تمرد صحفيه بقلم {دودومحمد}

✍️⁩تمرد صحفيه⁦✍️⁩32

?الفصل الثانى وثلاثون?32

فى فيلا أكرم

روحت جاسمين الفيلا مع ايه ومكرم ووفاء ومنير ومن ساعة ما وصلت الفيلا وهى حابسه نفسها فى اوضتها مش بتخرج منها خالص وكانت تملى قاعده بتفكر فى أكرم ودموعها على خدها
وكانت قاعده بتكلم أهلها فى أمريكا وبتبلغهم برجوعها فى اقرب وقت ودخل منير عليها وسمع كلامها قفلت جاسمين السكه وبصت لعمها بوجع وقالت

جاسمين :- سورى يا عمو مش هقدر اتجوز مكرم وانا لسه بحب أكرم انا قررت ارجع تانى امريكا
منير :- ليه بس يا بنتى مكرم بيحبك وهيقدر ينسيكى حبك لأكرم
جاسمين :- يا عمو انا لو وافقت هكون بظلم مكرم معايا مش هقدر أسعده هيفضل عقلى وقلبى متعلقين بأكرم وهو عمره ما هيقدر ينسى أن انا بحب اخوه والشك هيبقى علطول موجود ما بينا
منير :- سكت شويه وقال خلاص يا بنتى اللى يريحك
جاسمين :- انا همشى على اخر الاسبوع ده علشان يكون الجرح لم بتاع ايدى
منير :- بلاش تقولى حاجه ليهم هناك
جاسمين :- اكيد يا عمو محدش هيعرف حاجه من اللى حصلت دى
منير :- ربنا يسعدك ويهنيكى يا بنتى يارب
جاسمين :- بكسره ربنا يخليك يا عمو
منير :- ياريت يا بنتى كان فى ايدى حاجه إنما كل شئ قسمه ونصيب
جاسمين :- عارفه يا عمو ومتزعلش من اللى حصل منى ده كانت لحظة ضعف
منير :- مش زعلان يا بنتى لأن مهما كان الإنسان ضعيف
جاسمين :- وحضرتك عارف ان انا مش هقدر اجى احضر فرح أكرم ابقه بارك ليه نيابة عنى وياريت يا عمو تسامحه وترجعه الفيلا تانى أكرم طيب وميستهلش يحصل فيه كده
منير :- حاضر يا حبيبتى قومى يلا علشان تاكلى
جاسمين :- مليش نفس كلوا انتو
منير :- هزعل منك يا جاسمين انتى من ساعة ما خرجتى من المستشفى ومش راضيه تنزلى تقعدى فى وسطنا ولا راضيه تاكلى
جاسمين :- مقدرش على زعلك يا عمو بس بجد مليش نفس للاكل والله
منير :- طيب علشان خاطرى تعالى انزلى معايا واقعدى كلى لقمه
جاسمين :- اتنهدت وقالت حاضر وقامت وقفت وخرجت مع عمها من الاوضه نزلت تأكل معاهم تحت
~•~•~•~•~•~•~•~•~•~•~•~•~•
عند الدكتور

