت ا.ا.انا مش عارفه عينى راحت فى النوم ازاى
ادهم :- انا لو اعرف انك هتنامى فى حضنى كده كنت فضلت صاحى ومفوتش عليا اللحظه دى
داليا :- ا.ا.انا هروح اوضى ومشيت لحد الباب
ادهم:- قام راح عندها ووقف قصادها ومنعها تخرج
داليا :- رفعت راسها ليه وبصت بأستغراب وقالت خير يا ادهم
ادهم :- داليا انا عارف انك صعب تنسى كل اللى حصل فيكى منى بس ادينى فرصه احاول انسيكى الماضى ده ونبدأ مع بعض صفحه بيضه من جديد
داليا :- كانت مصدومه من اللى بتسمعه ومن عزم الصدمه كانت مش عارفه ترد عليه
ادهم :- فكر عدم رد داليا ليه أنها مش موافقه تديله فرصه وحس أن كبريائه اتجرح لف ضهره ليها وقال بعصبيه براحتك يا داليا تقدرى تروحى على اوضك
داليا :- مش قادره تفهم ايه سبب تغيره المفاجئ ده راحت واقفت قصاده وقالت بأستغراب انا مش فاهمه منين بتطلب منى اسامحك وننسى الماضى ونبدأ من جديد ومنين اتغيرت فى ثانيه ورجعت تانى ادهم بتاع الماضى انا حاسه ان انا بتعامل مع شخصين حاسه ان انت عندك انفصام فى الشخصيه مره تكون طيب وحنون ومره تكون قاسى متملك
ادهم :- غمض عينه وقال روحى على اوضك يا داليا روحى
داليا :- هههه حسيت لو لثانيه واحده انك اتغيرت وبقيت بنى أدم زينا بس طلعت غلطانه وانت زى ما انت متكبر ومغرور وهتفضل كده علطول يا ادهم وخرجت من الاوضه وسابته وهى دموعها على خدها
ادهم :- داس على سنانه وقال غبى نزلت من نفسك وكبريائك لما طلبت منها الرضا وضحك وقال يعنى كنت مفكر لما تروح تقولها سامحينى هتجرى على حضنك وتقولك بحبك فوق يا ادهم مفيش واحده تستاهل وبص من الشباك وسكت ومقالش ولا كلمه تانى
~•~•~•~•~•~•~•~•~•~•~•~•~•
اشرقت شمس نهار يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها بصت فيه لاقته رقم أكرم ردت عليه وسمعت صوت أكرم بيقولها

أكرم :- صباح الخير يا حبيبتى
فاطمه :- صباح النور استنيت تتصل بيا امبارح متصلتش
أكرم :- معلش يا حبيبتى من ساعة ما أدهم ساب ليا كل حاجه والمسئوليه بقت مضاعفه عندى ومبقاش عندى وقت حتى امسك الفون
فاطمه :- صح صحيح الكلام اللى بيتقال ده
أكرم :- كلام ايه
فاطمه :- أن أدهم هنا فى مصر فى مصحة الإدمان مش زى ما انت بتقول عنده شغل ومسافر بره مصر
أكرم :- اتوتر وقال عرفتى منين
فاطمه :- الناس كلها مبقاش عندها كلام غير فى الموضوع ده
أكرم :- ايوه يا فاطمه صح
فاطمه :- وليه مقولتش ليا من الاول كده
اكرم :- علشان ده موضوع كبير ويطول شرحه يا فاطمه
فاطمه :- وهو فعلا ادهم كان بيتعطى مخدرات يبقى هو اكيد اللى خلى داليا مدمنه
اكرم:- بعصبيه ليه متجوزه زعيم عصابه؟؟ ادهم ضحيه زى داليا بالظبط الاتنين ضحية الحقد والجشع والجرى وراه الفلوس
فاطمه :- ازاى مش فاهمه ممكن توضح ليا اكتر
أكرم :- مش وقته يا فاطمه هبقى احكيلك بعدين المهم دلوقتى جهزى نفسك علشان هوديكى عند داليا المصحه تتطمنى عليها
فاطمه :- بفرحه بجد
اكرم:- ايوه بجد يا فاطمه انتى اى حاجه تطلبيها منى انفذها ليكى علطول
فاطمه :- بحب ربنا يخليك ليا
أكرم.:- بحب ويخليكى ليا وتتفضلى منوره حياتى يلا قومى يا عمرى اجهزى
فاطمه:- حالا باى وقفلت السكه مع اكرم وقامت بفرحه دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وقالت صباح الخير
ام فاطمه:- صباح النور رايحه فين كده يا بنتى
فاطمه :- بفرحه اكرم هيخدنى عند داليا علشان اشوفها واطمن عليها
ام فاطمه :- اه يا عين امها اللى حصلها ده مش شويه ربنا يشفيها ويرجعها بألف سلامه
فاطمه :- يارب يا ماما وبصت حاوليها وقالت امال فين ممدوح مش باين يعنى
ام فاطمه :- خرج من صباحية ربنا معرفش راح فين
فاطمه :- بأستغراب هيكون راح فين ده من امته وهو بيصحه بدرى كده وينزل الموضوع فيه أن
ام فاطمه :- الله اعلم يا بنتى
وفى الوقت ده تليفون فاطمه رن برقم أكرم بصت لامها وقالت
فاطمه :- اكرم بيرن عليا انا نازله
ام فاطمه :- ماشى يا حبيبتى وسلميلى عليه وعلى داليا
فاطمه :- وهى رايحه عند الباب حاضر يا ماما يوصل وخرجت من الباب نزلت لاقت أكرم واقف بالعربيه وبتعدى الشارع علشان تروح عند اكرم عربيه واقفت وشدت فاطمه جواها وطلعت تجرى
أكرم :- اتصدم لما شاف كده ركب عربيته وطلع يجرى وراه العربيه دى بس مع زحمت العربيات اختفت العربيه ومبقاش ليها اثر وقف ونزل من عربيته وقعد يخبط برجله فى العربيه وسمع صوت تليفونه مسك لاقه رقم غريب رد وقال مين
المتصل :- علشان تعرف تلعب مع الكبار مراتك معانا سمعت الكلام هتكون عندك سليمه عند وركبت دماغك هتكون عندك جثه
أكرم :- انتو مين يا ولاد الكلب ودينى ما انا سايبكم ولو حد مس شعره من مراتى اقسم بالله هقتله
المتصل :- هههههههههه براحه على نفسك يا حلو هكلمك تانى بليل وهقولك المطلوب منك وهتنفذه بالحرف ولو فكرة تبلغ الشرطه يبقى انت اللى جنيت على نفسك سلام مؤقت يا حلو وقفل السكه
أكرم :- الو الو رد يا حيوان يا ولاد الكلب يا ولاد الكلب وربنا ما هرحمكم انا عرفت مين وراه كل ده ولو طلع صح اللى فى دماغى هيكون اخر يوم فى عمرك وركب عربيته ومشى بيها بسرعه جنونيه
~•~•~•~•~•~•~•~•~•~•~•~•~•
فى الصعيد

