تمرد صحفيه بقلم {دودومحمد}
✍️تمرد صحفيه✍️30
?الفصل الثلاثون?
فى فيلا ادهم الحناوى
فى اوضت أدهم
شرب ادهم القهوه بتاعته وبعد وقت حس بتعب فى معدته نام على السرير بس حس أن جسمه بدء يفقد السيطره قام فتح الباب وخرج من اوضه وراح على اوضت داليا وفتح الباب ودخل لاقه داليا لابسه شورت وبدى مثير جدآ ونايمه على السرير وجسمها كله متلج وعرقانه فى نفس الوقت واول ما شافت ادهم قامت وراحت عند ادهم ولفت دراعها حاولين رقبة ادهم وقالت بدلع
داليا :- واحشتنى
ادهم :- غمض عينه وهز راسه يمين وشمال وشال ايد داليا من على رقابته ومشى لقدام شويه وحط أيده على وشه ومشى بيها على شعره
داليا :- حضنته من وراه وقالت بقولك واحشتنى هو انا مش واحشاك ولا ايه
ادهم :- لف مره واحده وقرب من شفايفها ومسكها من شعرها وقربها منه وبسها بعنف وبعد وقت بعد عنها وحدفها من شعرها بعيد عنه
داليا :- مدت ايديها على شفايفها لاقتها بتنزل دم ضحكة وراحت عنده وقالت لما انت مشتاق زى ليه بتهرب منى ومدت ايديها على زراير القميص بتاعه وبدأت تفتحهم وقربت شفايفها من صدره العريان وبسته وبصت ليه فى عينيه وقالت بحبك
ادهم :- قرب منها وشالها حطها على السرير وقرب من شفايفها و……….
~•~•~•~•~•~•~•~•~•~•~•~•~•
فى فيلا أكرم
انتهت الخطوبه بتاعه أكرم وفاطمه والكل طلع يجرى على صوت ايه واتفاجئوا بمنظر الدم وهو نازل من ايد جاسمين
منير :- طلع يجرى عليها هو ومكرم وقال بخضه جاسمين ردى على عمك يا حبيبتى جاسمين ليه عملتى كده فى نفسك اتصلوا بالاسعاف بسرعه
ممدوح:- طيب اربطوا الجرح بحاجه علشان النزيف ده يقف بدل ما هى عماله تفقد دم كتير كده
أكرم :- بغيظ حضرتك دكتور علشان تتكلم فى اللى ملكش فيه
ممدوح :- مش محتاج اكون دكتور علشان اعرف المعلومه دى
مكرم :- بزعيق مش وقته منك ليه اتصلوا بالاسعاف بسرعه
ايه :- بدموع ليه تعملى كده فى نفسك وعلشان مين كل شئ نصيب يا بنتى ضيعتى نفسك وحياتك وكفرتى بربنا علشان حاجه متستهلش
فاطمه :- بصت لأكرم بغيظ وقالت احنا السبب
أكرم :- مش وقته الكلام ده يا فاطمه واتصل بالاسعاف
فاطمه :- لاء وقته لازم الكل يعرف انا خلاص مبقتش قادره استحمل اللى بيحصل ده كله
وفاء :- فيه ايه يا بنتى اتكلمى
أكرم :- خلاص يا فاطمه قولتلك مش وقته الكلام ده
فاطمه :- انا تعبت والله العظيم تعبت اللى حصل يا جماعه أن أكرم جه وطلب منى أن انا أمثل دور حبيبته علشان عايز يخلص من بنت عمه وانا زى العبيطه وافقت واتفاجئت أن فيه خطوبه واترجانى اوافق لحد ما تمشى بنت عمه وترجع امريكا وبرضه لتانى مره اكون عبيطه واوافق وخطبنى وحدد الجواز بعد شهر ولما رفض وعدنى أن هى هتمشى قبل الفرح وكل واحد هيروح لحاله وكالعاده وافقت والنهارده اتفاجئت بكتب الكتاب ولما جيت ارفض اترجانى أن انا اوافق وحصل وكانت نتيجة كل ده واحده ضحت بحياتها علشان واحد معندهوش قلب كل اللى يعرف يعملوا أن يلعب ببنات الناس ويوجع قلوبهم بس بعد اللى حصل كان لازم اتكلم واعرف الكل حقيقتك طلقنى يا اكرم مبقاش فيه داعى نكمل التمثيليه دى طلقنى ارجوك وانقذ حيات المسكينه دى اللى ضحت بعمرها علشانك
منير :- راح عند اكرم وضربه بالقلم وقال انت تعمل كده يا اكرام طيب ليه ها قصرت معاك فى ايه علشان تلعب بينا كلنا بالشكل ده محدش فينا غصب عليك تتجوز بنت عمك ليه تلعب ببنت الناس دى ذنبها ايه ها انا مصدوم فيك متوقعتش انك تعمل كده اطلع بره ومش عايز اشوفك هنا تانى بره
أكرم :- حط أيده على خده وقال انا يمكن غلط فى الاول لما استخدمت الأسلوب ده بس والله العظيم والله العظيم كمان مره أن انا اخد موضوع فاطمه بجد من ساعة الخطوبه وبص لفاطمه وقال حاولت كتير اعترفلك بحقيقة مشاعرى بس تملى كان بيجى حد يقاطعنى انا بحبك يا فاطمه حبيت فيكى البنت الجدعه اللى بتساعد الناس من غير مقابل حبيت فيكى روحك الحلوه ودمك الخفيف يومى مكانش بيكمل غير لما اسمع صوتك واطمن عليكى انتى الاول كنتى بالنسبه ليا مجرد ممثله هتمثل معايا تمثيليه شويه ونخلص إنما مع الوقت بقيتى كل حياتى انا بحبك يا فاطمه ومستحيل اطلقك واخسرك بعد ما بقيتى ملكى وبتاعتى وسابهم ومشى
فاطمه :- بصت على أكرم وهو ماشى بوجع وبصت للى حاوليها وطلعت تجرى
ممدوح :- طلع يجرى وراه فاطمه وراح وراهم امها وأبوها
مكرم :- خلصنا بقى من ام الافلام دى نشوف بقى البت اللي بتموت دى وفى الوقت ده عربية الإسعاف جت وشالها مكرم ونزل يجرى بيها على العربيه وركب معاها وراحوا على المستشفى