كان الدكتور ماسك التحليل فى أيده وبيبص فيه وبعد وقت بص لداليا ودينا وقال

الدكتور :- زى ما قولت التحليل ظاهر أن فى مخدرات فى الدم ونوع المخدر اللى بتاخده بيسبب ليها هلوسه بعد ما بتاخده بربع ساعه بالكتير وينتهى مفعوله بعد وقت قصير بالنوم علطول
داليا :- بصت لدينا وبعد كده بصت لدكتور وقالت مستحيل يا دكتور اعمل كده وبعدين ما انا قدامك اهو طبيعيه كل الحكايه أن انا مليش نفس للاكل وتملى عندى صداع مذمن
الدكتور :- ما هو السبب فى قلة الاكل والصداع ده الحبوب اللى بتاخديها سده نفسك عن الاكل والصداع ده لان جسمك بيبقى محتاج نسبه اكتر واكبر من الحبوب دى فيسبب ليكى الصداع ده
دينا :- يا دكتور ليه مش وصله لحضرتك داليا مستحيل تعمل كده
الدكتور :- انا ليا التحليل اللى قدامى هو اللى بيثبت أن مدام داليا بتاخد حبوب مخدره
داليا :- طيب حضرتك انا متأكده من كلامى ومش باخد حاجه من دى ووقفت بعصبيه وقالت انا غلطانه أن سمعت كلامهم وجيت اكشف اصلا انتو يا دكاتره تملى تحبوا تكبروا الموضوع علشان تكسبوا من ورانا قال مخدرات قال وبصت لدكتور بقرف ومشيت
الدكتور :- بص لدينا وقال خدى بالك اللى هى عملته ده تحت تأثير المخدر وتملى المتعاطى بينكر أن هو بياخد مخدرات علشان محدش يعالجه من المخدر ده ياريت تروح مصحه تتعالج لأن المخدر بيمشى فى جسمها بسرعه رهيبه وحالتها هتسوء اكتر من كده بكتير
دينا :- حاضر يا دكتور شكرآ لحضرتك
الدكتور :- العفو اتفضلى حضرتك الروشته دى وحاولوا تمنعوها تخرج علشان متعرفش توصل للمخدرات بسهوله
دينا :- حاضر واسفه لحضرتك على اللى عملته داليا
الدكتور :- مفيش مشكله ربنا يشفيها
دينا :- وقفت سلمت عليه وخرجت نزلت عند داليا فى العربيه وقالت أهدى بس يا داليا
داليا :- بعصبيه اهدا ازاى انتى مسمعتيش الدكتور ده بيقول ايه بيقول أن انا بتعاطه مخدرات
دينا :- هو قال اللى شايفه قدامه فى التحليل يا داليا
داليا :- بعصبيه بقولك ايه بلاش تغظينى انتى كمان بكلامك وتقولى أن كلام الدكتور صح
دينا :- طيب أهدى بس يا ستى انتى اصدق بلاش العصبيه دى دلوقتى
داليا :- يووووووه بقى بتتعاملى معايا خلاص على أن انا مدمنه بجد وفتحت الباب ونزلت
دينا :- نزلت تجرى من العربيه وقالت يا بنتى انتى رايحه فين
داليا:- بعصبيه ملكيش دعوه ووقفت تاكسى ومشيت بيه
دينا :- طلعت تجرى وراها وتنادى عليها بس التاكسى مشى واختفه بصت بقلة حيله وقالت اعمل ايه دلوقتى وبعدين مسكت التليفون بتاعها واتصلت على ادهم اخوها وانتظرت الرد وبعد وقت رد عليها
ادهم :- عملتوا ايه
دينا :- داليا طلعت مدمنه يا ادهم
ادهم :- بصدمه ايه
دينا :- ايوه الدكتور عمل ليها تحليل والتحليل أكد الكلام ده وهى رافضه كلام الدكتور ولما جيت اكلمها سبتنى ومشيت ومعرفش راحت فين وخلى بالك هى مشيت وهى تحت تأثير المخدر دلوقتى
ادهم :- بعصبيه وازى تسبيها تمشى انتى غبيه
دينا :- اعمل ايه بس ملحقتهاش
ادهم :- بعصبيه اقفلى يا دينا هنزل انا ادور عليها وقفل السكه
دينا :- اتنهدت وقالت ربنا يستر وركبت العربيه بتاعتها ورجعت على الفيلا
~•~•~•~•~•~•~•~•~•~•~•~•~•
فى الصعيد

خرجت ميرفت من المستشفى وبصت حاوليها على حمزه ملاقتهوش دموعها نزلت منها ووقفت تاكسى وطلبت منه يوصلها لعنوان شقتها وركبته ومشى بيها التاكسى ووقف تحت بيتها وقالت ليه بكسوف