في بيت محسن

صحيت ميرفت من نومها على مغص شديد فى بطنها وصرخت بصوت عالى هز اركان البيت سمعت صوتها منيره جت تجرى عليها ودخلت قعدت جنبها على السرير وقالت بخضه

منيره :- مالك يا بنتى
ميرفت :- بدموع مغص جامد اوى يا خالتى
منيره :- مغص طيب فيه دم نزل منك ولا حاجه
ميرفت :- بألم معرفش
منيره :- طيب قومى يا بنتى شوفى كده
ميرفت :- لسه بتقوم من على السرير سمعت صوت صريخ منيره بتقول
منيره :- بصريخ انتى شكلك بتسقطى يا بنتى انتى غرقانه فى دمك
ميرفت :- بدموع والم لالالا انا عايزه العيل ده ابوس ايدك يا خالتى الحقيه متخلهوش ينزل
منيره :- يا بنتى وانا ايه يعرفنى فى الحاجات دى انا هتصل على عمك محسن يجى يخدنا بسرعه المستشفى
ميرفت:- بدموع بسرعة يا خالتى بالله عليكى بسرعه
منيره :- خرجت تجرى من الاوضه وبلغت محسن باللى حصل وقفلت معاه
ميرفت :- وهى حطه ايديها على بطنها ودموعها نازله منها قالت يارب متحرمنيش منه ده هو الامل الوحيد اللى عايشه دلوقتى علشانه هو الامل اللى ادانى طاقه اكمل الحياه بيه هو العوض عن كل حاجه حصلت ليا فى الدنيا دى يارب متوجعش قلبى وتخدوه منى بعد ما حلمت اشوفه والمسه ما بين ايديا وفى الوقت ده دخلت منيره وقالت
منيره :- قومى يا بنتى معايا اشطفك واغيرك هدومك عمك محسن جاى حالا
ميرفت :- بتعب يجى بسرعه ارجوكى يا خالتى انا عايزه البيبى ده اعملوا اى حاجه ومتخلهوش ينزل ابوس ايديكم
منيره :- بدموع لا حولا ولا قوة الا بالله قومى يا بنتى معايا إن شاءالله خير وقامت ميرفت مع منيره شطفتها وغيرت ليها هدومها وبعد وقت قصير جدآ وصل محسن بالتاكسى بتاعه واخد ميرفت ومنيره وراح بيهم المستشفى ودخلوا يجروا على اوضت الكشف وخرج محسن ومنيره من الاوضه ينتظروا وصول الدكتوره علشان تكشف على ميرفت
منيره :- بدموع الوضع كده بقى صعب يا سى محسن لازم نبلغ جوزها أن مراته حامل ولازم يبقى جنبها فى الوقت ده
محسن :- يا منيره انتى نسيه أننا وعدنها ان محدش فينا هيبلغ جوزها بحاجه
منيره :- يا سى محسن الكلام ده من وراه قلبها احنا عايزين نعمل خير وده ولا حرام ولا عيب
محسن :- سكت وقال لو عرفت ممكن تمشى وتسبنا واحنا ما صدقنا ان لاقينا حد يعوضنا عن غياب ولادنا
منيره :- هى هتمشى على بيت جوزها اكيد مش هيسبها وهى هتفرح بكده وبالنسبه لينا يا سى محسن زى ما بنتمنا أن ولادنا يعيشوا مبسوطين فى بيوتهم نتمنا برضه لميرفت تعيش مع جوزها سعيده ومبسوطه بدل العذاب اللى هى فيه ده صح ولا ايه
محسن :- سكت شويه وقال عندك حق هطمن عليها وهروح أسأل فى القسم عن الظابط اللى اسمه حمزه وهبلغه كل حاجه عنها وربنا يسعدها ويريح قلبها علطول
منيره :- عين العقل يا خويه احنا كبار وفاهمين مصلحتها اكتر منها وفى الوقت ده جت الدكتوره ودخلت كشفت على ميرفت وخرجت من الاوضه
منيره :- باللهفه خير يا دكتوره طمنينى
الدكتوره :- ربنا يعوض عليها ربنا مش رايد أن الحمل ده يكمل
محسن :- بصدمه سقطت
الدكتوره :- ايوه البيبى نزل عن اذنكم
منيره :- بدموع يا قلب امك يا بنتى ملحقتيش تفرحى بيه دى كانت هتموت وتشوفه لا إله إلا الله اللهم لا أسألك رد القضاء ولكن أسألك اللطف فيه
محسن :- أن لله وإن إليه راجعون لا حولا ولا قوة الا بالله ادخلى ليها يا منيره زمانها منهاره جوه وانا هروح ابلغ جوزها بكل حاجه
منيره :- مسحت دموعها وقالت حاضر يا سى محسن وفتحت الباب ودخلت لاقت ميرفت قاعده وبتبص قصادها وسرحانه ومفيش دموع نازله من عينيها قربت منها وقالت معلش يا بنتى ربنا يعوضك بأحسن منه إن شاءالله
ميرفت :- سرحانه ومش بترد عليها
منيره :- يا بنتى بلاش السكوت ده اصرخى عيطى طلعى كل اللى جواكى
ميرفت :- ساكته ومش بترد عليها
منيره :- يا بنتى ردى على خالتك بلاش تسبينى اكلم نفسى كده
ميرفت :- ممكن مايه
منيره :- حاضر يا بنتى ولسه بتجيب ليها المايه من جنبها
ميرفت :- لاء مش عايزه مايه من دى عايزه مايه مقفوله ارجوكى يا خالتى
منيره :- حاضر يا بنتى من عينيا وخرجت سابتها فى الاوضه وراحت اشترت ليها المايه ورجعت تانى خبطت على الباب ودخلت بس ملاقتش ميرفت على السرير استغربت وخرجت تدور عليها وشافت الممرضه وقالت ليها لو سمحتى فين المدام اللى كانت فى الاوضه اللى هنا
الممرضه :- انو اوضه
منيره :- بتاعة الكشف يا بنتى هى كانت حامل والعيل نزل
الممرضه :- اه اه دى لسه ماشيه من المستشفى
منيره :- ايه مشيت ازاى لا تلاقى انتى بس مش عارفه انا بقول على مين
الممرضه :- لاء عارفه المدام البيضه القصيره دى كانت لبسه بلوزه سوده وبنطلون جينز ازرق
منيره :- بصدمه ايوه هى دى
الممرضه :- ايوه هى دى اللى بقول ليكى انها لسه ماشيه
منيره :- بصدمه مشيت ازاى وراحت فين بس وشكرت الممرضه وخرجت تدور على ميرفت
~•~•~•~•~•~•~•~•~•~•~•~•~•
عند حمزه فى القسم