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى الاسكندريه لتبدء داليا بفتح عيونها حست بتقل جامد اوى فى دماغها حطت ايديها على راسها من كتر الصداع وقامت قعدت وضمت رجليها عند صدرها وحطت راسها عليها وشويه وحاولت تقوم من على السرير بس بصعوبه وقفت ومشيت كام خطوه قصاد السرير وشافت قميص ادهم واقع على الأرض وطت جبته ومسكته وبصت ليه بأستغراب وشمة ريحته وقالت
داليا :- قميص ادهم بيعمل ايه هنا وقعدت على حرف السرير وقالت ادهم دخل اوضى امته وازاى وليه هيسيب قميصه واقع على الأرض وبعدين سكتت وقالت نهار اسوح لاكون اتكلمت وانا بحلم بيه وسمعنى دى تبقى فضيحه سوده بس دخل عندى ليه هموت واعرف وبعدين انا فاكره أن انا فى الحلم احم قلعته القميص وحدفته فى نفس المكان بس ده كان فى الحلم ازاى جه القميص فى الحقيقى فيه حاجه غلط مش مفهومه ليكون اللى شوفته ده بجد مش حلم لالالا ايه الهبل ده مستحيل ده يحصل احيه عليا انا مالى النهارده حاسه بحاجه غريبه بس مش هسكت ليه ازاى يدخل الاوضه عليا وانا نايمه ويقصد ايه من رميت قميصه دى ماشى يا ادهم ولسه هتخرج افتكرت أنها بالشورت راحت لبست الروب وفتحت الباب وخرجت راحت عند باب اوضت أدهم وخبطت عليه جامد وبعصبيه ولما مردش عليها فتحت الباب ودخلت علطول لاقته خارج من الحمام وصدره من فوق عريان والفوطه محطوطه حاولين وسطه بس لفت جسمها وقالت ا ا.ايه اللى انت عامله ده يا حيوان
ادهم :- رفع حاجبه بأستغراب وقال دى اوضى اقعد فيها زى ما انا عايز انشالله من غير هدوم خالص انتى مالك وبعدين فيه حد يدخل اوضت حد من غير ما يخبط
داليا :- خبط ومحدش رد وبعدين قول الكلام ده لنفسك
ادهم :- بمعنى
داليا :- بمعنى انك دخلت امبارح الاوضه عندى وانا نايمه
ادهم :- وانتى نايمه وعرفتى ازاى بقى
داليا :- مدت ايديها بالقميص وقالت من ده
ادهم :- ربع أيده على صدره وقال وانتى متأكده انك كنتى نايمه
داليا :- ا.ا اه كنت نايمه تقصد ايه
ادهم :- مشى عندها وقال بأستغراب جايز
داليا :- لاء مش جايز انا كنت نايمه وبعدين لو كنت صاحيه كنت مسحت بيك الارض
ادهم.:- اممممم ومد أيده على شفايفها وقال طيب واللى فى شفايفك ده من ايه
داليا :- رجعت وراه بعيد عن أيده ومشيت ايديها على شفايفها لاقت نفسها مجروحه استغربت وافتكرت اللى حصل ما بينها وبين أدهم فى الحلم وافتكرت لما بسها من شفايفها بعنف وشفايفها اتجرحت غمضت عينيها ومسكت دمغها وقالت لالالا مش معقول فيه حاجه غلط
ادهم.:- كان بيتابع رد فعلها
داليا :- عمومآ ملكش دعوه دى من ايه المهم اياك تدخل اوضى عليا وانا نايمه مفهوم وسابته ومشيت
ادهم :- بص عليها بأستغراب وهى ماشيه وقعد على حرف السرير بتاعه وقال مالها دى معقول مش فاكره حاجه خالص من امبارح هى فعلا كانت حركاتها وافعالها غريبه ورجع لوراه وافتكر اللى حصل الليله اللى فاتت
~•~•~•~•~•~•~•~•~•~•~•~•~•
فلاش باك
بعد ما نيمها على السرير قرب من شفايفها وبسها بوسه طويله وقرب منها اكتر ومشى أيده على جسمها ومره واحده بعد عنها ووقف ومشى أيده على شعره ولسه هيمشى
داليا :- قامت واقفت وقالت رايح فين
ادهم :- رايح اوضى
داليا :- لاء طبعآ بقولك محتاجك وداست على شفايفها بسنانها وقلعته القميص خالص وحدفته على الأرض وقعدت تبوس فى صدره العريان
ادهم :- غمض عينه ونفسه سرع وبعد عنها وزقها وطلع يجرى على اوضه
داليا :- وقعت على السرير ونامت بسرعه رهيبه
~•~•~•~•~•~•~•~•~•~•~•~•~•
بااااااك
لو مكنتش خرجت من الاوضه عندها فى الوقت المناسب كان زمانى وسكت وقال اكيد فيه حاجه غلط ولازم اعرفها وقام لبس هدومه ونزل كانت دينا قاعده بتفطر قالت
دينا:- صباح الخير
ادهم :- صباح النور وقعد ومسك الجريده يقراه فيها
دينا :- افطر الاول طيب
ادهم :- مليش نفس
دينا :- طيب اطلب ليك القهوه
ادهم :- لاء هشربها فى الشركه النهارده اول يوم هنزل فيها من بعد اللى حصل واكيد محتاج وقت علشان أرجعها زى الاول من جديد بس قبل اى حاجه هروح للى اسمه تامر ده اعرف منه مين اللى دفع الفلوس وخرجنى
دينا :- كانت بتشرب مايه واول ما سمعت كلام أدهم شرقت وقعدت تكح
ادهم :- براحه وانتى بتشربى محدش بيجرى وراكى
دينا :- ح.ح.حاضر ه.ه.هو انت رايح لتامر دلوقتى
ادهم :- ايوه قبل ما اروح على الشركه هروح عليه هو الأول
دينا :- احم م.م.ماشى صح فين داليا
ادهم :- فى اوضتها فوق هتكون فين
دينا :- احم ماشى هبقى اطلع ليها الفطار فوق بقى