ميرفت :- انا اسفه
السواق :- اسفه على ايه يا بنتى
ميرفت :- بدموع مش معايا فلوس علشان اديك
السواق :- انزلى يا بنتى ربنا يصلح ليكى الأمور وتتحل مشاكلك
ميرفت :- بصت ليه بأستغراب وقالت انت عرفت ازاى أن انا فى مشاكل
السواق :- باين على لبسك علشان مقطعه وكنتى خارجه من المستشفى شكلك بيقول انك واقعه فى مشاكل
ميرفت :- بدموع مشاكل كبيره اوى ادعيلى من قلبك أن جوزى يوصل لحقيقه وميبعدش عنى
السواق :- ربنا يهديه وينور بصرته لحقيقه يا بنتى
ميرفت :- بصت ليه بدموع وشكرته ونزلت ولسه هتمشى
السواق :- يا بنتى
ميرفت :- بصت ليه من الشباك وقالت نعم
السواق :- لو احتاجتى اى حاجه عمك محسن تحت امرك وكتب ليها رقمه وقال انا زى ابوكى فى اى وقت اتصلى بيا
ميرفت :- اخدت الرقم وابتسمت ليه بوجع وقالت حاضر يا عم محسن
محسن :- اسمك ايه يا بنتى
ميرفت :- أسمى ميرفت
محسن :- عاشت الاسامى يا بنتى روحى ربنا يريح قلبك ويصلح ليكى الامور ومشى
ميرفت :- اتنهدت بوجع وبصت على العماره من بره ومشيت طلعت الشقه وخبطت على الباب بس محدش فتح ليها رنت الجرس برضه محدش فتح قالت لنفسها شكله مش موجود وراحت قعدت على السلم تستنا حمزه وهى قاعده عينيها راحت فى النوم وشويه وصحيت على صوت حمزه بيقولها
حمزه :- انتى يا هانم قومى
ميرفت :- فتحت عينيها ورفعت راسها وقالت انت جيت يا حمزه
حمزه :- بعصبيه انتى ايه خرجك من المستشفى لوحدك
ميرفت :- خرجت دورت عليك ملاقتكش ركبت تاكسى وجيت على هنا
حمزه :- مسكها من شعرها وقفها وقال حسك عينيك تخرجى لوحدك بعد كده فاهمه
ميرفت :- بدموع والم ح.ح.حاضر بس سيب شعرى بيوجعنى يا حمزه
حمزه:- وهو بيدوس على سنانه قرب وشه ليها وقال مهما تحسى بألم عمرك ما هتحسى بألم الجرح اللى جوايا منك وزقها بعيد عنه وراح فتح الباب وقال ادخلى
ميرفت :- بصت ليه بدموع ومشيت دخلت من غير ولا كلمه
حمزه :- دخل ورزع الباب وراه
ميرفت :- انتفضت من صوت رزعت الباب وغمضت عينيها بوجع
حمزه :- قعد على الكنبه وبصلها بقرف وقال البيت ده يتنضف من وسختك وفى نفس الوقت تعملى ليا الاكل
ميرفت :- بصت ليه بدموع ولسه هتتكلم
حمزه :- بزعيق انتى لسه هتبصى ليا اخلصى اعملى اللى قولتلك عليه انجرى يلا
ميرفت :- قالت ليه بأنكسار حاضر ودخلت غيرت هدومها وخرجت رتبت الشقه من اللى حصل فيها يوم الجريمه وشافت دم احمد على السرير رجعت لواره ودموعها نزلت منها وقعدت تهز راسها بمعنى لاء وطلعت تجرى من الاوضه وهى بتجرى خبطت فى حمزه وجت فى حضنه وقعدت تعيط
حمزه :- لما جت فى حضنه وقعدت تعيط صعبت عليه وقرب أيده ولسه هيضمها ويطبطب عليها افتكر منظرها على السرير مع احمد زقها بعيد عنه وسابها ومشى
ميرفت :- قعدت على الأرض وحطت ايديها على وشها وقعدت تعيط
~•~•~•~•~•~•~•~•~•~•~•~•~•
فى الاسكندريه

فى شركة أدهم الحناوى

قفل ادهم التليفون مع دينا بغيظ وقام من على الكرسى بتاع المكتب ولبس جاكت البدله واخد تليفونه ومفاتيحه ومشى عند الباب ولسه بيفتحه لاقى داليا واقفه قصاده بصلها بأستغراب وقال

ادهم :- داليا
داليا :- زقته دخلته المكتب ودخلت وراه وقفلت الباب بالمفتاح
ادهم :- بصلها بصدمه وبص على الباب وهى بتقفله بالمفتاح
داليا :- قربت منه وقالت بدلع كنت رايح فين يا شقى
ادهم :- كنت نازل ادور عليكى
داليا :- لفت دراعها حاولين رقبة ادهم وغمزت ليه وقالت ليه واحشتك
ادهم:- اتوتر وبعد ايد داليا عنه ورجع لواره وقال ممكن افهم بقى ايه موضوع المخدرات ده
داليا :- قربت ليه تانى ومشيت صوابعها على شفايف ادهم وقالت انت برضه هتصدق الكلام ده سيبك بس منه وركز معايا يا دومى
ادهم :- نفسه سرع ورجع لواره بتوتر وكانت الكنبه وراه وقع عليها
داليا :- قعدت جنبه على الكنبه وفتحت زرار القميص بتاعه ومشيت ايديها على صدره وقربت من شفايفه وحاولت تبوسه
ادهم :- قام وقف بتوتر واداها ضهره واتنهد ومشى أيده على راسه وقال فوقى بقى يا داليا فوقى
داليا :- قامت وقفت وراحت عنده وحضنته من ضهره وقالت ما انا فايقه اهو وحطت راسها على ضهره
ادهم :- بص على ايد داليا اللى محطوطه على بطنه وغمض عينه علشان يقدر يهدا شويه من الإحساس اللى عنده بس فى الوقت ده حس أن ايد داليا بتسيب شويه بشويه وراسها تقيله على ضهره عرف انها نامت مسك ايديها ولف ليها وشالها حطها على الكنبه وقعد قصادها على الأرض ومشى أيده على خدها وبقى يبص عليها من غير ولا كلمه وقرب من خدها وبسها بوسه رقيقه وقام قعد على مكتبه وقال لنفسه معقوله تكون داليا بتاخد مخدرات بجد مستحيل تعمل كده فيه حاجه غلط فى الموضوع ده ولازم اوصلها ومر الوقت وجه وقت الانصراف من الشغل شالها ونزل بيها حطها فى العربيه رجع بيها على الفيلا وطلع على اوضتها حطها على السرير وغطاها وخرج وقفل الباب وراه وطلب واحد قهوه ودخل على مكتبه
~•~•~•~•~•~•~•~•~•~•~•~•~•
فى بيت سعيد