كان قاعد على مكتبه وهو حزين بيفكر فى ميرفت ومش قادر يركز فى شغله وفى الوقت ده الباب خبط ودخل العسكرى وقال
العسكرى :- فيه واحد بره عايز يقابل حضرتك يا باشا
حمزه :- واحد مين ده
العسكرى :- بيقول اسمه محسن وعنده اخبار بخصوص مدام حضرتك
حمزه :- اول ما سمع كده قام يجرى من على مكتبه وخرج جرى وقال للعسكرى فين هو
محسن :- انت حمزه يا ابنى
حمزه :- ايوه انا وانت محسن
محسن :- ايوه انا عمك محسن واللى مراتك قاعده عنده من يوم ما سابت البيت عندك
حمزه :- مش قادر يصدق نفسه وقال بجد يعنى ميرفت مراتى عندك دلوقتى يلا بينا بسرعه
محسن :- استنا يا ابنى بس مراتك دلوقتى فى المستشفى
حمزه :- بخوف وقلق قال المستشفى ! ليه مالها ؟
محسن :- كانت حامل ومحصلش نصيب ونزل ربنا يعوض عليكم بغيره أن شاءالله
حمزه :- مراتى انا كانت حامل
محسن :- ايوه وكانت خايفه تقولك لتشك فيها وتقول إن هو مش ابنك
حمزه :- انا مستحيل أشك فى حاجه زى كده انا اتأكد أنها بريئه يلا بينا بسرعه عندها
محسن :- تعال يا ابنى وراضى مراتك ربنا يصلح ليكم الأمور يارب ونزلوا الاتنين وركب حمزه التاكسى مع محسن وهو فرحان أن هيشوف ميرفت رغم الحزن اللى حسه بيه لما عرف بموضوع نزول البيبى من ميرفت وراحوا على المستشفى وونزلوا من التاكسى ولسه هيدخلوا
منيره :- سى محسن يا سى محسن
محسن :- بص على صوت مراته وراح عندها وقال منيره بتعملى ايه فى الشارع
منيره :- بدور على ميرفت
محسن :- بدورى عليها ليه هى مش فى الاوضه
منيره :- طلبت منى أخرج اجيب ليها مايه ولما رجعت ملاقتهاش والممرضه قالت ليا على اوصفها وشافتها وهى ماشيه من المستشفى
حمزه :- راح عندهم وقال هو فيه حاجه لو سمحتوا انا عايزه ادخل عند مراتى ممكن
محسن :- بزعل للاسف مراتك سابت المستشفى من غير ما احنا نحس ومشيت
حمزه:- بصدمه مشيت طيب راحت فين
منيره :- والله يا ابنى ما اعرف
محسن:- يمكن روحت على البيت عندى
حمزه :- يمكن طيب يلا بسرعه على البيت وراكبوا العربيه وراحوا على بيت محسن وداخلوا يجروا يدوره عليها بس ملاقوش حد قعد على الكرسى وقال بزعل انا ما صدقت لاقتها هتكون راحت فين بس
منيره :- متزعلش منى يا ابنى انت اللى غلطان لما شكيت فيها وخلتها تخاف منك ميرفت عمرها ما كرهتك بس حب من طرف واحد مكانش هينفع فى البيت
حمزه :- بس انا كمان بحبها بس انا راجل وغصب عنى لما شوفتها فى المنظر ده شكيت فيها بس والله العظيم بحبها
محسن :- الشك يا ابنى يخرب بيوت وانت لو كنت بتثق فيها بجد حتى لو شوفت بعنيك تكدبها الحب أساسه الثقه لو ضاعت الثقه دى يبقى الحب يا ابنى ضاع معاه ميرفت بتحبك بجد بس خوفها من انت تشك فيها ضيعها من بين ايديك لو لسه بتحبها دور عليها واوصلها اتعب علشانها واكيد ربنا هيعوض تعبك ده على خير وهيكافئك برجوعها ليك ونصيحه من راجل قد ابوك يوم ما تلاقيها حافظ عليها علشان الفرصه مش بتيجى فى العمر غير مره واحده بس لو ضيعتها من ايديك عمرك ما هتعرف تعوضها ربنا يصلح ليكم الحال يارب روح دور عليها ومضيعش وقت
حمزه :- بص ليهم وخرج يجرى من عندهم من غير ولا كلمه وقف تاكسى وركبه وطلب منه أن هو يمشى فى الشوارع وقعد يدور عليها بحزن وندم شديد وبعد وقت كبير فقد الأمل فى أن هو يوصلها روح على البيت بوجع وحسره كبيره فى قلبه
~•~•~•~•~•~•~•~•~•~•~•~•~•
فى اسكندريه

فى بيت منتهى

كانت حبسه نفسها فى اوضتها ما بين دموعها ورافضه الاكل دخلت امها عليها وقالت بزعل على بنتها