ادهم :- وقف وقال اعملى اللى تعمليه وعرفيها أن ابوها جاى النهارده ليها
دينا :- ماشى
ادهم :- سابها وخرج ركب عربيته وراح على القسم عند تامر
دينا :- طلعت تجرى على اوضتها ومسكت تليفونها طلبت رقم تامر وانتظرت الرد
تامر :- يا لههههههوى يا ناس مش مصدق نفسى معقول لحقت اوحشك
دينا :- وحش لما يلهفك يا بعيد ادينى فرصه اتكلم
تامر :- ايه فيه ايه
دينا :- ادهم جايلك حالا
تامر :- نهار اسوح ادهم جاى طيب ليه
دينا :- مصمم يعرف مين اللى دفع ليه الفلوس اشرب بقى يا حلو ربنا معاك
تامر :- ربنا على المفترى
دينا :- ههههههههههههه
تامر :- طيب ما تحدفى بوسه فى الهوا كده تقوينى على اللى انا داخل عليه
دينا :- اتلم يا قليل الادب
تامر :- امك اسمها رجب هههههههه
دينا :- تامر ايه اللى انت بتقوله ده
تامر :- ايه فيه ايه على الأقل اسم رجب احسن من اسم إنعام
دينا :- لاء انت شكلك مهيبر على الاخر
تامر :- ما ايه يا اختى
دينا :- تامر اقفل احسن انت شكل خبر أن أدهم جيلك جننك خلاص
تامر :- فشر وانا هخاف منه مثلا
وفى الوقت ده دخل العسكر وبلغ تامر أن أدهم بره وخرج
تامر :- اقفلى بسرعه اخوكى جه اخوكى جه وقفل السكه
دينا :- ضحكت وقالت الواضح فعلا انك مش خايف منه خالص وافتكرت داليا قالت نهار اسوح نسيت البت وطلعت تجرى نزلت علشان تجيب ليها الفطار لاقتها نزلت تحت قالت ليها صباح الخير
داليا :- صباح النور
دينا :- لسه كنت نازله اجيب الفطار ليكى فوق
داليا:- لاء على ايه يعنى
دينا :- ادهم موصينى عليكى اوى واه بيقولك أن ابوكى جاى ليكى النهارده
داليا :- بأستغراب جاى النهارده وهو عرف ازاى أن انا هنا اصلا
دينا :- تلاقى ادهم اللى قالوا
داليا :- ادهم اخوكى يهون عليه ينزل شويه من نفسه ويكلم بابا علشان يبلغه أن انا موجوده معاه هه قلبك ابيض
دينا :- ايوه وفيها ايه ادهم مش بعبع زى ما انتى شايفه ادهم طيب خالص ومش بيعدى الأصول على فكره
داليا :- شكلك بتتكلمى عن أدهم تانى غير اللى انا اعرفه
دينا :- فعلا انا بتكلم عن أدهم تانى انتى لسه مشوفتهوش ادهم الطيب الحنين اللى مستعد يحميكى بعمره كله ادهم اللى لو طلبتى عينيه هيديه ليكى ومش هيستخسرها فيكى ادهم ابو قلب طيب هو ده اللى انا بتكلم عليه
داليا :- بصوت واطى امم ومن هيشهد للعريس غير أخته
دينا :- بتقولى حاجه يا داليا
داليا :- ها ل.ل.لا ولا حاجه بقول ربنا يوعدنا ونشوف الوش ده
دينا :- قريب إن شاءالله
داليا :- عامله ايه مع تامر
دينا :- اهو مستنين موافقة ادهم على الجواز
داليا :- ده ابو قلب ابيض صح
دينا :- لسه عند كلامى ادهم ابو قلب ابيض
داليا :- وقفت وقالت هطلع اريح شويه فى اوضى علشان مصدعه
دينا :- هخلى الشغاله تجيب ليكى حباية صداع وتعملك واحد عصير وطلعه اوضك
داليا :- لالالا مش عايزه عصير بس خليها تجيب ليا حباية صداع وطلعت على اوضتها
دينا :- دخلت بلغت الشغاله وراحت تقعد فى الجنينه شويه
~•~•~•~•~•~•~•~•~•~•~•~•~•
فى الصعيد
وصل حمزه من الشغل فتح الباب ودخل شم ريحة اكل عرف أن ميرفت فى المطبخ دخل يتسحب وراح حضنها من وراه وبسها فى رقبتها
ميرفت :- اتخضت وقالت حرام عليك يا حمزه خضتنى
حمزه :- لفها ليه ولف أيده حاولين وسطها وبسها برقه على شفايفها وقال واحشتينى
ميرفت :- بكسوف وانت كمان
حمزه :- وانا كمان ايه
ميرفت :- واحشتنى
حمزه:- حضنها وقال بحبك اوى يا ميرفت عمرى ما فكرت نفسى هحب حد اوى كده انتى احلى صدفه فى حياتى على قد ما كنت زعلان أن جيت الصعيد على قد ما انا فرحان اوى أن انا جيت الصعيد دلوقتى علشان قابلتك فيها
ميرفت :- ربنا يخليك ليا
حمزه :- قرب من شفايفها ولسه هيبوسها
ميرفت :- زقته وقالت الاكل هيتحرق وراحت واقفت قصاد البوتجاز تقلب الاكل على النار
حمزه :- غمض عينه بغيظ وسابها وخرج من المطبخ
ميرفت :- بصت عليه وهو خارج وابتسمت بحب
حمزه :- بصوت عالى ميررررررررفت
ميرفت :- اتخضت وطلعت تجرى ودخلت الاوضه لاقت حمزه ماسك دهب فى أيده وبيبص ليه وهو متعصب
حمزه :- بصلها بعصبيه وقال ايه ده
ميرفت :- بأستغراب ايه ده مش فاهمه
حمزه :- بعصبيه بلاش تردى على سؤالى بسؤال
ميرفت :- والله مش عارفه ايه ده
حمزه :- ضحك بغيظ وقال ازاى مش عارفه الدهب فى دولابك بيعمل ايه ومش عارفه ايه ده
ميرفت :- معرفش بيعمل ايه هنا واول مره اشوفه دلوقتى
حمزه:- ده.الدهب اللى كان ابن خالك مبلغ عليه يا هانم شبكتك منه واللى انتى قولتى متعرفيش عنه حاجه وقولت أن اخوكى وامك هما اللى اخدوه.