فى اوضت مؤمن

مسك تليفونه واتصل على سندس وانتظر ردها
سندس :- بفرحه هاى
مؤمن :- عامله ايه
سندس :- مبسوطه اوى اوى من ساعة ما رجعت امبارح
مؤمن :- ربنا يقدرنى واخليكى فرحانه تملى
سندس :- مؤمن هو انا ممكن اسألك سؤال
مؤمن :- اه طبعآ أسألى
سندس :- هو يعنى فيه حد فى حياتك
مؤمن :- ههههههههههه
سندس :- بأستغراب بتضحك على ايه
مؤمن :- علشان السؤال ده كنت عايز أسأله ليكى
سندس :- بجد
مؤمن :- ايوه بجد
سندس :- انا لاء بس شكلها كده بدء يكون فيه وانت
مؤمن :- انا برضه لاء وشكلها كده بدأ يكون فيه انا كمان
سندس :- امممممم حد انا اعرفه
مؤمن :- اممممم حاجه زى كده
سندس :- طيب ما تقول على اسمها يمكن اعرفها
مؤمن :- لما تقوليلى انتى الأول على اسم اللى بدأ يدخل قلبك وانا اقول بعد منك
سندس :- بص مش هينفع اقولك اسمه بس هقولك على اول حرف منه
مؤمن :- ماشى قولى
سندس :- اول حرف منه ميم وفى نصه كمان ميم
مؤمن :- امممم محمد
سندس :- ميم يا مؤمن ميم
مؤمن :- ممدوح
سندس :- يا نهار اسوح عليا بقولك ميم يا مؤمن
مؤمن :- غلب حمارى بقى
سندس :- انا هتشل منك بجد بص قول انت اسم البنت اللى بدأت تحبها طيب
مؤمن :- هقولك اول حرف منها
سندس :- اوك قول
مؤمن :- اول حرف منها سين
سندس :- امممممم سما
مؤمن :- لاء غلط فكرى شويه
سندس :- سماح
مؤمن :- لاء فكرى شويه يا سندس
سندس :- فكرى شويه يا سندس امممممم عرفتها
مؤمن :- بأبتسامه طيب قولى
سندس :- سمر صح
مؤمن :- سندس متستعبطيش
سندس :- بضحك الا يعنى انت كمان مش بتستعبط
مؤمن :- ههههههههههه لاء بجد عرفتيها مين
سندس :- بكسوف احم ا.ا.ايوه وانت عرفته مين
مؤمن :- هههههههه ايوه وربنا يقدرنى وابقه قد الثقه دى يا سندس واقدر اعوضك لو شئ صغير من اللى مفتقداه فى حياتك مع أهلك
سندس :- تعرف يا مؤمن انا امبارح وانا معاك حسيت انك كل اهلى نسيت الدنيا دى كلها مكنتش عايزه الوقت يمشى بس للاسف كالعاده الوقت الحلو بيجرى بسرعه
مؤمن :- أن شاءالله ايامنا الجايه كلها تكون حلوه ونحقق ذاتنا واجى اتقدملك بعد ما نتخرج بإذن الله
سندس :- أن شاءالله
مؤمن :- روحى بقى ذاكرى شويه انا عايزك السنادى غير اى سنه فاتت مفهوم
سندس :- بحب حاضر باى
مؤمن :- باى وقفل معاها واتنهد وقال ربنا يقدرنى واقدر اسعدك يا سندس وفتح الكتاب وقعد يذاكر فيه
~•~•~•~•~•~•~•~•~•~•~•~•~•
فى فيلا خالد الحناوى