ام منتهى :- واخرتها يا بنتى هتفضلى كده حبسه نفسك فى اوضك من غير لا اكل ولا شرب
منتهى:- ايوه يا ماما انا عندى الموت اهون من اعيش بعيده عن علاء
ام منتهى:- اللى انتى زعلانه عليه اوى ده مسألش فيكى يا بنتى ابوكى اتصل عليه معبرهوش حتى ولا رد عليه انا اعرف اللى بيحب واحده ويشتريها بجد يعمل اى حاجه علشان تبقى ليه لكن أنا مش شايفه خطوه إيجابية منه واحده بس الصراحه انا شايفه أن ابوكى ليه حق فى اللى بيعملوا ده علاء ميستلهش واحده زيك انتى من توب وهو من توب تانى خالص
منتهى :- بدموع بس بحبه يا ماما
ام منتهى :- مش كل حب فى حياتنا بيبقى صح يا بنتى فيه حب نحبه ويحببنا فى الحياة وحب نحبه يكون سبب كره لنفسك وللحياه حب تحسى بيه انك ملكتى العالم وما فيه وحب يحسسك أن خسرتى كل حاجه حتى نفسك حب ياخد ايدك لفوق وحب يسحبك لتحت كل ده تحت مسمى واحد بس الحب يا بنتى
منتهى :- بس انا حاسه ان حب علاء اخدنى لفوق حببنى فى الحياة يا ماما
ام منتهى :- ابتسمت ليها وقالت فيه فرق ما بين تحسى وبين أن يكون الكلام ده بجد على أرض الواقع وعمومآ يا بنتى خليكى واثقه أن كل شئ بأيد ربنا لو ليكى نصيب معاه ومكتوب أن هو يكون ابو ولادك وانتى أم ولاده مهما حصل مش هتكونوا غير لبعض ولو مفيش نصيب لو عملتوا ايه عمركم ما هتكونوا لبعض وفى تلك الحالتين تصلى ركعتين شكر لله اذا كان ليكى يبقى ده خير من عند ربنا ولو مش ليكى وربنا بعده عنك يبقى ده شر وربنا بعده عنك ده ربنا قال فى كتابه الشريف
بسم الله الرحمن الرحيم
{وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ }
صدق الله العظيم
منتهى :- بدموع صدق الله العظيم
ام منتهى :- مسحت دموع بنتها وقالت بلاش دموع يا حبيبتى قومى صلى ركعتين لله كده واقعدى اقرى فى المصحف شويه وهو هيكون الدوا لكل جروحك وخبطت على كتفها وخرجت وسابتها
منتهى :- سمعت كلام امها وقامت اتوضت وصلت راكعتين وقعدت تدعى وقعدت تقراه فى المصحف شويه
~•~•~•~•~•~•~•~•~•~•~•~•~•~•
عند أكرم وصل المستشفى عند ادهم ودخل عنده على الاوضه وهو متعصب
ادهم:- بصله بأستغراب وقاله مالك يا اكرم
أكرم :- ابوك خطف مراتى يا ادهم
ادهم :- بصدمه خطف مراتك !
أكرم :- اه خطف مراتى لما واقفت ضده استخدم اخطر سلاح بالنسبه ليا خطف مراتى علشان فلوسك يا ادهم
ادهم :- داس على سنانه وقال كده ذاد عن حده لازم يتوضع حد لكل ده معاه وقام دخل الحمام لبس هدومه وخرج من الحمام
أكرم :- بصدمه انت بتعمل ايه يا مجنون
ادهم :- انا قولت من الاول مليش دخول المصحه انا لازم اخرج ليهم واوقفهم عند حدهم
أكرم:- ادهم ابوس ايدك انا مش حمل مناهده اعقل كده وخليك كمل علاجك وانا هعرف ارجع مراتى كويس اوى
ادهم :- بعصبيه اوعى من وشى يا اكرم
أكرم :- لا مش هوعى ناوى على ايه يا ادهم
ادهم :- ناوى اعرفهم مين أدهم الحناوى وزق أكرم وخرج يجرى من المصحه
أكرم :- بصوت عالى ادهم يا ادهم وطلع يجرى وراه
داليا :- سمعت صوت أكرم خرجت من الاوضه بأستغراب وقالت أكرم فيه ايه
أكرم :- مفيش يا داليا ادخلى انتى متشغليش بالك وراح عند ادهم
داليا :- بصت ليهم بأستغراب وقالت مالهم دول وهزت كتفها ودخلت تانى الاوضه
~•~•~•~•~•~•~•~•~•~•~•~•~•
فى فيلا خالد الحناوى