ميرفت :- بدموع والله العظيم ما اعرف عنه حاجه واول مره اشوفه فى ايدك دلوقتى والله العظيم ما بكدب
حمزه :- ضحك بسخريه وقال جدعه عرفتى تضحكى عليا بجد استخدمتى براءة وشك الكدابه ورقتك المزيفه شابوه ليكى بجد ومسكها من شعرها وقال ضحكتى عليا ليه انطقى
ميرفت :- بدموع والله العظيم ما ضحكت عليك
معرفش مين اللى جاب الدهب ده وحطه هنا صدقنى يا حمزه انا مستحيل اعمل كده
حمزه :- كفايه كدب بقى كفايه وحدف الدهب فى الارض وزقها ومشى فتح الباب ونزل
ميرفت :- بصت عليه وهو ماشى ودموعها نزلت منها وقعدت تعيط
~•~•~•~•~•~•~•~•~•~•~•~•~•
فى اسكندريه
وصل أدهم القسم عند تامر ودخل قعد قصاده وحط رجل على رجل
تامر :- المكتب نور بوجودك يا ادهم باشا تشرب ايه
ادهم :- انا مش جاى اضايف انا جاى أسألك سؤال واحد وماشى
تامر :- احم ا.ا.اه طبعآ اتفضل أسأل
ادهم :- مين اللى دفع الفلوس علشان أخرج من هنا
تامر :- ها
ادهم :- ايه مسمعتش ولا مفهمتش السؤال
تامر :- احم ل.ل.لا سمعت وفهمت وهقولك ط.ط.طبعآ هقولك م.م
ما لازم اقولك وانت تعرف
ادهم :- ما تنطق
تامر :- مصطفى جوز امك
ادهم :- بعصبيه نعم
تامر :- اقصد جوز ام حضرتك
ادهم :- داس على سنانه وقال انا هعرفهم ازاى يعملوا كده
تامر :- اهدا بس يا باشا هما معملوش حاجه وحشه دول وقفه جنبك فى محنتك
ادهم :- اسكت انت متعرفش حاجه هما عملوا كده علشان يكسروا عينى بس انا هعرفهم مين أدهم الحناوى وقام وقف وخرج من المكتب عند تامر وهو متعصب
تامر :- ولعت والحمدالله المهم انا بعيد عن كل ده وقعد يشوف شغله
~•~•~•~•~•~•~•~•~•~•~•~•~•
فى المستشفى
فاقت جاسمين وحالتها اتحسنت بعد ما الدكاتره خيطوا ليها الجرح وعلقوا ليها محلول
مكرم :- كان قاعد على الكرسى جنبها ونايم
جاسمين :- صحيت من نومها بصت حاوليها لاقت مكرم نايم وهو قاعد على الكرسى دموعها نزلت منها واتمنت أن يكون مكانه أكرم ويقعد جنبها ويعتنى بيها وشويه ومسحت دموعها وقالت بصوت واطى مكرم يا مكرم
مكرم :- قام يجرى وهو مخضوض وقال فيكى حاجه تعبانه اجبلك الدكتور
جاسمين :- انا كويسه متقلقش بس فين الباقى
مكرم :- كلهم قاعدين بره مستنين انك تفوقى
جاسمين :- كلهم
مكرم :- فهم سؤالها قال بحزن لاء مش كلهم ماما وبابا وايه
جاسمين :- دموعها نزلت منها وقالت طيب واكرم مجاش
مكرم :- بزعل لاء بابا ضربه وطرده من الفيلا
جاسمين :- بخضه عمى ضربه طيب ليه
مكرم:- بزعل مش وقته يا جاسمين المهم دلوقتى صحتك بلاش تتعبى نفسك ولا تفكرى فى حد
جاسمين :- بس أكرم مش اى حد يا مكرم أكرم حب عمرى اللى عيشت حياتى كلها بتمناه
مكرم :- بس هو مش بيحبك ولا عمره ما هيحبك هو دلوقتى واحد متجوز وبيحب مراته ياريت تتمنى ليه السعاده فى حياته الجديده لو بتحبيه بجد بلاش تكونى سبب فى هدم حياته
جاسمين :- بس مش قادره استحمل اشوفه مع واحده غيرى يا مكرم
مكرم :- لا هتقدرى لما تعرفى أن هو هيكون سعيد ومبسوط حتى مع غيرك هتقدرى لما تحاولى تبصى حاوليكى وتدورى على حد بيحبك بجد هتقدرى فيه ناس عايشه نفس حالتك واكتر ومنتظره اللحظه اللى هتحسى بيهم بس بصى حاوليكى يا جاسمين وفى الوقت ده دخل منير ووفاء وايه ورجع مكرم لوراه
منير :- حبيبت عمك عامله ايه دلوقتى
جاسمين :- الحمدالله يا عمو
وفاء :- ليه تعملى كده فى نفسك يا حبيبتى مفيش اى حد فى الدنيا دى يستاهل تخسرى حياتك علشانه
جاسمين :- لاء يا طنط أكرم يستاهل عمرى كله
ايه :- فوقى يا جاسمين أكرم مش بيحبك هو بيحب مراته وسعيد معها دلوقتى بلاش تفكرى فيه علشان هو دلوقتى ملك غيرك
جاسمين :- بحبه يا ايه ومش قادره اتقبل فكرة أن هو بقى مع حد غيرى
مكرم.:- الكلام وجعه فتح الباب وخرج من الاوضه وهو حزين
الكل :- بص على الباب وبصه لبعض
منير :- جاسمين تتجوزى مكرم
جاسمين :- بصدمه ايه اللى انت بتقوله ده يا عمو لاء طبعآ مستحيل ده يحصل
منير :- صدقينى يا حبيبتى مش هتندمى عمرك لو وافقتى على مكرم مكرم راجل بجد وتعتمدى عليه وهو الوحيد اللى هيقدر يسعدك وينسيكى حب أكرم ده.