فى اوضت فادى

كان قاعد على سريره وبيفتكر كلام أدهم ليه

فلاش باااك

دخل فادى المكتب عند ادهم وهو حزين وقال

فادى :- ايوه يا ادهم
ادهم :- ممكن افهم فيه ايه حضرتك مش بتنزل الشغل ليه
فادى :- انا قولتلك يا ادهم مش عايز انزل الشغل تانى
ادهم :- رجع لوراه على الكرسى وربع ايديه على صدره وقال والسبب
فادى :- قعد على الكرسى وقال لأسباب تخصنى ومش حابب اقولها
ادهم :- رفع حواجبه وقال والشغل مش لعبه وتحت مزاجك وقت ما تحب تنزل تنزل ووقت ما تحب تقعد تقعد لا انت فاهم غلط فيه عقد وفيه شرط جزائى يعنى حضرتك ملزوم تنزل مش بمزاجك لاء غصب عنك
فادى :- مش هيتلوى دراعى يا ادهم اللى عندك اعمله انا ماشى ومشى لحد الباب
ادهم :- هى رودينا فين يا فادى
فادى :- وقف مكانه لما سمع اسم رودينا وبص لادهم وقال سابت الشغل
ادهم :- وقف وراح عنده وقال سابت الشغل ولا انت اللى مشيتها
فادى :- بصدمه ها
ادهم :- خبط على كتفه وقال اوعى تكون مفكر أن انا نايم على ودانى تبقى اهبل ومتعرفش اخوك كويس
فادى :- ا.ا.انا مش فاهم قصدك ايه
ادهم :- تعال اقعد وانا هقولك
فادى :- راح قعد على الكرسى وقال فهمنى بقى تقصد ايه
ادهم :- قعد على الكرسى وشغل الشاشه بتاعة المكتب وقال شوف كده
فادى :- بص على الشاشه واتفاجئ برودينا وهى بتصور المستندات وبتكلم حد بس مكانش فيه صوت كان صوره بس وبعد كده بعتت الملفات دى لحد ودخل عليها فادى وقعدوا يتكلموا شويه وخرجوا من المكتب
ادهم :- طفى الشاشه وبص لفادى وقال ايه رأيك
فادى :-بصدمه انت عرفت
ادهم :- مفيش حاجه اخوك مش بيعرفها انا ادهم الحناوى
فادى :- ولما انت عرفت ليه ساكت عليها لحد دلوقتى
ادهم :- علشان اللى زى رودينا دى ضعيفه لعبه يتلعب بيها مش اكتر ودى متشغلنيش انا اللى يشغلنى اللى وراها اللى بيدوس على الزرار ويشغلها
فادى :- بتوتر و.و.وانت عرفت مين اللى وراها
ادهم :- لاء بس هعرف قريب اوى
فادى :- وليه بتقولى انا الكلام ده بالذات
ادهم :- علشان انت بتحبها يا فادى
فادى :- بصدمه انا
ادهم :- ايوه انت يا فادى بتحبها من اول مره شوفتها فيها واتأكد انا من الكلام ده ساعة ما جيت تتوسط ليها عندى علشان تشتغل معانا فى الشركه انا كان ممكن ارفض بس وافقة علشانك انت
فادى :- وقف وقال لاء غلطان مفيش حاجه من اللى انت بتقول عليها دى
ادهم :- وقف وراح عنده وخبط على كتفه وقال متحاولش تنكر لأن انا متأكد من الكلام اللى بقوله ليك
فادى :- بص لادهم وقال افرض يعنى بحبها تفتكر بعد اللى حصل منها ده هفكر فيها تانى
ادهم :- ايوه هتفكر فيها تانى وتالت ورابع ومش برضاك لاء غصب عنك
فادى :- لاء طبعآ مستحيل افكر فيها بعد اللى هى عملته
ادهم :- انت حتى وانت بتتكلم عنها عينيك فضحاك
فادى :- بص الاتجاه التانى ومردش عليه
ادهم :- انا رجعت الشغل تانى مع شركة ابوها
فادى :- بصدمه ايه بتقول ايه
ادهم :- زى ما سمعت كده
فادى :- وليه تعمل كده يا ادهم
ادهم :- لان انا قولتلك البنت متشغلش بالى بحاجه وهعرف اوصل مين اللى وراها بطريقتى ومش هرحمه
فادى :- يعنى انت رجعت الشغل معاهم علشان تعرف منها مين اللى وراها
ادهم :- لاء رجعتها علشانك انت يا فادى ومش هعرف منها هى انا هعرف بطريقتى الخاصه بعيد عنها
فادى :- بس انا مش عايز كده انا قطعت خلاص علاقتى بيها يا ادهم
ادهم :- انا مش هاخد كلامك ده بجد عارف ليه علشان انا اللى مربيك وبعرف ايه جواك من غير ما تتكلم حتى لو انت أنكرت ده امشى يا فادى واعمل حسابك من بكره هتنزل الشغل
فادى :- يا ادهم اسمعنى
ادهم :- كلمه واحده يا فادى امشى دلوقتى وبكره تنزل الشغل
فادى :- بص لأخوه بصه طويله ومشى وسابه
~•~•~•~•~•~•~•~•~•~•~•~•~•
بااااااك