وصل أدهم واكرم للفيلا وهما الشرار هينط من عينيهم وكان خالد وإنعام قاعدين بياكلوا

ادهم :- بصوت عالى فين مرات أكرم يا خالد
خالد :- وهو بياكل خالد كده حاف مفيش احترام ده انا ابوك
ادهم :- ههههه أبويه وانت مصدق الكلام ده طيب ادينى فعل واحد يقول انك عندك لو ذره واحده من احساس الاب ليا يا شيخ ده انت من ساعة ما اتجوزت الحربايه دى مشوفتش منك حاجه عدله بس يوصل معاك أن تأذينى انا ومراتى وصاحبى علشان الفلوس انت جنسك ايه بالظبط
إنعام :- لم لسانك يا قليل الادب ده انا اللى ربيتك بعد ما امك الخاينه رميتك وراحت لحضن عشيقها بس انا اللى غلطانه علشان قلبى طيب ومرمتكش فى الشارع لكلاب السكك
ادهم :- وهو بيدوس على سنانه انتى تخرسى خالص انتى شيطانه دا كلاب السكك احسن منك مليون مره
خالد :- ولد اتكلم عدل مع مراتى
ادهم :- عارف انت بالنسبه ليها ولا حاجه انت مجرد بنك فلوس ليها ويوم ما يكون مش معاك ولا مليم هى اول واحده هتبعد عنك ولا هتسأل فيك فوق بقى من يوم ما دخلت حياتنا وهى خربت كل حاجه فيها
خالد :- وقف وراح عنده ورفع أيده ولسه هيضرب ادهم بالقلم
ادهم :- مسك أيده وقال يوم ما تفكر تعملها تانى هيكون اخر يوم فى عمرك وبص فى عينيه بتحدى
خالد :- شد أيده من ايد ادهم وقال انت المفروض كنت موت من زمان كنت عارف انك هتطلع نمرود زى اللى خلفتك برضه اتنمردت عليا وراحت نامت فى حضن راجل تانى انا بكرهك علشان كل ما بشوفك بشوف فيك امك الخاينه بشوف نظره عينيها بشوف تكبرها بشوف عجرفتها الكدابه انا بكرهك وبكرهه ومش هسكت غير لما اجيبك الأرض واخسرك كل شئ
ادهم :- فوق يا خالد يا حناوى ماجده مراتك معملتش كده غير لما الحربايه اللى معاك دى دخلت حياتنا وعمومآ انتو التلاته أقذر من بعض انا لا بدافع عنك ولا عنها ولا عن الحربايه اللى معاك انا كل اللى عايزه منكم انكم ابعدوا عن حياتى بقى انا لا عايز اشوف وشك ولا وشها ومشى لقدام وقال ومرات أكرم ترجع
خالد :- انا معرفش حاجه عن مراته يروح يشوف هربت مع مين
أكرم :- اتعصب لما سمع الكلمه دى راح مسك فيه وقال من بدرى مش عايز امسك فيك واقول مهما كان راجل كبير وأبو صاحبى بس شكلك راجل مهزء ولازم اعرفك مقامك مراتى فين
خالد :- هتكون ايه غير زى صاحبك قليل الادب واهلك معرفوش يربوك روح دور عليها فى اى شقه مشبوهة
أكرم :- ضربه بالبوكس فى وشه وقال مراتى اشرف من عشره زيك
ادهم :- شد أكرم وقال تعال يا اكرم انا هعرف اوصل لمراتك والليله دى هتنام فى سريرها
خالد :- مبقاش غير واحد مدمن زيك يتكلم معايا
ادهم :- قرب من خالد وداس على سنانه وقال انا هعرفك المدمن ده هيعمل ايه وخليك عارف ان انا ادهم الحناوى اللى لما يقول هيعمل حاجه ينفذها علطول وشد أكرم ومشى
خالد :- بعصبيه عاااااااااا انا هعرفك مين خالد يا ادهم
إنعام :- بتريقه مسمعتش الصوت ده وهو ماسكك فى أيده يعنى
خالد :- بكره يندم على كل كلمه قالها مبقاش انا خالد الحناوى لو مكنتش عرفته مقامه ايه
إنعام :- بتريقه اه لما نشوف ودخلت اوضتها
سندس :- متابعه كل حاجه بتحصل وهى فوق ودموعها نازله منها واول ما مشى ادهم دخلت تجرى على اوضتها واترمت على سريرها وكتمت نفسها فى السرير وقعدت تصرخ بكل وجع والم
~•~•~•~•~•~•~•~•~•~•~•~•~•
عند فاطمه

فاقت من أثر المنوم وبصت حاوليها بأستغراب بس مكانتش شايفه حاجه علشان المكان كان ضلمه وايديها ورجليها متكتفه قالت بصوت مهزوز
فاطمه:- ا.ا.اكرم ا.ا.اكرم ا.ا.انت هنا وفى الوقت ده الباب اتفتح ومن شدت النور غمضت فاطمه عينيها وفتحت عينيها بصدمه لما سمعت صوت مش غريب عليها وقالت انت
رامى:- هههههههه نورتى بيتك يا شابه
فاطمه :- بخوف ا.ا.انت جيبنى هنا ليه
رامى :- باخد الحاجه اللى من حقى انا انتى بتاعتى انا يا فاطمه مش بتاعة حد تانى
فاطمه :- انت عبيط يالا انا دلوقتى واحده متجوزه ومن حق راجل تانى انا مرات أكرم منير يا رامى
رامى :- ههههههههه أكرم اللى اخدك من قدامه ومقدرش يحميكى منى هههههه
فاطمه :- انا واثقه فى جوزى كويس اوى وعارفه ومتأكده أن هو هيوصلى فى أقرب وقت وهيعرف اشكالك الادب
رامى :- ههههههههههه لما نشوف بس على ما يوصلك هكون انا قومت معاك بأحلى واجب ومشى أيده على وشها وقال اصل انتى متوصى عليكى من ناس كتيره اوى
فاطمه :- بأستغراب انت تقصد ايه بناس كتيره اوى
رامى :- قرب وشه منها وقال متستعجليش على رزقك هتعرفى كل حاجه فى وقتها ومسك خصله من شعرها وشمها وقال اااااااه وداس على شفيته اللى من تحت بسنانه وقال امته بقى تبقى تحت ايدى بس كله بالصبر وقرب من خدها بسها وخرج
فاطمه :- قعدت تمسح خدها فى كتفها مكان بوسة رامى وقالت بدموع انت فين يا اكرم ارجوك اوصلى بسرعه
~•~•~•~•~•~•~•~•~•~•~•~•~•
فى شركة أدهم