وفاء :- وافقى يا حبيبتى ومش هتندمى
ايه :- بصت ليهم بأستغراب وقالت انتو بتقولوا ايه ازاى هى بتحب أكرم وانتوا عايزين تجوزوها مكرم ازاى هتقدر تتقبل مكرم زوج ليها وهى بتحب اخوه ومكرم ازاى هيتقبلها زوجه ليه وهو عارف ومتأكد أن قلبها مع اخوه
منير :- مكرم بيحب جاسمين يا ايه وده واضح اوى من خوفه عليها ولهفته وحتى دلوقتى مستحملش يسمع كلامها على أكرم خرج وساب الاوضه
الكل اتصدم من كلام منير
جاسمين :- سرحت فى كلام مكرم ليها لما قال
فيه ناس عايشه نفس حالتك واكتر ومنتظره اللحظه اللى هتحسى بيهم بس بصى حاوليكى يا جاسمين
ايه :- يمكن حضرتك غلطان يا بابا ازاى مكرم هيحب جاسمين وهو متأكد انها بتحب اخوه
منير :- يا بنتى الحب ميعرفش كده هو قلبه اتعلق بيها زى ما جاسمين حبيت أكرم بالظبط وهى متأكده انه مش بيحبها
وفاء :- المهم بس تقوم لينا بالسلامه وتخرج من هنا وتبقى تفكر براحتها فى موضوع مكرم
منير :- قعد جنبها على السرير وضمها ليه وبسها وقال انا عارف ومتأكد أن حبيبت عمها هتسمع كلامه صح
جاسمين :- بصت لعمها وضحكت ليه بوجع وقالت اكيد يا عمو
~•~•~•~•~•~•~•~•~•~•~•~•~•
فى شقة فاطمه
كانت قاعده على سريرها ودموعها نازله منها ودخل ممدوح عليها وقال
ممدوح :- حبيبت قلبى قاعده لوحدها ليه
فاطمه :- بصت ليه ومردتش عليه
ممدوح :- قفل الباب وراح قعد جنبها على السرير وقال ممكن افهم بتعيطى ليه دلوقتى
فاطمه :- قلبى وجعنى اوى يا ممدوح حاسه بحاجات كتير اوى متلغبطه جوايا زعلانه منه وزعلانه عليه
ممدوح :- طيب ليه زعلانه منه وليه زعلانه عليه
فاطمه :- زعلانه منه علشان رغم أن هو بيحبنى كان بيعذبنى ومحاولش يقولى كان تملى يفهمنى انها لعبه وبسببه وصلنا للحاله اللى احنا فيها دى وكنا هنبقى سبب أن واحده تخسر حياتها امبارح وزعلانه عليه علشان اللى حصل فيه امبارح حسيت أن القلم اللى نزل علي وشه ده كأنه نزل على وشى انا حسيت بوجعه فى الكلام قلبى واجعنى عليه اوى لما ابوه طرده من الفيلا وهتجن واعرف هو عامل ايه دلوقتى هموت واسمع صوته واشوفه يا توحه
ممدوح :- قلبى الصغير لا يحتمل ما تهدى يا اختى على نفسك حد قالك انسحبى من لسانك واتكلمى وبعد كده تقعدى تعيطى شبه الاطفال
فاطمه :- اعمل ايه ما اتغظت لما شوفت بنت عمه منتحره علشانه
ممدوح :- ما تنتحر ولا تغور فى داهيه مش هو قال بيحبك انتى وعايزك انتى
فاطمه :- ضحكت وقالت اه
ممدوح :- وبقيتى خلاص مراته
فاطمه :- هييييييح اه
ممدوح :- يبقى اتنيلى على خيبتك واسكتى بقى ومتصدعيش امى كفايه وشى اللى اتشوه ده
فاطمه :- ههههههههه عايزه اقولك أن شكلك مسخره اقسم بالله
ممدوح :- شوفت يا اختى شكلى فى المرايا مبقيتش انفع ببصله خلاص كنت زينة شباب تونس بقيت فجلة شباب مصر
فاطمه :- هههههههههههههه الصراحه انت محصلتش جرجير حتى
ممدوح :- اشوف فيكى يوم انتى وحزمة الفجل أكرم وربطة البصل ادهم وداليا يارب زى ما انا اتبهدلت فى وسطكم يا بعده
فاطمه :- غمزت ليه وقالت بس ايه
ممدوح :- ايه انتى عندك مرض كلابى ولا ايه
فاطمه :- ايه النظام مع ايه
ممدوح :- ايه مين دى
فاطمه :- يا راجل مش عارف مين ايه دى مشهورررره اوى وغمزت ليه
ممدوح :- انا قلقان عليكى من المرض الكلابى ده اللى فى عينيكى متسكتيش على نفسك يا حبيبتى
فاطمه :- متستعبطش وتوهنى فى الكلام
ممدوح :- هى البت حلوه ودمها خفيف بس يعنى مش مواصفاتى اللى رسمها فى دماغى
فاطمه :- انت عبيط يالا وبعدين.انا لو منك بمنظرك ده مفكرش فى مواصفات أبدآ احمد ربنا لو جت ليك واحده شبه بدرية طلبه
ممدوح:- ليه يا بنتى كلها كام يوم وارجع وسيم زى الاول
فاطمه :- وسيم زى الاول هو انت كنت وسيم اصلا
ممدوح:- تصدقى انا ابن جزمه أن جيت أسأل عليكى وراح عند الباب وفتحه وقال طمطم
فاطمه :- هههههههه نعم
ممدوح:- على فكره ايه فيها شبه كبير اوى من نانسى عجرم وده من مواصفاتى لفتاة احلامى يعنى شغاله وخرج وسابها
فاطمه :- وربنا الولا ده وقع فى حبها هههههههه
وفى الوقت ده تليفونها رن بتبص لاقته أكرم فرحت وردت عليه بسرعه وقالت أكرم عامل ايه