اتنهد فادى بوجع وقال

فادى :- ليه تعمل فيا كده يا ادهم ليه هتعذبنى وتخلينى اتقابل معاها من تانى كنت بحاول انساها وأخرجها من قلبى وقام قعد على سريره وقال فى ايدك انت القرار يا فادى تقدر تتجاهل وجودها تتقدر تبعد عن اى مكان تكون موجوده فيه اللى زى دى صعب اديها الامان من تانى وقام دخل الحمام اخد شاور واتوضه وخرج لبس هدومه واده فرضه واخد تليفونه ومفاتيحه ونزل لاقه أمه وابوه قاعدين على السفره بصلهم بغيظ ومشى وسابهم راح على شركة أدهم
إنعام :- انا مش عارفه الولد ده ماله اليومين دول
خالد :- سبيه براحته يومين ويرجع تانى لطبيعته
إنعام :- طيب عملت ايه مع المخفى ابنك
خالد :- الخدامه بتقولى أن هى بتحط للاتنين بس مفعول المخدر اشتغل مع مراته بس ولسه معملش حاجه مع ادهم وعلى كده بتزود ليه الجرعه فى القهوه
إنعام :- طيب ما تخلى الخدامه دى تغير نوع المخدر ده يمكن مش جايب نتيجه مع ابنك
خالد :- بس جايب نتيجه مع مراته
إنعام :- مش مهم نخلص الاول من مراته دى وبعد كده نبقى نخلص منه علشان ميبقاش فيه حد يوقف فى سكتنا
خالد :- ما انا قولت كده نخلص من الاتنين فى وقت واحد علشان ميبقاش فيه حد يتكلم معانا ولا يكتشف حاجه من اللى بنعملوها
إنعام.:- هوف بقى ربنا يخلصنا منهم
خالد :- قريب إن شاءالله وكملوا اكلهم
~•~•~•~•~•~•~•~•~•~•~•~•~•
فى فيلا ادهم الحناوى