وصل أدهم واكرم الشركه ودخلوا على المكتب وطلبوا علاء وفادى واتصلوا على تامر يجى
علاء:- ادهم حمدالله على سلامتك كده تدارى علينا موضوع دخولك المصحه
ادهم :- مش وقته الكلام ده يا علاء فيه موضوع اهم
فادى :- خير يا ادهم
ادهم :- انا عرفت مين وراه كل المصايب اللى انا فيها دى
فادى :- بتوتر م.م.مين
ادهم :- بص لفادى وقال ابوك يا فادى واللى انت كنت عارف ان هو وراه اللى حصلى فى موضوع الورق ومرضتش تقولى
فادى :: ا.ا ا انا
ادهم :- ايوه انت يا فادى انا كنت حاسس انك مخبى عنى حاجه اصل بالعقل كده مدام اخد رودينا مكان مهجور اكيد هى قالت ليك مين اللى عمل كده بس عمومآ مش وقته الكلام ده فيه الأهم يا فادى
علاء :- ايه هو يا ادهم
ادهم :- ابوكم خاطف مرات أكرم علشان انا كتبت ليه كل حاجه وعلشان بوظت ليه خطته هو مراته
علاء :- وليه بابا هيعمل كده
ادهم :- نفس الغرض اللى كان عايزه لما حط ليا الحبوب فى الشحنه اللى انت بعت ناس تخدها من الشحنه دى
علاء :- بصدمه انت عرفت
ادهم :- هههههههه انا كل حاجه عرفها يا علاء بس عمرى ما كنت أتوقع أن يوصل بيه الحال أن هو يأذينى انا ومراتى وصاحبى بالطريقه دى
فادى :- احنا لو كنا مش بنقولك يا ادهم على حاجه فده علشان متكبرش المشاكل بينك وبين ابوك بس كنا بنحاول نحميك من غير ما تحس
ادهم :- فعلا بأمارة ما بقيت انا ومراتى مدمنين ومرات صاحبى مخطوفه فعلا عرفتوا تحمونى كويس اوى
علاء :- حقك علينا يا ادهم احنا بنحبك وانت طول عمرك حنين علينا اكتر من ابونا نفسه
ادهم :- المهم دلوقتى عايزين نوصل لمرات اكرم وفى الوقت ده وصل تامر ودخل سلم عليهم
ادهم :- تعال يا تامر
تامر :- بأستغراب ادهم باشا انت خرجت امته من المصحه
ادهم :- النهارده المهم عايزين نوصل لمرات اكرم
تامر :- مرات أكرم ليه هى فين
ادهم :- عربيه خطفتها الصبح
تامر :- طيب مين شاف العربيه دى وهى بتخطفها
ادهم :- أكرم وبص ليه لاقه سرحان ومش معاهم
تامر :- طيب مشوفتش رقمها ايه بالظبط
أكرم :- ساكت ومش بيرد
ادهم :- خبط على كتف أكرم وقال اجمد يا اكرم مراتك هترجع يعنى هترجع
أكرم :- بصله والدموع فى عينه وقال يا ترى هى عامله ايه دلوقتى اكيد خايفه ومرعوبه هناك
تامر :- ساعدنى وهنوصل ليها فى أقرب وقت مشوفتش رقم اللوحه بتاعة العربيه كانت كام
أكرم :- لاء
تامر :- طيب نوع العربيه دى ايه
أكرم :- وصف ليه الشكل
تامر :- تمام من خلال المواصفات دى هنقدر نوصل ليها أن شاءالله
أكرم :- اه وفيه رقم اتصل بيا منه وهددنى لو بلغت الشرطه هيموته مراتى
تامر :- حلو ادينى الرقم ده كده
أكرم :- طلع تليفونه وقال اهو
تامر :- احنا كده عندنا كذا طريقه علشان نوصل ليهم
أكرم :- بسرعه يا تامر قبل ما حد يأذيها
تامر :- اطمن هنوصل ليها فى أقرب وقت أن شاءالله
ادهم :- اى حاجه محتاجها نساعدك فيها اطلبها يا تامر
تامر :- لاء متقلقوش عن اذنكم
أكرم :- انا جاى معاك
تامر :- خليك انت ومتقلقش مراتك هتكون عندك سليمه
أكرم :- انا مستحيل هقعد هنا ومراتى مخطوفه
ادهم :- انا واكرم جاين معاك يا تامر وبص لعلاء وفادى وقال وانتو خليكم هنا اى حاجه توصل ليكم بلغونى بيها علطول
علاء :- ماشى
وخرج تامر واكرم وادهم وراحوا على القسم واتصل تامر بواحد من أصحابه جابوا ليه عنوان الرقم واتصل بواحد صاحبه فى المرور وأكد على نفس المكان اللى صاحبه فى شركة الاتصال قاله عليه
~•~•~•~•~•~•~•~•~•~•~•~•~•
عند فاطمه

كانت قاعده ومرعوبه كل ما تسمع صوت عند الباب تخاف اكتر لحد ما اتفتح الباب ودخل عليها رامى تانى وقال