أكرم :- بصوت مكسور الحمدالله يا فاطمه انتى عامله ايه
فاطمه :- انا الحمدالله بس شكلك مش كويس خالص
أكرم :- متشغليش بالك بيا انتى المهم خلى بالك على نفسك
فاطمه :- طيب انت قاعد فين دلوقتى
أكرم :- قاعد فى اوضه كده
فاطمه :- اوضه كده فين يعنى
أكرم :- قاعد فى اوتيل فلوسه بسيطه علشان فلوسى دفعتها كلها لادهم واللى معايا مش حمل فندق غالى
فاطمه :- بزعل لدرجاتى طيب تعال اقعد معانا
أكرم :- اقعد معاكم فين مينفعش طبعآ
فاطمه :- بابا والله مش هيقول حاجه تعال بس احسن ما اخليه هو اللى يكلمك وعندنا الأوضه اللى بينام فيها ممدوح اقعد معاه اليومين دول لحد ما يسافر واقعد فيها لواحدك
أكرم :- يا بنتى افهمى مش هينفع
فاطمه :- طيب ثوانى وخرجت من اوضتها وراحت عند ابوها وقالت ليه على أكرم واخد منها التليفون وقال
انور :- السلام عليكم
أكرم :- احم وعليكم السلام اذيك يا عمى
انور:- الحمدالله يا حبيبى فاطمه بتقول انك قاعد فى اوتيل
أكرم :- احم ايوه يا عمى
انور :- وده يا ابنى ينفع بيتنا مفتوح ليك يا حبيبى تعال اقعد مع ممدوح ابن اخويه فى الاوضه
أكرم :- ربنا يخليك يا عمى شكرآ يا عمى انا عارف انكم بيت كرم والله
انور :- وانت فاكر أن انا بعزم عليك ولا ايه انا بقولك تيجى مش عايز نص كلمه
أكرم.:- بس يا عمى
انور :- ها أنا قولت ايه مستنيك يلا سلام
فاطمه :- اخدت التليفون ودخلت اوضتها وقالت تستاهل فيها ايه لو كنت سمعت الكلمه من الاول
أكرم :- انا لو شوفتك هقطعك بسنانى
فاطمه :- هههههههه طيب يلا تعال بسرعه احسن بابا زعله وحش اوى باى وقفلت معاه وقعدت تنط من الفرحه وتقول يس يس
~•~•~•~•~•~•~•~•~•~•~•~•~•
فى بيت منتهى
لبست هدومها وفتحت الباب ولسه هتنزل ندهت عليها امها وقالت
ام منتهى :- منتهى
منتهى :- نعم يا ماما
ام منتهى :- ابوكى بيقولك مفيش شغل تانى
منتهى :- بصدمه ليه
ام منتهى :- اداكى فرصه أن اللى اسمه علاء ده يجى يتكلم وهو ولا هنا وابوكى قرر يوافق على عريس تانى متقدم ليكى
منتهى :- بدموع لالالا ارجوكى يا امى بلاش تعملوا كده وعلاء والله هيجى يتقدم بس مستنى يخلص شوية حاجات وراه وجاى والله جاى
ام منتهى :- انتى عارفه ابوكى لما بيقول كلمه مش بيرجع فيها وهو قال اقولك الكلام ده
منتهى :- طلعت تجرى عليها واترمت فى حضنها وعيطت وقالت كلميه يا ماما ابوس ايدك بلاش يعمل اللى هو هيعملوا ده يديه فرصه تانيه وهو جاى
ام منتهى :- على عينى يا بنتى بس ابوكى اخد القرار وصعب يرجع فيه
منتهى :- بعدت عنها وقالت والله العظيم لو عملتوا زى ما انتوا بتقولوا كده انا صعب اعيش مع اى حد غير علاء
ام منتهى :- يعنى ايه
منتهى :- يعنى يوم ما هبقى لغيره الموت هيكون اهون عندى وسابتها وطلعت تجرى على اوضتها
ام منتهى :- بصت على بنتها بقلق ودخلت اوضتها
~•~•~•~•~•~•~•~•~•~•~•~•~•
فى فيلا خالد الحناوى
فى اوضت فادى
كان نايم على سريره وتليفونه رن بيبص لاقه رقم ادهم رد عليه وقال
فادى :- ايوه يا ادهم
ادهم :- بعصبيه تعال ليا حالا على الشركه
فادى :- لاء مش عايز ادخل الشركه دى تانى يا ادهم
ادهم :- وانا بقولك عايزك حالا يا فادى وقفل السكه
فادى :- بص على التليفون بزعل وقام قعد واتنهد وحط التليفون جنبه وقام لبس هدومه واخد مفاتيحه وتليفونه ونزل لاقه أمه وابوه وسندس قاعدين بص ليهم ومشى من غير ولا كلمه
إنعام:- ده ماله ده بقاله فتره مش ظاهر ولما ظهر مشى علطول
خالد :- سيبك منه تلاقى حب واحده ولا حاجه وسابته
إنعام:- ماشى وبصت لسندس وقالت اطلعى على اوضك
سندس :- بس انا لسه باكل
إنعام:- عنك ما اكلتى اطلعى بقولك على اوضك
سندس :- قامت من على الاكل بزعل وطلعت اوضتها ومسكت تليفونها واتصلت بمؤمن
مؤمن :- ازيك يا سندس عامله ايه
سندس :- زهقانه ومخنوقه اوى يا مؤمن
مؤمن :- من ايه طيب
سندس :- الفيلا بقى جوها كئيب دينا راحت عاشت عند أبيه أدهم وابيه علاء علطول فى الشغل وفادى يا فى اوضه يا بيخرج وبابا علطول فى الشغل وماما علطول فى النادى ومش لاقيه حد اتكلم واقعد معاه خالص