فى اوضت دينا

كانت قاعده على السرير بتاعها بتتكلم مع تامر فى التليفون

دينا :- انا خايفه عليها اوى يا تامر
تامر :- بزعل مستحيل داليا تعمل كده اكيد فيه حاجه غلط
دينا :- تقصد ايه
تامر :- يعنى اكيد حد ليه يد فى كده
دينا :- يعنى تقصد أن فيه حد بيحط ليها المخدر ده فى حاجه
تامر :- ايوه
دينا :- ومين هيعمل كده وهيعمل كده ليه
تامر :- ما هو ده اللى عايز اعرفه المهم دلوقتى هى رجعت
دينا :- راحت الشركه عند ادهم وهو جابها معاه وهو جاى
تامر :- انا هبقى اكلم ادهم اخوكى فى الموضوع ده
دينا :- لالالا اوعى هيسألك عرفت منين وهيعرف اننا بنكلم بعض
تامر :- خلاص هشوف طريقه انا اوصل بيها لادهم واعرف منه
دينا :- تامر ابوس ايدك خد بالك ليعرف أننا بنكلم بعض
تامر :- أهدى يا دينا قولتلك متخافيش
دينا :- ماشى وسكتت شويه وسمعت صوت داليا بتصرخ قالت بخضه ايه ده فيه ايه يا ساتر يارب اقفل يا تامر بسرعه وقفلت السكه وطلعت تجرى من اوضتها فى نفس الوقت اللى خرج ادهم من اوضه قالت فيه ايه يا ادهم
ادهم :- معرفش تعالى نشوف فيه ايه بسرعه وطلعوا يجروا على اوضة داليا وفتح ادهم الباب اتفاجئ أن داليا مكسره كل اللى فى الاوضه
دينا :- بصدمه داليا مالك يا داليا
داليا :- بصويت محدش يقرب منى واخدت حتة ازاز من الارض وقالت اللى هيقرب منى هعوره
دينا :- طيب قولى مالك طيب
داليا :- محدش يتكلم معايا واوعو من سكتى خلونى أخرج
ادهم :- مفيش خروج يا داليا
داليا:- سبونى أخرج بقولكم وقربت الازازه من ايديها وقالت هموت نفسى وربنا
دينا :- بدموع الحق يا ادهم اتصرف
ادهم :- دخل وحاول يقرب لداليا
داليا :- لو فكرت تقرب هموت نفسى
ادهم :- أرمى اللى فى ايدك دى وانا هنفذ ليكى اللى انتى عايزاه
داليا :- لاء مش هسيبها غير لما أخرج من هنا
دينا :- طيب انتى عايزه تخرجى فين وليه
داليا :- محدش ليه دعوه
دينا :- حاولت تشغل داليا بالكلام علشان أدهم يعرف يمسكها ومره واحده ادهم شد داليا من ايديها وقع الازازه فى الارض وضمها فى حضنه
داليا :- وهى بتضربه فى صدره ابعد عنى يا حيوان انا بكرهك سبنى أخرج من هنا
ادهم :- كان محكم دراعه على داليا وضممها فى حضنه جامد وبص لدينا وقال اتصلى بالدكتور حالا
دينا :- ح.ح.حاضر وطلعت تجرى تتصل بالدكتور
داليا :- وهى بتصرخ وبتضرب فيه ابعد عنى بقولك سبنى أخرج من هنا بسرعه ابعد عنى ارجوك
ادهم :- ضمها اكتر فى حضنه وقعد يطبطب عليها وبعد شويه جت دينا ومعاها الدكتور
الدكتور :- ممكن تخرجوا بره
ادهم :- اطلعى بره انتى يا دينا
الدكتور :- وحضرتك كمان
ادهم :- وهو بيدوس على سنانه دى مرات
الدكتور :- بخوف م.م.ماشى خليك انت مع مراتك وخرجت دينا وحاول ادهم يسيطر على داليا وشالها حطها على السرير وثبتها مكانها
داليا :- ابعدوا عنى سبونى بقولكم سبونى وحاولت تقوم من على السرير
الدكتور :- خرج حقنه وبص لادهم وقال ممكن تمسكها كويس علشان اديها الحقنه المهدئه دى
داليا :- مش عايزه حقن سبونى أخرج ابوس ايديكم
ادهم :- ثبتها كويس اوى
الدكتور :- أداها الحقنه
داليا :- وهى بتروح فى النوم س.ب.و.ن.ى ونامت
ادهم :- خير يا دكتور
الدكتور :- المدام مدمنه ودى الأعراض بتاعة المخدرات ولازم تدخل مصحه علشان تتعالج علشان المريض فى الحاله دى ممكن يعمل اى حاجه علشان يوصل للمخدرات علشان يريح جسمه
ادهم :- مينفعش تتعالج منه هنا
الدكتور :- للاسف لاء لازم تدخل مصحه
ادهم :- تمام شوف انت اللازم وانا هجبها الصبح واكون عندك
الدكتور :- تمام انا هجهز ليها الاوضه اللى هتقعد فيها
ادهم :- وانا مش هسيبها هقعد معاها
الدكتور :- للاسف مش هينفع حضرتك اول الايام هيتمنع منها الزياره نهائى لانها هتكون فى فترة انسحاب المخدرات من جسمها وده بيدخلها فى حاله ممكن تأذى اللى قدامها
ادهم :- مش مهم تأذينى بس مش هسيبها
الدكتور :- صدقنى حضرتك مش هينفع واكيد هيكون ليك دور كبير معانا بس مش فى اول الايام
ادهم :- بص على داليا ورجع بص لدكتور وقال ماشى وطلع فلوس من جيبه ومد أيده بيهم لدكتور وقال شكرآ
الدكتور :- العفو وان شاءالله منتظر حضرتك بكره فى المصحه وفتح الباب ومشى
دينا :- دخلت وقالت ها قالك ايه
ادهم :- نفس كلام الدكتور التانى اللى قالوا ليكم من بكره هتدخل مصحه
دينا :- بصت على داليا وقالت انا هتجن مش معقول داليا تعمل كده يا ادهم
ادهم :- عارف ومتأكد ومش هسكت غير لما اعرف ايه الحكايه
دينا :- ربنا معاك
ادهم :- حضرى ليها شنطة هدوم علشان الصبح
دينا :- حاضر وراحت جابت الشنطه وفتحت الدولاب وبدأت ترص الهدوم فى الشنطه
ادهم :- قعد جنب داليا وقعد يبص ليها ومشى أيده على شعرها بس حس أن جسمه بيتخدر وقف وقال بتعب دينا انا رايح اوضه خلى بالك من داليا وخليكى جنبها
دينا :- انت كويس يا ادهم؟ شكلك تعبان
ادهم :- انا كويس وسبها ودخل على اوضه حدف نفسه على السرير بتاعه بتعب ومسك معدته وقام جرى دخل الحمام وقعد يرجع وخرج بصعوبه وهو مش قادر يوقف على رجله وحدف نفسه على السرير
~•~•~•~•~•~•~•~•~•~•~•~•~•
فى بيت فاطمه