رامى:- ده انا امى داعيلى الأوامر جت ليا أن انا امتع نفسى براحتى واخيرآ بقى هاخد منك اللى حلمت بيه يكون ليا انا وبس
فاطمه:- بدموع اياك تقرب منى
رامى :- ولو قربت هتعملى ايه يعنى
فاطمه :- بالله عليك يا رامى بلاش تعمل اللى انت ناوى عليه ده انت عندك اخت معقول مش خايف عليها يتعمل فيها زى ما انت هتعمل فيا
رامى :- لاء مش خايف لان محدش يقدر يقرب من اختى طول ما انا موجود وقرب منها قطع البلوزه اللى عليها
فاطمه:- بدموع لالالا يا رامى ابوس ايدك بلاش
رامى :- دلوقتى بتترجى فيا طيب ما اترجيتك انك تسيبى الحيوان اللى معاكى ده وتتجوزينى واللى هيحصل ما بينا دلوقتى ده كان هيبقى بالحلال
فاطمه :- بدموع يا رامى كل شئ قسمه ونصيب وانت بنى أدم كويس وبكره ربنا يوعدك ببنت الحلال اللى تحبك وتحبها
رامى :- بص الاتجاه التانى وقال انا مش عايز حد غيرك انا بحبك انتى يا فاطمه
فاطمه :- بدموع وهو فيه حد بيحب حد يأذيه كده انت لو بتحبنى بجد هتحمينى من نفسك
رامى :- راح عندها ونزل على ركبه قصادها وقال يعنى هترجعى ليا يا فاطمه
فاطمه :- يا رامى افهم انا دلوقتى مكتوب كتابى وكلها كام يوم والفرح هيتعمل مينفعش أطلق منه انا بحب أكرم ومقدرش اعيش من غيره وبحسب الوقت اللى هبقى معاه فى بيته
رامى :- بدموع بس انا بحبك يا فاطمه ومقدرش اشوفك مع حد غيرى وحط راسه على رجليها شبه الطفل الصغير وقال عارف ان غلط فى حقك زمان بس كنت غبى مكنتش حاسس بقيمتك فى حياتى مكنتش اعرف ان انا بحبك كده وبص ليها وقال ع.ع.عارفه أن جهزت بيت مخصوص لينا هنتجوز فيه ا ا.انا وانتى وهنجيب عيال كتير وكلهم شبهك انتى
فاطمه :- بدموع فوق يا رامى فوق بقى ابوس ايدك افهمنى كل شئ قسمه ونصيب
رامى :- مسح دموعه وبص ليها وقال يعنى مصممه تكملى مع اللى اسمه أكرم ده ماشى يا فاطمه اللى مش هعرف اخده منك بالذوق هخده منك بالغصب ومش هخلى راجل غيرى يتهنى بيه وقرب منها وقعها على الارض وقعد يبوس فى وشها ويقطع من عليها الهدوم
فاطمه :- بدموع لالالا فوق يا رامى ابوس ايدك ابعد عنى وبلاش اللى بتعمله ده اااااه ابعد عنى يا رامى اااااااااه يا اكررررررررررررم واغمى عليها
رامى :- وقف اللى كان بيعمله وخبط على وش فاطمه بقلق وقال ف.ف فاطمه ف.ف.فاطمه ردى عليا ارجوكى فاطمه ا.ا انا بحبك ومش عايز حاجه غير أن انا اشوفك جنبى فاطمه ارجوكى ردى عليا وفى الوقت ده سمع ضرب نار بيبص لاقه الشرطه جت بره بص على فاطمه ورجع بص تانى على الشرطه وشال فاطمه وطلع يجرى بيها من باب تانى ركب عربيته وجرى بيها لمكان تانى
أكرم :- دخل فى الاوضه اللى كانت فاطمه فيها وملقاش حد وشاف البلوزه بتاعة فاطمه واقعه فى الارض مد أيده اخدها وشم ريحة فاطمه فيها وقال الحيوان ودينى من سايبه ودموعه نزلت منه
ادهم :- طبطب على كتف أكرم وقال متقلقش أن شاءالله هيكون محصلش حاجه
أكرم:- بدموع لو حصل حاجه لفاطمه هموت يا ادهم
تامر :- الواضح أن فيه باب تانى اخد فاطمه ومشى منه
أكرم :- بعصبيه الواضح! انت لسه هتخمن يا تامر انا عايز مراتى بسرعه
تامر :- انا هروح الف بالعربيه فى الأماكن المحيطة من المكان اكيد لسه ملحقش يبعد وخرج ركب العربيه وخرجوا ادهم واكرم وركبوا العربيه التانيه وقعدوا يدوره عليها
أكرم :- وهو ماسك بلوزة فاطمه فى أيده قال ودينى ما هحرم اى حد ليه يد فى موضوع مراتى ده
ادهم :- هنتقم منهم كلهم ليا وليك ولمراتى يا اكرم
وبعد وقت من البحث ملاقوش فاطمه وراحوا على فيلا ادهم
دينا :- بفرحه ادهم خرجت امته
ادهم :- بسها وقال النهارده
دينا :- وفين داليا
ادهم :- لسه هناك
دينا :- بصت حاوليها وقالت ايه ده هو فيه حاجه ولا ايه
تامر :- مرات أكرم اتخطفت
دينا :- بصدمه بجد ومين هيعمل كده
تامر :- ابو
ادهم :- قطعه وقال لسه منعرفش مين اللى عمل كده وبص لتامر بغيظ
تامر :- فهم أن أدهم مش عايز يقول لدينا أن ابوها السبب فى كل ده قال بتوتر ا.ا.اه لسه منعرفش مين اللى عمل كده
دينا :- معلش يا اكرم أن شاءالله هتوصلوا ليها فى أقرب وقت
أكرم :- اقول لابوها وامها ايه معرفتش احمى بنتكم أنها اتخطفت قصاد عينى وانا واقف متكتف ومش عارف الحقها اقولهم ايه بنتكم اتأذت بسببى انا
ادهم :- أهدا يا اكرم
أكرم :- بعصبيه اهدا يا اكرم اهدا يا اكرم والمطلوب منى اقول حاضر واهدا دى مراتى وعمرى كله دى حلم عمرى يا ادهم دى الحاجه الحلوه فى حياتى اهدا ازاى وانا عارف انها فى خطر اهدا ازاى وممكن يكون حد اذاها اهدا ازاى وانا عارف انها بتنادى عليا بدل المره الف مره علشان أنقذها وانا هنا متكتف ومش قادر أنقذها انا بموت يا ادهم بموت
ادهم :- غمض عينه بألم على صاحبه وقال عارف وحاسس بيك يا اكرم
أكرم :- لاء محدش حاسس بيا يا ادهم علشان محدش فيكم اتعرض للى انا فيه
ادهم :- انا وانت واحد يا اكرم واللى انت بتحس بيه انا كمان بحس بيه
أكرم :- اترمى فى حضن أدهم وعيط وقال انا عايز مراتى يا ادهم لو حصلها حاجه مش هقدر ابص فى وشها تانى
ادهم :- اقوى يا اكرم مش كده علشان تقدر توصل لمراتك
أكرم :- بعد عن حضن أدهم وقال انا مخنوق هتمشى بالعربيه شويه ومشى وسابهم
تامر :- وانا همشى واى حاجه هوصل ليها فى الموضوع ده هتصل بيكم علطول
ادهم.:- تامر شد حيلك شويه عايزين نوصل لمرات اكرم فى اسرع وقت
تامر :- أن شاءالله ومشى وسابهم
ادهم:- مشى لحد الباب
دينا :- مش هتطلع اوضك
ادهم:- لاء وسابها ومشى
~•~•~•~•~•~•~•~•~•~•~•~•~•
فى بيت سعيد