مؤمن :- صعبت عليه سندس وقال طيب اقعدى ذاكرى
سندس :- مليش نفس اعمل اى حاجه
مؤمن :- امممم تحبى تخرجى
سندس :- أخرج فين
مؤمن :- لاى مكان تحبيه
سندس :- بفرحه تقصد انك انت اللى هتخرجنى
مؤمن :- ايوه ايه رأيك
سندس :- بفرحه موافقه طبعآ
مؤمن :- طيب اجهزى وتعالى فى شارع(……) هتلاقينى مستنيكى
سندس :- بفرحه هوا باى وقفلت معاه وقامت بفرحه لبست هدومها ونزلت وقالت انا خارجه
إنعام :- روحى
سندس :- بصت ليهم هما الاتنين ومشيت
خالد :- مش كنتى عرفتى رايحه فين
إنعام :- يعنى هتكون رايحه فين اكيد خارجه مع اصحابها
خالد :- بس برضه كنتى عرفتى سن بنتك ده خطر وممكن تتعرف على شاب ولا حاجه يضحك عليها
إنعام :- لاء طبعآ مستحيل سندس تعمل كده انا عارفه بنتى كويس
خالد :- انتى حره
إنعام :- المهم الشغاله كلمتك
خالد :- اه كلمتنى امبارح وبلغتنى برجوع مراته وقولتلها تعمل ايه معاهم
إنعام:- كنا نقصينها دى كمان
خالد :- كل حاجه هتخلص قريب اوى
إنعام :- ياريت احسن بدأت ازهق وافقد الامل
خالد :- لاء خليكى واثقه فيا المرادى
إنعام :- اكيد واثقه فيك
خالد :- ربنا يخليكى ليا يا حبيبتى
إنعام :- بصت ليه وضحكتله وكملت اكلها
~•~•~•~•~•~•~•~•~•~•~•~•~•
فى فيلا ادهم
وصل سعيد الفيلا ووصلته الشغاله عند اوضت داليا ونزلت وخبط سعيد على الباب
داليا :- قامت فتحت لاقته ابوها اترمت فى حضنه وقعدت تعيط
سعيد :- شششش أهدى يا حبيبتى
داليا :- شوفت الواطى الجبان ردنى غصب عنى
سعيد :- تعالى بس ودخل الاوضه ودخلت وراه داليا وقفلت الباب وقال ليها تعالى يا حبيبتى اقعدى جنبى
داليا:- قعدت وقالت انت اكيد جاى تطلقنى منه و تخدنى معاك صح
سعيد :- انتى اصلا مش على ذمته يا حبيبتى
داليا :- مش على ذمته ازاى يا بابا هو قالى أن هو ردنى وجبنى معاه على هنا
سعيد :- ده كلام قالوا ليكى كده إنما انتى مش على ذمته اصلا لأن انتى ملكيش عده لان هو مجاش جنبك اصلا ومجرد ما قال اليمين يبقى هو ميحلش ليكى تانى غير بعقد جديد لانه الطلاق فى الحاله دى ملهوش رده
داليا :- بصدمه يعنى هو مش جوزى دلوقتى
سعيد :- لاء
داليا :- يبقى يلا بينا يا بابا من هنا احنا قاعدين نعمل ايه هنا
سعيد :- اقعدى بس
داليا :- فيه ايه تانى يا بابا
سعيد :- ادهم استأذن منى أن هو هياخدك معاه ووعدنى مش هيجى جنبك غير لما يكتب عليكى النهارده
داليا :- بصدمه ايه
سعيد :- هفهمك امبارح انا جيت ليه هنا علشان صعبان عليا حالك تملى بتحاولى تضحكى قصادنا علشان تدارى وجعك بس لو ضحكتى على الناس كلها مش هتقدرى تضحكى عليا انا يا بنتى جيت اوضع حل معه لو عايزك يتجوزك لو مش عايزك يعرفنى وانا اقدر انسيكى وجعك بس اتفاجئت من رده ليا لما قال إن هو عايزك معاه واتأكد أن الكلمه دى طالعه من قلبه مش مجرد كلمه وخلاص بس طلب منى أن هو يخدك امبارح على أساس أن هو ردك ليه ووعدنى أن هو مش هيقرب ليكى واجى النهارده اكلمك واقنعك تتجوزيه من جديد وانا جيت اقولك اهو وافقى يا داليا ادهم محتاجك جنبه بجد
داليا :- وقفت وقالت يعنى خلتونى لعبه ما بين ايديكم ومستنين منى اقول حاضر موافقه وابقى شطوره واسمع الكلام مستحيل يا بابا ده يحصل مستحيل
سعيد :- ولو قولتلك علشان خاطرى
داليا :- ايه سر حبك.ليه ليه تملى تقف فى صفه حتى لو هو اللى جاى عليا ليه تملى احس انك بقيت تحبه اكتر منى ليه تملى احس ان هو أهم منى عندك
سعيد :- هههههه يا عبيطه مفيش حد مهم عندى اكتر منك انتى واخواتك انتو نور عيونى من جوه بس السبب اللى مخلينى متمسك بأدهم علشان مهما يعمل مش شايف فيه غير الجنب الكويس اللى فيه قادر اشوف الطيبه اللى فى قلبه وفوق كل ده قادر اشوف حبه ليكى فى عينيه وحاسس بيكى يا بنتى وحاسس بوجعك وانتى بعيده عنه عمرى ما هقدر اشوفك بتتعذبى ومقفش جنبك من واجبى كأب اقف جنبك فى وقت زى ده واقولك اشجعك على الصح وابعدك عن الغلط وانا لو شايف قربك من ادهم غلط كنت هبقى اول واحد هشجعك على البعد
داليا :- سكتت شويه وقالت مش انت عايزنى أوافق حاضر يا بابا هوافق
سعيد :- اتأكدى يا بنتى أن انا بعمل اللى فى مصلحتك تملى