كانت فاطمه واقفه بتغسل المواعين فى المطبخ ومش حاسه بحاجه وفاجئه حست بأيد بتلف حاولين وسطها اتخضت ورجعت لوراه ووقعت فى حضن اكرم وقالت

فاطمه :- هو انت حرام عليك خضتنى
أكرم :- يقطعنى
فاطمه :- بخوف بعد الشر
أكرم :- خايفه عليا
فاطمه :- انتبهت لنفسها انها فى حضنه زقته وبعدت عنه وقالت احم ا.ا.انت جاى هنا تعمل ايه
أكرم :- جاي ليكى يا قلبى واحشتينى
ممدوح :- وحش لما يلهفك يا بعيد انت اختصاص حلل ومطابخ يا ابنى علطول كده قفشك مع البت وسط الحلل
أكرم :- اللعن ابو شكلك انت بتطلعلى منين بس
ممدوح :- من الفانوس السحرى يا مصطفى ههههه
اكرم:- يخربيت ده ام دم
ممدوح :- امشى قدامى يا حليوه انت يا ابو عيون ملونه
أكرم :- عارف لو يسألونى ايه الامنيه اللى بتتمناها هقولهم.ايه
ممدوح :- بأبتسامة استفزاز ايه
أكرم :- ان ربنا يخدك
ممدوح:- كده برضه يا كرومتى اهون عليك
فاطمه :- متابعه اللى بيحصل ده ومسكه ضحكتها بالعافيه
أكرم :- رخامت الدنيا دى كلها اتوفرت فيك انت يا اخى ربنا يقرب البعيد واخد مراتى واغور من وشك وسابه ومشى
ممدوح :- ايه رأيك هطلعلك عينه
فاطمه :- ههههههههههههه مش قادره هموووووت
أكرم :- رجع وقال موته تشيله امشى قدامى ايه موقفك عندك فى المطبخ
ممدوح :- اصل الدكتور قالى اقف فى حته فيها طراوه
أكرم :- بص لفاطمه وقال ايه ده ماشاءالله دى الكلمه دى عندكم بالوراثه فى العيله
فاطمه :- هههههههههه مش دم واحد بقى
أكرم :- دم ايه يا اختى اش جاب الدم العسل لدم السم ده
فاطمه :- اتكسفت وبصت فى الارض
ممدوح :- هيييييح طيب اجبلكم شجره واتنين ليمون
أكرم :- يا ابنى هو انت مش وراك غيرنا
ممدوح :- طبعآ ورايا
أكرم :- طيب ما تغور بقى شوف اللى وراك
ممدوح :- اهو فيه بوتاجاز وفيه دولاب مطبخ وفيه بتاع كده مش عارفه اسمه ايه
فاطمه :- التربوه
ممدوح :- ايه يا اختى
فاطمه :- سبت البصل يا ممدوح فهمت كده
ممدوح :- ايوه كده خلينا فى الكلام الشعبى شوفت بقى يا اخ أكرم أن ورايا حاجات كتيره ازاى
أكرم :- بص ليهم الاتنين بغيظ وقال اضرب نفسى بالسكينه واخلص منك يا اخى
فاطمه :- لالالا اوعى يا اكرم
أكرم :- ابتسم وقال خايفه عليا
فاطمه :- لاء طبعآ انا خايفه الدم يبهدل الدنيا وانا لسه مسحه
أكرم :- احلفى
ممدوح :- يالهووووووووتى على الكسفه السوده دى يا توحه
أكرم :- ماشى يا فاطمه وخرج من المطبخ بغيظ وراح عند ابو فاطمه وطلب منه أن هو ياخد فاطمه ويخرج ووافق ودخل بلغها ودخلت فاطمه تجهز نفسها
ممدوح :- وانا كمان الحق اجهز نفسى
أكرم :- تجهز نفسك لايه
ممدوح :- علشان أخرج معاكم
أكرم :- والله ليه بقى أن شاءالله هتخرج معانا محرم ولا حاجه
ممدوح:- وانت عايز اسيب بنت عمى تخرج معاك لوحدها وانت وحش كاسر
أكرم :- انا عايز افكرك بس أن بنت عمك دى دلوقتى مراتى
ممدوح :- ولو برضه هروح معاكم يعنى هروح معاكم ودخل يجهز نفسه
أكرم :- يا ربى على المصيبه السوده دى بس اعمل فى أمه ايه وخرج من المطبخ وهو متغاظ
~•~•~•~•~•~•~•~•~•~•~•~•~•
بقلمى #دودومحمد