دخل سعيد الاوضه عند مؤمن وقاله

سعيد :- هتفضل حابس نفسك كتير كده فى الاوضه ؟؟
مؤمن :- مليش نفس لأى حاجه يا بابا
سعيد :- يا حبيبى مااحنا اطمنا على اختك وبقت كويسه وتامر طمنا على اخوك حمزه وقال إنه كويس بس مضغوط من الشغل مالك بقى
مؤمن:- مخنوق من اللى بيحصل لينا يا بابا معرفش ليه كل ده بيحصل لينا كان البيت مليان ضحك وهزار وفرح مره واحده بقى مفهوش غير الحزن والوجع ومن يوم ما أدهم دخل حياتنا بقت جحيم امته بقى يغور بعيد عنا وترجع لينا الضحكه من تانى
سعيد :- يا حبيبى كل اللى بيحصلنا ده خير من عند ربنا بلاش ترتكب ذنوب بأعتراضك على أمر ربنا خليك تملى راضى بقسمته هترتاح وحسبت ربنا احسن مليون مره من حسبت العبد استغفر ربنا وصلى ركعتين وانت هتحس براحه كبيره وطمائنينه من عند ربنا
مؤمن :- ونعمه بالله يا بابا حاضر هعمل زى ما قولت ليا
سعيد :- ارجع لمدرستك يا حبيبى وبص لمستقبلك وان شاءالله كل حاجه هتبقى احسن وخبط على كتفه وخرج وسابه
مؤمن :- بص على ابوه وهو خارج من الاوضه وقال انت نعمه كبيره اوى فى حياتى يا بابا ربنا ميحرمنيش منك أبدآ يارب وقام دخل الحمام اتوضه وخرج صلى ركعتين وقعد يقرأه فى المصحف
~•~•~•~•~•~•~•~•~•~•~•~•~•
فى المصحه

كانت داليا قاعده فى الاوضه الخاصه بيها و بتقراه فى المصحف ولاقت الباب بيتفتح فكرته الدكتور صدقت بالله العظيم واتفاجئت أنه ادهم بصت ليه بأستغراب وقالت

داليا :- ادهم كنت فين كل ده
ادهم :- دخل من غير ولا كلمه وحط راسه على رجليها ونام زى الطفل الصغير على السرير وضم نفسه
داليا :- اتفاجئت باللى حصل وقعدت تبص ليه بصدمه
ادهم :-بزعل انا لعنه على كل اللى حواليا يا داليا لعنه عليكى لعنه على صاحبى لعنه على اخواتى انا اى حد بدخل حياته بخربها ليه
داليا :- بتسمع ليه وهى مصدومه ومش عارفه ترد عليه
ادهم :- انا مكنتش عايز ابقى كده انا كان نفسى ابقى أنسان عادى وطبيعى الظروف اجبرتنى اكون بالشكل اللى انتى شايفه ده انا كتير اوى مش بتعجبنى شخصيتى بس المجتمع اللى احنا فيه بيجى على الضعيف وانا الدنيا جت عليا كتير كان لازم اعمل لنفسى شخصيه قويه وكيان علشان اقدر احمى نفسى من الوحوش بس للاسف الوحوش اللى فى الدنيا دى مش حد غريب دول اللى دمى من دمهم ازاى بيجى ليهم قلب يعملوا فى حته منهم كده ازاى يبقى كل همهم الوحيد أن هما يوقعونى الأرض
انا كنت طفل صغير لا حولا ليا ولا قوة كان كل حلمه لعبه حلوه يشتريها كلمه طيبه من أمه تشجيع من ابوه مكنتش بحلم بحاجه غير كده بس للاسف لا ام كانت حنينه ولا اب حنين ام جريت وراه شهوتها واب جرى وراه شهوته محدش فيهم فكر فيا ايه هيكون مصيرى كله كان همه نفسه وبس
داليا :- صعب عليها ادهم دموعها نزلت منها وقعدت تمشى ايديها على شعره وتسمعه وهو بيحكى
ادهم :- مكمل كلامه وقال انا لو كنت لاقيت واحد فيهم بس حبنى وقلبه عليا كنت بقيت شخصيه تانيه خالص عارفه يعنى ايه احساسى وانا طفل وشايف كل واحد من الأطفال جاى فرحان وماسك ايد ابوه ولا أمه عارفه كان احساسى ايه وانا داخل وحيد مش معايا حد عارفه احساسى ايه وانا ناجح فى دراستى ومش لاقى حد أجرى عليه واشركه فرحتى عارفه كان احساسى ايه وانا بطلع السلم خطوه خطوه وبنجح ومش لاقى ام تدعيلى ولا اب يدعمنى فى حياتى الجديده احساس صعب اوى يا داليا صعب ولما كبرت وكبرت نفسى وقسوت الايام جمدت قلبى لاقيت هما هما نفس الأهل اللى كسرونى وانا صغير عايزين يوقعونى ويكسرونى وانا كبير
واتنهد وقال عارفه انا عملت بكل جهدى علشان مخليش حد من اخواتى يحس ربع اللى انا حسيته بقيت اعوضهم هما كل حاجه فقدها انا ومحستهاش بقيت فى ضهرهم كلهم علشان ميحسوش أن ضهرهم مش مسنود زى ما انا علطول بحس انا تعبت لحد ما عملت اسم ادهم الحناوى بس علشان اقدر اكون سند يعتمد عليه اخواته وقت ما يحتاجوا يطلعوا السلم
داليا :- انت حاجه عظيمه اوى يا ادهم وانا فخوره اوى أن انا مراتك
ادهم :- بس وجودى فى حياتكم تعب ليكم
داليا :- تعب ! وده يجى ايه جنب التعب اللى انت شوفته فى حياتك
ادهم :- بضعف انا حاسس ان انا ضعيف اوى ومش قادر احمى اللى حواليا
داليا :- مشيت ايديها على وشه وقالت مش أدهم الحناوى اللى يضعف ادهم هيفضل طول عمره قوى جبل مش بيتهز لان لو فى يوم الجبل ده اتهز كل اللى ساند عليه هيوقع ادهم انت مصدر قوه لينا كلنا مينفعش تضعف فكر فى اخواتك فكر فى اصحابك وسكتت شويه وقالت فكر فيا يا ادهم ايه هيحصل لينا لو انت ضعفت
ادهم :- مسك ايديها وبسها وقال انا محتاجك اوى جنبى يا داليا محتاجك تقوينى اوعى تبعدى وتسبينى
داليا :- مشيت ايديها على شعره وقالت مقدرش ابعد واسيبك وقت ما هتحتاجنى هتلاقينى جنبك يا ادهم
ادهم :- عينه راحت فى النوم وهو على رجل داليا
داليا :- بصت عليه لاقته نام قربت منه وبسته فى خده وقالت انا بحبك يا ادهم
ادهم:- مسك ايديها بسها تانى وقال بحبك يا داليا ونام تانى
~•~•~•~•~•~•~•~•~•~•~•~•~•
بقلمى #دودومحمد