داليا :- عارفه يا بابا عارفه
وفى الوقت ده وصل أدهم ومعاه المأذون والشهود وكتب الكتاب ومضت داليا وهى فى اوضتها من غير ما تنزل ومضت الشهود ومشوا والمأذون مشى
سعيد :- ادهم يا ابنى بلاش تخلينى اندم على الخطوه دى انا لو مكنتش متأكد من كلامك مكنتش هوافق ارجعلك بنتى أبدآ
ادهم:- متقلقش على بنتك
سعيد :- ربنا يسعدكم ويهنيكم يارب وسابه ومشى
ادهم :- قعد فى الجنينه واتنهد وبص على شباك داليا لاقها واقفه بتبص عليه واول ما شافته بص دخلت تجرى ابتسم وغمض عينه بوجع وقام دخل اوضه غير هدومه ونام على سريره وحط دراعه تحت راسه وقعد يبص على السقف بس بعد وقت اتفاجئ بباب اوضه اتفتح ودخلت عليه داليا وقفلت الباب وراها بصلها بأستغراب وقال داليا
داليا :- قربت على السرير وقعدت على حرفه وحطت راسها على صدره وقالت قاعد هنا لواحدك ليه
ادهم :- قام وقف وقال مالك شكلك مش طبيعى ليه
داليا :- قربت منه وقالت مالى ما انا كويسه اهو بس نار حبك مولعانى
ادهم:- بص ليها بأستغراب وقال انتى لونك اصفر كده ليه
داليا :- لفت دراعها حاولين رقابته وداست على شفتها اللى من تحت بسننها وقالت باللعكس ده جسمى ناااااار حتى شوف ومسكت أيده حطتها على صدرها
ادهم :- اتوتر وبعد أيده عنها ورجع لوراه وقال داليا روحى على اوضك
داليا :- قربت منه وقالت بقولك جسمى نار وانت الميه اللى هطفينى
ادهم :- اتنهد وقال بصوت عالى داليا بقولك روحى على اوضك
داليا :- نزلت الكاش مايوه اللى كانت لابسه فى الارض وقالت انا جاهزه ليك
ادهم :- غمض عينه وقال البسى هدومك يا داليا
داليا :- قربت منه وقالت مالك هو انا وحشه ولا ايه
ادهم :- اتوتر وضربها بالقلم وقال فوقى يا داليا فوقى
داليا :- مسحت الدم اللى نزل من بؤقها من ضربت ادهم ليها وقالت ههه اضربنى موتنى بس طفى نارى
ادهم :- مسكها من شعرها وقرب من شفايفها بسها بعنف ومره واحده بعدها عنه ومشى أيده على شعره وراح اخد قمصها من الأرض وراح لبسه ليها ومسكها من دراعها جرها وراه وخرج من اوضه وراح على اوضتها دخلها جوه الاوضه وقفل عليها الباب بالمفتاح
~•~•~•~•~•~•~•~•~•~•~•~•~•
فى الصعيد
كانت ميرفت قاعده على الكنبه ودموعها على خدها وضمه رجليها عند صدرها وعماله تعيط وسمعت صوت فى الشقه استغربت وقامت ومشيت بخوف وقالت
ميرفت :- م.م.مين ح.ح
حمزه ا.ا.انت جيت مين فى الشقه وقعدت تدور على مكان الصوت اللى سمعته ملاقتش حد فى الشقه اتنهدت براحه ومشيت ولسه بتلف اتفاجئت بأحمد ابن خالها اتخضت وقالت ا.ا انت انت دخلت هنا ازاى
احمد:- عيب عليكى يا بنت عمتى انتى عارفه ابن خالك مفيش حاجه بتصعب عليه
ميرفت :- و.و.وجاى ليه عايز منى ايه
احمد :- عايزك انتى يا بنت عمتى
ميرفت :- بس انا دلوقتى بقيت واحده متجوزه ومنفعش ليك
احمد :- تطلقى اكيد هو لما شاف الدهب عندك هيفكر انك خدعتيه وهيطلقك علطول
ميرفت :- دهب وانت عرفت بموضوع الدهب ده منين
احمد :- ههههههههه ما انا اللى حطته ههههههههه
ميرفت :- راحت عنده علشان تضربه وقالت اه يا واطى يا جبان انا مش هسيبك لحد ما يجى حمزه وتقول ليه الحقيقه
احمد :- مسكها كتفها بدراعه وقرب من رقابتها وبسها وقرب من ودنها وقال على ما يجى المحروس بتاعك هتكونى انتى مشيتى معايا
ميرفت :- حاولت تبعد عنه وقالت ابعد عنى يا حيوان انا مستحيل امشى من بيت جوزى
احمد :- لفها ليه وقال هتيجى معايا يا قلبى برضاكى أو غصب عنك وحاول يبوسها
ميرفت :- حاولت تبعد عنه وقعدت تزق فيه
احمد :- شالها وحطها على السرير ونام فوقيها وقعد يبوس فيها
ميرفت :- قعدت تصرخ وتزق فيه
احمد :- كتم نفسها بأيده وكمل اللى كان بيعملوا
ميرفت :- كانت بتحاول تدافع على نفسها وتزق فيه ودموعها نازله منها بس مره واحده سمعت صوت رصاص ودم نازل عليها من احمد جسمها كله اتنفض وبصت على المكان اللى طلع منه صوت الرصاص لاقت حمزه مدت أيده بالمسدس وموجهه لاحمد وحست مره واحده أن الدنيا بدأت تسود قصاد عينيها ومحستش بأى حاجه تانى
~•~•~•~•~•~•~•~•~•~•~•~•~•
بقلمى #دودومحمد